ស្នេហ៍អមតៈ

Wednesday, December 25, 2013

មន្ត្រីគណបក្សប្រឆាំង៖ កម្មករជិត៥ម៉ឺននាក់ នឹងដង្ហែជាក្បួនជាមួយគណបក្សសង្គ្រោះជាតិ

មន្ត្រីគណបក្សសង្គ្រោះជាតិ ឲ្យដឹងថា កម្មករប្រមាណជា៥ម៉ឺននាក់ នឹងចូលរួមជាមួយគណបក្សប្រឆាំងនៅរសៀលថ្ងៃពុធនេះ ដើម្បីទាមទារការដំឡើងប្រាក់ឈ្នួលរហូតដល់១៦០ដុល្លារ។

កម្មករ កំពុងតែប្រមូលផ្តុំគ្នានៅខាងមុខរោងចក្រ និងទីលានប្រជាធិបតេយ្យ ដើម្បីជំរុញរដ្ឋាភិបាលក្នុងការដំឡើងប្រាក់ឈ្នួល។ការតវ៉ានេះ កើតឡើងមួយថ្ងៃបន្ទាប់ពីក្រសួងការងារ បានសម្រេចដំឡើងប្រាក់ឈ្នួលដល់កម្មកររោងចក្រកាត់ដេរក្នុងរយៈ១ ឆ្នាំៗ ចាប់ពី១៥ដុល្លារ ដល់១៧ដុល្លារ ក្នុងរយៈពេល៥ឆ្នាំ ចាប់ពីឆ្នាំ២០១៤ដល់ឆ្នាំ២០១៨។ សេចក្ដីសម្រេចនេះបានបូកជាមួយប្រាក់ខែគោលមានស្រាប់ចំនួន៨០ដុល្លារ នៅឆ្នាំ២០១៤នេះ ដែលធ្វើឲ្យកម្មករអាចទទួលបានប្រាក់ខែគោលចំនួន៩៥ដុល្លារ ហើយរហូតដល់ឆ្នាំ២០១៨ ទើបកម្មករទទួលបានប្រាក់ខែគោល១៦០ដុល្លារ។ ប៉ុន្តែសេចក្ដីសម្រេចនេះ បានធ្វើឲ្យមេដឹកនាំសហជីពមួយចំនួនសម្ដែងការខកចិត្ត ហើយព្រមានធ្វើការតវ៉ា។

អនុប្រធានគណៈកម្មាធិការវិន័យគណបក្ស សង្គ្រោះជាតិ លោក ហូរ វ៉ាន់ ប្រកាសប្រាប់កម្មករនៅទីលានប្រជាធិបតេយ្យថា កម្មករជិត៥ម៉ឺននាក់ នឹងចូលរួមដង្ហែជាមួយគណបក្សសង្គ្រោះជាតិ។ លោកបន្តថា កម្មករ កំពុងដង្ហែមកកាន់ទីលានប្រជាធិបតេយ្យ។

យោងសេចក្ដីជូនដំណឺងរបស់គណបក្ស សង្គ្រោះជាតិ ដែលមានការបង្ហាញផែនទីតម្រាយផ្លូវហែក្បួន សម្រាប់ថ្ងៃពុធនេះ ឲ្យដឹងថា ក្បួននឹងហែចេញពីទីលានប្រជាធិបតេយ្យ តាមផ្លូវ៦១ រហូតដល់ផ្លូវ៤៧ បត់ឆ្វេងឆ្ពោះទៅរង្វង់មូលស្តាតចាស់ (គល់ស្ពាន់ជ្រោយចង្វា) រួចបត់ឡើងស្ពានជ្រោយចង្វារ តាមផ្លូវជាតិលេខ ៦អា រហូតដល់វត្តគៀនឃ្លាំង បត់ស្តាំដល់ផ្លូវលំ បត់ឆ្វេងតាមផ្លូវមាត់ទន្លេ រហូតដល់វត្តវារិន្ទ (វត្តព្រែកលៀប) បត់ឆ្វេងដល់ផ្លូវជាតិលេខ៦អា បត់ឆ្វេង រហូតល់ស្ពានជ្រោយចង្វាវិញ បត់តាមរង្វង់មូលស្តាតចាស់ ចូលមហាវិថីព្រះមុនីវង្ស ដល់កែងផ្លូវ ១០៨ បត់ឆ្វេងចូលទីលានប្រជាធិបតេយ្យវិញ៕

សរសេរមកកាន់ លោក ញឹម សុខន តាមរយៈsokhorn@vodhotnews.com

រូបថតឧកញ៉ា គិត ម៉េង និងស្រីតូចចំណាន

រូបថតដែលគេរូបក្រុមគ្រួសារឧកញ៉ា គិត ម៉េង ស្រីតូចចំណាន ដែលសាធារណជនភាគច្រើនមិនសូវបានឃើញ។

ភ្នំពេញ (២៥ ធ្នូ ២០១៣)៖ រូបថតឯកជនដ៏កម្ររបស់លោកឧកញ៉ា គិត ម៉េង ប្រធានក្រុមហ៊ុន Royal Group និងជាអ្នកមានភាគហ៊ុននៅក្នុងធនាគារ A&Z របស់ប្រទេសអូស្រ្តាលីផងនោះ ត្រូវបានគេបង្ហោះជាសាធារណៈនៅក្នុងហ្វេសប៊ុក។
រូបថតនោះត្រូវបានលោក Muny Chan សរសេរថា “រូបថតក្រុមគ្រួសារឧកញ៉ា គិត ម៉េង ស្រីតូចចំណាន ដែលសាធារណជនភាគច្រើនមិនសូវបាននឃើញ”។
នៅក្នុងរូបថតនេះដែលមើលទៅដូចជានៅក្នុងយន្តហោះពិសេស គឺមានលោក គិត ម៉េង និងអតីតតាចម្រៀង ស្រី តូចចំណាន ដែលគេអះអាងថាជាភរិយា ព្រមទាំងកូនក្មេងប្រុសស្រីចំនួន៤នាក់ដែលទំនងជាកូនៗរបស់អ្នកទាំង ពីរ។
ជាទូទៅ សាធារណជនបានដឹងថា លោកឧកញ៉ាវ័យក្មេងរូបនេះ ដែលជាប្រធានសភាពាណិជ្ជកម្មកម្ពុជា និងប្រធានទូរទស្សន៍ CNT ទូរទស្សន៍ CNC និងទូរទស្សន៍ My TV ផងនោះបានស្រីតូចចំណាន ជាភរិយា តែសាធារណជនមិនដែលបានឃើញរូបថតពិធីរៀបការតាមប្រពៃណីខ្មែរឡើយ។
អ្នកលេងហ្វេសប៊ុកម្នាក់ដែលដាក់ឈ្មោះថា Mouth Dach បានសរសេរជាសំណួរថា “ចុះភរិយាដែលទើបឆ្លងទន្លេបានកូនភ្លោះនៅប្រទេសអង់គ្លេស ទីប៉ុន្មានដែរ?”៕

ក្រសួងការងារ ប្រកាសជាផ្លូវការថា សហជីពលោក រ៉ុង ឈុន មិនស្របច្បាប់

ក្រសួងការងារ និងបណ្តុះបណ្តាលវិជ្ជាជីវៈ នៅថ្ងៃពុធនេះ ប្រកាសថា សហភាពសហជីពកម្ពុជា(CCU) របស់លោក រ៉ុង ឈុន មិនមែនជាសហជីពស្របច្បាប់ ខណៈប្រធានសហជីពនេះ កំពុងប្រមូលផ្តុំកម្មករធ្វើបាតុកម្មទូទាំងប្រទេស ទាមទារដំឡើងប្រាក់ឈ្នួល១៦០ដុល្លារ។

សេចក្តីជូនដំណឹងរបស់ក្រសួងការងារ ចេញផ្សាយនៅថ្ងៃពុធនេះ បានសរសេរថា សហជីពរបស់លោក រ៉ុង ឈុន ពុំមាននិតិសម្បទាគ្រប់គ្រាន់ ដើម្បីបានការទទួលស្គាល់តាមផ្លូវច្បាប់ពីក្រសួងនោះទេ ដូច្នេះសហ ជីពនេះមិនស្របច្បាប់ឡើយ។ សេចក្តីថ្លែងការណ៍ដដែលបន្ថែមថា សហជីពនេះមិនមែនតំណាងឲ្យសំឡេងរបស់កម្មករនោះទេ។

ប្រធានសហភាពសហជីពកម្ពុជា លោក រ៉ុង ឈុន មានប្រសាសន៍ថា សហជីពរបស់លោក បានចាប់ផ្តើមដំណើរការតាំងពីឆ្នាំ២០០៦ តែលោកទទួលស្គាល់ថា ក្រសួងការងារ មិនបានចុះបញ្ជីការឲ្យសហជីព ដែលលោកចាត់ទុកថាជាការរើសអើង។ លោកបន្តថា សហជីពការងាររបស់លោក គឺស្របទៅនឹងអនុសញ្ញាអង្គការពលកម្មអន្តរជាតិ(ILO) ដែលមានកម្មករកំពុងគាំទ្រ។

ការប្រកាសរបស់ក្រសួងនេះធ្វើឡើង បន្ទាប់ពី ប្រធានសហភាពសហជីពកម្ពុជា(CCU) លោក រ៉ុង ឈុន កាលពីថ្ងៃទី២៣ខែធ្នូ បានប្រកាសឲ្យកម្មករទាំងអស់ត្រៀមខ្លួនធ្វើមហាបាតុកម្មជា ទ្រង់ទ្រាយធំទូទាំងប្រទេស បើការសម្រេចរបស់ក្រុមប្រឹក្សាការងារលើប្រាក់ឈ្នួលអប្បបរមារ ផ្ទុយពីសំណើររបស់សហជីពនោះ។

ប្រធានសម្ព័ន្ធសហជីពប្រជាធិតេយ្យ កម្មករកាត់ដេរកម្ពុជា (C-CAWDU) លោក អាត់ ធន់ មានប្រសាសន៍ថា សហជីពលោក រ៉ុង ឈុន គឺស្របច្បាប់ ព្រោះសហជីពទាំងអស់មានភារៈកិច្ចបំពេញការងាររបស់ខ្លួនតាមការស្នើរ សុំពីកម្មករ ហើយការតវ៉ាទាំងនោះស្របទៅនឹងអនុសញ្ញាអង្គការពលកម្មអន្តរជាតិ៕

សរសេរមកកាន់អ្នកនាង ថុល ស្រីលក្ខណ៍ តាមរយៈsreyleak@vodhotnews.com

Tags: លោក រ៉ុង ឈុន

លោក ប៉ា សុជាតិវង្ស៖ ការតវ៉ាសើរើរឿងរបស់អតីតអ្នកភូមិបឹងកក់ គឺពាក់ព័ន្ធនឹងអ្នកនយោបាយ

អតីតអ្នកបឹងកក់ តវ៉ាបិទផ្លូវខាងមុខសាលារាជធានីភ្នំពេញ នៅព្រឹកថ្ងៃពុធនេះ/រូបថតដោយតាំង វីដា

អភិបាល សាលារាជធានីភ្នំពេញ លោក ប៉ា សុជាតិវង្ស លើកឡើងថា ការតវ៉ាទាមទារដំណោះស្រាយរបស់អតីតអ្នកភូមិបឹងកក់ ដែលបានទទួលបានសំណងដីធ្លីរួចហើយនោះ គឺពាក់ព័ន្ធនឹងអ្នកនយោបាយ។

នៅថ្ងៃទី២៥ ខែធ្នូនេះ ប្រជាសហគមន៍បឹងកក់ពីរក្រុម រួមមានអ្នកទទួលសំណងហើយ និងអ្នកមិនទាន់ទទួលសំណង ប្រមាណ១០០ ប្រមូលផ្តុំគ្នានៅថ្ងៃទី៣ តវ៉ាបិទផ្លូវមហាវិថីព្រះមុនីវង្ស ស្រែកទាមទាររកដំណោះស្រាយចំពោះជម្លោះដីធ្លី។

អភិបាលសាលារាជធានីភ្នំពេញ លោក ប៉ា សុជាតិវង្ស ប្រាប់VODនៅថ្ងៃពុធនេះថា បញ្ហាជម្លោះរបស់ប្រជាពលរដ្ឋ ក្នុងតំបន់បឹងកក់ គឺអាជ្ញាធរ បានកំពុងរៀបចំឯកសារ ពិភាក្សារកដំណោះស្រាយ ដល់អ្នកសេសសល់តាមការសន្យារបស់ខ្លួន ប៉ុន្តែចំពោះការតវ៉ាសើរើរឿងរបស់អតីតអ្នកភូមិបឹងកក់វិញ លោកយល់ថា គឺកើតឡើងដោយសារការដុតកម្តៅពីអ្នកនយោបាយគណបក្សប្រឆាំង ហើយជាការដាក់បន្ទុកកំហុសបន្ថែមលើសមត្ថកិច្ច មិនមែនរកដំណោះស្រាយពិតប្រាកដទេ ៖ “នេះជាការសើរើមួយដែល កើតឡើង ដោយសារតែអ្នកនយោបាយដុតកំដៅ អញ្ជឹងវាមិនអាចនឹងមានដំណោះស្រាយ ឬក៏ការឆ្លើយតបណាមួយឲ្យទាន់ពេលបានទេ ត្រូវទុកពេលសម្រាប់ធ្វើការងារនេះ សិក្សាបន្ថែមអំពីដំណោះស្រាយ ដែលមានកន្លងមក អ៊ីចឹងសំណើរនេះគឺលើសពីអ្វីដែលយើងអាចឆ្លើយតប បានភ្លាមៗណាស់”។

តំណាងអតីតអ្នកភូមិបឹងកក់ អ្នកស្រី អ៊ីម ស្រីទូច អះអាងថា បញ្ហារបស់ពួកគេ គឺមិនមានពាក់ព័ន្ធនឹងអ្នកនយោបាយឡើយ ហើយការតវ៉ានេះ គឺកើតឡើងយូរណាស់មកហើយ ដោយសារតែសំណងតិចតួចដែលទទួលបាននោះ គឺបានដោយការបង្ខិតបង្ខំ និងគំរាមកំហែង។ អ្នកស្រីថា ការលើកឡើងរបស់លោក ប៉ា សុជាតិវង្ស គឺគ្រាន់តែលេស មិនចង់ដោះស្រាយបញ្ហាតែប៉ុណ្ណោះ ៖ “អត់មានពាក់ព័ន្ធរឿងនយោបាយ រឿងគណបក្សទេ សំណងដែលខ្ញុំទទួល គឺខ្ញុំមិនបានទទួលដោយស្ម័គ្រចិត្តទេ គាត់ធ្វើអភិវឌ្ឍនៅតំបន់បឹងកក់ គាត់មានការគំរាមកំហែង ប្រជាពលរដ្ឋ ចេញគោលការណ៍ ៨ពាន់លើ២លាននេះ គឺពួកខ្ញុំមិនស្ម័គ្រចិត្តយកទេ ព្រោះតំលៃនេះ មិនសាកសមនឹងសិទ្ធិលំនៅឋាន ពួកខ្ញុំទេ ពេលដែលពួកខ្ញុំមិនព្រមចេញ គាត់បែរជាប្រើខ្សាច់ បូមខ្សាច់ពន្លិច”។

ប្រធានផ្នែកស៊ើបអង្កេតអង្គការលីកាដូ លោក អំ សំអាត ដែលកំពុងតាមដានហេតុការណ៍នេះ យល់ថា នេះជារឿងពីរដាច់ដោយឡែកពីរគ្នា ហើយការតវ៉ារបស់អតីតអ្នកភូមិបឹងកក់ គឺកើតឡើងមុនពេលបោះឆ្នោតទៅទៀត។ លោកស្នើឲ្យអ្នកនយោបាយ ជៀសវាងលាបពណ៌គ្នា ខណៈនយោបាយកំពុងជាប់គាំងបែបនេះ ៖ “យើងលាប ពណ៌ថាជារឿងនយោបាយ នោះបញ្ហាទាំងអស់ មិនអាចត្រូវបានដោះស្រាយទេ វាអាចក្លាយជាបញ្ហារាំរ៉ៃ ហើយវាក៏ជាចំនុចកាន់តែក្តៅគគុកផងដែរ ក្នុងបរិយាកាសនៃសភាពការណ៍នយោបាយកំពុងតែតានតឹង”។

អ្នកបឹងកក់ ព្រមានថា ពួកគេនឹងបិទផ្លូវជារៀងរាល់ថ្ងៃ ដើម្បីជំរុញឲ្យមានដំណោះស្រាយ។ ពួកគេបានតវ៉ាចំនួន៣ថ្ងៃជាប់គ្នាមកហើយ ដោយបិទផ្លូវជាបន្តបន្ទាប់។

ប្រជាពលរដ្ឋអះអាងថា ពួកគេជាង ៣០០០គ្រួសារ ត្រូវបានអាជ្ញាធរមូលដ្ឋាន បានបណ្តេញចេញ ពីតំបន់បឹងកក់ឲ្យទៅនៅរាយប៉ាយក្នុងខណ្ឌទាំង៩ក្នុងរាជធានី ចាប់តាំងពីឆ្នាំ២០០៨មក ដោយសាលារាជធានីភ្នំពេញ យកដីនៅតំបន់នោះឲ្យទៅក្រុមហ៊ុនស៊ូកាគូអ៊ីន របស់លោក ឡៅ ម៉េងឃិន សមាជិកព្រឹទ្ធសភាមកពីគណបក្សប្រជាជនកម្ពុជា ក្រោមគម្រោងអភិវឌ្ឍន៍៩៩ឆ្នាំ ដែលធ្វើឲ្យប៉ះពាល់ពលរដ្ឋនៅតំបន់នោះជាង៤០០០គ្រួសារ៕

សរសេរមកកាន់លោក តាំង វីដា តាមរយៈ vida@vodhotnews.com

Tags: នយោបាយ - បឹងកក់ - សាលារាជធានីភ្នំពេញ

Tuesday, December 24, 2013

តារាចិន Zhang Yuqi ស្អាតបំផុតនៅពេលស្លៀកពណ៌បៃតង និងពាក់ចិញ្ចៀន ក្រវិលពេជ្រ

សិល្បៈ៖ តារាស្លៀកពាក់ស្អាតបំផុត (The most beautiful dresses) នៅលើកម្រាលព្រំឆ្នាំ២០១៣ នេះជាចំណងជើងនៃវេបសាយបរទេសចិនឆាយណាដេលីផ្សាយកាលពីថ្ងៃចន្ទ ទី២៣ ខែធ្នូ ឆ្នាំ២០១៣ នេះ ដោយបង្ហាញនូវកំពូលតារាលំដាប់ពិភពលោកនានាដែលស្លៀកពាក់ស្អាតបំផុតប្រចាំឆ្នាំ និងគួរទាក់ទាញយ៉ាងខ្លាំង។
តារាចិន Zhang Yuqi ស្អាតបំផុតនៅពេលនាងស្លៀកពាក់ពណ៌បៃតង ចំហទ្រូងបង្អួតសុដន់ដ៏ទ្រលុកទ្រលន់គួរគយគន់មិនជិនណាយ ជាពិសេសពេលតារារូបស្រស់នេះ ចូលរួមក្នុងពិធីបើក Ceremony Gala and Premiere of 'The Great Gatsby' at the 66th Cannes Film Festival dressed in a Spring 2013។សម្លៀកបំពាក់នេះរចនាឡើងដោយ អ្នករចនាម៉ូដរុស្ស៊ី Ulyana Sergeenko ។
ក្រៅពីសម្លៀកបំពាក់ដ៏ស្រស់ស្អាត តារាចិន Zhang Yuqi លំដាប់កំពូលរូបនេះ បានពាក់ចិញ្ចៀនពេជ្រទម្ងន់52.15-carat ពណ៌ផ្កាឈូក និងចិញ្ចៀនពេជ្រ ព្រមទាំងក្រវិលពេជ្រមកពីហាងដ៏ប្រណីត Cartier's High Jewelry Collection.ផងដែរ៕

រូបភាព៩សន្លឹក បង្ហាញពីសម្រស់នៃទីក្រុង Venice ប្រទេសអ៉ីតាលី

អ៊ីតាលី៖ Venice ជាទីក្រុងគុដមួយ ក្នុងប្រទេសអ៊ីតាលី ដែលមានសម្រស់ គួរជាទីគយគន់ ហើយទីក្រុងមួយនេះ មានទីតាំងស្ថិតនៅ ភាគឦសានប្រទេសអ៊ីតាលី ហើយវាជាទីក្រុង រដ្ឋធានីនៃតំបន់ Veneto ។ ទីក្រុង Venice ត្រូវបានបែងចែកជាពីរ ដោយប្រឡាយ និងត្រូវបានតភ្ជាប់ដោយ ស្ពាននៅទីក្រុង Venice ហើយស្ពានមួយនេះ មានភាពល្បីល្បាញ ដោយសារ ទេសភាព ដ៏ស្រស់ស្អាត គួបផ្សំជាមួយនឹង ភាពប៉ិនប្រសព្វ របស់ស្ថាបត្យកម្ម ផងដែរ លើសពីនេះទៅទៀត ទីក្រុងដ៏សម្បូរបែបមួយនេះ ត្រូវបានចុះជា សម្បត្តិបេតិកភណ្ឌពីភពលោក ដោយអង្គការយូណេស្កូ ក្នុងឆ្នាំ ១៩៨៧៕
សូមធ្វើការទស្សនាជាមួយនឹង LookingTODAY៖

នាង Song Jia ថតដាក់កម្របទស្សនារដ្តី Fashion មើលទៅញាក់សាច់!

ចិន៖ កន្លងមកនេះ យើងធា្លប់បានឃើញ រួចមកហើយថា លោក ឈិន ឡុង (jackie chan)និង នាង Sally បានពួតដៃគ្នា ថតដាក់កម្របទស្សនាវដ្តី មួយនេះ ប៉ុន្តែឥឡូវនេះ យើងនឹងបានឃើញ សម្រស់ដ៏សិចស៊ី របស់នាង Song Jia បានថតដាក់កម្រប ទស្សនាវដ្តីម្តងមើល៍។
នាង Song Jia ជាតារាសម្តែង មួយរូបដែលមានការគាំទ្រ ពីសំណាក់ទស្សនិកជន ទាំងស្រទាប់យុវវ័យ ក៏ដូចជាមជ្ឈឹមវ័យផងដែរ លើសពីនេះទៅទៀត នាងមានចរិកស្លូតបូត គួរឲ្យចាប់អារម្មណ៍ សូម្បីតែតារាសម្តែង ដូចគ្នាក៏មានការកើតសរសើរ ចំពោះរូបនាង ផងដែរ។
គួរបញ្ជាក់ផងដែរថា នាងជាតារាសម្តែង ដែលកើតក្នុងថ្ងៃទី ១៣ វិច្ឆិកា ១៩៨០ នាងមានស្រុកកំណើត នៅក្នុងខេត្ត Heilongjiang ប្រទេសចិន សព្វថ្ងៃនាងមានអាយុ ៣៣ ឆ្នាំហើយ តែសម្រស់របស់នាង ស្រស់ស្អាតថែមទាំង មានភាពសិចស៊ី គួរជាទីគយគន់៕
កុំបង្អង់យូរសូមធ្វើការទស្សនាជាមួយ LookingTODAY ទាំងអស់គ្នា៖

អ្នកវិទ្យាសាស្រ្តរកឃើញគន្លឹះធ្វើឲ្យសរីរាង្គកាយវិវត្តន៍ប្រែជាក្មេងវិញបាន

អ្នកវិទ្យាសាស្រ្តនៅអូស្ត្រាលី និងសហរដ្ឋអាម៉េរិកជឿជាក់ថា ពួកគេបានសម្រាចក្នុងការកាត់បន្ថយអាយុ តាមរយៈធ្វើពិសោធន៍ទៅលើសត្វកណ្តុរដែលបានប្ដូរពីអាយុចាស់ មកក្មេងវិញបាន។

អ្នកវិទ្យាសាស្រ្តទាំងពីរក្រុមបានបង្កើតបណ្តុំសារធាតុ ពិសេសមួយ ហើយបានធ្វើតេស្តសាកល្បងលើសត្វកណ្តុរ។ បន្ទាប់ពីការធ្វើតេស្ត ពួកគេបានរកឃើញថាសាច់ដុំអាយុរបស់សត្វកណ្តុរនោះដើរបញ្ច្រាស់ ព្រមទាំងអាចបង្កើនសមត្ថភាពសម្រាប់បន្ថយជាតិស្ករ និងការហើមរលាកបានទៀតផង។
លោក John Sinclair អ្នកឯកទេសខាងហ្សែន មកពីសាកលវិទ្យាល័យ New South Wales នៃទីក្រុង Sydney ប្រទេសអូស្ត្រាលី បានធ្វើការសិក្សាស្រាវជ្រាវជាមួយសាកលវិទ្យាល័យ Harvard សហរដ្ឋអាម៉េរិក ដោយបានរកឃើញគន្លឹះនៅ ក្នុងប្រព័ន្ធដំណើរការរបស់ហ្សែន ដែលអាចធ្វើឲ្យសត្វកណ្តុរនោះប្រែក្លាយជាក្មេងវិញបាននោះ៕

ក្រសួងការងារ ប្រកាសការ ដំឡើងប្រាក់ឈ្នួល ដល់កម្មករ ចាប់ពីឆ្នាំ ២០១៣-២០១៤ និងអំពាវនាវ ឲ្យរក្សាភាពស្ងៀមស្ងាត់

អាម៉េរិក ដាក់ ស៊ូថេប និង បក្ខពួក ចូលក្នុងបញ្ជីខ្មៅ ហាមមិនឲ្យចូល ទឹកដីអាម៉េរិក

បាងកក៖ មេដឹកនាំបាតុករមកពីគណបក្សប្រជា ធិបតេយ្យ លោក ស៊ូថេប រួមនិងក្រុមបក្ខពួករបស់ខ្លួន ដែលកំពុង ធ្វើបាតុកម្មបង្កចលាចល នៅក្នុងទីក្រុងបាងកក ប្រទេសថៃ ត្រូវបានអាម៉េរិក ដាក់ចូលក្នុងបញ្ជីខ្មៅ ហើយ ហាមមិនឲ្យចូលក្នុងទឹកដីអាម៉េរិកនោះឡើយ។
យោងតាមគេហទំព័រ INN របស់ថៃ នៅថ្ងៃអង្គារ ទី២៣ ខែធ្នូ ឆ្នាំ២០១៣ បានចេញផ្សាយថា ស្ថានទូតអាម៉េរិក ប្រចាំក្រុងបាងកក បានដាក់ឈ្មោះ លោក ស៊ូថេប ថងស៊ូបាន អតីតឧបនាយករដ្ឋមន្រ្តី និង មេដឹកនាំចលានាប្រជា ជន ដើម្បីប្រជាធិបតេយ្យ ដែលមានព្រះមហាក្សត្រជាប្រមុខ និងបក្ខពួក ១៤នាក់ផេ្សងទៀត ទៅក្នុងមិនបញ្ជីខ្មៅ របស់អាម៉េរិក និងហាមមិនឲ្យធ្វើដំណើរចួលក្នុងទឹកដីសហរដ្ឋអាម៉េរិកប្រទេសមួយចំនួនទៀត ដែលមានបញ្ជាក់ នៅក្នុងបញ្ជីខ្មៅនោះ។
បើតាម INN បានឲ្យដឹងដែរថា ការដាក់ឈ្មោះ លោក ស៊ូថេប និងបក្ខពួក១៤នាក់ចូលក្នុងបញ្ជីខ្មៅនេះ ត្រូវបាន ឯកអគ្គរដ្ឋទូតសហរដ្ឋអាម៉េរិក ប្រចាំក្រុងបាងកក បានដាក់លិខិតស្នើឲ្យក្រសួងការបរទេសអាម៉េរិក ពិចារណា និង សម្រេចចិត្តទៅលើបញ្ហានេះផងដែរ។
មូលហេតុដែលនាំ ទូតអាម៉េរិកមានចំណាត់ការដូចខាងលើនេះ ដោយសារតែក្រុមបាតុករបានលើកគ្នាមកតវ៉ា និង មានអាកប្បកិរិយាគំរាមកំហែងសម្រុកចូល ក្នុងស្ថានទូតអាម៉េរិកប្រចាំក្រុងបាងកក កាលពីសប្ពាហ៍មុន៕

តើមានមធ្យោបាយ បែបណាទើប លោកអ្នកអាច រកការងារបានល្អ ធ្វើនិងទទួល បានតម្លៃតបស្នង សមប្រកប?

តើស្វែងរកពត៌មាន ជ្រើសរើសបុគ្គលិក តាមមធ្យោបាយ បែបណាទើបងាយស្រួល? តើត្រៀមខ្លួនបែបណា ទើបទទួលបាន ការងារល្អធ្វើ ?
រួមជាមួយកង្វល់ ជាច្រើនទៀតរាប់មិនអស់……?????
ជាមួយចម្ងល់ទាំងនេះបេក្ខជនការងារ ត្រូវយល់អំពីមូលចាំបាច់ មួយចំនួនដូចជា៖
១-សម្រាប់បេក្ខជនដែលរកការងារធ្វើតែងតែចង់បានមុខតំណែងការងារល្អ លក្ខខណ្ឌ ការងារល្អ ប្រាក់បៀវត្ស សមរម្យ និងលក្ខខណ្ឌចាំបាច់នានាមួយចំនួនទៀត ។
២-សម្រាប់ម្ចាស់ស្ថាប័ន ឬអង្គភាពអាជីវកម្មវិញគឺព្យាយាមស្វែងរកបុគ្គលិកដែលមាន សមត្ថភាព ការទទួល ខុសត្រូវ សីលធម៌ល្អ ឆ្លាត ស្មោះត្រង់ មានឆន្ទះការងារខ្ពស់ ព្រមទាំងបំពេញការងារអស់ពីកម្លាំងកាយ កម្លាំងចិត្ត កម្លាំងប្រាជ្ញា និងស្មារតីដើម្បី អង្គភាព។
ដើម្បីដោះស្រាយអំពីបញ្ហានេះ ក្រុមហ៊ុនវេបសាយ រកការងារធ្វើដ៏មានសក្តានុពល HRCambodia.com រួមចំណែក ជួយរកការងារ ជូនលោកអ្នក តាមរយះលោកអ្នកស្វែងយល់ជាមួយ www.hrcambodia .com ឬ www.hr93.com ព្រោះ HRCambodia.com មាន៖
-ចុះផ្សាយដំណឹងជ្រើសរើសបុគ្គលិកដែលមានសុពលភាពច្រើនជាង ៣០០០ដំណឹងជារៀង រាល់ថ្ងៃ។
- សាមីបេក្ខជនការងារអាចចូលទស្សនាស្វែងរកពត៌មានជ្រើសរើសបុគ្គលិកប្រចាំថ្ងៃដើម្បី ជ្រើសរើសការងារណា ដែលខ្លួនពេញចិត្ត។
-បង្ករលក្ខណ:ឲសាមីបេក្ខជនការងារអាចបញ្ចូល CVរបស់ខ្លួនក្នុងhrcambodia.com
សេវាកម្មរបស់ HRCambodia រួមមានជាច្រើនដូចជា៖
១-សេវាកម្មជ្រើសរើសបុគ្គលិកដែលមានគុណវុឌ្ឍសមស្រប តាមតម្រូវការនៃលក្ខខណ្ឌ ការងាររបស់ក្រុមហ៊ុន អង្គការ……លោកអ្នក តាមរយះការផ្សាយដំណឹងបុគ្គលិកជាមួយ គេហទំព័រល្បីមានការពេញនិយម និង ទាក់ទាញនេះ ព្រមជាមួយការជម្រុះCV និងសម្ភាសន៏ ដោយគណកម្មការសម្ភាសន៏ និងវាយតម្លៃបេក្ខជនការងារ ជាសាស្រ្តាចារ្យ និងថ្នាក់ដឹកនាំ អង្គភាព នានាដែលមានសមត្ថភាព បទពិសោធន៌ ទេពកោសល្យ និងស្នាដៃ ច្បាស់លាស់ លើ ការងារសាមីដើម្បីរកឲឃើញបុគ្គលិកស្មោះត្រង់ មាន សមត្ថភាព ការទទួលខុសត្រូវ និងសីលធម៌ វិន័យល្អជូនស្ថាប័នលោក អ្នកយ៉ាងពេញចិត្តបំផុត។ រាល់បុគ្គលិកដែល HRCambodia បានជ្រើសរើស ជូនលោកអ្នក ធានាថាមានគុណវុឌ្ឍគ្រប់គ្រាន់ ។
២-ចូលមើលCV របស់បេក្ខជនការងារក្នុងHRCambodia: បង្ករលក្ខណ:ឲក្រុមហ៊ុន អង្គការ សមាគម រោងចក្រ…… ចូលមើល CV របស់បេក្ខជនការងារក្នុង HRCambodiaដើម្បី ជ្រើសរើសCV របស់បេក្ខជនណាដែលលោកអ្នក ពេញយកមកសម្ភាសន៏។
៣-ផ្សព្វផ្សាយដំណឹងជ្រើសរើសបុគ្គលិកជូនក្រុមហ៊ុន អង្គការ សមាគម រោងចក្រ សហគ្រាស……លោកអ្នក ទាន់ចិត្ត និងមានសក្តានុពលខ្ពស់ជាមួយគេហទំព័រដ៏ល្បីនេះ ដោយមិនយកកម្រៃ ព្រមទាំងមានបេក្ខជន ការងារ ចូលទស្សនាស្វែងរកការងារធ្វើជាប្រចាំ ថ្ងៃយ៉ាងច្រើនបំផុត ដោយបង្ករភាពងាយស្រួលដល់ក្រុមហ៊ុន អង្គការ… លោកអ្នក តាមរយះ ការចុះផ្សាយដំណឹងជ្រើសរើសបុគ្គលិកក្នុង www.hrcambodia.comឫwww.hr93.com ដោយលោកអ្នកខ្លួនឯងតែម្តង(មើលការណែនាំ« សម្រាប់ក្រុមហ៊ុន អង្គការ…..»)។
៤- ផ្សព្វផ្សាយពត៌មានអំពីការជ្រើសរើសបុគ្គលិកជូនដល់បេក្ខជនដែលចង់រកការងារល្អធ្វើ ឬផ្លាស់ប្តូរការងារដែល ល្អប្រសើរជាងមុន ដែលhrcambodia.comបានស្វែងរក និងដកស្រង់ពីគ្រប់ប្រភព គ្រប់ទីកន្លែងជាប្រចាំ ជារៀង រាល់ថ្ងៃ ថ្មីៗជានិច្ច មានចំនួនច្រើន ជាអតិបរមា គ្រប់មុខដំណែង បែងចែកតាមតំបន់ តាមប្រភេទការងារ ងាយ ស្រួលមើល និងងាយស្រួលក្នុងការស្វែងរកទៀតផង។
៥- បេក្ខជនរកការងារធ្វើអាចបញ្ចូល CVរបស់ខ្លួនក្នុងគេហទំព័រhrcambodia.com: ដោយ បង្ករលក្ខណ:ឲ្យ លោក អ្នក ដែលចង់រកការងារធ្វើ ចង់ទទួលបានការងារល្អថ្មីឆាប់រហ័ស មានលក្ខខណ្ឌការងារល្អ ទទួលបានប្រាក់ បៀវត្សរ៌ ខ្ពស់ តាមរយះលោកអ្នកបញ្ចូល CV របស់ខ្លួនក្នុងគេហទំព័រwww.hrcambodia.com(មើលការណែនាំ« សម្រាប់អ្នកស្វែង រកការងារធ្វើ…..»)ដើម្បីរក្សាក្នុងទុកSystem នៅពេលណាដែលក្រុមហ៊ុន អង្គការ…… ត្រូវការ ជ្រើសរើសបុគ្គលិកជាបន្ទាន់នោះក្រុមហ៊ុនអង្គការ……សាមីនឹងចូលក្នុងwww.hrcambodia.com ដើម្បីទាញ យក CVរបស់លោកអ្នកមកសម្ភាសន៏ភ្លាមៗ ដូឆ្នេះឱកាសទទួលការងារ ល្អធ្វើរបស់លោកអ្នក ពិតជាទូលំទូលាយ ។
៦-សេវាកម្មផ្សព្វផ្សាយផ្ទាំងពាណិជ្ជកម្មជូនលោកអ្នកក្នុងគេហទំព័រ www.hrcambodia.com យ៉ាងគាប់ចិត្ត និងពេញចិត្តបំផុត ។
សូមទាក់ទងអាសយដ្ឋានអគារលេខ២ ផ្លូវលេខ២៨៤ កែងផ្លូវលេខ១៦៣ សង្កាត់អូឡាំពិច ខណ្ឌចំការមនរាជធានី ភ្នំពេញ ជាប់កែងខាងត្បូងវត្តមហាមន្ត្រី លេខទូរស័ព្ទ 017678900។

Pages

Wednesday, December 25, 2013

Tuesday, December 24, 2013