ការច្រណែនជាសត្រូវនឹងសុភមង្គលនិងភាពរីករាយរបស់អ្នក។
ចុរបំបាត់ការច្រណែនចេញ ពីក្នុងចិត្តអ្នក!ខ្ញុំជឿយ៉ាងប្រាកដថា
មនុស្សគ្រប់គ្នាមិនថា ចាស់ ឬក្មេង មានឬក្រ តូចឬធំ
ជាមនុស្សធម្មតាឬជាអ្នកបួសនោះទេ គឺសុទ្ធតែមានការច្រណែនទាំងអស់ ។
ហើយអ្វីដែលខុសគ្នានោះគឺថាការច្រណែននោះមានតិច
ឬក៏ច្រើនគឺអាស្រ័យទៅលើបុគ្គលម្នាក់ៗតែប៉ុន្នោះ ។
គេជាមនុស្សប្រភេទណា ហើយតើអាចគ្រប់គ្រងខ្លួនឯងបានប៉ុណ្ណា? សំនួរត្រូវបានលើកឡើងថា តើអ្វីទៅជាការច្រណែន?
ការច្រណែនកើតឡើងពីណា?
ដោយយោងទៅលើវិបសាយវិបស្ទ័រ
បានឲ្យនិយមន័យទៅលើពាក្យនេះថា ការច្រណែនគឺជាអារម្មណ៍មិនសប្បាយចិត្ត
តូចចិត្ត ឬអន់ចិត្ត ឬក៏អារម្មណ៍ខឹងសម្បារនឹងនរណាម្នាក់ចំពោះអ្វីដែលគេមាន
តែខ្លួនឯងមិនមាន ដូចជាការដែលឃើញអ្នកដ៏ទៃទទួលបានជោគជ័យ មានស្នាដៃ
ឬមានលក្ខណៈល្អប្រសើរលើចំណុចណាមួយជាដើម ។
ការច្រណែននេះកើតឡើងពីការគិតក្នុងចិត្ត
ឬអារម្មណ៍ផ្ទាល់របស់បុគ្គលដែលមិនមានការគ្រប់គ្រងបានល្អប្រសើរ។
តើអ្នកគួរធ្វើដូចម្តេចនូវពេលដែលមានអារម្មណ៍តូចចិត្ត ឬច្រណែនកើតឡើង ?
ប្រសិនបើអ្នកទទួលអារម្មណ៍ថា សុភមង្គល
ភាពសុខសាន្ត ភាពរីករាយកំពុងតែធ្វើដំណើរចាកចេញពីអ្នក
ដោយសារតែការច្រណែនឈ្នានីសរបស់អ្នកចំពោះអ្នកដទៃនោះ
ចូរបន្តអាននូវគន្លឹះមួយចំនួនខាងក្រោម
ជាវិធីសាស្រ្តជួយលុបបំបាត់ភាពច្រណែនឈ្នានីស
និងបង្កើនភាពរីករាយរបស់អ្នកត្រលប់មកវិញ ៖
១.
បង្កើតភាពឯករាជ្យផ្ទាល់ខ្លួនៈ ចូរផ្តោតអារម្មណ៍
និងគិតដល់អ្វីដែលមានភាពវិជ្ជមានសម្រាប់ជីវិតរបស់អ្នក ។
កុំព្យាយាមគិតដល់អ្វីដែលអ្នកមិនមានដូចគេ ។
សិក្សានិងស្វែងយល់ពីខ្លួនឯងឲ្យបានច្បាស់
និងស្វែងរកនូវទេពកោសល្យដែលអ្នកពិតជាមាន ព្រោះច្បាស់ណាស់ថា
មនុស្សម្នាក់ៗសុទ្ធតែមានបុគ្គលិកលក្ខណៈពិសេសដោយឡែកៗពីគ្នា ។
ចូរគិតពីបញ្ហានេះ ហើយឈប់ព្យាយាមស្រម៉ៃ
ឬប្រាថ្នាចង់បាននូវអ្វីដែលអ្នកដទៃកំពុងមាន ហើយអ្នកមិនមាន
ព្រោះថាអ្វីដែលអ្នកស្រលាញ់ អ្វីដែលអ្នកកំពុងតែចង់បានបំផុតនោះ
នឹងជារបស់តែម្យ៉ាងដែលអ្នកដទៃក៏ស្រលាញ់ និងចង់រក្សាទុកដូចជាអ្នកកំពុងគិតដែរ
។
២.បង្កើនទំនុកចិត្តចំពោះខ្លួនឯងៈ
ការច្រណែនជាសញ្ញាមួយបង្ហាញយ៉ាងច្បាស់ថា
អ្នកជាមនុស្សម្នាក់ដែលមិនបានឲ្យតម្លៃខ្លួន ហើយក៏មិនគោរពខ្លួនឯង ។
ជារឿងមួយដែលសាមញ្ញបំផុត ដោយអ្នកចាប់ផ្តើមបង្កើតនូវម៉ូឌសក់ដ៏ថ្មីស្រឡាងមួយសម្រាប់ខ្លួនឯង
អ្នកក៏អាចបង្កើតនូវទំនុកចិត្តបានយ៉ាងល្អប្រសើរ ។
បង្កើននូវស្នាមញញឹម និងគិតទៅដល់អ្វីដែលខ្លួនស្រលាញ់ចូលចិត្ត ។
ខ្ញុំគ្មានពាក្យអ្វីនឹងថ្លែងបញ្ជាក់ថាតើបុគ្គលម្នាក់ៗ
រួមទាំងរូបអ្នក ពិតជាមានសារៈសំខាន់ប៉ុណ្ណាសម្រាប់ភពផែនដីនេះទេ ។
រាល់ពេលដែលអ្នកសម្លឹងមើលនៅក្នុងកញ្ចក់ ចូរញញឹម
និងប្រាប់ខ្លួនឯងថា “អស្ចារ្យ
ខ្ញុំជាមនុស្សម្នាក់អស្ចារ្យបំផុត
គឺគ្មាននរណាម្នាក់ដែលមានលក្ខណៈពិសេសដូចជាខ្ញុំនោះទេ គឺមានតែខ្ញុំម្នាក់ប៉ុណ្ណោះ
ហើយនេះជាការពិត!”
៣.
ស្មោះត្រង់ចំពោះខ្លួនឯងៈ
ចូរធ្វើបញ្ជីមួយដែលបង្ហាញពីអ្វីទាំងអស់ដែលធ្វើឲ្យអ្នកមានអារម្មណ៍តូចចិត្ត
ហើយសួរខ្លួនឯងថា តើទាំងអស់នេះជារឿងកំប៉េកកំប៉ុក គ្មានប្រយោជន៍
ធ្វើឲ្យអ្នកអាប់អោន ទទួលនូវការមើលងាយពីអ្នកដទៃ
ឬក៏ជារឿងដែលអ្នកគិតថាពិតជាសំខាន់ដែលអ្នកត្រូវតែធ្វើដោយខានមិនបាន
? តើអ្នកពិតជាមានអារម្មណ៍ច្រណែននឹងអ្នកដទៃមែនឬទេ
បើមែន ព្រោះអ្វី?
៤. បង្កើតទំនាក់ទំនង/
ចំណងមិត្តភាពៈ ប្រសិនបើអ្នកច្រណែននឹងពួកគេ
ចូរត្រលប់ទៅជាការចងមិត្តភាពជាមួយពួកគេ ។ បង្ហាញពីអារម្មណ៍
ពីអ្វីដែលអ្នកគិត ដល់ពួកគេ ។ នៅពេលគេទទួលបាន
និងយល់ពីអារម្មណ៍របស់អ្នក
វានឹងបង្កលក្ខណៈងាយស្រួលក្នុងការរកដំណោះស្រាយសម្រាប់អ្នក ។
នៅពេលដែលវាបានក្លាយជាចំណងមិត្តភាពមួយរវាងអ្នក និងពួកគេ
នោះជាចំណងមិត្តភាពមួយដ៏រឹងមាំ ។ ចូរចាំថា
នៅពេលដែលអ្នកមានអារម្មណ៍ច្រណែន
កុំព្យាយាមបង្កើតសត្រូវនូវពេលដែលពួកគេកំពុងព្យាយាមចងមិត្តភាពជាមួយអ្នក!
៥.
ការច្រណែនជាបទពិសោធន៍ជីវិតៈ បើអ្នកដឹងថា កំពុងតែច្រណែននឹងនរណាម្នាក់
ចូរក្រឡេកត្រលប់មកមើលខ្លួនអ្នកសារជាថ្មី
រួចធ្វើការវាយតម្លៃលើស្ថានការដែលអ្នកបានជួប
ព្រោះថាវាអាចក្លាយជាបទពិសោធន៍មួយដ៏អស្ចារ្យសម្រាប់ជីវិតអ្នក ។
៦.
ស្វែងយល់ពីបុគ្គលដែលអ្នកច្រណែនៈ ចាប់ផ្តើមសិក្សាស្វែងយល់ពីបុគ្គលនេះ
តើអ្វីខ្លះជាចំនុចល្អ និងជាចំនុចអាក្រក់របស់គេ ? តើពួកគេមានសមត្ថភាព និងលទ្ធភាពអ្វីខ្លះ
ដែលអ្នកគួរតែមានដូចគេ ? ប្រសិនបើគេមានលក្ខណៈល្អប្រសើរជាងអ្នកមែន
ចូររៀនពីពួកគេប្រសើរជាង ច្រណែននឹងពួកគេ។ បញ្ឈប់ការច្រណែនរបស់អ្នក
ហើយទទួលស្គាល់ពីអ្វីដែលគេមាន ។
កុំធ្វើខ្លួនអ្នកឲ្យក្លាយជាជនរងគ្រោះដោយសារតែការច្រណែនឈ្នានីស ។
៧. មិត្តភក្ក
ឬហ្វេសប៊ុកៈ បង្ហាញពីអារម្មណ៍របស់អ្នកទៅមិត្តភក្កដោយផ្ទាល់
ឬតាមហ្វេសប៊ុកអាចជាគំនិតដ៏ល្អធ្វើឲ្យអ្នកស្ងប់អារម្មណ៍
និងមានអារម្មណ៍ល្អប្រសើរឡើងវិញ។
No comments:
Post a Comment