វិធី​រក​ប្រាក់​តាមរយៈ Internet

៥- លក់​របស់​ដែល​លក់​មិនចេះ​អស់​តែ​ទិញ​តែ​ម្តង​គត់
៦- ស៊ី​ក្បាលកាក់​ពី​ប្រព័ន្ធ google និង yahoo ដោយ​ពុំ​ចាំបាច់​ហត់នឿយ​តែ​អាច​រក​ប្រាក់​​បាន​រហូត 400 ទៅ 500 ដុល្លារ​ក្នុង ១​ខែ និង​អាច​ច្រើន​ជាង​នេះ​ច្រើនដង ។
៧- រក​ប្រាក់​តាមរយៈ Myspace និង youtube
៨- ទទួល​យក​ទំនិញ​គេ​មក​លក់​ដោយ​ពុំ​ចាំបាច់​មាន​ប្រាក់ 1​សេននៅ​មាន​ច្រើន​ទៀត​ហើយ​​រូប​ទាំង​នេះ​​មិន​បាន​តម្រូវ​ឲ្យ​យើង​ត្រូវ​បង់​ ប្រាក់​មួយ​សេន​ណា​ឡើយ ប៉ុន្តែ​អ្វី​ដែល​យើង​ត្រូវមាន​នោះ​គឺ​ត្រូវមាន website ដោយ​ខ្លួន​យើង​ផ្ទាល់ និង​ចំណេះដឹង​ខ្លះៗ​ពី​វិធី​បង្កើត website និង​ការថែរក្សា​វា ។
តើ​ទាំងអស់នេះ​ជា​ការពិត​ទេ ? គឺ​ពិត​ណាស់ ! បើ​យើង​ចូល​ទៅ​កាន់ website ណាមួយ​ក៏ដោយ​យើង​នឹង​ឃើញ​មាន​ការផ្សាយពាណិជ្ជកម្ម​យ៉ាង​សម្បូ​រណ៍​បែប​នៅ​ ស្ទើរ​គ្រប់ website ទាំងអស់ ហើយ​បើ​គេ​រក​ប្រាក់​មិនបាន​ពី​ការផ្សាយពាណិជ្ជកម្ម​ទាំងអស់​នោះ​ទេ ការប្រកាស​ពាណិជ្ជកម្ម​ទាំងនោះ​ក៏​គ្មាន​មុខ​នៅលើ Website ទាំងនោះ​ដែរ ។មាន​មនុស្ស​មួយចំនួន​មាន​​ចម្ងល់​ថា​តើ​គេ​រក​ប្រាក់​បាន​យ៉ាងម៉េច​កើត​ទៅ ហើយ​គិត​ថា​នេះ​គឺជា​ការបោកប្រាស់​ទៅវិញ ប៉ុន្តែ​តាមពិតទៅ​គឺ​មកពី​ពុំបាន​ដឹង​ឲ្យបាន​ច្បាស់​ហើយ​ចេះ​តែ​គិតស្មាន​ ក្នុង​ចិត្ត​តាមតែ​នឹកឃើញ​ដោយ​មិន​បាន​ពិចារណា​ឲ្យបាន​ដិត​ដល់​​ទៅ​លើ​ មូលដ្ឋាន​ពិត​របស់​វា ។នៅក្នុង​អត្ថបទ​នេះ​ខ្ញុំ​បាន​ព្យាយាម​ប្រើ​ពាក្យ​យ៉ាង​​សាមញ្ញ​បំផុត​ ក្នុង ​ការពន្យល់​ព្រមទាំង​មាន​ភ្ជាប់​មក​ជាមួយ​នូវ​ការបរិយាយ​យ៉ាង​លំអិត​ស្តីពី​ វិធី​ជា​ច្រើន​ដូច​ខាង​ក្រោម :
- វិធី​ទិញ Host តើ​ត្រូវ​ជ្រើសរើស​បែបណា ?
- តើ​ត្រូវ​ទិញ Host នៅទីណា ?
- តើ​យើង​អាច​បង់ប្រាក់​សំរាប់​ទិញ Host តាម​វិធី​ណា ?
- គោលដៅ​ក្នុង​ការបង្កើត website សំរាប់​អ្វីខ្លះ ?
- វិធី​ផ្សេងៗ​ក្នុង​ការបង្កើត website
- បង្រៀន HTML
- បង្រៀន CSS
- បង្រៀន PHP
- បង្រៀន MySQL
- បង្រៀន Photoshop
- បង្រៀន​ថតរូប កែ​រូប រចនា​រូប
- វិធី upload website
- វិធី Update contents
ឯ​វិធី​ជាច្រើន​ទៀត​ទាក់ទង​ដល់​ការជ្រើសរើស​យក​អ្វី​ដែល​យើង​ចង់​ដាក់ ឬ រើស​យក​មុខរប​រដែ​ល​យើង​ចង់​ធ្វើ វិធីសាស្ត្រ​ទាំងអស់នេះ​នឹង​ត្រូវ​បាន​យក​មក​បកស្រាយ​ពន្យល់​តៗ​រៀង​គ្នា​ រហូត​អាច​យល់​បាន ធ្វើ​តាម​បាន និង​អាច​រក​ប្រាក់​បាន ឯ​ត្រង់​ថា​បាន​ច្រើន ឬ​តិច​នោះ​គឺ​អាស្រ័យទៅលើ​ការព្យាយាម​អំណ​ត់របស់​យើង​ប៉ុណ្ណោះ ក្នុងករណី​ដែល​យើង​អាច​ពង្រីក​បន្ថែម ដាក់ចិត្ត​ដាក់​កាយ​ចំណាយ​ពេលវេលា​ជាមួយ​វា​ឲ្យបាន​ច្រើន​នោះ​យើង​អាច​រក​ ប្រាក់​បាន​ច្រើន​តាម​នោះដែរ ។ នេះ​គឺជា​មុខរប​មួយ​មិន​មាន​សំឡេង មិន​មាន​ក្លិន មិន​រំខាន​គេ គឺ​វា​ប្រព្រឹត្តទៅ​យ៉ាង​ស្ងាត់ស្ងៀម​នៅក្នុង​បន្ទប់​ក្នុង​ផ្ទះ​របស់​យើង​ ដោយ​ពុំ​ចាំបាច់​ត្រូវ​ចំណាយ​ប្រាក់​បើក​ហាង បើក​ផ្លាក អង្គុយ​រង់ចាំ​ភ្ញៀវ​ចូល​មក​ទិញ​ឡើយ ។
បើ​ស្តាប់​មួយ​ភ្លែត​ទៅ​ឃើញ​ថា​គួរ​ឲ្យ​សប្បាយ មានបំណង​ចង់​ធ្វើ​តែ​សូម​ហាម​ជាមុន​ថា​មិនមែន​សម្រាប់​អ្នក​បេះដូង​ខ្សោយ​ ឡើយ​ពីព្រោះ​ត្រូវធ្វើ​កិច្ចការ​មួយចំនួន​មុន​ពេល​យើង​អាច​រក​ប្រាក់​បាន​ តាម​វិធី​នេះ ទាល់តែ​បេះដូង​យើង​រឹងប៉ឹង​មានការ​តាំងចិត្ត​ពិតប្រាកដ គឺ​ចេញពី​បេះ​ដូង​មក ដើម្បី​រក​ប្រាក់​មិនមែន​ចេញ​ពី​បេះ​ដូង​ដើម្បី​សង្សារ​នោះ​ទើប​ធ្វើ​ កិច្ចការ​នេះ​បាន ។

ជំពូក​ទី 1 :​ ​ ​អ្វី​ទៅជា Internet ?

Internet គឺជា​ប្រព័ន្ធ Network ពិភពលោក​ដ៏​ធំ​បំផុត​មួយ​មាន​ប្រើ និង​អាច​ប្រើ​បាន​នៅ​គ្រប់​ប្រទេស​ទាំងអស់​ទូទាំង​ពិភពលោក ។ គេ​អាច​ទទួលយក​សេវា Internet នេះ​មក​ប្រើ​ទៅតាម​លទ្ធភាព​និង​សេចក្តីត្រូវការ​ដែល​យើង​មាន ចំពោះ​តម្លៃ​វិញ គឺ​គេ​គិត​ជា​ម៉ោង​ជា​ចំនួន Kilobyte ដែល​យើង​ប្រើ ប្រើ​ដោយ​គ្មាន​កំណត់ និង​ប្រើ​ដោយ​មាន​ចំនួន​កំណត់ ។
នៅក្នុង​ប្រទេស​កម្ពុជា រហូតមកទល់​ពេលនេះ​មាន​សេវា Internet (​ឬ​ហៅ​ថា Internet Service Provider = ISP) កាន់តែ​ច្រើន​ជាង​កាល​ពី​ប៉ុន្មាន​ឆ្នាំ​មុន ចំណែក​តម្លៃ​នៃ​ការ​ជាវ​សេវា​នោះ គឺ​មាន​តម្លៃ​ធ្លាក់ចុះ​ជាង​ពេល​មុន​បន្តិច​ដែរ តែ​មិន​ច្រើន​ប៉ុន្មាន​ទេ សម្រាប់​ពលរដ្ឋ​ខ្មែរ​យើង​ដែល​រស់នៅ​ឯ​បរទេស​វិញ ការប្រើប្រាស់​សេវា Internet មិនសូវ​ជា​បញ្ហា​ប៉ុន្មាន​ទេ ព្រោះ​មាន​តម្លៃថោក​ជាង និង stable ជាង ។
Internet ត្រូវបាន​បង្កើតឡើង​ក្នុង​គំនិត​ចែករំលែក​ចំណេះដឹង​ត​ភ្ជាប់​គ្រប់​ជាតិ​ សាសន៍​ទាំងអស់​ត្រូវ​កើត​នៅ​សហគមន៍​អន្តរជាតិ​មួយ​ក្រៅពីនេះ Internet ត្រូវបាន​គេ​ច្នៃ​ឲ្យក្លាយ​ទៅ​ជា​កន្លែង​បង្កើត​ការងារ​សម្រាប់​មនុស្ស​ ជាច្រើន​រយ​លាន​នាក់ ជា​ទីផ្សារ​ទំនិញ ទីផ្សារ​ជំនួញ​ភាគហ៊ុន និង​មាន​ច្រើន​ទៀត​រាប់មិនអស់ ។
សម្រាម់​យើង​ជា​អ្នក​ប្រើ​សេវា Internet យើង​ចាំបាច់​ត្រូវ​កាន់​កន្លែង​មាន​ផ្តល់​សេវា Internet “Internet cafe” ដែល​ជា​កន្លែង​បម្រើ Internet សាធារណៈ យើង​បង់ប្រាក់​សំរាប់​ចំនួន​ម៉ោង​ដែល​យើង​បាន​ប្រើ ។ ក្នុងករណី​ដែល​យើង​ចង់​ប្រើ Internet ផ្ទាល់​នៅក្នុង​ដៃ​របស់​យើង ត្រង់នេះ​យើង​មាន​ជម្រើស​ច្រើន គឺ​តាមរយៈ​ទូរស័ព្ទ​ដៃ​តែ​ម្តង ឬ​ភ្ជាប់​មក​កុំព្យូទ័រ​ដោយ​ប្រើ​ទូរស័ព្ទ​ជា Modem យើង​អាច​ជាវ​សេវា Internet សំរាប់​ប្រើ​ផ្ទាល់​ជាមួយ PC (​ជា Desktop ឬ Laptop) របស់​យើង​ផ្ទាល់​ក៏​បាន សំរាប់​ការចំណាយ​វិញ សូម​មើល​តាម​តារាង​តម្លៃ​របស់​ក្រុមហ៊ុន​ទាំងអស់​ដែល​មាន​ផ្តល់​សេវា Internet នៅក្នុង​ប្រទេស​កម្ពុជា​ដូច​មាន​រាយ​នៅ​ខាងក្រោម​នេះ ។
ក្រុមហ៊ុន​ផ្តល់​សេវា Internet នៅក្នុង​ប្រទេស​កម្ពុជា :
1 – Clicknet
2 – Camnet
3 – Camitel
4 – Online
5 – Qube
6 – Wireless IP
7 – Mekongnet
8 – City Link
9 – Vietel
10 – Telesurf
11 – Mobitel
12 – Camshin
13 – Samart
14 – PPCTV
យើង​អាច​ជ្រើសរើស​យក​សេវា​ពី​ក្រុមហ៊ុន​មួយ​ណា​ក៏បាន អាស្រ័យ​ដោយ​សេចក្តី​ត្រូវ និង​តម្រូវការ​របស់​យើង សូម​សាកសួរ​មិត្តភក្តិ និង​ប្រមូល​ព័ត៌មាន​ឲ្យបាន​ច្រើន​តាម​ដែល​អាច​ធ្វើទៅបាន សំរាប់​ក្រុមហ៊ុន​និមួយៗ ។
អ្វី​ត្រូវ​ដឹង :
- ល្បឿន
- ភាព​មិន​រអាក់រអួល
- ទុកចិត្តបាន
- គ្មាន​ការកេងបន្លំ​ចំនួន​ប្រើប្រាស់
- តម្លៃ​នៃ​ការប្រើប្រាស់
- សម្ភារៈ​សម្រាប់​ភ្ជាប់​បណ្តាញ
- ប្រាក់​កក់ …​។
បន្ទាប់ពី​យើង​ប្រមូល​ព័ត៌មាន​ទាំងនេះ​បាន​គ្រប់សព្វ​ហើយ​យើង​អាច​ធ្វើ​ ការសម្រេចចិត្ត​ដោយ​ខ្លួនឯង ហើយ​ថា​តើ​ត្រូវ​ជ្រើសរើស​យក​ក្រុមហ៊ុន​ណាមួយ​សម្រាប់​ជា​អ្នកផ្តល់​សេវា Internet ឲ្យ​យើង ។
សម្រាប់​ការប្រើប្រាស់ Internet យើង​មិន​ចាំបាច់​ត្រូវ​មាន​កុំព្យូទ័រ​ទំនើប​នោះឡើយ កុំព្យូទ័រ​ប្រភេទ​ណា​ក៏​អាច​ភ្ជាប់​ទៅកាន់ Internet បានដែរ អ្វី​ជា​ប្រការ​សំខាន់​ជាងគេ​នោះ​គឺ Computer ដែល​យើង​ត្រូវ​មាន​គួរ​អាច​ប្រើ​ប្រូ​ក្រាម​ដូចជា Photoshop frontpage 2003 និង​ប្រូ​ក្រាម​បន្ទាប់បន្សំ​តូចៗ​មួយចំនួន​ទៀត​ប៉ុណ្ណោះ កុំព្យូទ័រ​នោះ​គួរ​មាន​សមត្ថភាព​អាច​ប្រើ windows XP pro និង service pack 2 or 3 បាន ហើយ​មាន​ល្បឿន​លឿន​ល្មម​អាច​ប្រើការ​បាន គឺ​គ្រប់គ្រាន់​ហើយ ។
មាន​កុំព្យូទ័រ​នៅក្នុង​ដៃ មាន​សេវា Internet ផ្ទាល់​នៅក្នុង​ដៃ​យើង​អាច​ចាប់ផ្តើម​ស្វែងយល់​ពី​ពិភពលោក​ដែល​នៅ​ជុំវិញ​ ខ្លួន​យើង​បាន​គ្រប់ពេល​គ្រប់​វេលា តែ​ទោះបីយ៉ាងណា​ក៏ដោយ បើសិន​លោក​អ្នកនាង​អាច​ចូល​មក​អាន​អត្ថបទ​នៅក្នុង website នេះ​បាន​គឺ​ចាត់ទុក​ថា​លោក​អ្នក​បាន​យល់​ខ្លះ​ហើយ​ពី​រឿងនេះ ថា​ត្រូវធ្វើ​យ៉ាងណា ។

ជំពូក​ទី ២ :​ ​រៀបចំ​កុំព្យូទ័រ និង​អ្វី​ដែល​យើង​ត្រូវការ​ចាំបាច់

យើង​ពុំ​ចាំបាច់​ត្រូវមាន​តុ​ដែក​យ៉ាង​ហ៊ឺហា ឬ​តុ​បេង​ដ៏​ថ្លៃ​ដើម្បី​ធ្វើ​រឿង​នេះ​ឡើយ​ត្រឹមតែ​ជា​តុ​ឈើ​កញ្ចាស់​មួយ​គឺ ​គ្រប់គ្រាន់​ណាស់​ទៅ​ហើយ ទោះបី​កៅអី​គ្មាន​ពូក​ក៏​យើង​អាច​ប្រើ​ខ្នើយ​កញ្ចាស់​មួយ​ដាក់​ទ្រាប់​ប្រើ​ សម្រាប់​អង្គុយ​បាន​ដូចគ្នា ។
នៅលើ​កុំព្យូទ័រ​យើង​, យើង​ត្រូវ​តម្លើង Ms windows xp (Installing Ms-windows xp) សូម​ចុច​ទីនេះ ដើម្បី​មើល​ពី​វិធី​តម្លើង Ms windows xp ។
បន្ទាប់ពី​បាន​តម្លើង Ms windows xp រួចហើយ សូម install Ms office 2003 ដោយ​រួមទាំង Frontpage 2003 ផងដែរ ជា​ចុងក្រោយ​គេ​គឺ​យើង​ត្រូវការ Photoashop CS3 ដើម្បី​រចនា website និង​រូបភាព​ផ្សេងៗ​សំរាប់ website របស់​យើង ។
បន្ទាប់​ពី​អ្វីៗ​បាន install ចូល​គ្រប់សព្វ​អស់ហើយ យើង​ត្រូវ​គិត​ដល់​រឿង​មួយចំនួន​ដូច​ខាងក្រោម :
1- ធ្វើ website នេះ​ដោយ​ខ្លួនឯង
2- ជួល​គេ​ឲ្យធ្វើ​ឲ្យ រួច​យកមក​គ្រប់គ្រង​ដោយ​ខ្លួនឯង
3- ជួល​គេ​ឲ្យធ្វើ រួច​ឲ្យគេ​គ្រប់គ្រង​ឲ្យ​បន្ត
ជំរើស​ទី ១ គឺ​ល្អ​ជាងគេ​បំផុត ប៉ុន្តែ​យើង​ត្រូវ​ចេះ HTML code, CSS, (PHP, MySQL ក្នុង​ករណី​ខ្លះ​) ក្រៅពី​នេះ​យើង​ត្រូវ​ចេះ Photoshop ថែម​ទៀត​នោះ​ទើប​គ្រប់គ្រាន់ ។
ចំណែក​ជំរើស​ទី ២ និង ទី ៣ មិនសូវ​ជា​ល្អ​ណាស់ណា​ទេ លើកលែង​តែ​យើង​មាន​ប្រាក់​សម្រាប់​ចំណាយ និង​មាន​គោលដៅ​ធំ ពី​ព្រោះ​ត្រូវ​ចំណាយ​ច្រើន​ណាស់​ក្នុង​១​ខែៗ យ៉ាងហោចណាស់​ត្រូវ​មាន​ប្រាក់​ចាប់ពី $ 100,000 ឡើងទៅ នោះ​បើ​យើង​មាន​គម្រោង​ធំ​ត្រូវ​ធ្វើ ។
រៀន HTML code មិន​ជា​ពិបាក​ណាស់ណា​ទេ បើ​យើង​ព្យាយាម​យើង​អាច​ប្រើ​ពេល​ត្រឹម ៣​ខែ ឬ​តិច​ជាង​នេះ​ដើម្បី​ឲ្យ​អាច​ធ្វើបាន​តិច​បំផុត​ក៏​ត្រូវការ​ពេល ១​ខែ​ដែរ ដើម្បី​ឲ្យ​យល់​បាន​ខ្លះ​ពី​ឫសកែវ​របស់ HTML ។ មានប្រូ​ក្រា​មមួយចំនួន​អាច​ឲ្យ​យើង​បង្កើត website ដោយ​មិន​ចាំបាច់​ឲ្យ​យើង​ចេះ HTML ឡើយ​ប៉ុន្តែ​នៅពេល​យើង​ចង់​បង្កើត​អ្វីមួយ​ប្លែក​ពីប្រូ​ក្រាម​អាចធ្វើ​បាន​ នោះ​វា​ចាំបាច់​ណាស់​ដែល​យើង​ត្រូវ​រៀន HTML code ។
សូម​ចុច​ទីនេះ​ដើម្បី​រៀន​ពី HTML Code ដោយ​ខ្លួនឯង ។
អាន​មកដល់​ត្រឹម​នេះ​លោក​អ្នកនាង​ត្រូវ​គិត​សិន​ថា​នៅ​មាន​ការចាប់អារម្មណ៍​នៅឡើយ​ទេ ?
បើសិនជា​នៅ​មាន​ការចាប់អារម្មណ៍​សូម​បន្ត​អាន​ទៅមុខទៀត ។ ដូច​បាន​ជម្រាប​ខាងដើម​ស្រាប់ មុខរប​នេះ​មិន​សម្រាប់​អ្នក​បេះដូង​ខ្សោយ​ឡើយ ។

ជំពូក​ទី ៣ :​ ​គោលបំណង និង គោលដៅ​របស់ website

នៅពេល​យើង​បង្កើត website យើង​ត្រូវ​គិត​ឲ្យដល់​សិន​ចំពោះ​បំណង​របស់ website យើង តើ​ត្រូវ​តំរង់​ចំពោះ​អ្វី​ទៅ :
- តើ​វា​សម្រាប់​ភាសាបរទេស ?
- តើ​វា​សម្រាប់​ភាសា​ខ្មែរ
* បើសិន website យើង​ធ្វើ​ជា​ភាសា​ខ្មែរ និង​សម្រាប់​ពលរដ្ឋ​ខ្មែរ​នោះ​មានន័យថា​យើង​នឹង​ពុំ​អាច​រក​ប្រាក់​បាន​ តាមរយៈ Internet នោះ​បាន​ឡើយ ដោយហេតុ​ថា​យើង​បាន​តម្រង់​ទិស​របស់​យើង​សម្រាប់​តែ​មួយ​ផ្នែក​ប៉ុណ្ណោះ មិនមែន​សម្រាប់​មនុស្ស​គ្រប់គ្នា​ឡើយ ។ ហេតុនេះ​ភាពទូលំទូលាយ​នៃ​ការ​ស្គាល់ website យើង​គឺ​មាន​តែ​មួយចំណែក​តូច​ក្នុង​សហគម​ខ្មែរ​យើង​តែ​ប៉ុណ្ណោះ ពីព្រោះ​ភាសា​ខ្មែរ​ដែល​យើង​បានដាក់​គឺ​សម្រាប់​តែ​អ្នកចេះ​អាន​ភាសា​ខ្មែរ ទើប​គេ​ចូលមក website របស់​យើង ។
* ក្នុងន័យ​មួយទៀត​បើសិនជា wesite យើង​ធ្វើ​ជា​ភាសា​អង់គ្លេស​តើ​យើង​មានលទ្ធភាព​និពន្ធ​ពាក្យ​ពេជ្រ​ក្នុង website យើង​ជា​ភាសា​អង់គ្លេស​បាន​ដែរឬទេ ? ហើយ​គោលដៅ​របស់ website យើង​នោះ​ចង់​និយាយ​ពី​អ្វី​ដែរ សំរាប់​បង្រៀន​គេ សំរាប់​លក់ទំនិញ �​សម្រាប់​អ្វី ?� ដូចនេះ​យើង​ត្រូវ​គិត​ពី​សមត្ថភាព​និង​អ្វី​ដែល​យើង​អាច​ធ្វើបាន​សិន ព្រោះ​ក្នុង​នេះ​គោលបំណង​សំខាន់​របស់​យើង​គឺ​ដើម្បី​រក​ប្រាក់ ។
ដើម្បី​ស្វែងយល់​ពី​បញ្ហា​នេះ​ឲ្យបាន​ច្បាស់ ខ្ញុំ​សូម​លើកយក​កត្តា​មួយចំនួន​ដែល​ទាក់ទង​ដល់​ការរក​ប្រាក់​នេះ​មក​ បកស្រាយ​ដូចខាងក្រោម :
នៅក្នុង​ប្រព័ន្ធ Internet យើង​អាច​រក​អ្វីៗ​បាន​គ្រប់យ៉ាង​ទាំង​សម្រាប់​ការសិក្សា សម្រាប់​រក​ប្រាក់ សំរាប់​កំសាន្ត សំរាប់​ទិញ សំរាប់​លក់ ៘ និង ៘
មាន​ប្រធានបទ​គ្រប់យ៉ាង​ដែល​យើង​អាច​លើកយក​មក​និយាយ មាន​វត្ថុ​រាប់លាន​មុខ​ដែល​យើង​អាច​យកមក​លក់ មាន​មេរៀន​រាប់​លាន​សន្លឹក ដែល​យើង​អាច​យក​មក​សិក្សា មិនតែប៉ុណ្ណោះ​នៅ​មាន វី​ឌី​អូ អូ​ឌី​អូ រូបភាព និង​អ្វីៗ​ច្រើន​ទៀត ។
ឧទាហរណ៍ : យើង​ត្រូវ​សម្រេចចិត្ត​រើស​យក​មួយ ឬ​ច្រើន​ទៅតាម​ការចង់បាន​របស់​យើង សព្វថ្ងៃនេះ​មាន​មនុស្ស​ជាច្រើន​ត្រូវការ​ការងារ​ធ្វើ ត្រូវការ​ប្រាក់ ទោះបី​១០០​ឆ្នាំ ទៅមុខ​ទៀត​ក៏​មនុស្ស​យើង​នៅ​ត្រូវការ​ប្រាក់​ដែរ ហេតុនេះ​វិធី​រកប្រាក់​គឺជា​ចំណុច​ចាប់ផ្តើម​មួយ​យ៉ាង​ល្អ​បំផុត​ដែល​យើង​ ត្រូវ​លើក​យក​មក​និយាយ ។
ដូចនេះ​យើង​សូម​សន្មត់​ថា website របស់​យើង​គឺជា website ដែល​ពន្យល់​ប្រាប់​គេ​ពី​វិធី​រកប្រាក់ ។ ដូចនេះ​នៅក្នុង​អត្ថបទ​របស់​យើង​, យើង​ត្រូវ​បកស្រាយ​ពី​គន្លឹះ ចំណោះ​ស្រាយ និង បញ្ហា​មួយចំនួន​ដែល​អ្នកអាន​គាត់​អាច​មាន​ការចាប់អារម្មណ៍​ហើយ​ចង់​ធ្វើតាម អ្វី​ដែល​យើង​បាន​និយាយ​ក្នុង website​ យើង ។
យើង​អាច​ទទួលយក ads ពី google មក​ដាក់​ក្នុង website យើង យើង​អាច​ដាក់ Banner របស់​ក្រុមហ៊ុន​ផ្សេងៗ ដើម្បី​យក​ក្បាល​កាក់ យើង​អាច​ផ្សាយពាណិជ្ជកម្ម​លក់​អ្វី​មួយ​ឲ្យ​អ្នកណាម្នាក់ ទាំងនេះ​គឺជា​អ្វី​ដែល​យើង​អាច​រកបាន ។
ក្នុង website មួយ​យើង​អាច​រកបាន 100-200 ដូចនេះ បើ​យើង​មាន website ស្រដៀងៗ​គ្នា​ចំនួន​ច្រើន គិតថា ៥​ចុះ នោះ​យើង​អាច​រក​បាន​ប៉ុន្មាន ? សូម​កុំ​ទាន់​និយាយា​ដល់​រក​បាន​ប្រាក់​ម៉ឺន ឬ​ប្រាក់​សែន​សូម​រក​ត្រឹម​រយ និង​ពាន់​សិន​បាន​ហើយ រហូត​យើង​យល់​ពី​វា​បាន​ច្រើន​ហើយ ទើប​ពង្រីក​វា​ជា​ក្រោយ​ក៏​មិន​យឺត​ពេល​ដែរ ។
ព្យាយាម​ប្រមូល​ព័ត៌មាន​ស្តីពី​ការរក​ប្រាក់​ឲ្យបាន​ច្រើនយ​កមកកត់ បង្កើន​ចំនួន​អត្ថបទ បង្ករ​ការ​ចាប់​អារម្មណ៍​របស់​អ្នក​អាន​ឲ្យបាន​ច្រើន តាម​ដែល​យើង​អាច​ធ្វើទៅបាន​ទោះ​ដោយ​វិធី​ណា​ក៏ដោយ​ចុះ ធ្វើយ៉ាងណា​ឲ្យ​អ្នក​ចូល​គាត់​គិតថា website របស់​យើង​គឺជា​កន្លែង​ដែល​គាត់​អាច​ទុកចិត្តបាន អាច​​ទទួលយក​នូវ​ព័ត៌មាន​ដែល​គាត់​ត្រូវការ រួម​ទាំង​ព័ត៌មាន​ដែល​គួរ​ឲ្យ​គាត់​ចាប់អារម្មណ៍​បន្ថែម ។

ជំពូក​ទី ៤ :​ ​Affiliate Program

ការទទួលយក​ពាណិជ្ជកម្ម​ពី​ក្រុមហ៊ុន​ផ្សេងៗ​មក​ដាក់​ផ្សាយ​នៅលើ website របស់​យើង​គឺជា​រឿង​ចាំបាច់​បំផុត​ដែល​ពុំ​អាច​ខ្វះ​បានឡើយ ។
យើង​ធ្លាប់​បានឃើញ​ហើយ​ថា​នៅលើ website មួយ​ចំនួន​យ៉ាង​ធំ​មាន​ដាក់​ផ្សាយពាណិជ្ជកម្ម​ផ្សេងៗ យ៉ាង​សម្បូ​រណ៍​បែប ប៉ុន្តែ​ក្នុងនោះ​គឺមាន​តែ website មួយចំនួន​ប៉ុណ្ណោះ​ដែល​បាន​ដឹង​ពី​រឿង​ផ្ទៃក្នុង​ខ្លះៗ​នៃ​ការដាក់​ ផ្សាយពាណិជ្ជកម្ម​នេះ ហើយ​អាចឲ្យ​គេ​រក​ប្រាក់​បាន​ច្រើន យើង​នឹង​និយាយ​ពី​រឿង​នេះ​នៅ​ផ្នែក​ក្រោយ​ទៀត​តែ​ពេលនេះ​ខ្ញុំ​សូម​លើកយក​ពី ​វិធី​នៃ​ការ​ដំណើរការ​របស់ google មក​និយាយ​សិន ។
* google ត្រូវបាន​គេ​ស្គាល់​ទូទាំង​ពិភពលោក​ថា​ជា website search engine សម្រាប់​ឲ្យ​យើង​ស្វែងរក (Search) អ្វីមួយ​ដែល​យើង​ត្រូវការ​ទោះ​ជា​ពាក្យ​អ្វី​ក៏ដោយ ក៏ google អាច​រក​ឃើញ​ដែរ ទោះ​វា​មិនមែន​ជា​ឈ្មោះ wesite តែ​ជា​ពាក្យ Keywords ក៏ google រកឃើញ ។ ក្រៅពី google នៅមាន yahoo, live, ask, AOL និង search engine ច្រើន​ទៀត​រាប់មិនអស់​ដែល​ត្រូវបាន​គេ​ដាក់ឲ្យ​ដំណើរការ​នៅ​លើ​ប្រព័ន្ធ Internet ប៉ុន្តែ​ក្នុង​ចំណោម​នោះ​គឺ​មានតែ google និង yahoo ប៉ុណ្ណោះ​ដែល​ទទួលបាន​ជោគជ័យ​ជាងគេ ។
* ហេតុអ្វី ?
នោះ​ក៏​មកពី search engine ទាំងពីរ​នេះ​បាន​ចិញ្ចឹម​មនុស្ស​រាប់លាន​នាក់​នៅលើ​ពិភពលោក
ដោយ​វិធី​ណា ?
គឺ​ងាយស្រួល​បំផុត !
ផ្ញើ​លុយ​ឲ្យ​រាល់​ខែ !
ហេតុអ្វី ?
គឺ​ការផ្សាយពាណិជ្ជកម្ម !
google និង​មិន​ល្បី​ហើយក៏​មិន​មានមុខ​រហូត​មកដល់​សព្វថ្ងៃនេះ​ទេ​បើសិនជា​គេ​មិន​អាច​បាន​ទទួល​ប្រយោជន៍​ពី​ទីនោះ ។
ក្នុងនាម​ជា search engine ដ៏​ធំ​បំផុត​ជាង​គេ សព្វថ្ងៃ google មាន​តម្លៃ​ខ្លួន​រហូតដល់ 138 ពាន់​លាន​ដុល្លារ ។ google មិន​ត្រឹមតែ​ជា​អ្នក​ផ្តល់​ឲ្យ​យើង​នូវ​វិធី​រក​ពាក្យ ឬ website ប៉ុណ្ណោះ​ទេ ប៉ុន្តែ google បាន​ផ្តល់​ឱកាស​ឲ្យ website និង blog ជាច្រើន​អាច​រក​ប្រាក់​បាន​សម្រាប់​ចិញ្ចឹម​ដោយ​វិធី​ងាយស្រួល និង​សាមញ្ញ​បំផុត ដែល​អ្នក​ណា​ក៏​ដោយ​ឲ្យតែ​ចេះ​ប្រើ Internet អាច​រក​ប្រាក់​បាន​ពី​វិធី​ដ៏​ងាយ​នោះ រហូត​មាន​មនុស្ស​រាប់ពាន់​នាក់​ពឹង​អាស្រ័យ​ទៅ​លើ​ចំណូល​បានមក​ពី google អ្នកណា​ក៏​អាចធ្វើ​បាន អ្នកណា​ក៏​អាច​រក​បាន​មិន​ថា​ខ្មែរ ចាម ចិន បារាំង ខ្មៅ ស ល្អ អាក្រក់​ឡើយ ។
ជា​ការពិត google បាន​បង្កើតឲ្យមាន​ប្រព័ន្ធ​ផ្សាយពាណិជ្ជកម្ម​មួយ​ដែល​អនុញ្ញាត​ឲ្យ website blog អាច​យក​ពាណិជ្ជកម្ម​នោះ​មក​ដាក់​ផ្សាយ យើង​ជា​ម្ចាស់ website អាច​ទទួលយក ads មក​ផ្សាយ​រួច​ទទួល​បាន​កម្រៃ​ពី​ការផ្សាយ​នោះ ។ តើ​យើង​ទទួល​កម្រៃ​ពី​ការផ្សាយ​នោះ​ដោយ​វិធី​ណា ?
ក្រៅពី google នៅ​មាន​ក្រុមហ៊ុន​ជាច្រើន​ទៀត​ដែល​បាន​ផ្តល់​កម្រៃ​ឲ្យដល់​ម្ចាស់ website ណាមួយ​ដែល​បាន​យល់ព្រម​ទទួលយក​ពាណិជ្ជកម្ម​របស់​គេ​មក​ដាក់​នៅក្នុង website របស់​យើង ។ សូម​ចាំ​ថា ម្ចាស់​របស់​ពាណិជ្ជកម្ម​គឺជា​អ្នក​កំណត់​តម្លៃ​ដែល​គេ​កំណត់​គឺ​មាន​ចាប់ពី $0.01 (1 សេន​) ឡើង​ទៅ​រហូត​ដល់​រាប់ពាន់​ដុល្លារ បើសិនជា​មាន​គេ​ក្លីក (click) ចូល​ពាណិជ្ជកម្ម​នោះ ប៉ុន្តែ​ពាណិជ្ជកម្ម​ដែល​មាន​តម្លៃ​ថ្លៃៗ​ទាំងនោះ​មិន​ដែល​បាន​មកដល់​យើង​ ឡើយ ពុំ​ដឹង​ជា​គេ​ឲ្យ​ខាង​ណា​ជា​អ្នក​ផ្សាយ​ទេ ឯ​ចំណែក​ពាណិជ្ជកម្ម​ដែល​មាន​តម្លៃថោកៗ ត្រឹម​ចាប់ពី ៥​សេន​ចុះក្រោម​ក្នុង 1 click គឺ​មាន​នៅ​សល់​ច្រើន ដូចនេះ​ចំណូល​ដែល​យើង​អាច​ទទួលបាន​ពី​ការផ្សាយពាណិជ្ជកម្ម គឺ​មិន​ច្រើន​ប៉ុន្មាន​ទេ ប៉ុន្តែ​ចូរ​ប្រមូល​យក​ឲ្យបាន​ច្រើន ។ ឧទាហរណ៍ : បើ​យើង​មាន​ទទួល​ពាណិជ្ជកម្ម​យក​ចុះ​ផ្សាយ​ជា​មួយ website យើង 1 click យើង​ទទួលបាន 7 សេន (​នៅពេល​យើង​ដាក់​ពាណិជ្ជកម្ម​ហើយ​មាន​អ្នកណា​ម្នាក់​គេ click លើ​ពាណិជ្ជកម្ម​នោះ​ដើម្បី​ចង់​ដឹង​ចង់​យល់​បន្ថែម​ពី �​ប្រកាស​� នោះ​) នោះ​យើង​ជា​ម្ចាស់ website និង​ទទួលបាន 2 សេន ហើយ​បើ​មាន​អ្នកណា​ផ្សេង​ទៀត​ចុច​មើល​ទៀត​នោះ​មានន័យ​ថា​ចំនួន​ទឹក​លុយ​របស់ ​យើង​នឹង​កើន​តាម​នោះ​ដែរ ។
បើសិន​យើង​មាន​បង្កើត website ចំនួន​ច្រើន ចំណូល​របស់​យើង​អាច​ច្រើន​តាម​នោះដែរ ។ website ត្រូវ​មាន​ប្រធានបទ​ខុសៗ​គ្នា ហើយ​សង្កេតមើល​ថា​តើ website ណាមួយ​ទទួលបាន​ច្រើនជាងគេ ដូចនេះ​យើង​ត្រូវបង្កើត website ស្រដៀង​គ្នា​នោះ​ក្នុង​ចំនួន​ច្រើន​ថែម​ទៀត ។
* google មាន​គំនិត​នេះ
- search engine : ទី ១ គឺ​សម្រាប់​ឲ្យ​អ្នក​ចូល​ទាំងអស់​ស្វែងរក​អ្វីដែល​គេ​ត្រូវការ ពេល​រក​ឃើញ​, វា​នឹង​បង្ហាញ​ពី​លទ្ធផល​ដែល​បាន​រកឃើញ​ដោយ​ចំ និង​ដោយ​ប្រហាក់ប្រហែល ។ google យល់​ថា​បើសិនជា​ខ្លួន​អាច​ឲ្យ​ម្ចាស់ website ផ្សេងៗ​អាច​រក​ប្រាក់​បាន​ពី​ការទទួល​យល់ព្រម​យក​ពាណិជ្ជកម្ម​របស់​ខ្លួន​ទៅ ​ចុះផ្សាយ​រួច​ទទួលបាន​ប្រាក់កម្រៃ ដូចនេះ​សេចក្តីត្រូវការ​ដើម្បី​ប្រើ google នឹង​នៅតែ​មាន​តម្លៃ ហើយ​មនុស្ស​ច្រើន​ឡើង​និង​ចូលចិត្ត google website កាន់តែ​ច្រើន​ឡើង​នឹង​ចង់បាន ads របស់ google យកមក​ដាក់​ជា​មួយ website ខ្លួន ទោះបី​ថា​យ៉ាង​ដូច្នេះ​ក្តី ក៏​នៅ​មាន​ក្រុមហ៊ុន​ផ្សេងៗ​ទៀត ដែល​មិន​មាន search engin ដូច google ប៉ុន្តែ​គេ​បាន​បង្កើត​ប្រព័ន្ធ​ផ្សាយពាណិជ្ជកម្ម​បែប​ទំនើប​មួយ​មាន​លក្ខណៈ ​ប្រសើរ​ជាង google adsense ច្រើនដង ឲ្យ​កម្រៃ​នៃ​កា​ចុះផ្សាយ​ខ្ពស់ជាង google ឯ​ចំណែក​ពាណិជ្ជកម្ម​វិញ​ទៀត​សោត​ក៏​មាន​លក្ខណៈ​ជា​ពាណិជ្ជកម្ម​ពិតៗ គួរឲ្យ​ទាក់ទាញ​អារម្មណ៍​ជាង google adsense ដែល​មាន​សុទ្ធតែ​អក្សរ​មិនសូវ​មាន​ការចាប់អារម្មណ៍ ។
ក្រុមហ៊ុន​គួក​ជេ​បណ្តាញ​ផ្សាយពាណិជ្ជកម្ម​ទាំងនោះ ព្យាយាម​ប្រឹងប្រែង​ប្រកួត​ជា​មួយ google adsense យ៉ាង​ស្ងៀមស្ងាត់ ហើយ​ទទួលបាន​ការស្វាគមន៍​ពី​ម្ចាស់ website គ្រប់​ទីកន្លែង​ទាំងអស់ ប៉ុន្តែ​ដើម្បី​រក​ក្រុមហ៊ុន​ទាំងនោះ​និង​ទទួលបាន​ពាណិជ្ជកម្ម​មក​ចុះ​នៅលើ website របស់​យើង​មិនមែន​ជា​រឿង​មួយ​ងាយស្រួល​ឡើយ ពីព្រោះ​តែ​យើង​មិនដឹង​ថា​ក្រុមហ៊ុន​ទាំងនោះ​នៅ​ទីណា ឈ្មោះ​អ្វី ហើយ​មាន​ទម្រង់​នៃ​វិធី​ធ្វើ​នោះ​បែបណា ដើម្បី​សម្រួល​ដល់​បញ្ហា​នេះ​ខ្ញុំ​បាន​ចងក្រង​ជា​បញ្ជី​មួយ រួម​ទាំង​សេចក្តីពន្យល់ និង លក្ខណផ្សេងៗ​ដែល​យើង​ត្រូវ​ដឹង​ជាមុន (​មាន​ក្រុមហ៊ុន​ខ្លះ​ពុំ​សុចរិត​មាន​ការបោកប្រាស់ បើសិនជា​យើង​ពុំបាន​ដឹង​ពី​ប្រវត្តិ​និង​របៀប​ប្រត្តិបត្តការណ៍​របស់​គេ​ ទេនោះ website យើង​នឹង​ក្លាយទៅជា​កន្លែង​សម្រាប់​ផ្ទេរ Traffic ឲ្យគេ​ជាមិនខាន​) ឲ្យបាន​សព្វគ្រប់​ពី​ក្រុមហ៊ុន​និមួយៗ​មុន​ពេល​យើង​ទទួល​យល់ព្រម​រកស៊ី​ ជាមួយ​គេ ។
- – - – - – - – - – - – - – - – - – - – - – - – - – - – - – - – - – - – -
ដោយឡែក
- – - – - – - – - – - – - – - – - – - – - – - – - – - – - – - – - – - – -

Google Ads Sense ជា​អ្វី ?

Gogle adsensen (Ads Sense) គឺជា​វិធី​ផ្សាយពាណិជ្ជកម្ម​ម្យ៉ាង បង្កើតឡើង​ដោយ​ក្រុមហ៊ុន google ។ ក្រុមហ៊ុន google អាច​រក​ប្រាក់ចំណូល​បាន​រាប់រយ​លាន​ដុល្លារ​ក្នុង 1​ខែៗ ដោយ​អនុញ្ញាត​ឲ្យ website ទាំងឡាយ​ទទួល​យក​ការផ្សាយ​ពាណិជ្ជកម្ម​ពី google ទៅ​ចុះ​ផ្សាយ​លើ website ទាំងនោះ ។ វិធី​ចុះផ្សាយ​ពាណិជ្ជកម្ម​នេះ google ហៅ​វា​ថា “AdWords” ។
ក្រុមហ៊ុន​ណា​មួយ website ណាមួយ ទោះបីជា​ក្រុមហ៊ុន​ធំ ក្រុមហ៊ុន​តូច ឬ​ជា​អ្នកណា​ម្នាក់​ក៏ដោយចុះ​ដែលមាន website ដំណើរការ (​មាន​សកម្មភាព​) អាច​ទទួលយក �​កម្មវិធី​ផ្សាយ​ពាណិ​ជ្ជ​កម្ម​​� របស់ google មក​ដាក់​ផ្សាយ​នៅលើ website របស់​យើង​បាន ហើយ​ទទួលបាន​កម្រៃ​ពី​ការ​ទទួល​យល់ព្រម​ដាក់​ផ្សាយពាណិជ្ជកម្ម​នោះ ។​ក្នុងន័យ​មួយទៀត​គឺ​យើង​ទទួល​ជួយ​ផ្សាយ​ពាណិជ្ជ​កម្ម​ឲ្យ​ក្រុមហ៊ុន google ហើយ​ទទួលបាន​កម្រៃ​ពី​ក្រុមហ៊ុន​នេះ ។ របៀប​នៃ​ការបង់​កម្រៃ​ឲ្យ​យើង​គឺ​គិត​ជា​ភាគរយ ប្រហាក់ប្រហែល 2 សេន ក្នុង 1 click (​មានន័យ​ថា : បើ​ពាណិជ្ជកម្ម​ដែល​បាន​ដាក់​ផ្សាយ​ក្នុង website យើង​ត្រូវ​បាន​អ្នកណាម្នាក់ (​អ្នក​ចូល website យើង​) click (​ចុច​) ទៅលើ Ads នោះ (​ពាណិជ្ជកម្ម​នោះ​) ដើម្បី Link (​ភ្ជាប់​) ទៅកាន់ website របស់​ម្ចាស់​ពាណិជ្ជកម្ម នោះ​យើង​នឹង​ទទួល​បាន​កម្រៃ​ចំនួន 2 សេន ពី google ។
តាមរយៈ​វិធី​ផ្សាយពាណិជ្ជកម្ម​បែប​នេះ យើង​ប្រហែលជា​គិតថា​បើ​យើង​អង្គុយ​ចុច​បើក (click) លើ​ពាណិជ្ជកម្ម​នោះ ដោយ​ខ្លួនឯង​ឲ្យបាន​ច្រើនដង​ប្រហែលជា google មិន​ដឹង​ទេ ! ការគិត បែបនេះ​គឺ​ខុស​ស្រឡៈ ត្រូវ​ចាំ​ថា google មាន​បញ្ជូន spider និង Grawler ទៅគ្រប់ website ទាំងអស់​នោះ​ទូទាំង​ពិភពលោក​គ្មាន​សល់ website ណាមួយ​ទេ website ទាំងអស់នោះ​មាន​សកម្មភាព​អ្វី​ខ្លះ Google ដឹង​ទាំងអស់ website នោះ​មាន​មនុស្ស​ចូល​មើល​ម៉ោង​ណា នា​ទីណា មកពី​ប្រទេស​ណា google ដឹង​ទាំងអស់ តើ​យើង​គិត​ថា​អាច​កុហក google បានទេ ចម្លើយ​គឺ �​ទេ​� បើ​យើង​ហ៊ាន​ធ្វើ​ដូច្នេះ google នឹង​បញ្ឈប់​យើង​លែង​ឲ្យ​យក​ពាណិជ្ជកម្ម​មក​ចុះ​ផ្សាយ​ទៀត​ជា​ស្វ័យប្រវត្តិ ហើយ​លែង​ត្រូវបាន​អនុញ្ញាត​ឲ្យ​ផ្សាយ​ជា​រៀងរហូត website យើង​ទៀត​សោត​ក៏​ត្រូវបាន google ពិចារណា ! អាច​ចាត់​ទុក​​ចូល​ក្នុង​ជំពូក website មិន​ស្មោះត្រង់ ឬ លែង​អាចឲ្យ​គេ​រកឃើញ និង​មិន​មាន​ចំណាត់​ថ្នាក់​ក្នុង search engine ឡើយ ។
ទោះបីជា​ការព្រម​ទទួលយក​ពាណិជ្ជកម្ម (adsense) ពី google មក​ចុះ​ផ្សាយ​នៅលើ website របស់​យើង​ទទួលបាន​ប្រាក់​កម្រៃ​តិចតួច​ក៏​ពិតមែន ប៉ុន្តែ​វា​អាច​ជួយ​សម្រាល​ការចំណាយ​ទៅលើ​ការបង់ថ្លៃ Host របស់ website យើង លើសពីនេះទៅទៀត បើ​យើង​យល់ដឹង​ពី​បញ្ហា​នេះ​ច្រើន និង​បាន​ដឹង​ស៊ីជម្រៅ​ជាងនេះទៀត បើ​យើង​អាច​រក​ប្រាក់​ចិញ្ចឹមជីវិត​បាន​យ៉ាង​ស្រួល ទោះ​យើង​មិន​មាន​​ធ្វើការ​អ្វី​ក៏ដោយ (​ត្រឹម 500 ទៅ 5000 ដុល្លារ ក្នុង 1​ខែ គឺ​អាច​រកបាន​ដោយ​ងាយ​) ។ (​ដើម្បី​រក​ប្រាក់​បាន​តាម​វិធី​នេះ សូម​រង់ចាំ​អាន​សៀវភៅ​អេឡិចត្រូនិច ដែល​ខ្ញុំ​និង​ចេញផ្សាយ​នៅ​ពេល​ដ៏​ឆាប់​ខាងមុខ​នេះ​) ។
កម្មវិធី​ផ្សាយពាណិជ្ជកម្ម​របស់ google នេះ​ទទួលបាន​ការស្វាគមន៍​គ្រប់​ទីកន្លែង​ផ្តល់​ការងារ ផ្តល់​កម្រៃ​​សំរាប់​ចិញ្ចឹម​មនុស្ស​ជាច្រើន​លាន​នាក់​រាល់ថ្ងៃ ។
កម្រៃ​ដែល​យើង​ទទួលបាន​គឺជា​រៀងរាល់ខែ ទោះ​យើង​នៅទីណា​ក៏ដោយ​ចុះ​ក៏ google ផ្ញើ​ឲ្យ​យើង​បាន​ដែរ ទោះជា​នៅ​ក្នុង​ប្រទេស​កម្ពុជា​យើង​ក្តី​គឺ​គ្មាន​បញ្ហា​ទេ អ្វី​ដែល​យើង​ត្រូវ​ធ្វើ​នោះ​គឺ​មាន​អាស័យ​ដ្ឋាន​មួយ​ត្រឹមត្រូវ​ច្បាស់លាស់ ឬ​មាន​បើក​គណនេយ្យ​នៅ​ធនាគារ​ដើម្បី​ទទួលយក​លុយ​កម្រៃ​នេះ ។
យើង​មិនគួរ​មើលរំលង​វិធី​រក​ប្រាក់​បែប​នេះ​ឡើយ ពីព្រោះ​យើង​គ្រាន់តែ​ធ្វើ​វា​ចោល​ហើយ​រង់ចាំ​ទទួល​យក​ប្រាក់​ប៉ុណ្ណោះ បើ​យើង​អាចបង្កើត website ច្រើន (100 ឬ 500) ចេញពី​ក្នុង Host តែមួយ បង់​​​តែ $5 – $10 ក្នុង ១​ខែ ហើយ​ចំណាយ​ពេល​ខ្លះ​បង្កើត website បន្ទាប់ពី​នោះ​ដេក​រង់ចាំ​ទទួលយក​ប្រាក់ វា​និង​ស្មើ​ពាក្យ​ថា​ដេក​រង់ចាំ​លុយ​ហោះចូល​តាម​ទ្វារ តាម​បង្អួច ដែល​ពាក្យ​នេះ​បាន​ក្លាយជា​ការពិត​ទៅ​ហើយ​នាពេល​បច្ចុប្បន្ន​នេះ អ្វី​ដែល​យើង​ត្រូវ​ការសំខាន់​ជាង​គេ​គឺ �​ភាសា​អង់គ្លេស និង ចំណេះដឹង​ផ្នែក website និង​គំនិត និង ការ​អំនត់​ព្យាយាម​� វា​ស្មើ​និង​លុយ​ហោះចូល​តាម​ទ្វារ​បង្អួច �​គឺ​វា​លែង​ជា​ពាក្យ​និយាយ​លេង ឬ​បន្ថុះ​បង្អា​ប់ដូច​មុន​ទៀត​ហើយ​� ។
ឥឡូវនេះ​យើង​ត្រឡប់​បក​មក​វិធី​ដែល google រក​ប្រាក់​និង​វិធី​ផ្សាយពាណិជ្ជកម្ម​វិញ​ម្តង ។ អ្នកណា​ម្នាក់​​ដែល​មាន​បំណង​ផ្សាយ​ពាណិជ្ជកម្ម (​មាន​ពាណិជ្ជកម្ម​រាប់រយ​លាន​ក្នុង ១​ថ្ងៃៗ​) ជាមួយ google អ្នក​នោះ​ត្រូវ​កំណត់​ទឹកប្រាក់​សម្រាប់​ចំណាយ​ដើម្បី​ផ្សាយពាណិជ្ជកម្ម​នោះ ។ ឧទាហរណ៍​ថា​គាត់​នឹង​ចំណាយ 500​ដុល្លារ​ក្នុង​មួយ​ខែ​ដើម្បី​ផ្សាយពាណិជ្ជកម្ម​របស់គាត់ google តម្រូវឲ្យ​ម្ចាស់​ពាណិជ្ជ​កម្ម​​កំណត់​តម្លៃ click តើ​យើង​ជា​ម្ចាស់​ពាណិជ្ជកម្ម និង​ផ្តល់ឲ្យ​គេ​ប៉ុន្មាន​ក្នុង 1click (1 click គឺ​ស្មើ​អ្នកណា​ម្នាក់​ចុច​ទៅលើ​ពាណិជ្ជកម្ម​នោះ​) បើ​យើង​ជា​ម្ចាស់​យល់ព្រម​ឲ្យគេ 1 click 3​សេន 2​សេន (​យ៉ាងតិច​) ឬ​ច្រើន​ជាង​នេះ តែ​មិន​តិច​ជាង 2​សេន​ឡើយ ដូច្នេះ​ពាណិជ្ជកម្ម​នោះ​នឹង​ត្រូវ​បាន google តម្រង់​ទៅ​រក website ណាមួយ​ដែល​ត្រូវ​ជាមួយ Keywords របស់​ពាណិជ្ជកម្ម (Keywords គឺជា​ពាក្យ​គន្លឹះ​សំដៅ​សំគាល់​ន័យរ​បស់​ពាណិជ្ជកម្ម​) ។ ក្រៅ​ពី​ត្រូវ​បង់ប្រាក់​តាម​ចំនួន​យើង​ត្រូវ​បង់​កម្រៃ​ឲ្យ google ក្នុង​ការរៀបចំ​ចាត់ចែង​ពាណិជ្ជកម្ម​យើង​សម្រាប់​ផ្សាយ​ក្នុង ១ លើក google យក​ពី​យើង​ប៉ុន្មាន​​អាស្រ័យទៅលើ​ការកំណត់​របស់ google ម្ចាស់​ពាណិជ្ជកម្ម​ត្រូវ​ស្វែងយល់​ពី​បញ្ហា​នេះ​ជាមួយ google ដោយផ្ទាល់ ។ ប្រាក់​ដែល​យើង​បង់​សម្រាប់​ផ្សាយពាណិជ្ជកម្ម​ត្រូវបាន google ដាក់ចូល​ធនា​គារ​​យក​ការប្រាក់ ឯ​ចំណែក​ថ្លៃ​កម្រៃ google យក​ដាក់​ធនាគារ​ដូចគ្នា ដូច្នេះ google អាច​រក​ប្រាក់​បាន​ពីរ​មុខព្រួញ​គឺ​ការប្រាក់​និង​ថ្លៃ​កម្រៃ ឯ​ចំណែក​ទឹកប្រាក់​សំរាប់​ចំណាយ​ថ្លៃ​ផ្សាយ​គឺ​បាន​មក​យើង ឬ website ណា​ដែល​យក​ពាណិជ្ជកម្ម​មក​ចុះ​ផ្សាយ ។ ទឹកប្រាក់​របស់​ម្ចាស់​ពាណិជ្ជកម្ម នឹង​ត្រូវ​អស់​នៅ​ពេល​គ្រប់​ចំនួន​ទឹក​លុយ 500 ដុល្លារ​នោះ ម្ចាស់​ពាណិជ្ជកម្ម​អាច​បន្ត ឬ​អាច​ឈប់​តាមចិត្ត​ចង់​របស់ខ្លួន ។
យើង​ឃើញ​ហើយ​ថា​ទឹកប្រាក់​ជាច្រើន​រយ​លាន​ដុល្លារ​ត្រូវ​ចំណាយ​ឲ្យ​ ម្ចាស់ website ដែល​ទទួល​យក​ពាណិជ្ជកម្ម​ទៅ​ផ្សាយ​ជា​រៀងរាល់ថ្ងៃ ។ ទឹកប្រាក់​ដែល​យើង​ទទួលបាន google មិន​ដែល​កេង​បន្លំ​ពី​យើង​ឡើយ ហើយ google និង​ផ្ញើ​ឲ្យ​យើង​នៅពេល​ទឹកប្រាក់​នោះ​គ្រប់​ចំនួន 100 ដុល្លារ ឬ​លើស​ពីនេះ តើ​យើង​អាច​ទទួលយក​ចំណែក​នៃ​ទឹកប្រាក់​នេះ​ទេ ? គឺ​ពិតជា​អាច​អ្វីដែល​ទាមទារ​ខ្លាំងជាងគេ​នោះ​គឺ ភាសា​អង់គ្លេស និង​ចេះ​បង្កើត website ដោយ​ខ្លួនឯង​, website មួយ​មាន 15 ទំព័រ​ឡើង​ទើប google រាប់​យើង​ជា​មិត្ត តិច​ជាង​នេះ google មិន​សប្បាយ​ចិត្ត​យក​យើង​ជា​មិត្ត​ឡើយ ។
website របស់​យើង​ត្រូវ​បង្កើត​ជា​ភាសា​អង់គ្លេស​មាន​ទិសដៅ​សំរាប់​អ្វីមួយ (​ទោះ​និយាយ​ពី​អ្វី​ក៏ដោយ​) លៃ​ធ្វើយ៉ាងណា​ឲ្យគេ​ឆ្ងល់ ឲ្យគេ​ចូល​ច្រើន ឲ្យគេ​ចង់ដឹង​—​មិនចេះ​រៀប​ពាក្យ​អង់គ្លេស​គ្មាន​បញ្ហា ! Copy របស់​ផស់​គេ​មក​ដាក់​លាយ​គ្នា និង​ប្រើ​គំនិត​បន្តិច​គឺជា​ការ​ស្រេច (​សូម​រង់ចាំ​អាន​វិធី​បង្កើត website និង​វិធី​ដាក់​អត្ថបទ​ដែល​នឹង​មាន​ចេញផ្សាយ​ឆាប់ៗ​នេះ​)
ប្អូនៗ​ដែល​ជា​និស្សិត​សិក្សា​ផ្នែក IT ឬ website ហើយ​ចេះ HTML, PHP, MySQL គឺ​ចាំបាច់​ជាង​គេ​បើ​ចេះ Java ផង​រឹតតែ​ប្រសើរ​បំផុត បើសិនជា​ពុំ​សូវ​ស្ទាត់​ទេ​គួរ​រៀន​បង្កើត website រៀន HTML, PHP និង MySQL រួម​និង Java ពីព្រោះ​យើង​ត្រូវ​ប្រើ Programming Language script នេះ​ច្រើនជាងគេ ក្រៅពី​នេះ​មិនសូវ​ជាសំខាន់​ប៉ុន្មាន​ទេ​សម្រាប់​ផ្នែក website ។
ព្យាយាម​បង្កើន​ភាសា​អង់គ្លេស​ឲ្យបាន​ច្រើន ចេះ​និយាយ​អង់គ្លេស �​គ​� ក៏​មិន​អី​ដែរ (​ចេះ​សរសេរ​) ពីព្រោះ​គ្មាន​អាមេរិកាំង​ណាមួយ​មក​សួរដេញដោល​យើង​ផ្ទាល់មាត់​ឡើយ ។ បើ​យើង​បង្កើត website ជា​ភាសា​ខ្មែរ​គឺ​មាន​ការពិបាក​ច្រើនណាស់ លើកលែង​តែ​ប្អូនៗ​ចេះដឹង​ផ្នែក​បញ្ហា​របស់ Unicode ច្រើន ម្យ៉ាងវិញទៀត google មិនសូវ​ចូលចិត្ត website ប្អូន​ច្រើន​ដែរ ពីព្រោះ​ខ្មែរ​ភាគច្រើន​មាន​ចំនួន​តិច​ណាស់​ដែល​ប្រើ Internet ប្អូន​មិន​អាច​បង្កើត website ដូច CEN នេះ​បាន​ឡើយ ពីព្រោះ​វា​ត្រូវការ​អ្នក​មាន​បច្ចេកទេស​ខ្ពស់​ណាស់ និង​ត្រូវការ​បុគ្គលិក​ច្រើន ចំណាយ​ប្រាក់​ជាច្រើន​ម៉ឺន​ដុល្លារ​ទើប​អាចធ្វើ​បាន សូម​ព្យាយាម​បង្កើត​ជា​ភាសា​អង់គ្លេស​ប្រសើរ​ជាង ។
បើសិន​ជា​ប្អូន​ធ្វើ​បាន​ប្អូន​នឹង​ទទួលបាន​ប្រយោជន៍​ច្រើនយ៉ាង​ណាស់​គឺ :
- រក​ប្រាក់​ចិញ្ចឹមជីវិត​បាន
- សំរាប់​បង់ថ្លៃ​សិក្សា​បាន​គ្រប់គ្រាន់
- បង្កើន​បទពិសោធន៍
- បាន​រៀន​បន្ថែម​បច្ចេកទេស​ថ្មីៗ
- ងាយ​រក​ការងារ​ធ្វើ
- អាច​រស់​បាន​ទោះ​ប្អូន​រក​ការងារ​ធ្វើ​មិន​បាន​ក៏ដោយ រស់​បាន​ដោយ​គ្រប់គ្រាន់
ក្នុង website មួយ​យើង​អាច​ទទួល​ប្រាក់​ត្រឹមតែ $10-$15 ប៉ុណ្ណោះ​ក្នុង​មួយខែ ពី​ការផ្សាយ​ពាណិជ្ជកម្ម​របស់ google ត្រូវ​ព្យាយាម​បង្កើត website ឲ្យបាន​ច្រើន​តាម​ដែល​អាច​ធ្វើទៅបាន​ទោះ​ដល់ 100 ឬ លើស​នេះ​ក៏​ដោយ​តាម​ដែល​អាច​ធ្វើទៅបាន ។
បច្ចុប្បន្ន​នេះ​មាន Host server ជាច្រើន​អនុញ្ញាត្ត​ឲ្យ​ប្អូនៗ​អាចដាក់ domain ដោយ​គ្មាន​កំណត់ (Unlimited) ដូចនេះ​ប្អូន​អាច Host ចេញពី server តែ​មួយ​ប៉ុន្តែ​អាចដាក់ Domain បាន​ច្រើន វា​ជួយ​បន្ថយ​ការចំណាយ​របស់​ប្អូន​ឲ្យនៅ​តិច​បំផុតបាន ។ ចង់ដឹងថា Host ណាខ្លះ​ដែល​ប្អូន​ត្រូវ​ទិញ​ទេ សូម​អាន​អត្ថបទ​នេះ នោះ​ប្អូន​នឹង​បានដឹង​ជាក់​ជា​ពុំខាន​ឡើយ ។
ដូច​ខ្ញុំ​បាន​និយាយ​បន្តិច​មក​ពី​ខាងដើម​ រួចមកហើយ​ថា ទទួលយក​ការផ្សាយ​ពី google “Adsense” អាច​ឲ្យ​ប្អូន​រក​ប្រាក់​បាន តើ​អាច​ទៅរួច​ទេ រក​ប្រាក់​តាម​វិធី​នេះ​គឺ​ពិតណាស់ 100​ភាគរយ នេះ​គឺជា​ការពិត បើ​ប្អូន​បើក website ណាមួយ​ប្អូន​និង​ឃើញ ads by google រួច​ឃើញ​មាន​និយាយ​ពី​អ្វីៗ​ស្រដៀង​និង​អ្វី​ដែល​ប្អូន​កំពុង​រក (search) នោះ​ហើយ​គឺជា​លុយ បើ website ទាំងនោះ​មិន​អាច​រក​ប្រាក់​បានទេ ក៏​គ្មាន ads by google នៅលើ website នោះដែរ សូម​ព្យាយាយម​រកពាក្យ “ads by google” នេះ​នៅលើ website ណាមួយ​ក៏បាន មានន័យ​ថា 1000 website គឺមាន ads by google 999 ក្នុងនោះ តើ​ចាំ​អី​ទៀត ទោះ​យើង​ជា​ខ្មែរ​ក៏​យើង​អាចធ្វើ​បាន​ដែរ ។
សូម​កុំ​ធ្វើ​ត្រឹម​ជា​អ្នក​ចូល​លេង Internet តែ​សូម​ប្អូន​ប្រែក្លាយ​ខ្លួន​មកជា​អ្នក​រក​ប្រាក់​តាមរយៈ Internet វិញ​ម្តង នោះ​ប្អូន​នឹង​ដឹង​ថា​វា​ងាយស្រួល​បែបណា កិច្ចការ​នេះ​ប្អូន​មិនចាំបាច់​បង់លុយ​ឲ្យ​អ្នកណា​ម្នាក់​ឡើយ គឺ​យ៉ាងច្រើន​បំផុត​ត្រូវ​ចំណាយ​ប្រាក់​តិចតួច​ទិញ​ឯកសារ​សម្រាប់​អាន​ ស្វែងយល់​ពី​វិធី​រក​ប្រាក់​នោះ​បន្តិច​ប៉ុណ្ណោះ ចង់​ជ្រាប​ព័ត៌មាន​បន្ថែម ?
ខាងក្រោម​នេះ​មាន​សំនួរ​មួយចំនួន​ដែល​ ប្អូន​ត្រូវ​ឆ្លើយ​ជាមុនសិន បើ​ប្អូន​អាច​ឆ្លើយបាន​ទាំងអស់​គឺ​ប្អូន​មានលទ្ធភាព​អាច​រក​ប្រាក់​តាម​វិធី ​នេះ​បាន​ហើយ :
1- តើ​ប្អូន​អាច​អាន និង ចេះ​ភាសា​អង់គ្លេស​ច្រើន​ប៉ុនណា
- អាន​សៀវភៅ​អង់គ្លេស​យល់​សេចក្តី ?
- អាន​អត្ថបទ​លើ website យល់​សេចក្តី ?
2- តើ​ប្អូន​មាន​ប្រាក់​ត្រឹម 350 ដុល្លារ​ទេ ! (​ឬ 500)
- 150 ដុល្លារ​សំរាប់​ទិញ Host (​បើក website)
- 50 ដុល្លារ​សម្រាប់​ការប្រើ Internet
- 150 សំរាប់​ដាក់​ធនាគា​រយ​ក VISA Card (Credit Card) មក​ប្រើ
* បញ្ជាក់ : តាមពិត​ប្អូន​ត្រូវដាក់ 300 ក្នុង​ពេល​សុំ VISA Card សម្រាប់​ការចំណាយ​ផ្សេងៗ រួម​ទាំង​ទិញ Host
3- ពេលវេលា​ត្រឹម ២​ម៉ោង ក្នុង​មួយ​ថ្ងៃ (​ពេល​ណា​ក៏​បាន​)
4- មានចិត្ត​អំណត់ តស៊ូ​ព្យាយាម
5- មានការ​តាំងចិត្ត​ពិតប្រាកដ
6- ចេះ HTML (​បើ​ចេះ PHP និង MySQL ផង​រិត​តែ​ប្រសើរ​)
បើ​ប្អូន​គិត​ថា​សំនួរ​ខាងលើ​ប្អូន​អាច​ ធ្វើទៅបាន នោះ​មានន័យ​ថា​ប្អូន​អាច​រក​ប្រាក់​បាន​តាម​វិធី​ច្រើន​ទៀត​រាប់​មិន​អស់​ ដែល​ប្អូន​អាច​ធ្វើទៅបាន ។
* តើ​ត្រូវធ្វើ​យ៉ាងណា​ខ្លះ ?
អត្ថបទ​នេះ​មាន​លក្ខណៈ​ស្មុគ្រស្មាញ​ បន្តិច គឺ​មិន​បាន​ទៅ​តាម​លំដាប់លំដោយ​ទេ ប៉ុន្តែ​បាន​ចោះ​យកតែ​សេចក្តី​សំខាន់ៗ​មក​សរសេរ​ប៉ុណ្ណោះ បើ​នឹង​រៀបរាប់​ទាំង​អស់នោះ​ឃើញ​ថា​វា​ច្រើន​ហួស ត្រូវ​ចំណាយ​ពេល​ច្រើន​សំ​រាប់អាន ម្ល៉ោះហើយ​ខ្ញុំ​ព្យាយាម​សង្ខេប​វាឲ្យ​នៅសល់តិច តែ​សូម​ប្អូន​ព្យាយាម​អាន​ហើយ​ស្វែងយល់​ដោយ​ខ្លួនឯង​ជា​បន្ថែម​ផង​ទើប​យល់​ សេចក្តី​បន្ថែម​បាន ។
ខាងក្រោម​នេះ​គឺ​អ្វី​ដែល​ប្អូន​ត្រូវធ្វើ :
- ត្រូវមាន credit card (visa card) ក្នុង​ទឹកប្រាក់​ប្រមាណ 300 ឡើងទៅ ធនាគារ​អាច​ឲ្យ​ប្អូនសុំ visa card បាន​ដោយ​មាន​ប្រាក់​ត្រឹម 100 ដុល្លារ​ប៉ុណ្ណោះ (​ធនាគារ SBC … ជាដើម​)
- ចេះ​អង់គ្លេស​បង្គួរ
- ចេះ HTML ដើម្បី​បង្កើត website
- បង្កើត website និយាយ​ពី​អ្វី​ក៏បាន សុខភាព អាហារ ជីវិត បច្ចេកទេស​បង្រៀន​ធ្វើ​អ្វីមួយ ស្រេច​តែ​ប្អូន​នឹកឃើញ …​។
- បង្កើត website បាន​ហើយ​ត្រូវ​ទិញ Host គេ (​ចុច​ត្រង់នេះ​) ដើម្បី​ស្វែងយល់​ពី​វិធី​ជ្រើសរើស Host ដែល​ប្អូន​ត្រូវការ ។
- Upload website ដែល​បាន​ធ្វើ​នោះ ឲ្យគេ​អាច​ចូល​មើល​បាន
- រក​វិធី​បង្កើត traffic (​បង្កើន ឬ បង្កើតឲ្យមាន​អ្នក​ចូល​មក​កាន់ website យើង​ឲ្យបាន​ច្រើន​បំផុត​តាម​ដែល​អាច​ធ្វើទៅបាន ក្នុង​ករណី​ខ្លះ​ត្រូវ​ចំណាយ​ប្រាក់​) ។
- ចុះឈ្មោះ​ជាមួយ google ដើម្បី​ទទួលយក Ads មក​ចុះ​ផ្សាយ​ជាមួយ website របស់​យើង
* បញ្ជាក់ : ប្អូន​ត្រូវ​បើក​គណនេយ្យ​មួយ​ដើម្បី​ទទួលយក​ប្រាក់​ពី google និង​ពី​ប្រភព​ផ្សេងៗ​ទៀត គួរ​បើក​វា​ជា​មួយ​ធនារ​គារ​ដែល​ប្អូន​សុំ credit card ទើប​ជា​ការល្អ ។
- បង្កើន​អត្ថបទ​ក្នុង website ប្អូន​ឲ្យបាន​ច្រើន upload ឲ្យបាន​ញឹកញាប់
- បង្កើត website បន្ថែម​និយាយ​ពី​អ្វី​ផ្សេងៗ​ក្រៅពី website ទី 1
- ព្យាយាម​បង្កើន​ចំនួន website ឲ្យបាន​ច្រើន តាម​ដែល​អាច​ធ្វើទៅបាន តែ​ឲ្យ​ស្ថិតក្នុង Host តែ​មួយ​បាន​ហើយ ។
- ចូលរួម​ជាមួយ My Space, youtube, space Book ៘ ដើម្បី​ប្រាប់​គេ​ឲ្យដឹង​ពី website យើង
- រក​វិធី​គ្រប់យ៉ាង​ធ្វើឲ្យ website យើង​ជា​ទី​ដែល​គេ​ចូល​ចិត្ត​ចង់​មក​ហើយ​មកទៀត នោះ​ទើប​ជា​ការប្រសើរ ។
- ការចុះឈ្មោះ​ជាមួយ google ដើម្បី​ទទួលយក ads មក​ចុះ​ផ្សាយ​ខ្ញុំ​និង​សរសេរ​ពន្យល់​នាពេល​ខាងមុខ​ដ៏​ខ្លី​នេះ
ចំណែក​វិធី​រកលុយ​តាមរយៈ​ផ្សេងៗ​ទៀត និង​មាន​ចុះ​ផ្សាយ​ជា​បន្តបន្ទាប់
អត្ថបទ​ចេញ​ពេល​ក្រោយ​នេះ :
+ បើក​ហាង​លក់​សម្ភារៈ​រាប់​ម៉ឺន​មុខ​ដូច Amazon ចំណាយ​តែ​សូន្យ​ដុល្លារ
+ លក់​ឥ​វ៉ាន់​នៅលើ eBay
+ យក youtube ធ្វើជា​កន្លែង​ផ្សាយ website យើង​និង​រក​លុយ​តាមរយៈ youtube
+ រកលុយ​១​ខែ 500 ដុល្លារ​តាមរយៈ My Space
+ វិធី​បង្កើត Blog ដើម្បី​រក​ប្រាក់
- – - – - – - – - – - – - – - – - – - – - – - – - – - – - – - – -

“Adsense” ជា​ជំនួញ​បិទមុខ​សម្រាប់​មនុស្ស​គ្រប់គ្នា !

- – - – - – - – - – - – - – - – - – - – - – - – - – - – - – - – -
* អ្នកណា​ក៏​ចង់​បាន​ប្រាក់ !
* អ្នកណា​ក៏​ចង់បាន​ការងារ​រកប្រាក់​បាន​ច្រើន​ធ្វើ !
* អ្នកណា​ក៏​ចង់​រស់​ក្នុង​ជីវិត​មួយ​មាន​អ្វីៗ​គ្រប់សព្វ !
យើង​គ្រប់គ្នា​ដឹង​ហើយ​ថា​គ្មាន​អ្វី​គ្រប់​យ៉ាង​បាន​មក​ដោយ​ទទេៗ​ គ្រប់សព្វ​នោះឡើយ គឺ​យើង​ត្រូវ​ធ្វើ​អ្វី​ម្យ៉ាង លំបាក​បែប​ម្យ៉ាង​, ដើម្បី​បង្កើត​ម៉ាស៊ីន​ផលិត​លុយ​ឲ្យ​យើង ។ កិច្ចការ​ខ្លះ​យើង​ត្រូវ​ទៅ​ធ្វើ​ទ​ទឹកដៃ ទទឹក​ជើង​ទើបបាន​ប្រាក់ កិច្ចការ​ខ្លះ​ត្រូវ​ប្រើ​បញ្ញា ប្រើ​ចំណេះ​និង​ជំនាញ​ដែល​មាន​ដើម្បី​បាន​ប្រាក់ ឯ​កិច្ចការ​ខ្លះ​យើង​បង្កើត​ឲ្យ​វា​ចេញ​ជា​រូបរាង បន្ទាប់​មក​វា​និង​ផលិត​ប្រាក់​ឲ្យ​យើង​ជា​បន្តបន្ទាប់ ។
យើង​គ្រប់​គ្នា​ចង់បាន​ប្រព័ន្ធ​រក​ប្រាក់​មួយ​ដែល​អាច​រក​ប្រាក់​ឲ្យ​ យើង​បាន​ដោយ​មិន​ចេះ​ឈប់ គ្រាន់តែ​ចំណាយ​ខ្លះ​ដើម្បី​គ្រប់គ្រង​វា​ប៉ុណ្ណោះ ហើយ​វិធី​រក​ប្រាក់​បែបនេះ​មាន​មិន​ច្រើន​ប៉ុន្មាន​ទេ ហើយក៏​ពុំ​សូវ​មាន​គេ​ដឹង​ច្រើន​ដែរ ពីព្រោះ​វា​ជា​គំនិត​របស់​អ្នកណាម្នាក់ ប្រើ​ខួរក្បាល​គិត​ដើម្បី​បង្កើត​វាឲ្យ​ចេញ​ជា​រូបរាង​ឡើង​ម​ក ក្នុង​បំណង​ដើម្បី​ដោះស្រាយ​បញ្ហា​ជីវិត​របស់​គេ​ដោយផ្ទាល់ គេ​កម្រ​និង​បញ្ចេញ​វា​ប្រាប់​ទៅ​អ្នកដទៃ ឬ​ផ្សព្វផ្សាយ​ឲ្យគេ​ដឹង​ណាស់ ។
ដោយឡែក​សំរាប់ Adsense វិញ​វា​គឺជា​ប្រព័ន្ធ​រក​ប្រាក់​មួយ​ដែល​មិន​ចេញមុខ ប៉ុន្តែ​មាន​មនុស្ស​ជាច្រើន​លាន​នាក់​កំពុង​ពឹង​អាស្រ័យ​ទៅ​លើ​វា និង បាន​ប្រាក់​ចិញ្ចឹមជីវិត​ពី​វា រស់​ដោយសារ​វា ធ្វើ​មាន​ធ្វើ​បាន​ដោយសារ​វា​ជា​រៀងរាល់ថ្ងៃ ប៉ុន្តែ​មាន​មនុស្ស​មិន​ច្រើន​ប៉ុន្មាន​ទេ​ដែល​បានដឹង​ពី​អាថ៌កំបាំង​នៃ​ ការរក​ប្រាក់​ពី​វា​ឲ្យបាន​ច្រើន និង​ស៊ីជម្រៅ ។ សូម្បី google ខ្លួនឯង​ក៏​មិន​ដែល​បាន​ប្រកាស​ជា​ចំហរ​ថា google គឺជា​ម៉ាស៊ីន​រកប្រាក់​ដ៏​មាន​ប្រសិទ្ធភាព​បំផុត​នោះ​ក៏​ទេ​ដែរ យើង​គ្រប់គ្នា​មើលទៅ google ថា​គ្រាន់តែ​ជា search engine មួយ​ប៉ុណ្ណោះ ទោះបី​រហូតមកទល់​ថ្ងៃ​នេះ​ក្តី ។
សំរាប់​ពលរដ្ឋ​ខ្មែរ​យើង​វិញ គឺ​សឹងតែ​ពុំបាន​ដឹង​សោះ​ពី​បញ្ហា​នេះ គាត់​មិន​ដែល​គិត​សោះ​ថា​អាច​រក​ប្រាក់​តាម​វិធី​នេះ​បាន ។
ទម្រង់​ខ្លះៗ​នៃ​ការរក​ប្រាក់​ជាមួយ google ក្នុង​ជំពូក​នេះ​នឹង​ពន្យល់​ពី​កត្តា​ខ្លះ​ដែល​យើង​ត្រូវ​ដឹង​មុន​ពេល​យើង​ ចាប់ផ្តើម​លូកដៃ​ចូល​ចាប់​យក​មុខរបរ​នេះ ។
នៅក្នុង​រវាង​ប្រហែលជា​បី​បួន​ខែ​ថ្មីៗ​នេះ​មាន​ការផ្លាស់ប្តូរ​មួយ​យ៉ាង ​ធំ​ដែល​ពុំ​ធ្លាប់​មាន​មក​ពី​មុន​សោះ គឺ​ការធ្លាក់ចុះ​នៃ​តម្លៃ​សម្រាប់ Host website គឺ​អាច​និយាយបាន​ថា​តាំងពី​ច្រើន​ឆ្នាំ​មកហើយ តម្លៃ Host website ដែល​មាន​អ្វីៗ​គ្រប់សព្វ​និង Unlimited space (​ទំហំ Hard Disk មិន​កំណត់​) Unlimited Bandwidth (​ទំហំ​នៃ​ចរាចរ​ចូល​មក​កាន់ website ទាំង​បញ្ជូន​និង​ទទួល​គ្មាន​កំណត់​) បាន​ធ្លាក់​ពី​មួយ​ខែ $29.99 – $75 មក​នៅត្រឹម $10 វា​គឺជា​រឿង​មួយ​ស្មាន​មិន​ដល់​, នេះ​អាច​បណ្តាលមកពី​កត្តា ២​យ៉ាង ទីមួយ គឺ​ចំនួន​អ្នក​ជាវ Host បាន​កើនឡើង​ច្រើន​ជម្រុញ​ឲ្យ​តម្លៃ​ធ្លាក់ចុះ កត្តា​ទី​ពីរ គឺ​បណ្តាលមកពី​ខ្វះ​អ្នក​ជាវ​ដូច្នេះ វា​បង្កើតឲ្យមាន​ការប្រកួ​ត​ប្រជែង​គ្នា​ច្រើន ទើប​ធ្វើឲ្យ​តម្លៃ​ធ្លាក់​ចុះ​បែប​នេះ ។
ដូច្នេះ​យើង​នឹង​ត្រូវ​ចំណាយ​តិច​ជាង​មុន​ដើម្បី Host website របស់​យើង ។ ខ្ញុំ​និង​ដាក់​បញ្ជី​ឈ្មោះ web hosting មួយចំនួន​ដែល​យើង​អាច​ជាវ​យក​មក​ប្រើ​ក្នុងតម្លៃ​មួយ​យ៉ាង​ថោក​ហើយ​មាន​ អ្វីៗ​គ្រប់សព្វ​តាម​សេចក្តីត្រូវការ​របស់​យើង ដែល​មាន​នៅក្នុង​អត្ថបទ​ខាងមុខនេះ ។
* ចំណូល​បាន​ពី Adsense :
តម្លៃ​ដែល​យើង​ទទួលបាន​នៅពេល​យើង​យក adwords មក​ដាក់​ក្នុង website យើង គឺ​បាន​ពុំ​ដូចគ្នា​ទេ (​តម្លៃ​ត្រូវ​ទទួលបាន​គឺ​គិត​តាម​ចំនួន click ទៅលើ ads នោះ​) ហេតុ​នេះ​ម្ចាស់ website ភាគច្រើន​តែង​រក​វិធី​គ្រប់បែប​យ៉ាង​ដើម្បី​ស្វែងរក ads ណា​ដែល​មាន​តម្លៃ click ថ្លៃ ប៉ុន្តែ​ប្រការ​នេះ​ពុំមែន​ជា​រឿង​ងាយស្រួល​ឡើយ ។ គេ​ត្រូវ​ស្វែងរក Keywords (Keywords មានន័យ ថា​ពាក្យ​ណា​ដែល​គេ​ស្ែវ​ង​រក​ច្រើនជាងគេ​នៅក្នុង google search engine) ។ នៅពេល​យើង​ដឹង​ថា​ពាក្យ​ណា​ដែល​គេ​ស្វែងរក​ច្រើន​ជាង​គេ​បាន​ហើយ យើង​នឹង​ចាប់ផ្តើម​បង្កើត website របស់​យើង​តម្រូវ​តាម keywords នោះ ។ ហេតុ​អ្វី​យើង​ចាំបាច់​ត្រូវធ្វើ​ដូច្នេះ ?
មូលហេតុ​ចំបង​របស់​វា​គឺ :
ទី 1) website យើង បើ​បាន​បង្កើត​ស្រប​តាម​ន័យរ​បស់ keywords វា​នឹង​ផ្តល់​ឲ្យ​យើង​នូវ​ផល​ល្អ​ច្រើន គឺ search engine អាច​ប្រមូល​យក website ណា​ដែល​មាន​ពាក្យ​នៅក្នុង Meta tag ស្របតាម keywords នោះ ធ្វើឲ្យ website យើង​មាន​វាសនា​ច្រើន​ត្រូវបាន google ដាក់​ចូល​មក​ជាមួយ​គេឯង​ដែរ ឯ​ម្យ៉ាងវិញទៀត​នោះ គឺ​វា​ជួយ​បង្កើន Traffic ឲ្យ website យើង​បាន​ច្រើន​ជាង​ការដែល​យើង​ចេះ​តែ​ធ្វើៗ​ទៅ​មិន​បាន​គិត​ដល់​អ្វី​ដែល​គេ ​ត្រូវការ​រក​ច្រើន ។
ទី 2) វា​អាច​ជួយ​បង្កើន​ចំណូល​ឲ្យ​យើង​បាន​ច្រើន ដោយហេតុ​ថា បើសិនជា​គេ​រក​ពាក្យ “life insurance” (​ការធានារ៉ាប់រង​ជីវិត​) ច្រើន ហើយ website យើង​ត្រូវ​បាន​បង្កើតឡើង​សម្រាប់​ពន្យល់​ណែនាំ​គេ​ពី​រឿង​ជ្រើសរើស​យក life insurance ណា​ល្អ និយាយ​ពី​ជីវិត​ជន​ចាស់ជរា និយាយ​ពី​សុខភាព​មនុស្ស​ចាស់​, នោះគេ (​អ្នក​ចូល website យើង​) នឹង​មាន​ការចាប់អារម្មណ៍​ច្រើន​មិន​ខាន បើ website យើង​មាន​ដាក់ adsense ផ្សាយ​លក់ life insurance នៅ​លើ​នោះ អ្នក​ចូល​ប្រាកដ​ជា​ចង់ដឹងថា​តើ​ក្រុមហ៊ុន​ណា​ផ្តល់​តម្លៃ​បង់​ថោក​ជាង​គេ និង​ឲ្យប្រាក់​ធានា​ខ្ពស់​ជាងគេ ត្រង់នេះ​យើង​មិន​ត្រឹមតែ​បាន​ចំណូល​មួយ​ផ្លូវ​ប៉ុណ្ណោះ​ទេ តែ​អាច​បាន​ដល់​ទៅ​ពីរ​ផ្លូវ គឺ​យើង​ត្រូវ​ទទួលយក affiliate partner ឬ affiliate program ពី​ក្រុមហ៊ុន​នោះ មក​ជា​បន្ថែម​ទៀត​មក​ដាក់​ក្នុង website យើង ដោយ​ការនិយាយ​ណែនាំ​គេ​ខ្លះ​ពី​ក្រុមហ៊ុន​ធានារ៉ាប់រង​នោះ​អម​ជាមួយ​ផង វា​នឹង​ជម្រុញ​ឲ្យគេ click លើ ads នោះ​មិន​ខាន​ឡើយ ។
ដោយហេតុ​ថា affiliate គឺជា​វិធី​រក​ប្រាក់​មួយ​ទៀត បើ​និយាយ​ឲ្យ​ស្រួល​យល់​គឺ​យើង​ជា​អ្នក​ជួយ �​គួក​ជេ​� ឲ្យ​ក្រុមហ៊ុន​នោះ ។ ក្នុង​ចំណោម​អ្នក​ចូល website យើង បើ​មាន​អ្នកណា​ម្នាក់​គាត់​សម្រេចចិត្ត​ទិញ​ការធានារ៉ាប់រង​ជីវិត​ពី​ ក្រុមហ៊ុន​នោះ​, នោះ​យើង​បានទទួល​ចំណូល​បន្ថែម​ទៀត (​ត្រង់​នេះ​គឺ​អាស្រ័យទៅលើ​ការកំណត់​របស់​របស់​ក្រុមហ៊ុន​) ឧទាហរណ៍ : បើ​គេ​ឲ្យ​យើង​ម្នាក់ $25 ដូច្នេះ (​សមាជិក​ថ្មី​ម្នាក់​) ម្នាក់​ដែល​បាន​ទិញ​ការធានា​នោះ គឺជា​មនុស្ស​ម្នាក់​រក​ចំណូល​ឲ្យ​យើង $25 បូក​ជា​មួយ​ចំនួន click ដែល​យើង​ទទួលបាន​ពី google បន្ថែម​ទៀត​គឺ​យើង​ចំណេញ​ពីរ​ផ្លូវ ។
Keywords ល្អៗ​មាន​តម្លៃ​ថ្លៃៗ មិនដឹង​ថា​បាន​ទៅ​អ្នកណា រឿង​នេះ​គឺ​នៅ​ជា​អាថ៌កំបាំង​ដដែល google ក៏​មិន​ដែល​ប្រាប់ឲ្យដឹង វា​នៅ​ជា​រឿង​ក្នុង​ទី​ងងឹត​ដដែល ។ 1 click បាន 1 សេន រហូត 5 សេន គឺ​មាន​ច្រើន តែ​ច្រើន​ជាង​នេះ​គឺ​ពិបាក​រក (​ពិបាក​ទទួល​បាន​ណាស់​) ត្រង់​នេះ​មាន​មធ្យោបាយ​អាច​ឲ្យ​យើង​រក​បាន ប៉ុន្តែ​យើង​ត្រូវ​ហ៊ាន​ចំណាយ​លុយ​ដើម្បី​ទិញ​វា ក្នុងតម្លៃ​មួយ​យ៉ាង​ថ្លៃ (​មាន​ក្រុមហ៊ុន​ខ្លះ​បាន​បង្កើត​វិធី​រក​ពាក្យ​ដែល click បាន​ថ្លៃ​ជាង​គេ​មក​លក់​ឲ្យ​យើង​ដោយ​គិត​ជា​ខែ គឺ​យើង​ត្រូវ​បង់​ឲ្យគេ​រាល់​ខែ​) ។
ប៉ុន្តែ​ក្នុង​នេះ​ក៏មាន website មួយ​ដែរ ដែល​ផ្តល់​ឲ្យ​យើង free នូវ​បញ្ជី​ពាក្យ​, ឃ្លា ដែល​គេ​រក​នៅ​លើ Internet ច្រើនជាងគេ​គឺ http://www.cwire.org
Website អាច​ប្រាប់​ឲ្យ​យើង​ដឹង​ថា​ពាក្យ​ណា​បាន​ថ្លៃ​ជាងគេ​ក្នុង 1 click ហើយ​ពាក្យ​ណា​ដែល​គេ search ច្រើន​ជាង​គេ​បំផុត​នោះ ។
ឈរ​លើ​មូលដ្ឋាន​នេះ​យើង​អាច​ដឹង​បាន​ភ្លាម​ថា​តើ​យើង​ត្រូវបង្កើត website របស់​យើង​និយាយ​ពី​អ្វី​ដើម្បី​ទទួល​បាន​កម្រៃ​ច្រើន ។
យើង​ចង​ផ្តុំ​ចំនួន​ពាក្យ​ដែល​គេ​រក​ច្រើនជាងគេ​ភ្ជាប់​ជា​មួយ​ចំនួន click បាន​ថ្លៃ នោះ​យើង​នឹង​មាន​សំណាង​ច្រើនជាង​ការ​ធ្វើ​ដោយ​ព្រា​វៗ​តាមតែ​ការនឹកឃើញ ។
ក្រៅពីនេះ​ក៏​នៅមាន affiliate ដែល​បង់​ថ្លៃ​ឲ្យ​យើង​ថ្លៃៗ​ត្រូវបាន​គេ​យក​មក​ចុះ​ដាក់​នៅ​ទី​នេះ​ដែរ ។
វា​ជា​កត្តា​មួយ​សំខាន់​ណាស់​ដែល​យើង​ត្រូវ​យល់​ពី​អាថ៌កំបាំង​នេះ​ ដើម្បី​ ប្រកួត​ជា​មួយ website ផ្សេងៗ​ទៀត ទោះបី​យើង​មិន​អាច​យកឈ្នះ​គេ​បាន​ក៏ដោយចុះ​តែ​គួរតែ​ដណ្តើម​ឲ្យបាន​ប្រាក់​ ក្នុង​ចំនួន​ណា​មួយ​ល្មម​គ្រប់គ្រាន់​សម្រាប់​ចិញ្ចឹមជីវិត​បាន ។
បើ​យើង​បូក​បញ្ចូល​គ្នា :
- បង្កើត website និយាយ​ពី​អ្វី​ដែល​ទាក់ទង​ដល់​ពាក្យ​គេ​រក​ច្រើនជាងគេ
- បូក​ជាមួយ​ពាក្យ​គេ​បង់​ឲ្យ​យើង​បាន​ថ្លៃ (​មិនមែន​ថ្លៃ​ជាង​គេ​ទេ គេ​យក​អស់​ហើយ​គ្មាន​សល់​ទេ​)
- បូក​ជាមួយ affiliate បាន​កម្រៃ​ជាងគេ នោះ​សំណាង​របស់​យើង​គឺ​មាន​ច្រើន សង្ឃឹម​ច្រើន
*** ត្រូវ​ចាំ​ថា​មិនមែន​បង្កើត website មួយ​និយាយ​ទាំងអស់នេះ​បាន​ឡើយ គឺ​ត្រូវ​បង្កើត website ច្រើន​បង្គួ​រដែរ ដើម្បី​ទាញយក​ប្រយោជន៍​នេះ លុយ​នៅ​នឹង​មុខ​យើង​ហើយ យើង​ត្រូវ​រក​វិធី​យក​វា ឯ​វិធី​នៃ​ការ​យក​វា​នោះ​គឺ​យើង​ត្រូវ​ពឹង​ទៅលើ website ដែល​យើង​បាន​បង្កើត​នោះ​ហើយ ។
ក្រៅ​ពី cwire.org ពុំមាន website ណាមួយ​ផ្សេង​ដែល​ផ្តល់​ព័ត៌មាន​ឲ្យ​យើង​បាន​ត្រឹមត្រូវ​ឡើយ​, cwire ត្រូវបាន​អ្នក​រក​ប្រាក់​តាមរយៈ google ក្តី yahoo ក្តីទុកចិត្ត​ថា​អាច​យកជាការ​បាន ហើយ​គ្មាន​ត្រូវ​ចំណាយ​លុយ​ដើម្បី​ទទួល​ព័ត៌មាន​នោះ​ក៏​ទេ​ដែរ វា​ត្រូវ​បាន​ផ្តល់ឲ្យ​ដោយ “free” ។
ខាងក្រោម​​នេះ​ខ្ញុំ​នឹង​លើក​យក​ពី​វិធី​មួយ​ចំនួន​នឹង​ចំណុច​សំខាន់​ ខ្លះៗ​ដើម្បី​បង្ហាញ​ឲ្យដឹង​ពី​ចំណុច​សំខាន់ៗ​របស់ adsense មក​បកស្រាយ​ទុក​ធ្វើ​ជា​គោល​សំរាប់​ពិចារណា ។
� បំណងល្អ : នៅពេល​យើង​បង្កើត website មិន​ត្រូវ​ប្រកាស​ឲ្យគេ​ដឹង​ពី​ខ្លួន​យើង អាស័យដ្ឋាន​យើង លេខ​ទូរស័ព្ទ​យើង​ឡើយ ហើយ​ចាំបាច់​ណាស់​ទៅទៀត​នោះ គឺ​យើង​មាន​សញ្ជាតិ​អ្វី​ក៏​មិន​ត្រូវឲ្យ​គេ​ដឹង យើង​ឈ្មោះ​អ្វី​ក៏​មិន​ត្រូវ​ប្រាប់​ឲ្យគេ​ដឹង​ដែរ សូម​ប្រើ​ត្រឹម​ឈ្មោះ​ក្លែងក្លាយ​បាន​ហើយ ។

តើអ្នកចង់រកប្រាក់បានពិតៗតាមរួយះBlog or Website ដែរ​រឺ​ទេ?(១)

I  វិធីងាយៗគ្រាន់តែ ជួយផ្សាយពាណិជ្ជកម្ម​លើ blog or website របស់អ្នកប៉ុណ្ណោះ
សូមចូលទៅ​ http://the-best-soccer-news.blogspot.com/
១  sign up ជាមួយ bidvertiser  Monetize $ your web
២  CLICK លើ victorchandler logo
៣  sign up ជាមួយ Chitika

បង្កើតប្រាក់ចំនូលតាមរយ: Blog របស់លោកអ្នក

មនុស្សភាគច្រើននាពេលបច្ចុប្បន្ននេះតែងតែចូលចិត្ដបង្កើត Blog ដែលនិយាយពីគំនិតរបស់គេទាក់ទង និងអ្វី​មួយ ដើម្បីចែករំលែកគំនិតទាំងនោះទៅមនុស្សដទៃទៀត។ បន្ទាប់ពីមានការបង្កើត Blog របស់​លោកអ្នកហើយនោះលោក អ្នកត្រូវតែគិតពីការបង្កើតអាជីវកម្មធុនតូចពី Blog ដែលលោកអ្នកបានបង្កើត។ សព្វថ្ងៃនេះមាន Blog ជាច្រើនដែលគេ បានបង្កើតហើយទទួលបានការគាំទ្រយ៉ាងខ្លាំងពីមនុស្សជាច្រើនហើយក៏បានទទួលនូវចំណូលខ្លះៗផងដែរ។ លោក អ្នកប្រហែលជាមិនដឹងទេថា តើធ្វើម៉េចទើបអោយ Blog របស់លោកអ្នក ទទួលបាន​ការគាំ​ទ្រ​ខ្លាំងនោះ។ ចំណុចមួយ ទៀតលោកអ្នកនិងមានចំងល់ថាដើម្បីបង្កើតជាអាជីវកម្មបែបនេះ ហេតុអ្វី​មិន​ធ្វើជាវិបសាយទៅ? លោកអ្នកមាន ចំងល់បែបនេះគឺពិតជាល្អហើយ ប៉ុន្ដែប្រសិនបើលោកអ្នក​បង្កើតជា​វិប​សាយលោកអ្នកត្រូវចំណាយថវិការក្នុងការទិញ Domain, Hosting និងចំណាយថវិកាលើសេវាប្រចាំឆ្នាំទៀត។ យើងសង្កេតឃើញថាត្រូវចំណាយអស់ច្រើន ប៉ុន្ដែប្រ សិនបើលោកអ្នកបង្កើតជា Blog លោកអ្នក​គឺ​ចំណាយថវិការតិចតួចបំផុតក្នុងការបង្កើតវា។ ដូចនេះប្រសិនបើលោកអ្នក មានចំណាប់អារម្មណ៏​ក្នុង​រក​ថវិការតាម Blog ហើយអាចអោយអាជីវកម្មរបស់លោកអ្នកអាចដំណើរការបាននោះសូម មើលយុទ្ធ​សាស្ដ្រ​ចំនួន៥ ដែលធ្វើអោយ Blog របស់លោកអ្នកកាន់តែមានគេស្គាល់ច្រើន ។ ១. ការចុះផ្សាយពាណិជ្ជកម្ម នៅក្នុង Blog របស់លោកអ្នកប្រសិនបើលោកអ្នកមានការដាក់ការផ្សាយពាណិជ្ជកម្មរបស់ក្រុមហ៊ុនណាមួយ​នោះ គឺពិតជា ប្រសើរណាស់ក្នុងការរកប្រាក់ចំណូល។ វានឹងធ្វើអោយBlog របស់លោកអ្នកកាន់តែមានភាពល្បីឡើង ហើយជាមធ្យោបាយក្នុងការលក់ពាណិជ្ជកម្មនៅលើ Blog របស់លោកអ្នក។ សេវកម្មដែលលោកអ្នកអាចរកការដាក់ពាណិជ្ជកម្មបានមាន ដូចជា Google’s Adsense ឬ BlogAds ជាដើម។ Adsense’s អនុញ្ញាតិអោយលោកអ្នកជ្រើសរើសពាណិជ្ជកម្មដែល សង្គត់ធ្ងន់ទៅអត្ថន័យនៃ Blog របស់លោកអ្នកហើយប្រាក់ចំណូលដែលលោកអ្នកទទួលបានគឺនៅពេលដែលអ្នកចូល ទស្សនាចុចនៅលើពាណិជ្ជកម្មនោះ។ ចំណែកឯ Blog Ads វិញលោកអ្នកអាចទាយយកនូវកម្រៃនៃការលក់នានា។ គំនិត ដ៏ល្អគឺមិនត្រូវមានភាពរញ៉េរញ៉ៃនោះទេ។
២. លក់ផលិតផលផ្សេងៗ
នេះជាគោលការណ៍មួយដែលអាចជួយរកថវិការបានច្រើនទៅលើ Blog របស់លោកអ្នក។ កម្មវិធីដែលមាននៅលើ Blog របស់លោកអ្នកអាចធ្វើការបម្រើ ឬ ការដឹកនាំរវាងអ្នកអាន និងវិបសាយដែលលក់ផលិតផល និង សេវាកម្ម ផ្សេងៗដែលវិបសាយនេះត្រូវបានកែប្រែរហូត។ ឧទាហរណ៍ដូចជា Blog របស់លោកអ្នកជួយផ្សព្វផ្សាយលក់ផលិត ផលរបស់វិបសាយ amazone.com។ លោកអ្នកគួរតែសរសេរប្រាប់ អោយដឹងបន្ដិចបន្ដួចពីផលិតផលនោះ។ ឧទា ហរណ៍ថា បើសៀវភៅ ត្រូវសរសេរពីសៀវភៅ បើកម្មវិធីត្រូវសរសេរទាក់ទង និងកម្មវិធីដើម្បីផ្ដល់ភាពងាយស្រួល ដល់អ្នកអានបានដឹងមុនពេលដែលពួកគាត់ ចុចផ្ទាល់ពី Blog របស់លោកអ្នកទៅកាន់វិបសាយពិត របស់វាដើម្បី មើលពីព័ត៌មានលំអិតអំពីសៀវភៅ រឺ កម្មវិធីទាំងនោះ។ ប្រសិនបើ អ្នកទស្សនា​បានមើល​ហើយទិញសៀវភៅដែល បានដាក់នៅលើ Blog លោកអ្នកនោះ លោកអ្នក​នឹងទទួល​បានថវិការកាន់	តែ​ច្រើន​ជាមិនខាន។

៣. បង្កើតកម្មវិធីសំរាប់ធ្វើវិភាគទាន មិនមែន Blog ទាំងអស់សុទ្ធតែបង្កើតឡើងដើម្បីស្វែងរកប្រាក់ចំណូលដោយការដាក់ផ្សាយពាណិជ្ជកម្ម ទាំងអស់នោះ ឡើយ ។ លោកអ្នកគួរតែបង្កើតកម្មវិធីផ្សេងៗដូចជាការចូលរួមវិភាគទានដើម្បីធ្វើអ្វីមួយ។ ឧបមាថា Blog របស់លោក និយាយពីការបង្ហាញម៉ូត លោកអ្នកត្រូវតែធ្វើការកែប្រែនូវទំរង់នៃ Blog របស់លោកអ្នកសារឡើងវិញ។ ដូចជាការថែ រក្សាសុខភាពជាដើមប្រសិនបើលោកអ្នកចង់បង្កើតការវិភាគទានសំរាប់ជួយអ្នកដែលមានជីវភាពខ្វះខាតត្រូវតែសួរទៅ អ្នកឧបត្ថម្ភរបស់ លោកអ្នកតើពួកគាត់អនុញ្ញាតដែរ រឺទេ។ លោកអ្នកអាចទាក់ទាញក្រុមអ្នក ដែលបានចូលមើល Blog របស់លោកអ្នកហើយបានអាននូវអ្វីដែលលោកអ្នកបានសរសេរ។ នៅពេលដែលពួកគេបានយល់គេនិងបង្ហាញភក្ដី ភាពរបស់ពួកគេ ដោយផ្ដល់នូវថវិការតិចតួចដែលគេមានដើម្បីជួយ។ កម្មវិធីនេះមានដូចជា Paypal ដែលងាយស្រួល ក្នុង​ការបង្កើត។ នៅមានការបង្កើតជាច្រើនទៀតដែលសុទ្ធតែមានសារៈប្រយោជន៍សំរាប់ការ​ធ្វើការវិភាគ​ទាន​ពីអ្នក​ចូលចិត្ដមើល Blog ។
៤. ទីផ្សារសេវាកម្មនៅក្នុង Blog របស់លោកអ្នក មនុស្សភាគច្រើនតែងតែបង្កើត Blog ដើម្បីចែករំលែក ឬបង្ហាញនូវមតិយោបល់ និងចំណេះដឹងផ្សេងៗរបស់ពួកគេទៅ អ្នកដទៃទៀត។ ប៉ុន្ដែការបង្កើត Blog គឺមិនមានន័យត្រឹមតែប៉ុណ្ណោះនោះទេ គឺគេអាច បង្កើតជាសេវាកម្មផ្សេងៗនៅលើ Blog ដើម្បីធ្វើអោយ Blog របស់ពួកគេក្លាយជាអាជីវកម្មថ្មីមួយយ៉ាងល្អ។ នៅពេលដែលវាកើតឡើងការងារដែលលោក អ្នកត្រូវធ្វើជាលំដាប់នៅក្នុង Blog នោះគឺសំដៅទៅលើអតិថិជនដែលគាំទ្រ Blog របស់អ្នក។ វាអាចលាតត្រដាងនូវគំ និត និងអាជីវកម្មរបស់ពួកគេក្នុងពេលជាមួយគ្នា។ នៅក្នុងការបង្ហាញគំនិតនៅក្នុង Blog លោកអ្នកគួរតែសរសេរពាក្យ ខ្លីៗជំនួសដោយអត្ថន័យទាំងអស់មុនពេលពេលដែលលោកអ្នកសំរាយប្រាប់ពួកគេ នូវអត្ថន័យទាំងអស់។
៥. ប្រើ Blog ដើម្បីបង្កើនទំនាក់ទំនងកាន់តែខ្លាំងចំពោះ អតិថិជនដែលមានស្រាប់ ប្រសិនបើនៅពេលដែលលោកអ្នកបង្កើត Blog ហើយមិនមានក្រុមហ៊ុនណាបានដាក់ពាណិជ្ជកម្មនៅក្នុង Blog របស់ លោកអ្នកទេនោះ លោកអនកគួរតែធ្វើការបង្កើតអាជីវកម្មថ្មីហើយ ដោយប្រើប្រាស់ blog ដដែលនេះ ព្រោះថា Blog ចាស់គឺមានគេស្គាល់ច្រើនហើយ អាចអោយអតិថិជនទាំងអស់ដឹងអាជីវកម្មថ្មីនេះយ៉ាងឆាប់រហ័សទៀតផង។ លោក អ្នកអាចទាយយកឱកាសដែលសំខាន់នេះ ដើម្បីឱ្យគេដឹងពីសេវាកម្មថ្មីៗ ដែលលោកអ្នកទើបតែបង្កើតហើយបង្ហាញ នៅក្នុង Blog។ លោកអ្នកគួរតែធ្វើអោយអ្នកអានកាន់តែមានការយល់ ដឹងអោយបានច្បាស់ពីសេវាកម្មនៅលើ Blog របស់លោកអ្នក។