ប្រទេសទាំង ១០ ដែលមានអាត្រា ស្រីពេស្យាចារខ្ពស់ ជាងគេ លើពិភពលោក

ក្នុងបណ្តា ប្រទេសជាច្រើនលើពិភពលោក ដែលមានការជួញដូរ ផ្លូវភេទ ហើយក្នុងនោះផងដែរ ប្រទេស Venezuela ជាប្រទេស ដែលមាន អាត្រាស្ត្រីរកស៊ីផ្លូវភេទ ច្រើនជាងគេ ខណៈពេលដែល ប្រទេស កូរ៉េ ខាងត្បូង ជាប់លេខ២។ តាមប្រភពពពត៌មាន បានបង្ហាញអោយដឹងពី⁣ បណ្តាប្រទេស ទាំង១០ ដែលមានអាត្រា ស្រីពេស្យាចារ ខ្ពស់ជាងគេលើ ពិភពលោក ដែលរួមមានដូចជា៖

១. ប្រទេស Venezuela ជាប្រទេសដែល អាត្រា ស្រីពេស្យាចារ មានការកើនឡើង ២ ទៅ ៣ដង ក្នុងកំឡុងឆ្នាំ ២០១៣នេះ ដែលចំនួន កន្លែងរកស៊ីផ្លូវភេទ មានរហូតដល់ទៅ ១១៩ កន្លែងទូទាំងប្រទេស។

២. ប្រទេស កូរ៉េខាងត្បូង ក៍ជាប្រទេសដែល មានអាត្រាស្រីពេស្យាចារ ខ្ពស់ លំដាប់លេខ២ នៅលើពិភពលោក ហើយចំនួន កន្លែងរកស៊ីផ្លូវភេទ មានរហូតដល់ទៅ ១១០ កន្លែងទូទាំងប្រទេស ផងដែរ។

៣. ប្រទេស Peru គឺជាប្រទេសមួយ ដែលអនុញ្ញាតអោយ ស្ត្រីដែលមានវ័យ ចាប់ពី ១៨ឆ្នាំឡើងទៅ អាចរកស៊ីផ្លូវភេទ បានដោយស្របច្បាប់ ហើយពួកនាងត្រូវតែមានការ ចុះឈ្មោះ ជាមួយអជ្ញាធរ តាមតំបន់ ដែលភ្ជាប់ជាមួយ បណ្ណ័បញ្ជាក់ពីសុខភាព។ ហើយពួកនាងក៍អាច ដាក់ពាក្យស្នើរសុំ អាជ្ញាបណ្ណ័ ក្នុងការរកស៊ីផ្លូវភេទនេះបានផងដែរ ដោយបច្ចុប្បន្ននេះ ក្នុងប្រទេស Peru មានកន្លែងរកស៊ីផ្លូវភេទ ដល់ទៅ ១០២ កន្លែងទូទាំង ប្រទេស។

៤. ប្រទេស Philippines ក៍ដូចជាប្រទេសផ្សេងទៀត នៅលើពិភពលោកដែល មានការជួញដូរផ្លូវភេទ ហើយក៍ទទួលបាន ចំណាត់ថ្នាក់លេខ៤ ផងដែរ នូវអាត្រា ស្រីពេស្យាចារដែលខ្ពស់ជាងគេលើពិភពលោក។ ប្រទេស Philippines នេះដែរ ក៍មានកន្លែង រកស៊ីផ្លូវភេទ ចំនួន ៨៥កន្លែងផងដែរ ទូទាំងប្រទេស។

៥. ប្រទេស Nigeria ជាប្រទេសមួយ ដែលមានសេវា បំរើផ្លូវភេទ សំរាប់មនុស្ស ដែលមានការលែងលះ ប្តីប្រពន្ធ ហើយប្រទេសនេះ ទទួលបានចំណាត់ថ្នាក់លេខ៥ លើពិភពលោក ក៍ដូចជាមានកន្លែងរកស៊ី ផ្លូវភេទ ដល់ទៅ ៦៣កន្លែង។

៦. ប្រទេស ចិន ជាប្រទេសមួយដែល ហាមឃាត់ក្នុងការ ជួញដូរផ្លូវភេទ តែទោះជាយ៉ាងក្តី វានៅតែមាន ការរកស៊ីផ្លូវភេទជាប្រចាំ ហើយភាគច្រើនពួកគេជួញ ដូរផ្លូវភេទ នៅតាមភោជនីយដ្ឋាន, ខារ៉ាអូខេ, និងហាងកែសម្ផស្សជាដើម។ ហើយនៅក្នុងប្រទេសចិនទាំងមូល មានកន្លែងរកស៊ីផ្លូវភេទចំនួន ៦០កន្លែង។

៧. ប្រទេស ប្រេស៊ីល ជាប្រទេស ដែលជាប់ចំណាត់ថ្នាក់លេខ ៧ ហើយមានកន្លែងរកស៊ីផ្លូវភេទ ចំនួន ៥៣កន្លែងផងដែរ។

៨. ប្រទេស Malaysia ជាប្រទេស ដែលស្ថិតនៅក្នុង បញ្ជី របស់សហរដ្ឋអាមេរិក ដែលធ្វើការជួញដូរផ្លូវ ឆ្លងដែន ហើយនៅក្នុងប្រទេសនេះ មានកន្លែងរកស៊ីផ្លូវភេទ ចំនួន ៥២កន្លែង។

៩. ប្រទេស អាឡឺម៉ង ជាប្រទេស ដែលមានការរកស៊ីផ្លូវភេទ ស្របច្បាប់ ហើយមានតំលៃ ថោកសំរាប់ភ្ញៀវទេសចរណ៍ ដែលមានកន្លែងរកស៊ីផ្លូវភេទ ចំនួន ៤៩កន្លែង។

១០. ប្រទេស ថៃ ជាប្រទេសដែលជាប់ចំណាត់ថ្នាក់លេខ ១០ ហើយ មានកន្លែងរកស៊ីផ្លូវភេទ ចំនួន ៤៥កន្លែងទូទាំងប្រទេស៕

khmer-note

Facebook, Google and Youtube

តើ Facebook កើតឡើងតាំងពីពេលណាមក?

Facebook គឺជាគេហទំព័របណ្ដាញសង្គមដ៏ល្បីមួយ ដែលបានបង្កើតឡើងនៅខែកុម្ភៈ ឆ្នាំ2004 ហើ យ បច្ចុប្បន្ននេះជាកម្មសិទ្ធិរបស់ Facebook Inc។ Facebook បង្កើតឡើយដោយស្ថាបនិកចំនួនបួនរូបគឺ Mark  Zuckerberg (នាយកប្រតិបត្តិ) Chris Hughes, Dustin Moskovitz និង Eduardo Saverin។

          បច្ចុប្បន្ននេះ Facebook មានទីស្នាក់ការធំនៅទីក្រុង Palo Alto រដ្ឋកាលីហ្វ័រញ៉ាសហរដ្ឋអាមេរិក។ ក្រៅពីទីស្នាក់ការធំនេះ Facebook មានទីស្នាក់ការធំនៅតាមទ្វីបនីមួយៗ ផ្សេងទៀតដូចជា ទីក្រុង Dublinប្រទេសអៀរឡង់ទទួលបន្ទុកនៅអឺរ៉ុប  មជ្ឈិមបូព៌ា និងអាហ្វ្រិក ចំណែកអាស៊ីមានពីរទីស្នាក់ការ គឺទី ក្រុងសេអ៊ូលប្រទេសកូរ៉េ និងនៅទីក្រុងហាយដារ៉ាបាត (Hyderabad) ប្រទេសឥណ្ឌា។ ចំណែកនៅ អូសេអានីវិញ មាននៅទីក្រុង Wellington ប្រទេសនូវែលហ្សេឡង់។

ប្រវត្តិនៃការកកើត Facebook:

ពេលបង្កើតគេហទំព័រសង្គមដ៏ល្បីមួយនេះMark Zuckerberg បានសរសេរគេហទំព័រFacemash នៅខែតុលា ឆ្នាំ2003 ពេលគាត់រៀននៅមហាវិទ្យាល័យឆ្នាំទីពីរនៃសាកលវិទ្យាល័យHarvard។ នៅពេល នោះ គាត់បានលួចចូលបណ្ដាញសំងាត់កុំព្យូទ័ររបស់សាកលវិទ្យាល័យដើម្បីទាញយកលេខ ID រូបភាព របស់និស្សិតដែលស្នាក់នៅអន្តេវាសិកដ្ឋានទៅបង្ហោះនៅលើ Facemash តែនៅពេលនោះ សាកលវិទ្យា ល័យពុំទាន់រៀបចំ

នៅឡើយ។

Facemash មាន visitor450 នាក់និងមានរូបថតប្រហែល 22000 សន្លឹកក្នុងរយៈពេលតែបួន ម៉ោងប៉ុណ្ណោះបន្ទាប់ពីបង្កើត។ តែគួរឲ្យស្ដាយរដ្ឋបាលរបស់សាកលវិទ្យាល័យបានបិទ Facemash បន្ទាប់ ពីបង្កើតបានត្រឹមតែបីថ្ងៃប៉ុណ្ណោះ ហើយថែមទាំងបានចោទប្រកាន់គាត់ពីបទបំផ្លាញប្រព័ន្ធការពារ សុវត្ថិភាព និងលួចយកកម្មសិទ្ធិបញ្ញារបស់សាលា និងរំលោភលើសិទ្ធិឯកត្តជនទៀតផង។ តែការចោទប្រកាន់នោះ បាន លុបចោលវិញ។

នៅខែមករា ឆ្នាំ 2004 Zuckerberg បានសរសេរ Code គេហទំព័រមួយទៀត ហើយក៏បានដាក់ បង្ហោះនៅខែកុម្ភៈ ឆ្នាំ2004 ដែលមានឈ្មោះថា “Thefacebook”។ ក្នុងខែដំបូងមាននិស្សិត ថ្នាក់ក្រោយ ឧត្ដមសិក្សាដែលរៀននៅ Harvard ជាងពាក់កណ្ដាលបានចុះឈ្មោះ ចូលជាសមាជិកនៅក្នុងគេហទំព័រ នេះ។

Thefacebook មានអ្នកជំនាញតែបួននាក់ប៉ុណ្ណោះគឺ Eduardo Saverin(អ្នកជំនាញខាងពា ណិជ្ជ កម្ម) Dustin Moskovitz (អ្នកសរសេរកម្មវិធី ) Andrew McCollum (អ្នករចនាក្រាហ្វិក ) និង Chris Hughesd (បច្ចុប្បន្នជាអនុប្រធានទទួលបន្ទុកលើផលិតផល) បានជួយជ្រោមជ្រែង Zuckerberg ផ្សព្វ ផ្សាយគេហទំព័រនេះ។

នៅខែមីនាឆ្នាំ 2004 Thefacebook បានពង្រីកទៅដល់ Stanford, Columbia, Yale, Boston University, New York University, MIT និងជាពិសេសនៅតាមបណ្ដាសាកលវិទ្យាល័យនៅកាណាដា និងអាមេរិក។ នៅរដូវក្ដៅឆ្នាំ 2004 Facebook បានបង្កើតជាក្រុមហ៊ុនសាជីវកម្ម  ដែលមាន Mark Zuckerberg ធ្វើជាប្រធាន។ Facebook បានពង្រីកទីតាំងប្រតិបត្តិការទៅ California នៅខែឧសភា ឆ្នាំ 2004  ហើយនៅឆ្នាំ 2005 គាត់បានទិញ Domain name “facebook.com” ក្នុងតម្លៃ 200, 000 ដុល្លារ។

នៅតាមវិទ្យាល័យវិញ Zuckerberg បានកំណត់ថាវាជាជំហាន ទីពីរបន្ទាប់ពី សាកលវិទ្យា ល័យសម្រាប់ការដាក់ឲ្យប្រើប្រាស់គេហទំព័ររបស់គាត់។ ចាប់ពីខែកញ្ញាឆ្នាំ 2006 មកអ្នកដែលមានអាសយ ដ្ឋានសារអេឡិចត្រូនិក ហើយមានអាយុចាប់ពី 13 ឆ្នាំអាចចូលជាសមាជិកគេហទំព័រនេះបាន។

ចាប់តាំងពីឆ្នាំ 2007 មក Mark Zuckerberg ទទួលបានជោគជ័យយ៉ាងខ្លាំងជាពិសេស គឺទទួល បានការចាប់អារម្មណ៍ពីសំណាក់ក្រុមហ៊ុនធំៗជាច្រើន។ ជាក់ស្ដែងនៅខែតុលា ឆ្នាំ 2007 Microsoft បាន ទិញភាគហ៊ុនfacebook 1.6% ដែលមានតម្លៃ 240 លានដុល្លារធ្វើឲ្យភាគហ៊ុនសរុបរបស់ Facebook កើន ឡើងដល់15 ពាន់លានដុល្លារ។គិតមកដល់ត្រឹមខែវិច្ឆិកា ឆ្នាំ2010 ភាគហ៊ុនសរុបរបស់ Facebook បាន កើន ឡើងដល់ជាង 41 ពាន់លានដុល្លារ។ Facebook ទទួលបានប្រជាប្រិយភាពយ៉ាងខ្លាំងចាប់ពីឆ្នាំ 2008 មក បើគិតត្រឹមចុចឆ្នាំ2010 នេះមានអ្នកប្រើប្រាស់ជាង 500 លាននាក់ហើយ៕

ជីវិតពិតរបស់ Mark Zuckerberg

ម្ចាស់គេហទំព័រ ព្រមទាំងជានាយកប្រតិបត្តិ បណ្ដាញទំនាក់ទំនងសង្គម facebook លោក Mark Zuckerberg ដែលកំពុងមានប្រជាប្រិយភាពនិងការគាំទ្រ ដែលបច្ចុប្បន្នមានអ្នកប្រើប្រាស់ជាប្រចាំជុំវិញ ពិភពលោករហូតដល់ទៅប្រហែល ៦លាននាក់មានប្រហែលជា ១៣ ៥០០ លានដុល្លារសហរដ្ឋអាមេរិក ត្រឹមដើមឆ្នាំ២០១១។

បច្ចុប្បន្នលោកមានទីលំនៅស្ថិតនៅទីក្រុង Palo Alto រដ្ឋកាលីហ្វ័រញ៉ា។  Facebook ត្រូវបាន​បង្កើត​ឡើង​ដោយនិស្សិតចំនួនបួននាក់គឺ Zuckerberg និងមិត្តភ័ក្ដិរបស់គេចំនួនបីនាក់ផ្សេង ទៀត រួមមាន Dustin Moskovitz, Eduardo និង Chris Hughes ខណៈដែលពួកគេកំពុងសិក្សាជាមួយ គ្នាក្នុង សាកល​វិទ្យាល័យ Harvardនៅឆ្នាំ ២០០៤។ រហូតមកដល់ឆ្នាំ ២០០៨ Mark Elliot Zuckerberg បានជាប់​ឈ្មោះជាមហាសេដ្ឋីវ័យក្មេងបំផុតក្នុងចំណោមមហាសេដ្ឋីផ្សេងៗទៀតជាច្រើន។បន្ថែមពីលើនេះទៅទៀត Zuckerberg ត្រូវបានទស្សនាវដ្ដី Time Magazine ចាត់ជាបុគ្គលឆ្នើមប្រចាំឆ្នាំ ២០១០ថែមទៀតផង។

           ជីវិតឯកជន៖ Zuckerberg បានចាប់បដិសន្ធិនៅថ្ងៃទី ១៤ ឧសភា ឆ្នាំ១៩៨៤ នៅទីក្រុងញ៉ូវយ៉ក សហរដ្ឋអាមេរិក ក្នុងក្រុមគ្រួសារមួយដែលមានម្ដាយជាពេទ្យឯកទេសវិកលចរិត ឈ្មោះ Karen និងឪពុកឈ្មោះ Edward Zuckerberg ប្រកបរបរជាទន្តពេទ្យ។ស្ថាបនិកវ័យ២៧ឆ្នាំ Zuckerberg មាន​បងប្អូន​ទាំងស្រីបីនាក់រួមមាន Randi Jayne Zuckerberg, Donna Zuckerberg និង Arielle Zuckerber។ អ្នកទាំងបួនធំដឹងក្ដីឡើងព្រមគ្នានៅតំបន់ Dobbs Ferry ទីក្រុងNew York សហរដ្ឋ​អាមេ​រិក។ បងស្រីរបស់ Zuckerberg ឈ្មោះ Randi Jayne Zuckerbergកើតឆ្នាំ១៩៨២ មានមុខ​ងារជា​ប្រធាន​ផ្នែក​ទីផ្សារប្រចាំគេហទំព័រFacebook ផ្ទាល់តែម្ដងក៏ប៉ុន្តែគេមានសញ្ជាតិ ជឹហ្វ មិនមែនអាមេរិកទៅវិញ ។

ប្រវត្តិសិក្សា៖ Zuckerberg ទទួលបានពានរង្វាន់លើពីរមុខវិជ្ជា គឺផ្នែកបុរាណវិទ្យា និងផ្នែក​វិទ្យាសាស្ត្រ(គណិតវិទ្យា រូបវិទ្យា និងតារាវិទ្យា) ក្នុងសាលា Philips Exeter Academy។ ហេតុអ្វីបាន​ជា​គេទទួលបាន Award នេះ? ដោយសារតែគេមានប្រវត្តិជាសិស្សពូកែឆ្នើមលើផ្នែកបុរាណវិទ្យា តាំងពីសិក្សា​នៅ​វិទ្យា​ល័យ Ardsley High Schoolមកម្ល៉េះ។ ជាសិស្សវិទ្យាល័យរហូតដល់ Exchange School Philips Exeter Academy Zuckerberg ត្រូវបានចុះឈ្មោះក្នុងបញ្ជីសិស្សដែលមិនអាចប្រើភាសាអង់គ្លេសបាន។ ភាសាដែលសិស្សឆ្នើមម្នាក់នេះអាចអាន និងសរសេរភាសាចំនួនបួនរួមមាន បារាំង ឡាតាំង ក្រិច និងភាសាហេប៊្រូ (ភាសារបស់ជនជាតិជឹហ្វ [Jewish]ប្រើប្រាស់ជាផ្លូវការ)។

ស្នេហារបស់ Mark Zuckerberg

ជួបអ្នកយល់ចិត្ត៖ ក្នុងពិធីជប់លៀងរបស់មិត្តភ័ក្ដិកាលពីឆ្នាំទីពីរ Zuckerberg បានជួប​ជាមួយមនុស្សសិស្សស្រីជនជាតិចិន នាង Priscilla Chanដែល ទទួលបាន​អាហារូប​ករណ៍​មក​សិក្សា​នៅ​សាក​លវិទ្យាល័យកាលីហ្វ័រញ៉ា សហរដ្ឋអាមេរិក ផ្នែកឱសថសាស្ត្រ​ហើយគេ​ក៏បាន​​បន្តទំនាក់ទំនងតាំងពីឆ្នាំ ២០០៣ រហូតបច្ចុប្បន្ន។

រស់ក្រោមដំបូលតែមួយ៖ រហូតមកដល់ខែ កញ្ញា ឆ្នាំ២០១០ Zuckerberg ក៏បាន​ហៅមិត្ត​ស្រីរបស់​មកនៅក្នុងផ្ទះជួលតែមួយជាមួយគ្នា។ រួមរស់ជាមួយគ្នាបានប្រមាណជាបីខែ គេយកចិត្ត​ទុក​ដាក់​រៀន​សូត្រ​ភាសា​ចិន បន្ទាប់មកពួកគេបានទៅលេងផ្ទះសង្សារសំណព្វ នាង Priscilla Chan​នៅ​ប្រទេស​ចិន។

Facebookជួបបញ្ហា

ចិនបិទ facebook៖ ស្ថិតក្នុងឆ្នាំ២០១០នេះដែរ Facebook ក៏ត្រូវបានបិទមិន​ឲ្យដំណើរ​ការ​នៅ​ក្នុងប្រទេសចិន ដោយក្រសួងសុវត្ថិភាពសាធារណៈចិនហៅកាត់ថាMPS។

ស្ថានភាពហិរញ្ញវត្ថុ

-មានលទ្ធភាពទិញផ្ទះ៖ ឆ្លងកាត់ភាពជោគជ័យរបស់គេហទំព័របណ្ដាញទំនាក់ទំនងសង្គមfacebook ទូទាំងសាកលលោករួចមក Zuckerberg ក៏មានលទ្ធភាពទិញផ្ទះដែលមានបន្ទប់គេងក្នុងតំបន់ Palo Alto ដែលគេធ្លាប់រស់នៅក្នុងតម្លៃរហូតដល់ទៅ ៧ លានដុល្លារសហរដ្ឋអាមេរិក។

-ជីវិតជាអ្នកសរសេរកម្មវិធីឆ្នាំដំបូង៖ Zuckerberg ចាប់ផ្ដើមចេះប្រើ និងចេះ​សរសេរ​កម្ម​វិធី​ចាប់​ពី​គេនៅរៀនអនុវិទ្យាល័យមកម្ល៉េះ។ អាស្រ័យដោយប៉ារបស់គេលោក Edward Zuckerberg​ជាគ្រូ​បង្រៀន​ភាសាកុំព្យូទ័រនៅទសវត្សរ៍ទី ៩០ប៉ារបស់គេក៏បានបង្រៀនភាសា Atari BASIC ដល់គេ។ ប៉ុន្តែបានរយៈក្រោយមក លោកសាស្ត្រាចារ្យEdward ក៏បានជួលសាស្ត្រា​ចារ្យបង្រៀន​កូនប្រុស​របស់​គេ​បន្តទៀតនៅផ្ទះ។

-គ្រូថ្មី ងារថ្មី៖ ដោយឃើញពីភាពវាងវៃរបស់ សាស្ត្រាចារ្យថ្មីរូបនោះក៏បានដាក់រហស្សនាមថ្មីមួយឲ្យគេថា ក្មេងអស្ចារ្យ។ Zuckerberg ក៏បានបញ្ចប់វគ្គខ្លីផ្នែកភាសាកុំព្យូទ័រ ពីសាកលវិទ្យាល័យ Mercy College ក្បែរផ្ទះរបស់គេ តាំងពីគេរៀននៅវិទ្យាល័យម្ល៉េះ។ កាលពីនៅសិក្សាវិទ្យាល័យ Zuckerberg បានបង្កើតកម្មវិធី Music Player មួយដែលមានឈ្មោះថា Synapse Media Player លក់ឲ្យទៅក្រុមហ៊ុន Intelligent Media Group។

-ក្នុងផ្នែក Microsoft និងAOL៖ ក្រុមហ៊ុន Microsoft និង AOL មានបំណង​ដូចគ្នា​ក្នុងការទិញ​កម្ម​វិធី Synapse Media Player ហើយ ចង់ជួល​ស្ថាបនិករូបនេះមកបម្រើការងារនៅក្រុមហ៊ុនគេតែម្ដង ប៉ុន្តែ Zuckerberg បានច្រានចោលរាល់​សំណើ​ទាំងអស់របស់ក្រុមហ៊ុនទាំងពីរ ហើយសម្រេចចិត្តចុះ​ឈ្មោះ​ចូល​រៀន​បន្តនៅសាកលវិទ្យាល័យ Harvard College នៅខែកញ្ញ ២០០២។

 ចំណង់ចំណូលចិត្ត៖ គេចូលចិត្ត Develop Computer Programs ជាពិសេសពាក់ព័ន្ធទៅនឹង Game និង Communication Tools។

សម្រេចចិត្តរៀនបន្ត

-ក្នុងនាមជានិស្សិតរបស់ Harvard៖ Zuckerberg ជានិស្សិតរៀនពីរមុខជំនាញក្នុងពេលតែមួយ គឺ​បរិញ្ញាបត្រផ្នែកវិទ្យាសាស្ត្រកុំព្យូទ័រ និងបរិញ្ញាបត្រចិត្តវិទ្យា។ នៅឆ្នាំទីពីរ Mark បានសរសេរកម្មវិធីសម្រាប់​ជួយដល់និស្សិតទាំងអស់ក្នុងការជ្រើសរើស Group សម្រាប់សិក្សាមួយដែលមានឈ្មោះថា Course​Match​។​ Program បន្ទាប់មកទៀតមានឈ្មោះថា Facemash ជាប្រភេទ​កម្មវិធី​កម្សាន្ត​ក្នុង​ការកែ​ច្នៃ​រូបភាព។

ក្នុងពេលនោះដែរ Zuckerberg ក៏បានបង្កើតសៀវភៅកម្រងមួយក្បាលដែលមានឈ្មោះ Face​Bookសម្រាប់បិទរូបថត និងឈ្មោះរបស់និស្សិតដែលស្នាក់នៅក្នុងសាកលវិទ្យាល័យទាំងអស់។

          -កំណើត Facebook៖ និស្សិតថ្នាក់បរិញ្ញាបត្រវិទ្យាសាស្ត្រកុំព្យូទ័រ Mark Zuckerberg បាន Active គេហទំព័របណ្ដាញទំនាក់ទំនងសង្គម Facebook របស់ខ្លួននៅក្នុង​បន្ទប់ដែល​គេស្នាក់​នៅក្នុង​សាកលវិទ្យាល័យ Harvard នៅថ្ងៃទី ៤ កុម្ភៈ ២០០៤។ បន្ទាប់ពីបានប្រកាសបើក​ជាឲ្យប្រើជាផ្លូវការ​ហើយ​នោះ សៀវភៅ Face Books របស់ គេក៏ត្រូវបានដាក់ចូលទៅលើគេហទំព័រមួយនេះដែរ។ ម្យ៉ាងវិញ​ទៀត​និស្សិតទាំងអស់ ក៏បានបន្ថែមព័ត៌មានរបស់គេមួយចំនួនចូលទៀតដូចជា ឆ្នាំសិក្សា ជំនាន់សិក្សា ឬលេខ​ទូរស័ព្ទ​និងអារម្មណ៍ចំពោះមិត្តភ័ក្ដិជាដើម។

-Facebook ពង្រីកសក្ដានុពល៖ មិនបានប៉ុន្មានផង Facebook របស់ Zuckerberg ចាប់ផ្ដើម​ល្បី​សុះសាយពេញសាកលវិទ្យាល័យ Harvad ។ ឆ្លៀតក្នុងឱកាសនេះ ទើបជំរុញឲ្យ Zuckerberg យក Face​book ទៅដាក់បន្តនៅសាកលវិទ្យាល័យផ្សេងៗទៀតដូចជា Stanford, Dartmouth, Columbia, New York University, Cornell, Brownនិងសាកលវិទ្យាល័យ Yale។ ជាលទ្ធផលសាកល​វិទ្យាល័យធំៗ​ទាំង​នោះ​អាចមានទំនាក់ទំនងជាមួយ Harvard បាន។

-មាន Office ផ្ទាល់ខ្លួន៖ បន្ទាប់ពីបញ្ចប់បរិញ្ញាបត្ររបស់ខ្លួនហើយនោះ Zuckerberg ក៏បាន​ផ្លាស់​ទី​លំនៅពីសាកលវិទ្យាល័យ Harvad មកតំបន់ Palo Alto រដ្ឋកាលីហ្វ័រញ៉ា ជាមួយមិត្តភ័ក្ដិពីរ បីនាក់ផ្សេង​ទៀត ដោយបានជួលផ្ទះតូចមួយសម្រាប់ធ្វើជាការិយាល័យរបស់ Facebook។

ជួបវិនិយោគិនការិយាល័យរីកមាឌ៖ នៅ Palo Alto Zuckerberg បានជួប Peter Thiel ជាអ្នក​វិនិយោគ​ទុន ហើយពួកគេក៏ចាប់ដៃសហការគ្នា។ បន្ទាប់ពីសហការគ្នាហើយ Office របស់ Facebook ក៏​ផ្លាស់​ប្ដូរ​ពីផ្ទះតូចទៅជាការិយាល័យធំជាផ្លូវការនៅពាក់កណ្ដាលឆ្នាំ ២០០៤។

-Application ចាប់ផ្ដើមពូនកូន ពូនចៅ៖នៅខែសីហា ២០០៤ Zuckerberg រួមជាមួយនឹង Andrew McCollum, Adam D’Angelo និង Sean Parker បានប្រកាសដាក់ឲ្យដំណើរការ Application សម្រាប់​ Share File ថ្មីមានឈ្មោះថា Wirehog។ នៅថ្ងៃទី ២៤ ឧសភា ២០០៧  Zuckerberg ចាប់ផ្ដើម​ប្រកាស Platform ថ្មីមួយផ្សេងទៀតដែលមានឈ្មោះថា Facebook Platform ជាកម្មវិធីសម្រាប់ Programmers យកទៅអភិវឌ្ឍ Social Application ថ្មីដើម្បី Support ជាមួយនឹង Facebook។ ២៣ កក្កដា ​២០០៨ Facebook Connect ជា Version ថ្មីរបស់ Facebook Platform សម្រាប់​អ្នក​ប្រើ​ប្រាស់​ក៏​បានជាផ្លូវការជាបន្តបន្ទាប់។

នៅថ្ងៃទី ៦ វិច្ឆិកា ២០០៧ Zuckerberg ក៏បានប្រកាសប្រព័ន្ធ​ផ្សព្វផ្សាយ​បណ្ដាញ​ទំនាក់​ទំនង​សង្គម​ហៅថា Beacon សម្រាប់ឲ្យអ្នកប្រើប្រាស់ទាំងអស់​អាច Share Information ទាំងលើ Facebook និងគេហទំព័រដទៃ។ រយៈកាលក្រោយៗមកទៀត Facebook ចាប់ផ្ដើមពង្រីកក្រុម និងឥទ្ធិពលរបស់ខ្លួន​ទៅគ្រប់ទិសទីជុំវិញពិភពលោក។ រីឯចំណូល និងUser Account ទៀតសោតក៏កើនទៅតាមនោះដែរ។

-អាពាហ៍ពិពាហ៍៖ Zuckerberg បានចាប់ដៃនាងPriscilla Chanដែលជាគូសង្សារនឹងគ្នារយៈពេល ជាង ៩ឆ្នាំ ចូលរោងការ កាលពីថ្ងៃទី ១៩ខែឧសភា ២០១២កន្លងទៅនៅគេហដ្ឋាន​របស់នាយក​ប្រតិ​បត្តិ​​​​​ Facebook ផ្ទាល់នៅរដ្ឋPalo Alto រដ្ឋកាលីហ្វ័រញ៉ា សហរដ្ឋអាមេរិក ដោយ​សេដ្ឋី​ទាំងពីរនេះ បាន​អញ្ជើញ​ភ្ញៀវចូលរួម មិនដល់ ១០០នាក់ផង។

អ្វីដែលពិសេសសម្រាប់នាង Priscilla Chan ដែលត្រូវជាភរិយារបស់ Zuckerberg នាឱកាសនោះ គឺMark Zuckerberg ជាអ្នករចនាម៉ូដចិញ្ចៀន ដោយខ្លួនឯងផ្ទាល់៕

១០ប្រទេសដែលចូលចិត្ត Facebook បំផុត ក្នុងពិភពលោក

ក្នុងកំឡុងប៉ុន្មានឆ្នាំចុងក្រោយនេះ Facebook បានក្លាយគេហទំព័រមួយដែលទទួលបានការពេញ​និយម​នៅក្នុងពិភពលោកយើងនេះ ជាមួយចំនួនអ្នកប្រើប្រាស់ប្រហែលជាជាង៨០០ លាននាក់។ នោះក៏​ព្រោះតែគេហទំព័រមួយនេះមានមុខងារថ្មីៗជាច្រើន រីឯរបៀបប្រើប្រាស់ក៏សំបូរបែបងាយស្រួល និង​ជាពិសេស​គឺការភ្ជាប់ទំនាក់ទំនងជាមួយមិត្តភក្តិផ្សេងៗទៀតនៅទូទាំងពិភពលោកតែម្តង។ ខាងក្រោមនេះ គឺជាបញ្ជី​ឈ្មោះ​ប្រទេសទាំង ១០ ដែលមានបរិមាណអ្នកប្រើប្រាស់ Facebook ច្រើនបំផុតក្នុងឆ្នាំ ២០១២ នេះ៖

១. ប្រទេសអាមេរិក

ប្រទេសអាមេរិកនៅតែរក្សាបាននូវតំណែងលំដាប់ទី១ ស្តីពីបរិមាណ​នៃអ្នក​ប្រើប្រាស់​គេហ​ទំព័រ​កំសាន្ត​ Facebook មានចំនួនច្រើនបំផុតនៅទូទាំងពិភពលោកយើងនេះ។ កាលពីឆ្នាំ២០១១ កន្លងទៅតួ​លេ​ខ​នៃអ្នកប្រើប្រាស់មានចំនួន ១៤៥.៧៤៩.៥៨០ នាក់ ហើយនៅឆ្នាំ២០១២ នេះតួលេខនៃ​អ្នកប្រើ​ប្រាស់មាន​ចំនួន ១៥៧.៤១៥.១៨០ នាក់ ដែលតួលេខនេះ​អាចជួយអោយប្រទេសអាមេរិក​មានឈ្មោះនាំមុខ​គេ​ដដែល​នៅ​ក្នុងបញ្ជី Top ១០ ដែលផ្ទុយស្រឡះពីពត៌មានចរចាមអារ៉ាមដែលថាអ្នកប្រើប្រាស់គេហទំព័រ Facebook ក្នុង​ប្រទេស​អាមេរិកនឹងមានការធ្លាក់ចុះនៃបរិមាណនៅក្នុងឆ្នាំ ២០១២ នេះ។

២. ប្រទេសឥណ្ឌូនេស៊ី

នៅក្នុងប្រទេសឥណ្ឌូនេស៊ី បច្ចុប្បន្នមានអ្នកប្រើប្រាស់គេហទំព័រ Facebook សរុបមានចំនួន ៤១.៧៧៧.២៤០ នាក់។ ហើយនៅក្នុងឆ្នាំ ២០១២ នេះចំនួនអ្នកប្រើប្រាស់មានការកើនឡើងចំនួន ៩.៦៤៧.៧៨០នាក់បន្ថែមទៀតផងដែរ។ក្នុងតួលេខខាងលើនោះត្រូវបានអោយដឹង​ថាមានអ្ន​កប្រើ​ប្រាស់ស្ថិត​ក្នុង​ស្រទាប់យុវវ័យរហូតដល់ចំនួន ៤១,៧% ដែលបានចូលរួមនៅនៅការប្រើប្រាស់គេហទំព័រ Facebook នៅ​ទូទាំងប្រទេសឥណ្ឌូនេស៊ី។

៣. ប្រទេសឥណ្ឌា

ឥណ្ឌា គឺជាប្រទេសមួយដែលកំពុងតែមានការអភិវឌ្ឍរីកចំរើននៅក្នុងវិស័យជាច្រើន ក្នុងនោះមាន​ទាំង​វិស័យបច្ចេកវិទ្យា និង អ៊ីនធើណែតផងដែរ។ នៅចុងខែធ្នូ ឆ្នាំ ២០១១ កន្លងទៅអ្នកប្រើប្រាស់គេហទំព័រ Face​book មានចំនួនប្រមាណជា ២៤.១១៣.៥២០ នាក់ ហើយនៅក្នុងឆ្នាំ ២០១២ នេះតួលេខ​នោះ​បាន​កើន​មកដល់ ៤១.៤០២..៤២០ នាក់និងបានជំនួសតំណែងប្រទេសអង់គ្លេសឈរក្នុងលំដាប់ទី ៣ នៅក្នុង​បញ្ជី​ Top ១០ នេះទៀតផង។

៤. ប្រទេសប្រេស៊ីល

ប្រេស៊ីល គឺជាប្រទេសដែលមានបរិមាណនៃអ្នកប្រើប្រាស់ Facebook ថ្មីមានចំនួនច្រើន​បំផុត​ដែល​កាលពីកំឡុងខែធ្នូឆ្នាំ ២០១០ ប្រទេសនេះមានឈ្មោះស្ថិតនៅក្នុងលំដាប់ទី ១៧ និងត្រឹមតែក្នុងរយៈពេល​មួយ​ឆ្នាំកន្លងមកតួលេខនៃអ្នកប្រើប្រាស់ Facebook បានកើនឡើងរហូតដល់ចំនួន ២៦.៣៣២.៦២០ នាក់ដែលជាអ្នកចំណូលថ្មី។

៥.ប្រទេសម៉ិចស៊ិចកូ

គិតចាប់តាំងពីពេលដែលឈានចូលដល់ឆ្នាំ ២០១២ រហូតមកដល់បច្ចុប្បន្ននេះចំនួន​អ្នក​ប្រើប្រាស់​ថ្មី​មានការកើនឡើងរហូតដល់ ១២.៥០១.៧៨០ នាក់ ដែលតួលេខនេះឆ្លុះបង្ហាញអោយឃើញថា ម៉ិចស៊ិចកូ បោះជំហ៊ានយ៉ាងលឿនដើម្បីក្លាយជាប្រទេសស្ថិតនៅក្នុងលំដាប់ទី ៥នៅក្នុងបញ្ជីឈ្មោះ។ ម៉ិចស៊ិចកូ ត្រូវ​បាន​អោយដឹងថាគឺជាប្រទេសមួយដែលមានអ្នកចូលរួមប្រើប្រាស់គេហទំព័រ Facebook យ៉ាងសកម្ម​បំផុត ជា​មួយ​នឹង ១០០% នៃម្ចាស់គណនីទាំងឡាយបានចូលទៅប្រើប្រាស់ជាអចិន្ត្រៃផងដែរ។

៦.ប្រទេសទួគី

ទួគីបានធ្លាក់តំណែងពីលេខ ៤ មកលេខ ៦ នៅក្នុងបញ្ជី បើទោះបីជាចំនួនអ្នកប្រើប្រាស់ថ្មី​មានការ​កើនឡើងចំនួន ៦.៧៩៩.៥០០ នាក់ គិតចាប់តាំងពីចុងខែ ធ្នូ ឆ្នាំ ២០១០ រហូតមកដល់បច្ចុប្បន្ន​នេះ​ក៏​ដោយ​។​ បច្ចុប្បន្នអ្នកប្រើប្រាស់ Facebook នៅក្នុងប្រទេសទួគីទាំងអស់មានចំនួន ៣០.៩៦៣.១០០ នាក់ក្នុងនោះ ៦៣,៣% គឺជាបុរស និង ៣៦,៧% គឺជាស្រ្តី។ អ្នកប្រើប្រាស់ស្ថិតក្នុងស្រទាប់យុវវ័យដណ្តើម ៣៣,៦% ក្នុង​ចំណោម​អ្នកប្រើប្រាស់ទាំងអស់។

៧.ប្រទេសអង់គ្លេស

ពីលំដាប់ទី ៣ កាលពីខែ ធ្នូ ឆ្នាំ ២០១០ បន្ទាប់ពី ឥណ្ឌូនេស៊ី និងអាមេរិក , បច្ចុប្បន្នអង់គ្លេស​បាន​ធ្លាក់មកនៅលំដាប់ទី ៧ ក្នុងបញ្ជីឈ្មោះ។ ចំពោះមូលហេតុគឺដោយសារតែ Facebookកំពុងតែមាន​ទិស​ដៅ​ឆ្ពោះទៅរកស្រទាប់យុវវ័យ ខណៈពេលដែលនៅក្នុងប្រទេសអង់គ្លេសមានប្រមាណជា ២៥,៥% នៃអ្នក​ប្រើ​ប្រាស់ Facebook មានអាយុពី ២៥ ទៅ ៣៤ ឆ្នាំ និងចំនួន១% ដែលមានអាយុពី ១៨ ទៅ ២៤ ឆ្នាំ ។

៨. ប្រទេសហ្វ៊ីលីពីន

បើទោះបីជាប្រទេសហ្វ៊ីលីពីន គឺជាប្រទេសមួយតូចធៀបជាមួយប្រទេសផ្សេងទៀតនៅក្នុងបញ្ជី Top ១០ នេះក៏ដោយ ប៉ុន្តែចំនួនអ្នកប្រើប្រាស់ Facebook ទាំងអស់មានចំនួនរហូតដល់២៧.០៣៣.៦៨០ នាក់​ក្នុងចំណោមប្រជាជនសរុបចំនួន ៩៥,៨លាននាក់។ ក្នុងនោះចំនួន៩១,០២% ជាអ្នកដែលចូលប្រើប្រាស់ជា

អចិន្ដ្រៃយ៍។

៩. ប្រទេសបារាំង

យោងតាមការធ្វើស្ថិតិនៅក្នុងប្រទេសបារាំង បរិមាណនៃអ្នកប្រើប្រាស់ Facebook មាន​ចំនួន​ប្រហែល ២០.៤៦៩.៤២០ នាក់គិតមកដល់ថ្ងៃទី ៣១ ខែធ្នូ ឆ្នាំ ២០១០ និងកើនឡើងមានចំនួន ២៣.៥៤៤.៤៦០ នាក់មកដល់ខែ មករាឆ្នាំ ២០១២ កន្លងមកនេះ។ ក្នុងមួយឆ្នាំ​នៅក្នុង​ប្រទេស​បារាំងអ្នក​ប្រើប្រាស់ Facebook គឺមានការកើនឡើងត្រឹមតែចំនួន ៣.០៧៥.០៤០នាក់ដែលជាអ្នកប្រើប្រាស់ថ្មី។ ម្យ៉ាង​វិញ​ទៀតតួលេខនេះគឺមានការធ្លាក់ចុះបើធៀបជាមួយឆ្នាំកន្លងទៅ ។

១០. ប្រទេសអាល្លឺម៉ង់

មកដល់ខែមករា ឆ្នាំ ២០១១ កន្លងមក អាល្លឺម៉ង់មិនទាន់ជាប់ឈ្មោះនៅក្នុងបញ្ជី Top ១០ នៃ​ប្រទេសដែលមានអ្នកប្រើប្រាស់ Facebook ច្រើនជាងគេនៅឡើយទេ។ លុះក្រោយ​មកមានអ្នក​ប្រើ​ប្រាស់​ជា​ច្រើននៅក្នុងប្រទេសអាល្លឺម៉ង់បានសំលឹងឃើញពីគុណប្រយោជន៍នៃការភ្ជាប់ចំណងមិត្តភាពនៅលើ Facebook នេះ ពេលនោះហើយបរិមាណនៃអ្នកប្រើប្រាស់ក៏មានការកើនឡើងយ៉ាងឆាប់រហ័សពី ១៣.៦៧៨.​២០០ នាក់ទៅ ២២.១២៥.៣០០ នាក់ត្រឹមតែក្នុងរយៈពេលមួយឆ្នាំប៉ុណ្ណោះ ដែលនេះ​មានន័យ​ថាមានការកើនឡើងនៃអ្នកប្រើប្រាស់ថ្មីមានចំនួនរហូតដល់ ៨.៤៤៧.១០០ នាក់នៅក្នុង​រយៈពេល​ត្រឹម​តែ​មួយឆ្នាំ៕

Google កើតឡើងដូចម្ដេច?

Google Inc គឺជាក្រុមហ៊ុនសាជីវកម្មពហុជាតិសាសន៍ (MNC) ដែលធ្វើការវិនិយោគទៅលើ​ការស្រាវជ្រាវ​តាមបណ្ដាញអ៊ីនធឺណិត និងផ្សព្វផ្សាយពាណិជ្ជកម្មបច្ចេកវិទ្យា។  Google មានផលិតផល និងសេវាកម្ម​បច្ចេក​វិទ្យាជាច្រើន។ អ្វីដែលធ្វើឲ្យក្រុមហ៊ុននេះស្វែងរកចំណេញបានច្រើនបំផុតគឺ កម្មវិធីផ្សាយពាណិជ្ជកម្ម AdWords។ 

បច្ចុប្បន្ននេះ Google មានលោក Eric Schmidt ជានាយកប្រតិបត្តិ លោក Sergey Brin ជា​ប្រធាន​ទទួល បន្ទុកខាងបច្ចេកវិទ្យា លោក Larry Page ជាប្រធានផ្នែកផលិតផល។Google មានទីស្នាក់ការធំនៅ Mountain View រដ្ឋកាលីហ្វ័រញ៉ា សហរដ្ឋអាមេរិក។

ប្រវត្តិរបស់ Google

Google ត្រូវបានបង្កើតឡើងនៅខែកញ្ញា ១៩៩៨មកម្ល៉េះ។ ដំបូងឡើយវាគ្រាន់តែជាគម្រោងស្រាវ ជ្រាវរបស់លោក Larry Pageនិង Sergey Brin នៅពេលដែលគាត់ទាំងពីរនាក់កំពុងរៀនថ្នាក់បណ្ឌិតផ្នែក វិទ្យាសាស្ត្រកុំព្យូទ័រនៅសាកលវិទ្យាល័យ Standford រដ្ឋកាលីហ្វ័រញ៉ាប៉ុណ្ណោះ។

Search engine ដំបូងដែលគាត់ទាំងពីរបានដាក់ឲ្យដំណើរការគឺ BackRub។ Search Engine មួយនេះត្រូវបានដាក់ឲ្យដំណើរការជាមួយ Server របស់សាកលវិទ្យាល័យ Standford បានជាងមួយឆ្នាំ តែដោយ​វាត្រូវការព័ត៌មានច្រើនពេក (bandwidth) ទើបអាចប្រើបាន ដូច្នេះសាកលវិ​ទ្យាល័យ​នេះ​ក៏ឈប់​ប្រើ​វា​ទៅ។

Domain name របស់Googleគឺ google.com បានចុះបញ្ជីជាផ្លូវការនៅខែកញ្ញា ឆ្នាំ 1997។  គិត​ត្រឹម​ចុងឆ្នាំ 1998 ទំព័រ search របស់ Google នៅតែជាទំព័រសាកល្បងនៅឡើយ។ Google បានក្លាយ​ជា​ក្រុម​​ហ៊ុន​សាជីវកម្មនៅខែកញ្ញា ឆ្នាំ1998។នៅចុងឆ្នាំ1998ក្រុមហ៊ុនមួយនេះមាន indexជាង 60លាន​ទំព័រ​។

ចំណូល

មុនពេលកកើតបានជាក្រុមហ៊ុនសាជីវកម្ម Googleត្រូវបានលោក Andy Bechtolsheim ផ្ដល់មូល​និធិដំបូងប្រមាណជាង 1 សែនដុល្លារអាមេរិកសម្រាប់ប្រែក្លាយក្រុមហ៊ុន Google ឲ្យទៅជា​ក្រុម​ហ៊ុន​សាជី​វកម្ម។ នៅឆ្នាំ 1999 BrinនិងPage សម្រេចចិត្តលក់ search engine មួយនេះដោយសារវាទាមទារ​ទុន​វិនិយោគច្រើនពេកតែក្រោយមកនៅខែឧសភា ឆ្នាំដដែលមានក្រុមហ៊ុនហិរញ្ញវត្ថុធំៗជាច្រើនដូចជា Venture Capital, Kleiner Perkins Caufield&Byers និង Sequoia Capital បានផ្ដល់មូលនិធិគាំទ្រ​សាជីវកម្ម​ថ្មី​នេះ​ដែលចំនួនទឹកប្រាក់ បានកើនឡើងដល់ 25 លានដុល្លារ។

មកដល់ឆ្នាំ 2004 Google បានបោះភាគហ៊ុនចំនួន 19,605,052 ហ៊ុនដែលក្នុងមួយហ៊ុនៗមានតម្លៃ 85 ដុល្លារដាក់លក់នៅទីផ្សារ Morgan Stanleyនិង Credit Suisse។ គិតត្រឹមឆ្នាំ 2009 Google មាន​ទ្រព្យ​​សកម្មកើនឡើងដល់ 40.497ពាន់លានដុល្លារអាមេរិក។

ការទិញភាគហ៊ុនរបស់ក្រុមហ៊ុនដទៃ

Google បានទិញភាគហ៊ុនក្រុមហ៊ុនជាច្រើនដូចជានៅឆ្នាំ 2004 ទិញក្រុមហ៊ុន Keyhole Inc ដែល​បានរកឃើញបច្ចេកវិទ្យា3Dសម្រាប់ View រូបភាពផែនដី ហើយនៅឆ្នាំ 2005 Google បានប្ដូរឈ្មោះមកជា Google Earth។

ពីរឆ្នាំក្រោយមក Google បានទិញ YouTube ក្នុងតម្លៃ 1.65 ពាន់លានដុល្លារ និង DoubleClick ក្នុង​តម្លៃ 3.1ពាន់លានដុល្លារ។ នៅចុងឆ្នាំ 2007 Google បានទិញក្រុមហ៊ុនពីរទៀតគឺ GrandCentral និង​Aardvark ក្នុងតម្លៃ 50 លានដុល្លារដូចគ្នា។ ចំពោះ GrandCentral ត្រូវបាន Google ប្ដូរឈ្មោះជា Google Voice។ ក្រៅពីនេះGoogle មានគម្រោងទិញក្រុមហ៊ុន ជាច្រើនទៀត។

កិច្ចការមនុស្សធម៌

នៅឆ្នាំ 2004 Google បានបង្កើតអង្គការមនុស្សធម៌មួយ ដែលមានឈ្មោះថា Google.org ជាមួយ​នឹង​ទឹកប្រាក់ 1ពាន់លានដុល្លារ។ អង្គការនេះមានបេសកកម្មផ្សព្វផ្សាយអំពីបញ្ហា បំម្លាស់ប្ដូរអាកាសធាតុ សុខ​ភាព​សាធារណៈ និងការកាត់បន្ថយភាពក្រីក្ររបស់ប្រជាជនជុំវិញពិភពលោក។ នៅឆ្នាំ 2008 ក្រុម​ហ៊ុន​នេះបានបង្កើតគម្រោងមួយទៀតមានឈ្មោះថា 10100 សម្រាប់ផ្ដល់រង្វាន់ទៅដល់អ្​នករក​ឃើញ​គំនិត​ថ្មីៗ​ទាក់ទងទៅនឹងការអភិវឌ្ឍសហគមន៍ដោយជ្រើសរើសតាមរយៈការបោះឆ្នោតនៅលើអ៊ីនធឺណិត៕

ហេតុអ្វីបានជាYouTube លេចចេញជារូបរាង?

YouTube គឺជាគេហទំព័រផ្ទុកឯកសារជាច្រើនជុំវិញពិភពលោក ដែលអ្នកប្រើប្រាស់អាចចែករំលែក upload និងបើកមើលឯកសារទាំងនោះបាន។ គេហទំព័រមួយនេះបានបង្កើតឡើងនៅខែកុម្ភៈ ឆ្នាំ 2005។ បច្ចុប្បន្ន​នេះ​ក្រុមហ៊ុនមានទីស្នាក់ការធំនៅ San Bruno រដ្ឋកាលីហ្វ័រញ៉ា ។ YouTube ប្រើប្រាស់បច្ចេកវិទ្យា Adobe Flash Video សម្រាប់ជំនួយដល់ការបើកឯកសារជាវីដេអូបានច្រើនប្រភេទដូចជា ភាពយន្ដ Clip, TV Clip, និង​ចម្រៀងវីដេអូជាដើម។

អ្នកដែលបានចុះឈ្មោះបង្កើតគណនេយ្យនៅក្នុង YouTube ហើយអាច upload ឯកសារវីដេអូ​ចូល​ក្នុង​គេហទំព័រមួយនេះបាន តែចំពោះអ្នកដែលមិនទាន់បានចុះឈ្មោះបង្កើតគណនេយ្យអាចត្រឹមតែ បើក​មើល​តែ​ប៉ុណ្ណោះ។  អ្នកដែលមានសិទ្ធចុះឈ្មោះបង្កើតគណនេយ្យនៅក្នុងគេហទំព័រមួយ នេះបាន​ទាល់​តែ​មាន​អាយុ 18 ឆ្នាំឡើងទៅ។ 

ប្រវត្តិរបស់ You Tube

YouTube បង្កើតឡើងដោយ ស្ថាបនិកចំនួនបីរូបគឺChad Hurley, Steve Chen, និង Jawed Karim ដែលពួកគេទាំងអស់គ្នាបម្រើការងារឲ្យក្រុមហ៊ុន PayPal។ Hurley រៀនខាងផ្នែករចនា​នៅសកល​វិទ្យាល័យ Indiana Pennsylvania ចំណែក Chen និង Karim រៀនជំនាញ​វិទ្យាសាស្ដ្រ​កុំព្យូទ័រ​នៅ​សាកល​វិទ្យា​ល័យ Illinois។

នៅដើមឆ្នាំ 2005 Hurley និង Chen បានផ្ដួចផ្ដើមគំនិតបង្កើត YouTube ដំបូង​បន្ទាប់​ពី​ពួក​គាត់​ទាំង​ពីរមានបញ្ហាក្នុងការចែករំលែកឯកសារ វីដេអូក្នុងកម្មវិធីជប់លៀងមួយ នៅ San Francisco។ Karim មិនបានចូលរួមកម្មវិធីជប់លៀងនោះទេ ហើយគាត់បានបដិសេធថា YouTube មិនមែនកើត​ឡើងបន្ទាប់ពី​កម្មវិធីជប់លៀងនោះទេ ចំណែក Hurley វិញនៅតែអះអាងថា YouTube បង្កើតឡើងក្រោយ​ពីការកើត​មាន​បញ្ហា​នៅក្នុងកម្មវិធីជប់លៀងនោះមែន។

YouTube បានបង្កើតឡើងដំបូងជាមួយនឹងទុនវិនិយោគត្រឹមតែ 11.5 លានដុល្លារប៉ុណ្ណោះ ដែល​ជា​ភាគ​ហ៊ុនរបស់ Sequoia Capital ក្នុងចន្លោះខែវិច្ឆិកា 2005 និងខែមេសា 2006។ ចំពោះ Domain Name របស់​វាគឺ www.youtube.com ត្រូវបានដាក់ឲ្យប្រើប្រាស់នៅខែកុម្ភៈ ឆ្នាំ 2005។

ចំពោះឯកសារជាវីដេអូដែលបានបង្ហោះក្នុង YouTube ដំបូងគឺមានឈ្មោះថា Me at the zoo ដែល បង្ហាញពីជីវិតរបស់លោក Hurley នៅ San Diego Zoo។ វីដេអូនេះបាន uploadចូលYouTube នៅខែ​មេសា 2005 ហើយរហូតមកដល់ពេលនេះនៅអាចបើកមើលបាន។

នៅអាមេរិកគិតត្រឹមខែឧសភា 2010 YouTube មានចំណែកទីផ្សារ 43%។ ចំណែក​ការផ្គត់​ផ្គង់​ទីផ្សារ​វីដេអូរបស់ពិភពលោកមានរហូតដល់ទៅ 64%យោងតាមទិន្នន័យពីHitwise 2007។ យោង​តាម​ទិន្នន័យ​ដែលចេញផ្សាយដោយ Alexa របស់អាមេរិកបានបង្ហាញថា YouTube ជាបណ្ដាញ​ដែលគេចូល​ប្រើ​ប្រាស់​ច្រើនបំផុតបន្ទាប់ពី Google និង Facebook។

ក្នុងឆ្នាំ 2006 ក្រុមហ៊ុន Google បានទិញភាគហ៊ុនរបស់ You Tube ក្នុងទឹកប្រាក់ 1.65 ពាន់លាន​ដុល្លារ។ កាលពីខែមិថុនា 2008 ទស្សនាវដ្ដី Forbes បានចុះផ្សាយថា YouTube រកប្រាក់ចំណូលបាន 200 ​លានដុល្លារអាមេរិកប្រចាំឆ្នាំ។ តែនៅចុងត្រីមាសទីមួយឆ្នាំ 2010នេះ តាមការវិភាគរបស់ Wall Street បានបង្ហាញថា You Tube មានចំណូលប្រចាំឆ្នាំដល់ទៅ 1ពាន់លានដុល្លារឯណោះ។ បច្ចុប្បន្ននេះគេហ​ទំព័រ​មួយ​នេះបានសហការជាមួយក្រុមហ៊ុនផលិត ខ្សែភាពយន្តធំៗមួយចំនួនដូចជា MGM, Lions Gate Entertainment និង CBS។ លើសពីនេះ You Tube ក៏មានបញ្ចូលវីដេអូកីឡាមួយចំនួនដូចជា Indian Premier League ដែលជាប្រភេទកីឡា Cricket ដ៏ធំរបស់ឥណ្ឌាផងដែរ៕

ស្លាកសញ្ញា Apple មាន​តម្លៃ​ជាង $១០៤​ពាន់លាន

កាលពីថ្មីៗនេះ ទស្សនាវដ្ដីដ៏ល្បី របស់អាមេរិក Forbesបានចេញផ្សាយ នូវស្លាកសញ្ញា ក្រុមហ៊ុនដែលមាន តម្លៃថ្លៃជាងគេបំផុត ប្រចាំឆ្នាំ ២០១៣ ដោយនៅក្នុងនោះ ក្រុមហ៊ុន Apple ជាក្រុមហ៊ុនដែល មានស្លាកសញ្ញា ថ្លៃជាងគេ។

យោងតាមទស្សនាវដ្ដី ខាងលើបានឲ្យដឹងថា ស្លាកសញ្ញារបស់ក្រុមហ៊ុន Apple មានតម្លៃរហូតដល់ទៅ ១០៤,៣ពាន់លាន ដុល្លារអាមេរិក ដែលថ្លៃជាងគេហើយ ខ្ពស់ជាងគេដាច់តែម្ដង ចំណែក Microsoft ជាក្រុមហ៊ុនដែលមាន ស្លាកសញ្ញាឈរនៅ លេខរៀងទី២ មានតម្លៃ ៥៦,៧ពាន់លានដុល្លារអាមេរិក ខណៈដែល Coca-Cola ធ្លាក់មកនៅលេខរៀងទី៣ មានតម្លៃ ៥៤,៩ពាន់លានដុល្លារអាមេរិក រីឯអ្នកទទួលបានលេខ៤វិញ គឺជាក្រុមហ៊ុនផលិតកុំព្យូទ័រ IBM ដែលមានទឹកប្រាក់ចំនួន ៥០,៧ពាន់លានដុល្លារអាមេរិក សម្រាប់លេខរៀងទី៥ គឺជាក្រុមហ៊ុនយក្ស Google ស្លាកសញ្ញាមានតម្លៃ ៤៧,៣ពាន់លានដុល្លារអាមេរិក។

យោងតាមការចុះផ្សាយ ឲ្យបានឲ្យដឹងផងដែរថា ក្រុមហ៊ុនអេឡិចត្រូនិកកូរ៉េ Microsoft ក៏មានឈ្មោះនៅក្នុង តារាងទាំង១០ផងដែរ ដែលក្នុងនោះ ស្លាកសញ្ញា Microsoft មានតម្លៃ ២៩,៥ពាន់លានដុល្លារអាមេរិក។

គួរបញ្ជាក់ផងដែរថា នៅក្នុងឆ្នាំ ២០១៣ ក្រុមហ៊ុន Apple បានបង្ហាញ iPhone 5S និង iPhone 5C ដែលធ្វើឲ្យអតិថិជន របស់ខ្លួនចាប់អារម្មណ៍ជាខ្លាំង ទៅលើ iPhone 5S ពណ៌មាស ហើយថ្មីៗនេះ Apple ក៏បានបង្ហាញ iPad Air និង iPad mini អេក្រង់ Retina display ដែលជាទីចំណាប់ អារម្មណ៍ថ្មីមួយទៀត៕

អាវទ្រនាប់ដាំពេជ្រតម្លៃ ១០លានដុល្លារ បង្ហាញខ្លួនជាផ្លូវការហើយ

អាម៉េរិក ៖ គេហទំព័រកម្សាន្តបរទេសមួយ បានចេញផ្សាយនៅថ្ងៃទី៧ ខែវិច្ចិកា ឆ្នាំ២០១៣នេះថា ក្រុមហ៊ុនច្នៃម៉ូតខោអាវទ្រនាប់ស្ត្រី Victoria's Secret បានបង្ហាញអាវទ្រនាប់ ដាំពេជ្រ ដែលមានតម្លៃថ្លៃជាងគេបំផុត ជាផ្លូវការហើយ កាលពីថ្ងៃទី៦ ខែវិច្ចិកា ឆ្នាំ២០១៣កន្លងទៅ នៅមជ្ឈមណ្ឌល Herald Square ទីក្រុងញ៉ូវយ៉ក សហរដ្ឋអាម៉េរិក។

អាវទ្រនាប់ដាំពេជ្រ ដែលមានតម្លៃហួសពីការស្មាននេះ មានឈ្មោះថា « Royal Fantasy Bra» តម្លៃ ១០លានដុល្លារសហរដ្ឋអាម៉េរិក ត្រូវបានគ្រងបង្ហាញដោយ តារាម៉ូដែលដ៏ល្បីរបស់ អាហ្វ្រិកខាងត្បូង គឺនាង Candice Swanepoel វ័យ ២៣ឆ្នាំ។

មុននឹងធ្វើការបង្កើត អាវទ្រនាប់ដាំពេជ្រមួយនេះឡើង ក្រុមហ៊ុន Victoria's Secret បានធ្វើការវាស់ខ្នាតខ្លួនប្រាណ របស់នាង Candice Swanepoel យ៉ាងត្រឹមត្រូវជាមុន ហើយអ្វីដែលនាង Candice Swanepoel មានការពេញចិត្តជាងគេ នៃអាវទ្រនាប់មួយនេះ គឺត្បូងទទឹមពណ៌ក្រហម ដែលព្យួរនៅចំកណ្តាល នៃអាវទ្រនាប់៕

ស្គាល់គ្នាតាម Facebook ណាត់ជួប​នៅ​សណ្ឋាគារ ​ទៅ​ដល់​ជា​ឪពុកក្មេក​ និង​កូនប្រសា​, ប្តី​តាម​ទាន់ទៀត​

ចិន៖ រឿងហេតុដែលនឹកស្មាន មិនដល់មួយបាន កើនឡើងចំពោះ បុរសជនជាតិចិនអាយុ ៥៧ ឆ្នាំម្នាក់ ដោយបានណាត់នារីម្នាក់ ដែលលោក បានស្គាល់តាមរយៈ Facebook ហើយបានណាត់ជួបគ្នា នៅក្នុងសណ្ឋាគារ ប៉ុន្តែពេលទៅដល់ សណ្ឋាគារ នារីម្នាក់នោះជាកូនប្រសា របស់បុរសនោះទៅវិញ។

សារព័ត៌មាន បរទេសបានផ្សាយថា បុរសវ័យ ៥៧ឆ្នាំ នោះឈ្មោះ វាំង បានស្គាល់នាង លីលី តាម Facebook ដោយមិនដឹងថា ជាប្រពន្ធរបស់ កូនប្រុសនោះទេ ព្រោះអ្នកទាំងពីរ បិទបាំងឈ្មោះពិត។ ថ្ងៃមួយលោក វាំង បានណាត់ជួបនាង លីលី នៅសណ្ឋាគារមួយ ក្នុងទីក្រុងមូលីង ។ ជាមួយគ្នានោះដែរ ស្របពេល នោះបុរស ជាប្ដីដែលបានដឹងថា នាងលីលី មានចិត្តផិតក្បត់ខ្លួន ក៏តាមដាននាង ហើយទៅទាន់ខណៈនាង កំពុងស្ថិតនៅក្នុងបន្ទប់ សណ្ឋាគារជាមួយ ឪពុករបស់ខ្លួនទៀត។

បុរសជាប្ដីឈ្មោះ តាជុន ចាប់កំហុសបានថា ប្រពន្ធផិតក្បត់ ក្រោយពីប្រទះឃើញសារឆ្លើយឆ្លងគ្នា មួយនៅក្នុង facebook របស់ប្រពន្ធខ្លួន ហើយនាងណាត់ជួប ប្រុសសហាយនៅ សណ្ឋាគារទៀតផង ។ ដឹងដូច្នេះហើយ លោក តាជុន ក៏កុហកនាងលីលីថា ចេញទៅបម្រើការងារ តែតាមពិតនៅ តាមឃ្លាំមើលនាង ។ ឆ្លៀតពេលនោះ នាងលីលីទុកកូននៅផ្ទះ ហើយធ្វើដំណើរទៅ សណ្ឋាគារភ្លាមដើម្បី ជួបប្រុសសហាយ ដែលបានណាត់ គ្នាតាម Facebook នោះ ។

នៅពេលទៅដល់ទី ណាត់គ្រាន់តែ ប្រុសសហាយ បើកទ្វារបន្ទប់ភ្លាម នាង លីលី ស្រងាកចិត្តព្រោះ បុរសរូបនោះជាឪពុកក្មេករបស់ខ្លួន ។ ក្នុងស្ថានភាពបែបនេះ នាងលីលីអះអាងថា នាងច្រឡំ ហើយប្រុងចាកចេញពី សណ្ឋាគារ ប៉ុន្តែស្របពេលនោះប្ដី របស់នាងបង្ហាញខ្លួន នៅចំពោះមុខ នាង និងឪពុក ។ ដោយសារខឹងពេក លោក តាជុនបាន វាយឪពុកមួយដៃ ។ លោកតាជុននិយាយថា លោកខំធ្វើការរកប្រាក់ ចិញ្ចឹមគ្រួសារ ហាក់ដូចជា ដើម្បីឱ្យប្រពន្ធ និងឪពុកទាក់ទង សហាយស្មន់នឹងគ្នា ។ សន្ដិសុខក្នុងសណ្ឋាគារ បានប្ដឹងប៉ូលិសឱ្យនាំ ខ្លួនអ្នកទាំងបី យកទៅចាត់ការតាមច្បាប់ ៕

១០ប្រទេសដែលមាន តម្លៃសាំងថោកជាងគេ បំផុតលើលោក

អារ៉ាប់៖ គេហទំព័រកម្សាន្តបរទេសមួយ បានចុះផ្សាយកាលពីពេលថ្មីៗ កន្លងទៅនេះថា ប្រទេសដែលស្ថិតនៅតំបន់វាលខ្សាច់ បានក្លាយជាប្រទេស មានប្រាក់ច្រើនជាងគេ ព្រោះតែធម្មធានធម្មជាតិ រ៉ែប្រេងកាត។

ប្រភពខាងលើបានបង្ហាញជាមួយនឹង កំពូលប្រទេសទាំង១០ ដែលមានតម្លៃប្រេងសាំង ថោកជាងគេបំផុត នៅលើពិភពលោក។ សូមជម្រាបថា នៅទីផ្សារអន្តរជាតិគេគិតតម្លៃប្រេងធៀបនឹង gallon ដែល ១ gallon ស្មើនឹង ៣,៧៨លីត្រ។

១០. សហភាពអារ៉ាប់រួម (United Arab Emirates) ៖ មានតម្លៃ១,៧០ដុល្លារ សហរដ្ឋអាម៉េរិក ក្នុង១ gallon ។

៩. ប្រទេសអូម៉ង់ (Oman) ៖ មានតម្លៃ១,៦៦ដុល្លារ សហរដ្ឋអាម៉េរិក ក្នុង១ gallon ។

៨. ប្រទេសយេម៉េន (Yemen) ៖ មានតម្លៃ១,៦២ដុល្លារ សហរដ្ឋអាម៉េរិក ក្នុង១ gallon។

៧. ប្រទេសអាល់ហ្សេរី (Algeria) ៖ មានតម្លៃ១,០៩ដុល្លារ សហរដ្ឋអាម៉េរិក ក្នុង១gallon។

៦. ប្រទេសបារ៉ែន (Bahrain) ៖ មានតម្លៃ០,៩៨ដុល្លារ សហរដ្ឋអាម៉េរិក ក្នុង១gallon។

៥. ប្រទេសគុយវ៉ែត (Kuwait) ៖ មានតម្លៃ០,៩៨ដុល្លារ សហរដ្ឋអាម៉េរិក ក្នុង១gallon។

៤. ប្រទេសកាតា (Qatar) ៖ មានតម្លៃ០,៨៨ដុល្លារ សហរដ្ឋអាម៉េរិក ក្នុង១gallon។

៣. ប្រទេសតួកមេនីស្ថាន (Turkmenistan) ៖ មានតម្លៃ០,៧៨ដុល្លារ សហរដ្ឋអាម៉េរិក ក្នុង១gallon។

២. ប្រទេសអារ៉ាប៊ីសាអូឌីត (Saudi Arabia) ៖ មានតម្លៃ០,៥៣ដុល្លារ សហរដ្ឋអាម៉េរិក ក្នុង១gallon។

១. ប្រទេសវ៉េណេស៊ុយអេឡា (Venezuela) ៖ មានតម្លៃ០,៣២ដុល្លារ សហរដ្ឋអាម៉េរិក ក្នុង១gallon៕

Samsung​លក់​Galaxy បាន​១០០លាន​គ្រឿង ​តែ​សារភាព​ថា​Software ​មាន​បញ្ហា

ថ្មីៗ​ Samsung បាន​ប្រកាស​ក្នុង​​សន្និសីទ​សារព័ត៌មាន​មួយ​របស់​ខ្លួន​ថា​ នៅ​ចុង​ឆ្នាំ​ ២០១៣ នេះ​ការ​លក់​ទូរសព្ទ​​​ម៉ូដែល​ Galaxy និង​ Galaxy Note នឹង​កើន​ដល់​ ១០០លាន​គ្រឿង។ ជោគជ័យ​ដ៏​ធំធេង​​របស់​Samsung ដែល​រំពឹង​ថា​ខ្លួន​នឹង​សម្រេច​ការ​លក់​បាន​ដល់ ១០០លាន​គ្រឿង​​គឺ គ្រាន់​តែ Galaxy S4 គិត​មក​ដល់​សព្វ​ថ្ងៃ​បន្ទាប់​ពី​ចេញ​លក់​កាល​ពី​ខែ មេសា កន្លង​ទៅ​មាន​ចំនួន ៤០លាន​គ្រឿង​ទៅ​ហើយ។

នៅ​ក្នុង​ព្រឹត្តិការណ៍​​នោះ​ដែរ​ ប្រធាន​ក្រុមហ៊ុន ​គឺ​លោក​ Lee Sang Hoon បាន​មាន​ប្រសាសន៍​ថា​ Samsung កំពុង​តែ​ងាក​ពី​ការ​ប្រកួត​ប្រជែង​ផ្នែក​ Hardware មក​ផ្ដោត​ខ្លាំង​លើ​ផ្នែក​ Software វិញ​ម្ដង​​ទន្ទឹម​នឹង​នេះ​ដែរ​ Samsung បាន​​បង្កើត​ក្រុម​ស្រាវជ្រាវ​និង​ជ្រើសរើស​បុគ្គលិក​ផ្នែក​វិស្វករ​​ផ្នែក​ Software ជា​ច្រើន​រូប​ទៀត។
អាន៖ Samsung គ្រោង​ផលិត​OS ផ្ទាល់​ខ្លួន​ហើយ​ចោល Android?

ប្រធាន​ក្រុមហ៊ុន​ដដែល​នេះ​បាន​បន្ថែម​ទៀត​ថា​ ” យើង​ខិតខំ​ប្រឹងប្រែង​ប្រកួត​ប្រជែង​​​ដោយ​យុត្តិធម៌​ និង​ព្យាយាម​គេច​ពី​ជម្លោះ​​លើ​បញ្ហា​ប៉ាតង់​ជាមួយ​ក្រុម​ហ៊ុន​ផ្សេង​ផង​ដែរ” ។
អាន៖ មួយ​ថ្ងៃ Samsung លក់​ទូរសព្ទ​បាន ១លាន​គ្រឿង​ហើយ​នៅ​តែ​មិន​បន្ធូរ​ដៃ​

​​​​​ចំណែក​ឯ​លោក​ JK Shin នាយក​ប្រតិបត្តិ​រួម​របស់​ Samsung បាន​​រំពឹង​ថា​នា​ឆ្នាំ ២០១៧ ​50%​​នៃ​ ទូរសព្ទ​ Smartphone​ នឹង​មាន​បំពាក់​ប្រព័ន្ធ LTE (4G) ហើយ​ Samsung ក៏​បាន​ត្រៀម​អាវុធ​រួចរាល់​ដើម្បី​ប្រឡូក​ក្នុង​​សង្គ្រាម​បច្ចេកវិទ្យា​នេះ​​មិន​បន្ធូរដៃ​ឡើយ​អោយ​គូរ​ប្រជែង​ឡើយ។
ប្រែសម្រួល​៖ ប៊ុនឡេង
ប្រភព៖ gsmarena

Tags: ព័ត៌មានបច្ចេកវិទ្យា, ព័ត៌មានពី Samsung

Samsung អះអាង​ទំហំ​កាមេរ៉ា​របស់ S5 និង Note 4 ថា​មាន 16MP

ស្រប​ពេល​កំពុង​មាន​ការ​វិភាគ និង​តាម​ដាន​ device ថ្មី​របស់ Samsung គឺ Galaxy S5 និង Galaxy Note 4 នោះ​ស្រាប់​តែ​ថ្ងៃ​នេះ Samsung បាន​ចេញ​មុខ​អះអាង​អំពី​កាមេរ៉ា​ដោយ​ផ្ទាល់​ថា នឹង​បង្កើន​សមត្ថភាព​​ជា​មួយ​ទំហំ​ធំ​ជាង​មុន អាច 16MP។

អត្ថបទ៖ Nexus 5 និង Galaxy S5 កក្រើក​សម្បើម​ណាស់​ប៉ុន្មាន​ថ្ងៃ​នេះ

រូប​គំរូ Galaxy S5

ព័ត៌មាន​អំពី Galaxy S5 និង Note 4 បន្ត​កក្រើក​ម្ដង​ទៀត ស្រប​ពេល​មិន​ទាន់​ដល់​ដាច់​ឆ្នាំ​ផង​នោះ។ របាយការណ៍​មុនៗ បាន​អះអាង​ថា Samsung នឹង​ប្រកាស​ចេញ Galaxy S5 ជា​មួយ​សមត្ថភាព​កាមេរ៉ា និង​ល្បឿន​ដំណើរការ​ល្អ​ជាង​មុន​ទៅ​ទៀត ក្នុង​ពិព័រណ៍​អេឡិចត្រូនិក CES 2014ខែ​មករា ឆ្នាំ២០១៤។
ក្នុង​ចំណោម​ការ​បង្កើន​សមត្ថភាព​នៅ​លើ Device ថ្មីៗ​ខាង​មុខ កាមេរ៉ា Galaxy S5 និង Note 4 នឹង​មាន​ទំហំ 16MP ជា​មួយ​បច្ចេកវិទ្យា ISOCELL ដែល​បង្កើន​គុណភាព​ថត​នៅ​ទី​ខ្សោយ​ពន្លឺ ជា​មួយ​ពណ៌​ធម្មជាតិ។ ពិសេស​ទៀត​នោះ នឹង​មាន​សម្បក​រឹងមាំ​ជាង​មុន ​ព្រោះ​នឹង​ប្ដូរ​ពី​ការ​ប្រើ​សារធាតុ​ប្លាស្ទិក មក​ជា​លោហធាតុ​វិញ។
យ៉ាងណាមិញ Galaxy Note 4 ពុំ​មាន​ព័ត៌មាន​ច្រើន​ឡើយ តែ​សម្រាប់ GS5 ត្រូវ​រំពឹង​ថា នឹង​ប្រើ Exynos 64-bit processor របស់​ក្រុមហ៊ុន Samsung ផ្ទាល់​មិន​ក្រោម 8-core ឡើយ។ កាមេរ៉ា​រួម​បញ្ចូល​ជា​មួយ​បច្ចេកវិទ្យា OIS (optical image stabilization) និង low-light shooting។ ពិសេស​ទៀត​នោះ GS5 នឹង​មាន​មុខងារ​ស្កេន​ក្រយៅដៃ fingerprint ដូច iPhone 5S ដែរ៕

អត្ថបទ៖ Samsung​លក់​Galaxy បាន​១០០លាន​គ្រឿង ​តែ​សារភាព​ថា​Software ​មាន​បញ្ហា

ប្រែ​សម្រួល៖ ឈុន ហួរ
ប្រភព & របភាព៖ redmondpie

Tags: ព័ត៌មានជុំវិញ Galaxy Note 4, ព័ត៌មានជុំវិញ Galaxy S5, ព័ត៌មានពី Samsung

Apple ជាប់​ឈ្មោះ​ជា​ក្រុមហ៊ុន​​ស្លាកយីហោ​មាន​តម្លៃ​​បំផុត​

តាម​ចំណាត់​ថ្នាក់​ម៉ាក​យីហោ​មាន​តម្លៃ​​បំផុត​​ប្រចាំ​ឆ្នាំ​ ‘The World’s Most Valuable Brands’ ធ្វើ​ឡើង​ដោយ ទស្សនាវដ្ដី​ដ៏​ពេញ​និយម​របស់​អាមេរិក Forbes បាន​ចុះ​បញ្ជី​ឱ្យ​ក្រុមហ៊ុន Apple ជាប់​ចំណាត់​ថ្នាក់​លេខ ១ ម្ដង​ទៀត​ហើយ​បន្ទាប់​ពី Interbrand ក៏​បាន​ចាត់​ឱ្យ Apple នៅ​លើ​គេ​ផង​នោះ។

អត្ថបទ៖ Apple ក្លាយក្រុមហ៊ុន​មាន​​ស្លាកយីហោ​ល្បី​បំផុត​លើ​លោក

Forbes បាន​ចុះ​បញ្ជី​ក្រុមហ៊ុន Apple មាន​តម្លៃ ១០៤,៣ពាន់​លាន​ដុល្លារ​អាមេរិក ដែល​នេះ​កើន​ឡើង ២០% បើ​ធៀប​នឹង​ឆ្នាំ ២០១២ កន្លង​ទៅ។ ចំណែក Microsoft បាន​លេខ ២ ហើយ Coca-Cola លេខ ៣។ ឯ IBM (លេខ ៤) Google (លេខ ៥) Intel (លេខ ៨) Samsung (លេខ ៩)។
ចំណោម ១០០ ក្រុមហ៊ុន​ដែល​មាន​នៅ​ក្នុង​បញ្ជី​ម៉ាកយីហោ​ល្បី គឺ​មាន​នៅ​តាម​បណ្ដា​ប្រទេស​ចំនួន ១៥ ហើយ​ជា​ប្រភេទ​ក្រុមហ៊ុន​ខុសៗគ្នា ដូច​ជា​ក្រុមហ៊ុន​ទូរសព្ទ កុំព្យូទ័រ ណែតវើក ឬ ភេសជ្ជៈ​ជា​ដើម។ នៅ​ក្នុង​បញ្ជី​ម៉ាក​ល្បី ភាគ​ច្រើន​ជា​ក្រុមហ៊ុន​របស់​អាមេរិក​ដែល​មាន​ជាង​ពាក់​កណ្ដាល​ទៅ​ហើយ៕
អត្ថបទ៖ Apple លេប​ចំណែក​ទីផ្សារ Smartphone ៤០%​ តែ​ឯង​នៅ​អាមេរិក
ប្រែ​សម្រួល៖ ឈុន ហួរ
ប្រភព & រូបភាព៖ idownloadblog

Tags: ព័ត៌មានបច្ចេកវិទ្យា, ព័ត៌មានពី Apple