ហេតុអ្វីមនុស្សកើតមកភ្លាមមិនអាចដើរបានដូចសត្វ?

តើអ្នកមានចម្ងល់ដែររឺទេ ថាតើហេតុអ្វី បានជាមនុស្សកើតមកភ្លាម មិនអាចដើរបាន តែសត្វមួយចំនួន បែរជាអាចដើរបានទៅវិញនោះ? តាមការសិក្សាស្រាវជ្រាវ របស់អ្នកវិទ្យាសាស្ត្រ នៅក្នុងប្រទេសស៊ុយអ៊ែត បានឲ្យដឹងថា ភាពខុសគ្នារវាង ការដើរបានរបស់មនុស្ស និងសត្វ គឺនៅពេលកើតមកដំបូង និងខុសគ្នា ដោយការ វិវឌ្ឍន៍របស់ខួរក្បាល។
ប្រធានក្រុម អ្នកស្រាវជ្រាវ នៅក្នុងសាកលវិទ្យាល័យ Lund ក្នុងប្រទេសស៊ុយអ៊ែត លោក Martin Garwicz បានបង្ហាញឲ្យឃើញថា ការវិវឌ្ឍន៍ នៃការដើរ របស់មនុស្សនិងសត្វ គឺទាក់ទងទៅនឹងទំហំរបស់ ខួរក្បាលរហួតដល់ទៅ ៩៤% ។ ដូច្នេះថនិកសត្វ ដែលមានខួរក្បាលធំ ប្រហាក់ប្រហែលនឹងមនុស្ស ក៍ចំនាយ ពេលយូរ នៅក្នុងការរៀនដើរ ហើយសត្វដែលមានខួរក្បាលតូច ក៏អាចចេះដើរបាន បន្ទាប់ ពីកើតមក ភ្លាមៗដែរ។
លោកបានបញ្ជាក់ បន្ថែមទៀតថា វាអាចនឹងជាប់ពាក់ព័ន្ធ ទៅនឹងពូជអម្ពូររបស់សត្វ និងមនុស្ស ដែលមានការវិវឌ្ឍន៍ខុសគ្នា រវាងខួរក្បាល និងការលូតលាស់ លើអវៈយវៈផងដែរ។
តើប្រិយមិត្តយល់យ៉ាងណាដែរចំពោះការបកស្រាយនេះ?




ប្រភព phys
ដោយ ធីតា
ខ្មែរឡូត