មេដឹកនាំការតវ៉ា លោកស៊ូថេប ធឿកស៊ូបាន
បញ្ចេញកាយវិការដាក់ក្រុមតវ៉ា និង លោកស្រីយីងឡាក់
ថ្លែងទៅកាន់អ្នកកាសែត
បន្ទាប់ពីរួចផុតពីញត្តិដកសេចក្តីទុកចិត្ត។ AFP
ការកើនឡើងនៃការតវ៉ា បានកើតបន្ទាប់ពីនាយករដ្ឋមន្រ្តីចាំផ្ទះលោកស្រី យីងឡាក់ ស៊ីណាវ៉ាត្រា បានរលាស់ខ្លួនពីឱសានវាទរបស់គណៈកម្មការកំណែទម្រង់ប្រជាធិបតេយ្យ ប្រជាជន (PDRC) ដឹកនាំដោយលោក ស៊ូថេប ដែលបានទាមទារឲ្យលោកស្រី និងរដ្ឋាភិបាលរបស់លោកស្រី លាលែងពីតំណែងពីតួនាទីបណ្ដោះអាសន្នរបស់ខ្លួន ក្នុងរយៈពេល ២៤ ម៉ោង ឬក៏ត្រឹមម៉ោង ១០ និង ៣០ នាទីកាលពីរាត្រីថ្ងៃអង្គារ ដើម្បីបើកផ្លូវឲ្យមានការតែងតាំងនាយករដ្ឋមន្រ្តីបណ្ដោះអាសន្ន ថ្មី និងការ បង្កើត «ក្រុមប្រឹក្សាប្រជាជន» ក្រោម ជំពូក ៣ នៃរដ្ឋធម្មនុញ្ញ។
រដ្ឋាភិបាលបាននិយាយថា រដ្ឋាភិបាលបានទាត់ចោលការទាមទារ នោះ ដោយនិយាយថា ជំពូក ៣ មិនអនុញ្ញាតឲ្យក្រុមណាមួយ ប្រើ ប្រាស់អំណាចអធិបតេយ្យរបស់ប្រជាជននោះទេ។ ព្រះមហាក្សត្រ នឹងប្រើប្រាស់អំណាចបែបនោះ តាមរយៈសភា គណៈរដ្ឋមន្ត្រី និងតុលាការ។
ក្នុងសុន្ទរកថាថ្លែងទៅកាន់ក្រុមអ្នកតវ៉ា លោក ស៊ូថេប បាននិយាយថា ដោយហេតុថា លោកស្រី យីងឡាក់ បានធ្វើព្រងើយនឹង «សេចក្ដីបង្គាប់» របស់ PDRC ដូច្នេះហើយគណៈកម្មការនេះបានចេញ «បទ បញ្ជាបន្ថែម» មួយទៀតថា ក្រុមអ្នកតវ៉ា នឹងធ្វើបាតុកម្មដោយសន្តិវិធីប្រឆាំងនឹងសមាជិកត្រកូល ស៊ីណាវ៉ាត្រា និងសមាជិករបស់គណៈរដ្ឋមន្រ្តី។
លោកបាននិយាយថា ប៉ូលិសក៏ត្រូវបញ្ជាដោយ PDRC ឲ្យចាត់វិធានការផ្លូវច្បាប់ប្រឆាំងលោកស្រី យីងឡាក់ និងគណៈរដ្ឋមន្ត្រីរបស់លោកស្រីពីបទកុបកម្មដែរ។
លោកបាននិយាយថា ក្រុមយោធាត្រូវបានស្នើឲ្យពង្រាយនៅតាម អគាររដ្ឋជំនួសវិញដើម្បីគោលបំណងសន្តិសុខ»។
នៅក្នុងសុន្ទរកថាមុននេះលោក ស៊ូថេប បាននិយាយថា នៅពេលនាយករដ្ឋមន្ត្រីចុះចេញពីតំណែងលោកនឹងស្នើឲ្យក្រុមអ្នក តវ៉ាវិលត្រឡប់ទៅផ្ទះសម្បែងវិញ។
លោកបាននិយាយថា៖ «សូមរង់ចាំតែ ៣ថ្ងៃ ទៀតប៉ុណ្ណោះ។ បើសិនរឿងមិនបានបញ្ចប់ទេ មនុស្សក្នុងត្រកូល ស៊ីណាវ៉ាត្រា នឹងមិនបានសេចក្ដីសុខ នៅក្នុងជីវិតរបស់ពួកគេឡើយ»។
យោងតាមលោក ស៊ូថេប ឲ្យដឹង ថា ត្រកូល ស៊ីណាវ៉ាត្រា គួរតែរំពឹងទទួលរងការប្រមាថពីប្រជាជនទូទាំងប្រទេស។
លោកបាននិយាយថា បើសិននាយករដ្ឋមន្ត្រីមិននេះចង់ឲ្យប្រជាជនស្អប់ខ្ពើមថែមទៀតទេ ធ្វើទៅ តាមការណែនាំយើងទៅ។
ជាថ្មីម្ដងទៀតលោក ស៊ូថេប បានទទូចថា រដ្ឋការ យីងឡាក់ បានបាត់បង់ភាពស្របច្បាប់របស់ខ្លួននៅ ក្នុងអំណាចចាប់តាំងពីរដ្ឋការនេះ បានច្រានចោលសាលក្រមរបស់តុលាការរដ្ឋធម្មនុញ្ញស្ដីពីវិសោធនកម្ម ធម្មនុញ្ញ ដើម្បីធ្វើឲ្យព្រឹទ្ធសភាជាស្ថាប័នជាប់ឆ្នោតពេញលេញ។
លោក បានប្រាប់ក្រុមអ្នកតវ៉ា នៅឯទីជំនុំនៅមុខវិមានរដ្ឋាភិបាលថា៖ «ទង្វើជាច្រើនផ្សេងៗ ទៀតរបស់រដ្ឋាភិបាលដែលដឹកនាំដោយលោកស្រី យីងឡាក់ បានរំលោភរដ្ឋធម្មនុញ្ញដោយចេតនា។ ដោយហេតុនោះហើយ រដ្ឋាភិបាលនេះគឺមិនស្របច្បាប់។
លោកបាននិយាយថា រដ្ឋការ យីងឡាក់ មិនអាចថែមទាំងបន្ត តួនាទីជារដ្ឋាភិបាលចាំផ្ទះបានទេ។ ស៊ូថេប ក៏បានរិះគន់លោកស្រី យីងឡាក់ សម្រាប់សេចក្តីប្រកាស របស់លោកស្រីអំពីការរំលាយសភាមុនពេលត្រូវបានទទួលស្គាល់ពី មហាក្សត្រផងដែរ៕ MN
No comments:
Post a Comment