ប្រទេសកម្ពុជា ជាប់ចំណាត់ថ្នាក់លេខ ៣ ជាប្រទេសដែលរងទុក្ខលំបាកជាងគេ ក្នុងឆ្នាំ ២០១២

កាលពីថ្មីៗនេះ គេហទំព័រ Gallup នៅថ្ងៃទី ២ ខែធ្នូ បានបញ្ចេញលទ្ធផលចំណាត់ថ្នាក់ ប្រទេសដែលរងទុក្ខលំបាកជាងគេ នៅលើពិភពលោក ដោយមានវត្តមានរបស់ប្រទេសកម្ពុជា កំពុងឈរនៅ លំដាប់លេខរៀងទី ៣ តាមពីក្រោយប្រទេស Bulgaria ឈរលំដាប់លេខ ១ និង Armenia ឈរលំដាប់លេខ ២។
ក្នុងនោះប្រទេស Bulgaria ត្រូវបានគេវាយតម្លៃថា រងទុក្ខលំបាកជាងគេ ក្នុងទំហំ ៣៩% តាមពីក្រោយដោយ Armenia ៣៧% បន្ទាប់មកគឺប្រទេសកម្ពុជា ៣៤% និងប្រទេសហៃទី ហុងហ្ការី និង ម៉ាដាហ្កាស្ការ ជាដើម។
ការបែងចែកចំណាត់ថ្នាក់នេះ គឺផ្អែកទៅលើ ការស្រង់មតិតាមទូរស័ព្ទ រឺសម្ភាសន៍ផ្ទាល់មាត់ ដោយអោយពិន្ទុពី ០ ទៅ ១០ ពីសំណាក់យុវជនប្រមាណជា ១០០០ នាក់ ដែលមានអាយុចាប់ពី ១៥ ឆ្នាំឡើងទៅ ដែលការអោយពិន្ទុនេះ គឺយោងទោលើភាពរីកចម្រើន ក៏ដូចជាការខំប្រឹងពុះពារ និងការរងទុក្ខលំបាក របស់ប្រទេសជាតិជាដើម។
ក្នុងនោះ គេសង្កេតឃើញការរងទុក្ខលំបាកច្រើនបំផុត ភាគច្រើនគឺនៅតំបន់ទ្វីបអាស៊ីខាងត្បូង ដែលកំពុងតែនាំមុខគេ តាមពីក្រោយដោយតំបន់បាល់កាន ក៏ដូចជាតំបន់ទ្វីបអាព្រិចខាងកើត និងខាងជើង។

តើប្រិយមិត្តយល់យ៉ាងណាដែរ?
ប្រភព៖ Gallup
ដោយ RoMeo
ខ្មែរឡូត