ថ្វីបើសម្លៀកបំពាក់រឹបរាងអាចជួយ
លើកសម្រស់ទាក់ទាញ ប៉ុន្ដែក៏អាចក្លាយជាកាំបិទមុខពីរ
ធ្វើឱ្យអ្នកស្លៀកពាក់ សិចស៊ីហួសព្រមដែន។
នារីទាំងឡាយ
តែងមានរូបរាងស្រឡូន គួរចាប់ចិត្ត
ហើយវាគឺជាប្រយោជន៍មួយក្នុងការស្លៀកពាក់។ ដូច្នេះ នារីមួយភាគធំ
ចូលចិត្តជ្រើសរើសសម្លៀកបំពាក់រឹប ដើម្បីបានបង្អួតរាង ប៉ុន្ដែ
ប្រសិនមិនបានជ្រើសរើស និងស្លៀកពាកត្រឹមត្រូវ
សម្លៀកបំពាក់រឹបរាងនឹងអាចធ្វើឱ្យអ្នកប្រើប្រាស់ រងការរិះគន់
ដោយសារតែភាពសិចស៊ីខុសទំនង។
ប្រការមូលដ្ឋានមួយដ៏សំខាន់
នៅពេលជ្រើសរើសសម្លៀកបំពាក់រឹបរាង
នោះគឺការយកចិត្តទុកដាក់លើប្រភេទក្រណាត់
អ្នកមិនត្រូវជ្រើសយកក្រណាត់ស្ដើង និងទន់ពេកនោះទេ
ព្រោះវាអាចបង្កស្ថានភាពគួរឱ្យខ្មាសអៀនសម្រាប់អ្នកប្រើប្រាស់។
ទន្ទឹមនឹងនេះ ម៉ូដ និងការ mix សម្លៀកបំពាក់ ក៏ដើរតួសំខាន់ផងដែរ
ចំពោះការសម្រេចចិត្ត ថាតើសម្លៀកបំពាក់នោះ ពិតជាទាក់ទាញដែរ ឬអត់។
ដើម្បីកាន់តែច្បាស់ សូមស្វែងយល់ដូចខាងក្រោម ៖
អាវរឹបរាង១/ មិនត្រូវពាក់អាវទ្រនាប់ក្រាស់
ប្រសិនរង្វង់ទីមួយរបស់អ្នកធំ
នោះអ្នកប្រាកដជាជ្រើសរើសអាវរឹបតឹងដើម្បីបង្ហាញរាងរបស់ខ្លួន
តែបើរង្វង់ទីមួយរបស់អ្នកតូច ហើយត្រូវពឹងទៅលើអាវទ្រនាប់ក្រាស់ៗ
នោះអាវរឹបរាង ប្រហែលជាមិនស័ក្ដិសមសម្រាប់អ្នក
ព្រោះវានឹងលេចរូបរាងយ៉ាងច្បាស់ នៅពេលអ្នកពាក់អាវរឹបរាងស្ដើង។
២/ មិនត្រូវពាក់ជាមួយសម្លៀកបំពាក់រឹបរាង ឬសិចស៊ីដទៃ
គោលការណ៍រួមមួយក្នុងការ mix សម្លៀកបំពាក់
នោះគឺអ្នកត្រូវតែស្វែងរកតុល្យភាពរវាងសម្លៀកបំពាក់។
ប្រសិនអ្នកពាក់អាវរឹបរាង នោះអ្នកមិនត្រូវស្លៀកខោសិចស៊ី
ឬរឹបរាងដែរនោះទេ ព្រោះថា
វានឹងធ្វើឱ្យអ្នកបញ្ចេញចំណុចគួរឱ្យខ្មាសអៀន កាន់តែច្រើន។
ជំនួសមកវិញ អ្នកគួរជ្រើសរើសរបស់ធំ សមល្មម ឬ oversized ដូចជា ខោ
boyfriends jeans ឬរ៉ូបដែលមានជើងទូលាយជាដើម
ដើម្បីធ្វើឱ្យមានតុល្យភាព រវាងផ្នែកខាងលើ និងខាងក្រោម។
ខោរឹបរាង១/ មិនត្រូវស្លៀកខោរឹបគូទខ្លី ឬទាបពេក
ខោរឹបរាងមានតួនាទីជួយបញ្ចេញភាពទាក់ទាញនៃរាងកាយរបស់អ្នក
រួចទៅហើយ ដូច្នេះប្រសិនអ្នកជ្រើសរើសខោរឹបរាងដែលមានគូទខ្លីទៀតនោះ
វាហាក់ដូចជា សិចស៊ី ជាន់លើសិចស៊ី ម្យ៉ាងទៀត
វានឹងនាំឱ្យមានការពិបាកភ្នែកដល់អ្នកនៅជុំវិញ នៅពេលធ្វើចលនាម្ដង។
ប៉ុន្ដែ ការជ្រើសរើសខោរឹបរាងដែលមានគូទខ្ពស់ពេក ក៏មិនស័ក្ដិសម
ព្រោះវាធ្វើឱ្យបាត់បង់តុល្យភាពរវាងចង្កេះ និងជើង។
អ្នកគួរជ្រើសរើសខោរឹបរាងដែលមានគូទល្មម មិនខ្ពស់ ឬមិនខ្លីពេក
ល្អបំផុត គឺខោត្រឹមចង្កេះ ក្រោមផ្ចិត ២សង់ទីម៉ែត្រ។
២/ ខោពណ៌ nude ឬពណ៌ភ្លឺ គួរតែមានរូត
បណ្ដាខោដែលមានពណ៌ nude ឬពណ៌ភ្លឺ ពិសេសគឺចំពោះខោរឹបរាង តែងជា
“ជនដៃដល់” ដែលធ្វើឱ្យមានការយល់ច្រឡំសម្រាប់មនុស្សនៅចំពោះមុខ
ពិសេសគឺនៅពេលឈរត្រង់។ ជាការប្រសើរ
អ្នកគួរជ្រើសរើសខោដែលមានរូតនៅផ្នែកខាងមុខ ម្យ៉ាងទៀត
អ្នកក៏មិនគួរជ្រើសរើសខោរឹបគូទខ្ពស់
ព្រោះវានឹងធ្វើឱ្យចំណុចរសើបរបស់អ្នក ហាក់បង្ហាញខ្លួនយ៉ាងច្បាស់។
ដោយ ៖ តារា
ប្រភព ៖ k14
No comments:
Post a Comment