ធ្វើការងារដែលមានភាពស្ត្រេសខ្លាំងប្រឈម​​នឹងជំងឺបេះដូង

តាមការសិក្សាថ្មីមួយរបស់ក្រុមស្រាវជ្រាវបានរកឃើញថា ការធ្វើការងារដែលមានភាពស្ត្រេសខ្លាំង ងាយនឹងប្រឈមនឹងជំងឺបេះដូង ប៉ុន្តែវាមិនមានគ្រោះ​ថ្នាក់ខ្លាំងដូចជា ការជក់បារី និងការមិនបានហាត់ប្រាណនោះទេ។
ការសិក្សាទាំងនោះធ្វើឡើងលើមនុស្សប្រមាណ ២០ម៉ឺននាក់ហើយរកឃើញថា សម្ពាធការងារ​បង្កើន​ការប្រឈមនឹងជំងឺបេះដូងរហូតដល់ ២៣ភាគរយ ។ បើនិយាយពីវេជ្ជបណ្ឌិតដែលមិនមានតួនាទីក្នុងការសម្រេចចិត្តធំៗ មានសម្ពាធតិចជាងអ្នកដែល​ធ្វើក្នុង​ការសង្វាក់ផលិតកម្មរោងចក្រ។
ក្រុមអ្នកស្រាវជ្រាវក៏បាននិយាយដែរថា ការកាត់បន្ថយសម្ពាធការងារអាចជួយការពារ ៣,៤ភាគរយ ខណៈការផ្ដាច់បារីកាត់បន្ថយបាន ៣៦ភាគរយ៕