ច្បាប់​ចរាចរណ៏​ផ្លូវគោក​នៃ​ប្រទេស​កម្ពុជា

មាត្រា១៖ ច្បាប់​ចរាចរណ៏​ផ្លូវ​គោក​នៃ​ព្រះ​រាជា​ណា​ចក្រ​កម្ពុជា​

មាត្រា១៖
ច្បាប់​ស្ដី​ពី​ចរាចរណ៏​ផ្លូវ​គោក​នេះ​​មាន​វិសាល​ភាព​គ្រប​ដណ្ដប់​រាល់​ ការ​ធ្វើ​ចរាចរណ៏​លើ​ផ្លូវ​ថ្នល់​នៅ​ក្នុង​ព្រះ​រាជា​ណា​ចក្រ​កម្ពុជា។​

មាត្រា២៖ ច្បាប់​ចរាចរណ៏​ផ្លូវ​គោក​នៃ​ព្រះ​រាជា​ណា​ចក្រ​កម្ពុជា​

មាត្រា២៖
ច្បាប់​នេះ​មាន​គោល​បំណងៈ​
- រក្សា​សណ្ដាប់​ធ្នាប់​ សុវត្ថិ​ភាព​ក្នុង​ការ​ធ្វើ​ចរាចរណ៏​នៅ​លើ​ផ្លូវ​ថ្នល់ ​ដែល​បើក​ឲ្យ​ធ្វើ​ចរាចរណ៏​ជា​សាធារណៈ​ទូទាំង​ព្រះ​រាជា​ណាចក្រ​កម្ពុជា
- ការ​ពារ​អាយុ​ជីវិត​មនុស្ស​ សត្វ​ និង​ការ​ពារ​បរិស្ថាន​
- ទប់​ស្កាត់​ការ​ប៉ះ​ពាល់​ដល់​សុខ​ភាព​មនុស្ស​ និង​ការ​ខូច​ខាត់​ទ្រព្យ​សម្បត្តិ​រដ្ឋ និង​ឯក​ជន​
- ទប់​ស្កាត់​ការ​ប្រព្រឹត្ត​បទ​ល្មើស ​ដែល​បណា្ដល​មក​ពី​ការ​ប្រើ​ប្រាស់​ផ្លូវ​ថ្នល់​។​

មាត្រា៣៖ ច្បាប់​ចរាចរណ៏​ផ្លូវ​គោក​នែ​ព្រះ​រាជា​ណា​ចក្រ​កម្ពុជា​

មាត្រា៣៖
អ្នក​ប្រើប្រាស់​ផ្លូវ​ថ្នល់​ ត្រូវ​គោរព​ឲ្យ​បាន​ត្រឹម​ត្រូវ​តាម​បទប្បញ្ញត្តិ​ដែល​មាន​ចែង​ក្នុង​ច្បាប់​នេះ។​

មាត្រា៤៖ ច្បាប់​ចរាចរណ៏​ផ្លូវ​គោក​នែ​ព្រះ​រាជា​ណា​ចក្រ​កម្ពុជា​

មាត្រា៤៖
ការ​បើកបរ​យាន​ជំនិះ​គ្រប់​ប្រភេទ​ក្នុង​ព្រះ​រាជា​ណាចក្រ​កម្ពុជា​ត្រូវ​ប្រកាន់​ស្ដាំ​ជានិច្ច​។
គ្រប់​យាន​ជំនិះ​ដែល​មាន​ចលនា​នៅ​លើ​ផ្លូវ​ថ្នល់​ ត្រូវ​តែ​មាន​អ្នក​បើក​បរ​។

មាត្រា៥៖ ច្បាប់​ចរាចរណ៏​ផ្លូវ​គោក​នៃ​ព្រះរាជា​ណា​ចក្រ​កម្ពុជា

មាត្រា៥៖
ដើម្បើ​អនុវត្ត​​ច្បាប់​ចរាចរណ៏​​នេះ ពាក្យ​ខាង​​ក្រោម​​ត្រូវ​​កំណត់​​និយម​ន័យ​​ ដូច​តទៅៈ
-          ពាក្យ​ថា​ ផ្លូវ​ថ្នល់​ ហៅ​កាត់​ថា​ ផ្លូវ​​គឺជា​ទំហំ​​ទាំង​​មួល​នៃទ្រូងផ្លូវ រួមជាមួយជាយ​ផ្លូវ ឬចិញ្ចើមផ្លូវ
-          ពាក្យថា ទ្រូងផ្លូវ គឺជាផ្នែកមួយនៃផ្លូវ​ ទុកសម្រាប់​យាន​ជំនិះគ្រប់​ប្រភេទ​ធ្វើ​ចរាចរណ៏
-          ពាក្យថា ជាយផ្លូវ គឺជាផ្នែក​សងខាង​នៃ​ទ្រូង​ផ្លូវដែល​នៅក្រៅ​ទី​ប្រជុំជន​ហើយអាច​ចត់​យានជំនិះ ​នៅទីនោះ​បាន​ក្នុង​ករណី​ចាំបាច់​
-          ពាក្យថា​ ចិញ្ចើមផ្លូវ គឺជា​ជាយ​ផ្លូវ​នៅ​ក្នុង​ទី​ប្រជុំ​ជន​ដែលរៀបចំ​ទុក​សម្រាប់​ថ្មើរ​ជើង​ធ្វើ ​ដំណើរ​ ប៉ុន្តែមិនអាច​ចត​យានជំនិះ​នៅ​ទីនោះ​បាន​ទេ
-          ពាក្យថា កន្លងផ្លូវ គឺជាចំណែកមួយ​នៃ​ទ្រូង​ផ្លូវ​ខ័ណ្ឌ​ដោយ​គំនួស​ដាច់ៗ ឬគំនូស​បង្ហួត​តាម​បណ្ដោយ​ទ្រូង​ផ្លូវដែល​មានទទឹង​គ្រប់គ្រាន​អាច​ឲ្យ​ យានជំនិះ​គ្រប់​ប្រភេទ​ធ្វើ​ចរាចរណ៏​បាន​មួយ​ជួរ
-          ពាក្យ​ថា​ ទីប្រជុំជន គឺជា​ទីកន្លែង​ដែលមាន​អគារ ឬ​គេហដ្ឋាន​សង់ជិតៗគ្នា​ហើយ​ផ្លូវ​ចេញ​ ឬចូល​នៅទីនោះ​មានដាក់​ផ្លាក​សញ្ញា​ ឈ្មោះទីប្រជុំជន​សម្គាល់​ការ​ចូល ឬឈ្មោះ​ទី​ប្រជុំជន ដែលមាន​គំនូស​បន្ទាត់ពណ៌​ក្រហម​សម្គាល់​ការចេញ​ពី​ទី​ប្រជុំជន​តាម​ដងផ្លូវ​ និង​មាន​មនុស្ស​ធ្វើ​ចរាចរណ៏​ឆ្លង​កាត់​ទៅ​មក​ច្រើន
-          ពាក្យថា ផ្លូវ​ប្រសព្វ គឺជា​ទីកន្លែង​ប្រសព្វ​នៃ​ផ្លូវ​ពីរ​ឬ​ច្រើន​ដែល​មាន​ផ្ទៃ​រាប​តែមួយ និងមិន​កំណត់មុំ​នៃ​អ័ក្ស​របស់​ទ្រូង​ផ្លូវ​ឡើយ។ ផ្លូវ​ប្រសព្វ​អាច​មាន​រាង​ជា +, X, T, Y ឬរង្វង់​មូល​ជា​ដើម
-          ពាក្យថា​​ ផ្លូវ​រង្វង់មូល គឺជា​ទីកន្លែង​ប្រសព្វ​នៃ​ផ្លូវ​ពី​ឬ​ច្រើន ហើយ​ដែល​នៅ​ចំ​កណ្ដាល​​មាន​ខឿន​​ រូបសំណាក ឬវិមាន​ផ្សេងៗ និងមាន​ទ្រូង​ផ្លូវ​ឯកទិស​ព័ទ្ធ​ជុំវិញដោយ​មាន​សញ្ញា​ព្រួញ​ប្រាប់​ទិស​ ចរាចរណ៏
-          ពាក្យ​ថា​ ផ្លូវ​សាធារណៈ គឺជា​ផ្លូវសម្រាប់​បើក​ឲ្យ​ធ្វើ​ចរាចរណ៏ទួទៅ​ជា​សាធារណៈ
-          ពាក្យថា ផ្លូវ​ឯកជន គឺជាផ្លូវ​កសាង​ដោយ​ឯកជន​ ដែល​ចែក​ចេញ​ជា​ពីរ​ប្រភេទ​ដូច​ខាង​ក្រោមៈ
ក.​ ផ្លូវឯកជន​បើក​ឲ្យ​ធ្វើ​ចរាចរណ៏​ជាសាធារណៈ គឺ​ជាផ្លូវ​បើក​ឲ្យ​ធ្វើចរាចរណ៏​ទូទៅ ដែលបាន​សាង​សង់​ ឬជួសជុល​ដោយ​ឯកជន​តាម​កិច្ច​សន្យា​ជាមួយ​រដ្ឋ។
ខ. ផ្លូវឯកជន​មិនបើកឲ្យ​​ធ្វើ​ចរាចរណ៏​ជាសាធារណៈ គឺជា​ច្រក​ផ្លូវ​សម្រាប់​បម្រុង​ទុកបម្រើការងារ​ក្នុង​បរិវេណ​ណា​មួយ ដូច​ជា​ច្រក​គេហដ្ឋាន រោងចក្រសហគ្រាស​ អគារ ឬ​ទីលានបរិវេណ​ផ្សេងៗ។
-          ពាក្យថា ផ្លូវលំ គឺជាផ្លូវ​ដី​ដែល​តភ្ជាប់​ពី​ផ្លូវ​ជាតិ ឬផ្លូវខេត្ត ឆ្ពោះទៅភូមិ ឬឃុំ​នៅ​ជន​បទ
-          ពាក្យថា ឈប់ គឺជាការនៅ​ស្ងៀម​នៃយានជំនិះ​លើ​ទ្រូង​ផ្លូវ​មួយរយៈ​ ពេលចាំបាច់​ដែល​មាន​អ្នក​បើកបរ​ស្ថិត​នៅ​ជាប់​នឹង​ចង្កូត ឬ​ក្បែរ​យាន​ជំនិះ​ខ្លួន ដើម្បី​ឲ្យ​អ្នក​ដំណើរ ឬយាន​ជំនិះដទៃទៀត​ឆ្លងកាត់​ ឬដើម្បី​អែប​ខាង​ដាក់ទំនិញ ឬអ្នកដំណើរ​ឡើងចុះ
-          ពាក្យថា ចត គឺជាការទុកឲ្យ​យានជំនិះ​នៅ​ស្ងៀម​ក្នុង​រយៈពេលយូរ ឬឆាប់​ដែល​អ្នក​បើក​បរ​អាច​ដើរចេញ​ពី​យានជំនិះ​របស់​ខ្លួនបាន
-          ពាក្យថា អ្នកបើកបរ គឺជាអ្នក​បញ្ជា​យានជំនិះគិតទាំង​អ្នក​ជិះសត្វ អ្នកដឹកសត្វ និងអ្នកបរ​សត្វ​នៅ​លើ​ផ្លូវ
-          ពាក្យថា​ យានជំនិះ គឺជាយាន​សម្រាប់​ដឹក​មនុស្ស​ ឬទំនិញ នៅ​លើផ្លូវ ឬសម្រាប់​សណ្ដោង ឬ​ត្រូវ​គេ​​សណ្ដោង
-          ពាក្យថា យានយន្ដ គឺជាយានដែល​ធ្វើចរាចរណ៏ដោយ​ម៉ាស៊ីន​នៅ​លើ​ផ្លូវ ដូចជា​ទោចក្រយានយន្ដ ត្រីចក្រយានយន្ដ រថយន្ដ ត្រាក់ទ័រ និងយានយន្ដុប្បករណ៏
-          ពាក្យថា​​​ យានយន្តុប្បករណ៏ គឺជា​យានយន្ដពិសេស​ដែល​មាន​ឧបករណ៏​ គ្រឿងចក្រ​បំពាក់​បន្ថែម​ដោយ​គ្មាន​ផ្ទុក​មនុស្ស​ ឬ​គ្មានផ្ទុកទំនិញ​នៅ​ក្រៅកាប៊ីន ដូចជា​រថយន្ត​លាយ​ស៊ីម៉ងត៏ ឬ​រថយន្តសម្រាប់ប​ម្រើការ​ងារ​សាងសង់ ផ្លូវ​ ស្ពាន​ជាដើម
-          ពាក្យថា អ្នក​ប្រើ​ប្រាស់​ផ្លូវ គឺជាអ្នក​បើកបរ​យាន និងអ្នក​ថ្មើរជើង ដែលធ្វើដំណើរ​នៅ​លើ​ផ្លូវ
-          ពាក្យ​ថា ទម្ងន់ទទេររបស់យាន គឺជា​ទម្ងន់របស់យាន​ដែលគ្មាន​មនុស្ស ឬគ្មានទំនិញ ប៉ុន្តែមានប្រេង​ឥន្ធនៈសម្រាប់ផ្ដល់​ឲ្យ​យាន មានឧបករណ៏ជួសជុល​ និងកង់​បម្រុង
-          ពាក្យថា ទម្ងន់ផ្ទុកអតិបរិមារបស់យាន គឺជាផលបូកទម្ងន់​ផ្ទុក​មនុស្ស និងទម្ងន់ផ្ទុក​ទំនិញ ដែលកំណត់​ដោយ​រោងចក្រ​ផលិត​យាន
-          ពាក្យថា ទម្ងន់សរុបអតិប​រមារបស់យាន​ គឺជាផលបូក​សរុបទម្ងន់​ទទេរបស់​យាន​ ជាមួយ​នឹង​ទម្ងន់​ផ្ទុក​អតិបរមារបស់​យាន។​ បើសិន​ជា​យាន​មាន​សណ្ដោង ទម្ងន់សរុបអតិបរមា​របស់​យាន​​ គឺជាផលបូក​នៃ​ទម្ងន់សរុប​អតិបរមា​របស់យាន​នីមួយៗ
-          ពាក្យថា​ ទម្ងន់​សរុបអនុញ្ញាត​អតិបរមា​របស់​យាន គឺជា​ផលបូកទម្ងន់ទទេរបស់​យាន​ជាមួយនឹង​ទម្ងន់​ផ្ទុក​មនុស្ស និង​ទម្ងន់​ផ្ទុក​ទំនិញ។ បើសិន​ជា​យាន​មាន​សណ្ដោង​ទម្ងន់​សរុបអនុញ្ញាត​អតិបរមា​របស់​យាន គឺជា​ផលបូក​អតិបរមា​នៃទម្ងន់​សរុប​អតិ​បរមា​របស់​យាន​នីមួយៗ
-          ពាក្យ​ថា ទម្ងន់​សរុប​ជាក់ស្ដែង​របស់​យាន​ គឺជា​ផល​បូក​ទម្ងន់​ទទេ​របស់​យាន​ជាមួយ​នឹង​ទម្ងន់​ផ្ទុក​មនុស្ស​ និង​ទម្ងន់​ផ្ទុកទំនិញ​ជាក់ស្ដែង
-          ពាក្យថា រ៉ឺម៉ក គឺជាយាន​សម្រាប់ថ្ពក់ជាមួយ​រថយន្ត
-          ពាក្យថា សឺមីរ៉ឺម៉ក គឺជា​យាន​សម្រាប់ថ្ពក់​ជាប់​នឹងក្បាល​រថយន្ត​សណ្ដោង។

មាត្រា៦៖ ច្បាប់​ចរាចរណ៏​ផ្លូវ​គោក​នៃ​ព្រះរាជា​ណា​ចក្រ​កម្ពុជា​​

មាត្រា ៦​៖
សញ្ញាចរាចរណ៏​រួម​មាន​ផ្លាក​សញ្ញា​ចរាចរណ៏​នៅ​តាម​ផ្លូវ​ ភ្លើង​សញ្ញា​​ចរាចរណ៏ គំនូស​សញ្ញា​ចរាចរណ៏​នៅ​លើ​ទ្រូង​ផ្លូវ សញ្ញាបញ្ជា​របស់​ភ្នាក់​ងារ​ចរាចរណ៏​ និង​សញ្ញា​ផ្សេងៗ​ទៀត។ ផ្លាក​សញ្ញា​ចរាចរណ៏​ ​ ភ្លើង​សញ្ញា​ចរាចរណ៏ គំនូស​សញ្ញា​ចរាចរណ៏​នៅ​លើ​​ផ្លូវ​ ត្រូវ​រៀប​ចំ​ជា​ប្រព័ន្ធទាក់ទង​ស៊ី​សង្វាក់​គ្នាជាហូរហែរ​នៅ​តាម​កន្លែងមាន ​សារៈ​ប្រយោជន៏​ដែល​ធ្វើ​ឲ្យ​អ្នក​ប្រើ​ប្រាស់​ផ្លូវ​ងាយ​ស្រួល​មើល​ឃើញ។
សញ្ញា​គ្រោះ​ថ្នាក់​ដែល​នៅ​តាម​ដង​ផ្លូវដែល​មាន​លក្ខណៈ​មិន​អចិន្ត្រៃយ៏ ត្រូវ​ដាក់​ក្នុង​ចម្ងាយ​សមស្រប​ល្មម​គ្រប់​គ្រាន​តាម​ប្រភេទផ្លូវ ​ចំណាត់​ថ្នាក់​ផ្លូវ​ និង​ស្ថានភាពផ្លូវ​ដែល​អាច​ធ្វើ​ឲ្យ​អ្នក​បើក​បរ​មាន​ស្មារតី​ប្រុង​ ប្រយ័ត្នជា​មុនបាន។
ហាមបិទ​ក្រដាស ឬរបស់​ផ្សេងៗទៀត ឬគូសវាស​នៅ​លើ​ផ្លាក​សញ្ញា ឬ​ប្រើប្រាស់ទម្រ​ផ្លាក​សញ្ញា​ ឬ​នៅលើ​សម្ភារៈ​អ្វី​ផ្សេងៗ​ទៀ​ត​ដែល​ប្រើ​ប្រាស់សម្រាប់​សញ្ញា​ចរា​ចរណ៏​ ដែល​ជា​ហេតុ​ធ្វើ​ឲ្យ​អ្នក​បើក​បរ​មិន​អាច​មើល​ឃើញសញ្ញា​ចរាចរណ៏​ច្បាស់បាន​ ល្អ ឬយល់​ខ្លឹមសារ​សញ្ញាចរាចរណ៏​មិន​បាន​ត្រឹម​ត្រូវ ឬធ្វើ​ឲ្យ​អ្នក​បើកបរ​ចាំង​ភ្នែក។
រូបភាព​នឹង​ខ្លឹម​សារ​ស្ដី​ពីសញ្ញា​ចរាចរណ៏​ផ្លូវ​គោក​ ត្រូវ​ប្រកាស​នៅ​ក្នុង​ប្រកាស​របស់​ក្រ​សួង​សាធារណការ​ និង​ដឹកជញ្ជូន។

មាត្រា៧៖ ច្បាប់​ចរាចរណ៏​ផ្លូវ​គោក​នៃ​ព្រះ​រាជា​ណា​ចក្រ​កម្ពុជា​

មាត្រា៧៖ សញ្ញា​បញ្ជា​របស់​ភ្នាក់ងារ​ចរាចរណ៏​មាន​អត្ថន័យ​ដួច​ខាង​ក្រោមៈ
-ដៃ​ស្ដាំ​លើក​ឡើង​លើបាទដៃ​លា​ទៅ​មុខ​បែរ​ទៅ​រក​យានជំនិះ​ដែល​ធ្វើ​ចលនា​ មករក​ភ្នាក់ងារ​ចរាចរណ៏​ ជា​សញ្ញា​ឲ្យ​ប្រុង​ប្រៀប​ឈប់​ លើក​លែង​តែ​អ្នក​បើកបរ​ណា​ដែល​មិន​អាច​ឈប់​ដោយ​សុវត្ថិភាព​គ្រប់គ្រាន​ អាច​បន្ត​ដំណើរ​ទៅ​ទៀត​បាន​
-ដៃ​ទាំងពីរ​ ឬដៃ​មួយ​សន្ធឹង​តាម​បណ្ដោយ​ស្មា​ មាន​ន័យ​ថា​បញ្ឈប់​ចរាចរណ៏​នៃ​យាន​ដែល​កំពុង​មាន​ចលនា​មក​ពី​មុខ​ភ្នាក់ងារ​ ឬ​មក​ពី​ក្រោយ​ខ្នង​ភ្នាក់​ងារ
-ក្នុង​កាយ​វិការ​ដដែល​នេះ​យាន​ជំនិះ​ទាំង​ឡាយ​ដែល​មក​ពីឆ្វេង​ ឬខាង​ស្ដាំ​ភ្នាក​ងារ​ត្រូវ​ អនុញ្ញាតិ​ឲ្យ​ឆ្លង​កាត់​
-ភ្នាក់​ងារ​ចរាចរណ៏​កាន់​ចង្កៀង​ភ្លើង​ក្រហម​ ឬដំបង​ភ្លើង​ក្រហម​ ចង្អុល​ដាក់​យាន​ជំនិះ​ណា​មួយ​មាន​ន័យថា​ បញ្ឈប់​ចរាចរណ៏​យាន​ដែល​ត្រូវ​ចង្អុល​ចំនោះ
-ភ្នាក់​ងារ​នគរបាល​ចរាចរណ៏​អាច​ប្រើ​កញ្ចែរ​ជំនួយ​ក្នុង​ការ​ធ្វើ​ចរាចរណ៏​ខាង​លើ។

 មាត្រា៨៖ ច្បាប់​ចរាចរណ៏​ផ្លូវ​គោក​នៃ​ព្រះ​រាជា​ណា​ចក្រ​កម្ពុជា​

មាត្រា៨៖ លំដាប់​សិទ្ធិ​អាទិភាព​ត្រូវ​បាន​កំណត់​ដូច​តទៅៈ
១. ផ្លាក​សញ្ញា​ចរាចរណ៏​ មាន​សិទ្ធិ​អាទិភាព​លើ​បទ​ប្បញ្ញតិ​ចរាចរណ៏
២. ភ្លើង​សញ្ញា​ចរាចរណ៏​ មាន​សិទ្ធិ​អាទីភាព​លើ​ផ្លាក​សញ្ញា​ចរាចរណ៏​
៣. សញ្ញា​របស់​ភ្នាក់​ងារ​ចរាចរណ៏​ មាន​សិទ្ធិ​អាទិភាព​ លើ​ភ្លើង​សញ្ញា​ចរាចរណ៏​ គំនូស​សញ្ញា​ចរាចរណ៏​នៅ​លើ​ទ្រូង​ផ្លូវ​ ផ្លាក​សញ្ញា​ចរាចរណ៏​នៅ​តាម​ដង​ផ្លូវ​ និង​បទ​ប្បញ្ញតិ​ចរាចរណ៏​ទាំងឡាយ។​

មាត្រា៩៖ ច្បាប់​ចរាចរណ៏​ផ្លូវគោក​នៃ​ប្រទេស​កម្ពុជា
គ្រប់​អ្នក​បើកបរ​យានយន្ត​គ្រប់​ប្រភេទ​ ត្រូវ​អនុវត្ត​នូវ​វិធានការ​ដូច​ខាង​ក្រោម៖
១. អ្នក​បើកប​រ​យានយន្ត​ដែល​មាន​ទំហំ​ស៊ីឡាំង​ចាប់ពី​ ៤៩​សង់​ទីម៉ែត្រ​គូប​ឡើងទៅ ​ត្រូវ​មាន​ប័ណ្ណ​បើក​បរ​តាម​ប្រភេទ​យានយន្ត។​
២. នៅ​ពេល​បើក​បរ​យាន​ជំនិះ​ អ្នក​បើកបរ​ត្រូវ​មាន​ស្មារតី​ប្រុង​ប្រយ័ត្ន​ជាប់​ជានិច្ច​ ហើយ​ស្ថិត​ក្នុង​ស្ថាន​ភាព​ដែល​អាច​ធ្វើការ​បើកបរ​បាន​យ៉ាង​ស្រួល​ និង​ឆាប់​រហ័ស​ជា​ពិសេស​លទ្ធភាព​នៃ​ការ​ធ្វើ​ចលនា​មិន​ត្រូវ​ឲ្យ​មាន​ការ​ រំខាន​ឡើយ។​ ហាម​ផ្ទុក​អ្នក​ដំណើរ ​ទំនិញ ​ឬ​វត្ថុ​ផ្សេងៗ​ ដែល​នាំឲ្យ​បាំង​ភ្នែក​អ្នក​បើកបរ។​
៣. អ្នក​បើកបរ​ និង​អ្នក​ដំណើរ​ដែល​ជិះ​នៅ​កៅ​អីខាង​មុខ​នៃរថយន្ត​ ត្រូវ​ពាក់ខ្សែ​ក្រវ៉ាត់​សុវត្ថិភាព​ជា​ដាច់ខាត។​
៤. អ្នក​បើកបរ​ទោ​ចក្រ​យានយន្ត​ ត្រី​ចក្រ​យា​នយន្ត​ និង​ទោច​ក្រយាន​យន្ត​សណ្ដោង​រ៉ឺម៉ក​ ត្រូវ​ពាក់​មួក​សុវត្ថិភាព។​
៥. ហាម​ផ្ទុក​មនុស្ស ​ឬ​ទំនិញ​ពី​មុខ​អ្នក​បើកបរ។
៦. ហាម​ក្មេង​អាយុ​ក្រោម​១០ឆ្នាំ​ អង្គុយ​នៅ​កៅ​អី​ខាង​មុខ​នៃរថយន្ត​ ដោយ​គ្មាន​មនុស្ស​ចាស់​អង្គុយ​ជាមួយ ​ឬ​និង​គ្មាន​ពាក់​ខ្សែ​ក្រវ៉ាត់​សុវត្ថិភាព។​
៧. ទារក​អាយុ​តិចជាង​១០ខែ​ ត្រូវ​ដាក់​ក្នុង​កៅអី​សម្រាប់​ទារក​ដេក ​និង​មាន​ខ្សែ​ក្រវ៉ាត់​សុវត្ថិភាព​ចង​ផ្អែក​កៅអី​នេះឲ្យ​ជាប់​ទៅនឹង​កៅអី​ ក្រោយ​នៃរថយន្ត។
៨. កុមារ​មាន​អាយុចាប់​ពី១០ខែ​ ទៅ៤ឆ្នាំ​ ត្រូវ​អង្គុយ​ក្នុង​កៅ​អីសម្រាប់​កុមារ​​ ដែល​មាន​ខ្សែក្រាវ៉ាត់​សុវត្ថិភាព​សម្រាប់​ចង​ផ្អែក​កៅ​អីនេះ​ឲ្យ​ជាប់​ទៅ​ នឹង​កៅអី​ក្រោយ​នៃ​រ​ថយន្ត។
៩. ហាម​ធ្វើ​ឲ្យ​រំខាន់​ដល់​អ្នក​រស់​នៅ​ជាប់​តាម​ដងផ្លូវ​ និង​អ្នក​ប្រើប្រាស់ផ្លូវ។
១០. ហាម​ពិសា​ជាតិ​ស្រវឹង​ដែល​មាន​អត្រា​ជាតិ​អាកុល​ចាប់ពី​ ០,២៥មីលីក្រាម​ក្នុង​មួយ​លីត្រ​ខ្យល់ ​ឬ​ចាប់ពី​ ០,៥ក្រាម​ក្នុង​មួយ​លីត្រ​ឈាម​ឡើងទៅ។
១១. ហាម​បើកបរ​យាន​ដែល​មាន​កង់​ច្រវ៉ាក់​ដែក​ផ្ទាល់​លើ​ទ្រូង​ផ្លូវ។​ យាន​ជំនិះ​ប្រភេទ​នេះ ​ត្រូវ​ដឹក​តាម​យាន​ដែល​មាន​ប្រភេទ​កង់​កៅស៊ូ។​
១២.ហាម​ប្រើ​ទូរស័ព្ទ​នៅ​ពេល​កំពុង​បើកបរ​យានយន្ត។​ ទូរស័ព្ទ​អាច​ប្រើប្រាស់​បាន ​បើ​មាន​ឧបករណ៏​ភ្ជាប់​ទំនាក់ទំនង​ ឬត្រូវ​ឈប់​យានយន្ត​ដើម្បី​ប្រើទូរស័ព្ទ។
ARTICLE 9:
The drivers of all kinds of vehicles should implement and follow the following measures:
1. All drivers who drive the vehicles with the cylinder size from 49 cm3 upward must obtain the driving licenses according to the types of vehicles.
2. When driving, the drivers must always be precautious and that they should be in the easy-to-drive situation and fast particularly the possibility to move without any disturbances. Passengers, goods or other things loaded must not block the drivers’ sight.
3. The drivers and passengers who sit at the front seats of the vehicles must wear the safety seat belts.
4. The drivers who drive motorcycles, tricycles and the motorcycles with trailers/Remorque must wear safety helmets.
5. No passengers or goods are allowed to load in front of the driver.
6. Children under 10 years are not allowed to sit in the front seats of vehicles without the accompanying adults
or without wearing the seat belt.
7. Babies under 10 months of age must put inside the baby seat and wear with the safety belt tied firmly to this baby seat with the car’s backseat.
8. Children in the age of 10 months up to 4 years must sit in the baby seat with the safety belt tied up to this seat to the backseat of the car.
9. No interruption to the road side residents and the road users.
10. The drivers are prohibited from drinking the liquor with the alcoholic rate from 0,5 mg per liter of gas or from 0,25 mg per liter of blood.
11. The vehicles with caterpillar tracks are banned from being driven on the roads. These kinds of vehicles must be transported on the vehicles with rubber tires.
12. Telephones are banned from being operated during driving. The telephones can be operated when they are
connected to the communication equipment, or the drivers must stop the vehicles to operate the telephones.

មាត្រា១០៖ ច្បាប់​​ចរាចរណ៏​​ផ្លូវ​គោក​​នៃ​​ព្រះ​​រាជា​​ណា​ចក្រ​​កម្ពុជា​​

មាត្រា១០៖
នៅ​លើ​​ទ្រូង​​ផ្លូវ​​ដែល​​មាន​​ទិស​​ចរាចរណ៏​​ពីរ​ ហើយ​​ដែល​​គ្មាន​​គំនូស​​សញ្ញា​​បែង​​ចែក​​ទិស​​ចរាចរណ៏​ អ្នក​​បើក​បរ​​ត្រូវ​​ប្រើ​ប្រាស់​​ពាក់​​កណ្ដាល​​ទ្រូង​​ផ្លូវ​​ផ្នែក​​ខាង ​​ស្ដាំ​ ដោយ​​បើកបរ​​កៀក​​ទៅ​​ខាង​​ស្ដាំ។​
នៅ​​លើ​​ទ្រូង​​ផ្លូវ​​ឯកទិស​ ដែល​​គ្មាន​​គំនូស​​សញ្ញា​​បែង​​ចែក​​គន្លង​​ផ្លូវ​ អ្នក​​បើក​បរ​​ត្រូវ​​តែ​​បើក​បរ​​កៀក​​ទៅ​​ខាង​​ស្ដាំ​លើក​​លែង​​តែ​​ត្រូវ ​​ការ​​បត់ឆ្វេង​។​ អ្នក​​បើក​​បរ​​អាច​​ប្រើ​ប្រាស់​​ទ្រូង​​ផ្លូវ​​ខាង​​ឆ្វេង​​បាន​​នៅ​​ពេល​ ​ជែង​​ ឬឈប់។​​ ដោយ​​ឡែក​​នៅ​​ក្នុង​​ទី​​ប្រជុំ​ជន​​ការ​​ប្រើ​ប្រាស់​​ទ្រូង​​ផ្លូវ​​ ត្រូវ​​កំណត់​​ដោយ​​ប្រកាស​​ក្រសួង​​សាធារណ​ការ​ និង​​ដឹក​​ជញ្ជួន។​

មាត្រា១១៖ ច្បាប់​​ចរាចរណ៏​​ផ្លូវ​គោក​​នៃ​​ព្រះ​​រាជា​​ណា​ចក្រ​​កម្ពុជា​​

មាត្រា១១៖
នៅ​​​លើ​​គន្លង​​ផ្លូវ​​តម្រូវ​​សម្រាប់​​យាន​ជំនិះ​​ប្រភេទ​​ណា​មួយ​ អ្នក​​បើក​បរ​​យានជំនិះ​​ប្រភេទ​​ដទៃ​ មិន​​ត្រូវ​​បើក​បរ​​ចូល​​ក្នុង​​គន្លង​នោះទេ​ លើក​​លែង​​តែ​​ត្រូវ​​ចាក​ចេញ​ ឬ​ចូល​​ក្នុង​​គន្លង​​ផ្លូវ​​របស់​​ខ្លួន​។
​នៅ​​លើ​​ទ្រូង​​ផ្លូវ​​ដែល​​មាន​​ទិស​​ចរាចរណ៏​​ពីរ​​ហើយ​​មាន​​គំនូស​​ បែង​​ចែក​​ទ្រូង​​ផ្លូវ​ អ្នក​​បើកបរ​​ត្រូវ​​ប្រកាន់​​យក​​ចំណែក​​ផ្លូវ​​ខាង​​ស្ដាំ។​
នៅ​​លើ​​ទ្រូង​​ផ្លូវ​​ឯក​ទិស​​ដែល​​មាន​​គន្លង​​ផ្លូវ​ពីរ​​ ឬ​ច្រើន​​អ្នក​​បើក​បរ​​ត្រូវ​​ប្រកាន់​​យក​​គន្លង​​ផ្លូវ​​ខាង​​ស្ដាំ​​បំ​ ផុត​។ ក្នុង​​ករណី​​មាន​​ចរាចរណ៏​​ចង្អៀត​​ខ្លាំង​ អ្នក​​បើកបរ​​អាច​​បើក​​បរ​​បាន​​លើ​​គ្រប់​​គន្លង​​ផ្លូវ​។
នៅ​​លើ​​ទ្រូង​​ផ្លូវ​​ដែល​​មាន​​ទិស​​ចរាចរណ៏​​ពីរ​​ផ្ទុយ​​គ្នា​ ហើយ​​នៅ​​លើ​​ចំណែក​​ផ្លូវ​​​នៃ​​ទិស​​នីមួយៗ​​ ដែល​​មាន​​គន្លង​​ផ្លូវ​ពីរ​​ ឬច្រើន​ អ្នក​​បើកបរ​​ត្រូវ​​ប្រកាន់​​យក​គន្លង​​​ផ្លូវ​​ខាង​​ស្ដាំ​​បំផុត​។ ​ក្នុង​​ករណី​​មាន​​ចរាចរណ៏​​ចង្អៀត​​ខ្លាំង​ អ្នក​​បើកបរ​​អាច​​បើក​បរ​​បាន​​លើ​​គ្រប់​​គន្លង​​ផ្លូវ​​តាម​ទិស​​ ចរាចរណ៏។
ក្នុង​​ករណី​​មាន​​ចរាចរណ៏​​ចង្អៀត​​ខ្លាំង​​ ដូច​មាន​​ចែង​នៅ​​វក្យខ័ណ្ឌ៣​ និង​​វក្យខ័ណ្ឌ៤​​ខាង​​លើ ​យានជំនិះ​​នៅ​​ក្នុង​​គន្លង​​ណា​​មួយ​លឿន​​ជាង​​យាន​​ជំនិះ​​នៅ​​ក្នុង​​ គន្លង​ណា​​​មួយ​​ទៀត​មិន​​ចាត់​​ទុក​​ជា​​ការ​​ជែង​​ឡើយ។​ ចំពោះ​​អ្នក​​ដែល​​បើកបរ​​យាន​ដែល​​មាន​​ទម្ងន់​​សរុប​​លើស​​ពី៣,៥តោន​ ត្រូវ​ប្រកាន់​​យក​​គន្លង​​ផ្លូវ​​ខាង​​ស្ដាំ​​ជានិច្ច​ លើក​​លែង​​តែ​មាន​​ការ​​បត់​ឆ្វេង​ ឬនៅ​​ពេល​​ជែង​​អាច​​ប្រើប្រាស់​​គន្លង​ផ្លូវ​​ផ្សេង​​ទៀត​​បាន។​ ដោយ​​ឡែក​​នៅ​​ក្នុង​​ទី​ប្រជុំជន​​ ការ​​ប្រើ​ប្រាស់​​ទ្រូង​​ផ្លូវ​​ត្រូវ​​កំណត់​​ដោយ​ ប្រកាស​​ក្រសួង​​សាធារណការ​​ និង​​ដឹក​​ជញ្ជួន។

មាត្រា១២៖ ច្បាប់​​​ចរាចរណ៏​​​ផ្លូវ​​គោក​​​នៃ​​​ព្រះ​​​រាជា​​​ណា​​ចក្រ​​​កម្ពុជា​​​

មាត្រា១២៖
នៅ​ពេល​​ភ្លើង​​សញ្ញា​​ចរាចរណ៏​​បញ្ចេញ​​ពន្លឺ​​ពណ៌​​លឿង​ជា​​សញ្ញា​​ឲ្យ ​​ប្រុង​​ប្រយ័ត្ន​​ត្រៀម​​ឈប់​ ឬ​​ចេញ​​ដំណើរ​​ទៅ​​មុខ​ ពណ៌​​បៃ​តង​​ជា​សញ្ញា​​អនុញ្ញាត​ឲ្យ​​យាន​​ជំនិះ​​ចេញ​​ដំណើរ​ ពណ៌​​ក្រហម​​គឺ​ជា​​សញ្ញា​​ឃាត់​​ឲ្យ​ឈប់។​


នៅ​​ពេល​​ភ្លើង​​សញ្ញា​​ចរាចរណ៏​​បញ្ចេញ​​ពន្លឺ​​ពណ៌​​ក្រហម​​គឺជា​​ សញ្ញា​​ឃាត់​​ឲ្យ​​ឈប់​ អ្នក​​បើកបរ​​ត្រូវ​​ឈប់​​នៅ​មុខ​​ខ្សែ​​បន្ទាត់​​គំនូស​​ជាប់​​ពណ៌​ស​កាត់​ ​ទទឹង​​ទ្រូង​​ផ្លូវ​ ឬមុខ​​​គំនូស​​សម្រាប់​​ថ្មើ​​ជើង​​ឆ្លង​​កាត់​។​ បើ​​គ្មាន​​ឧបសគ្គ​​នៅ​​ខាង​​មុខ​​ យាន​ជំនិះ​​ខាង​​ស្ដាំ​បំផុត​​អាច​​បត់​​ស្ដាំ​​បាន​​នៅ​​ត្រង់​​ចំណុច​​ ភ្លើង​​ក្រហម​​ណា​​ ដែល​​មាន​​សញ្ញា​​អនុញ្ញា​​បត់​​ស្ដាំ។​

មាត្រា១៣៖ ច្បាប់​​​ចរាចរណ៏​​​ផ្លូវ​​គោក​​​នៃ​​​ព្រះ​​​រាជា​​​ណា​​ចក្រ​​​កម្ពុជា​​​

មាត្រា១៣៖
អ្នក​​បើកបរ​​ត្រូវ​​វាង​​តាម​​ស្ដាំ​ដៃ​​ នៅ​​គ្រប់​​រង្វង់​មូល​ ឬ​​ខឿន​​បែង​ចែក​​ទ្រូង​ផ្លូវ​​ដែល​​​ជា​​ឧបសគ្គ​​នៃ​​ចលនា​​ត្រង់​ទៅ​​មុខ​ ​របស់​​យានជំនិះ​​ លើកលែង​​តែ​មាន​​កំណត់​​ផ្ទុយ។​

មាត្រា១៤៖ ច្បាប់​​​ចរាចរណ៏​​​ផ្លូវ​​គោក​​​នៃ​​​ព្រះ​​​រាជា​​​ណា​​ចក្រ​​​កម្ពុជា​​​

មាត្រា១៤៖
អ្នក​​បើក​បរ​​មិន​​ត្រួវ​​បើកបរ​​ទទឹម​​គ្នា​​នៅ​​លើ​​ទ្រូវ​ផ្លូវ​​ ឬ​គន្លង​​ផ្លូវ​​តែ​មួយ​​បាន​ទេ។​ អ្នក​​បើកបរ​​មិន​​ត្រូវ​​បើក​បរ​​កាត់​​ក្បួន​​យោធា​ ឬ​ក្បួន​​នគរបាល​ ឬ​​ក្បួន​​ដង្ហែ​ជា​ជួរ​​ផ្សេងៗ។​