១០. ​លោក Kevin Plank ​មាន​ទ្រព្យ​សម្បត្តិ​ ១.៧ ​ពាន់​លាន​ដុល្លារ
លោក Kevin ​គឺ​ជា​មហា​សេដ្ឋី​នាយក​ក្រុមហ៊ុន​​លក់​សំលៀកបំពាក់​ និង​សម្ភារៈ​កីឡា​អាមេរិក​ដ៏​ល្បី​ឈ្មោះ​ Under Armour។ ​មុន​ក្លាយ​ខ្លួន​ជា​សេដ្ឋី​លោក​ធ្លាប់​ធ្វើការ​ជា​អ្នក​កាត់​ស្មៅ​សួន​ឲ្យ​គេ។
អាន៖ ៧ ​ឆ្នាំ​សោះ​​​មាន​គំនិត​​ធ្វើ​​​ថៅកែ​ទៅ​ហើយ
៩. ​លោក Giorgio Armani ​មាន​ទ្រព្យ​សម្បត្តិ​ ៨,៥ ​ពាន់​លាន​ដុល្លារ
​សេដ្ឋី​ Brand ​​ម៉ូដ​ Fashion ​ដ៏​ល្បី​របស់​អ៊ីតាលី ​Giorgio Armani ​ធ្លាប់​​ធ្វើ​ការ​ដំបូង​ជា​ជំនួយការ​អ្នក​ថត​រូប​ មុន​នឹង​ត្រូវ​បាន​គេ​ដំឡើង​តំណែង​​ខ្ពស់​ឡើង​ក្នុង​ហាង​ទំនិញ​មួយ​ក្នុង​ទីក្រុង​ Milan ​រហូត​លេច​ចេញ​គំនិត​ច្នៃ​ម៉ូដ​ឡើង​តែ​ម្ដង។
៨. ​លោក Michael Bloomberg ​មាន​ទ្រព្យ​សម្បត្តិ ៣១ ​ពាន់​លាន​ដុល្លារ
​អភិបាល​ក្រុង​ញូវយ៉ក​ សហរដ្ឋអាមេរិក​រូប​នេះ​​​មាន​ប្រវត្តិ​ចេញ​ពី​គ្រួសារ​ក្រីក្រ​ ដែល​មាន​ឪពុក​ធ្វើ​ជា​បណ្ណារក្ស។ ​ពេល​រៀន​នៅ​មហាវិទ្យាល័យ Harvard and John Hopkins ​លោក​ធ្វើ​ការ​ជា​អ្នក​​មើល​ការ​ខុស​ត្រូវ​កន្លែង​ចត​យានយន្ត​ដំណាល​គ្នា។ ​ពេល​នេះ​លោក​ត្រូវ​បាន​គេ​ចាត់​ទុក​ជា​បុរស​ដ៏​មាន​ទ្រព្យសម្បត្តិ​ច្រើន​បំផុត​ម្នាក់​របស់​អាមេរិក។
​៧. ​អ្នក​ស្រី Oprah Winfrey ​មាន​ទ្រព្យសម្បត្តិ​ ២,៧ ​ពាន់​លាន​ដុល្លារ
ពិធីការិនី​ និង​ជា​អ្នក​ផលិត​កម្មវិធី​ល្បីល្បាញ​បំផុត​រូប​នេះ​ធ្លាប់​ធ្វើ​ការ​ជា​​អ្នក​​គិត​លុយ​ក្នុង​ហាង​លក់​បន្លែ​មួយ​ក្បែរ​ហាង​កាត់​សក់​របស់​ឪពុក​លោក​ស្រី​ នៅ​ពេល​​លោក​ស្រី​ទទួល​បាន​អាហារូបករណ៍​រៀន​នៅ​សាកលវិទ្យាល័យ ​Tennessee។
​៦. ​លោក​ Charles Schwab ​មាន​ទ្រព្យសម្បត្តិ ៥,១ ​ពាន់​លាន​ដុល្លារ
មហា​សេដ្ឋី​ដ៏​ល្បីល្បាញ​លើ​ឧស្សាហកម្ម​ផលិត​ដែក​ថែប​អាមេរិក​រូប​នេះ​ ធ្លាប់​ដើរ​រើស​ផ្លែ​ Walnut ​យក​ទៅ​លក់​ដូរ​យក​ប្រាក់​បន្តិចបន្តួច។ ​ក្រោយ​មក​នៅ​អាយុ ១៣ ​ឬ​ ១៤ ​ឆ្នាំ​ចាប់​ផ្ដើម​ចិញ្ចឹម​​មាន់​យក​ពង​លក់។
៥.​ ​លោក Warren Buffett ​មាន​ទ្រព្យសម្បត្តិ​ ៥៣,៥ ​ពាន់​លាន​ដុល្លារ
មហាសេដ្ឋី​ដែល​ជា​អ្នក​វិនិយោគ​រូប​នេះ​តែង​ឈរ​លេខ​រៀង​ជួរ​មុខ​ជាមួយ​កំពូល​បុរស​សម្បូរ​លុយ​ផ្សេង​ទៀត​ដូចជា ​Bill Gates ​និង​ Carlos Slim ​ជាដើម។ ​​តែ​ប្រហែល​ជា​មនុស្ស​មួយ​ចំនួន​មិន​បាន​ដឹង​ទេ​ថា ​បុរស​សម្បូរ​លុយ​ដែល​ចូលចិត្ត​ជួយ​ការងារ​មនុស្សធម៌​រូប​នេះ​ធ្លាប់​មាន​ការងារ​ជា​អ្នក​ដើរ​ចែក​កាសែត​តាម​ផ្ទះ​ផង​ដែរ។
អាន៖ រឿង​​ពិត ​អតីត​​កម្ម​​ការីនី​រោង​ចក្រ ម្នាក់​ សម្រេចចិត្ត​មក​ធ្វើ​នារី​ខារ៉ាអូខេ
​៤. ​លោក​ George Lucas ​មាន​ទ្រព្យសម្បត្តិ​ ៤,២ ​ពាន់​លាន​ដុល្លារ
​ផលិតករ​​ដែល​មាន​ឈ្មោះ​បោះ​សំឡេង​ក្នុង​ពិភព​ភាពយន្ត​ហូលីវូដ​​​រូប​នេះ​ធ្លាប់​មាន​អតីតកាល​ជា​គ្រូ​ជំនួយ។
៣. ​​លោក​ Steve Jobs ​មាន​ទ្រព្យសម្បត្តិ​ ១១ ពាន់​លាន​ដុល្លារ
បុគ្គល​ដែល​​បង្កើត​បដិវត្ត​ដ៏​ធំធេង​ក្នុង​វិស័យ​បច្ចេកវិទ្យា​រូប​នេះ​ធ្លាប់​ធ្វើ​ការងារ​ជា​បុគ្គលិក​បណ្ដោះអាសន្ន​ឲ្យ​ក្រុមហ៊ុន​អេឡិចត្រូនិក​ HP ​កាល​នៅ​រៀន​វិទ្យាល័យ។
​​
២. ​លោក​ Bill Gates ​មាន​​ទ្រព្យសម្បត្តិ ៧២​ ពាន់​លាន​ដុល្លារ
​អតីត​នាយក​ប្រតិបត្តិ​ក្រុមហ៊ុន​ផលិត​ Sofware ធំ​បំផុត​ក្នុង​លោក​គឺ ​Microsoft ​រូប​នេះ​ចាប់​ផ្ដើម​ការងារ​ដំបូង​ជា​អ្នក​សរសេរ​កម្មវិធី​កុំព្យូទ័រ (Computer Programmer) ​មុន​នឹង​បន្ត​ឡើង​តំណែង​ធំ​ៗ​រហូត​ក្លាយ​ជា​អ្នក​មាន​បំផុត​នៅ​អាមេរិក និង​ពិភពលោក។
១. ​លោក Michael Dell​ មាន​ទ្រព្យសម្បត្តិ ១៥,៩ ​ពាន់​លាន​ដុល្លារ
សហ​ស្ថាបនិក ​និង​ជា​​នាយក​ប្រតិបត្តិ​ក្រុមហ៊ុន​​កុំព្យូទ័រ​ល្បី​ម៉ាក Dell ​​លោក​ Michael Dell ​ធ្លាប់​មាន​ការងារ​ជា​អ្នក​លាង​ចាន​នៅ​ភោជនីយដ្ឋាន​ចិន​មួយ​កន្លែង​ពេល​លោក​មាន​អាយុ ១២ ​ឆ្នាំ។
សរុប​មក​ មហាសេដ្ឋី​លុយ​វាល់​លាន​ដែល​អ្នក​គ្រប់គ្នា​បាន​ឃើញ​សព្វថ្ងៃ​មិន​មែន​សុទ្ធ​តែ​កើត​មក​ក្នុង​ត្រកូល​អ្នក​មាន​ សម្បូរ​ធនធាន​ចាយ​មិន​ខ្វះ​នោះ​ទេ។ ​ជោគជ័យ​ដ៏​ធំ​ក្នុង​ជីវិត​របស់​ពួកគាត់​សុទ្ធ​តែ​ឆ្លងកាត់​ការ​លំបាក​ ការ​លត់ដំ ​និង​ការ​តស៊ូ​​ជា​ច្រើន​ដំណាក់កាល​ទម្រាំ​មាន​មុខ​មាន​មាត់​ខ្ពស់​ត្រដែត​ដូច​បច្ចុប្បន្ន៕
ប្រែ​សម្រួល៖ ​Zac
ប្រភព៖ ​Therichest