ការមានសង្សាររបស់យុវវ័យមួយចំនួនគឺបានចាប់ផ្ដើមតាំងពីវ័យ សិក្សាមកម្ល៉េះ តែក៏មានយុវវ័យខ្លះរង់ចាំដល់ខ្លួនមានការងារធ្វើ និងមានស្ថានភាពរស់នៅគួរសមទើបសម្រេចចិត្តមានស្នេហា។
តើមានស្នេហ៍ ក្នុងវ័យសិក្សា និងពេលមានការងារធ្វើ មួយណាស្មោះជាង?
“ស្នេហា ក្នុងវ័យសិក្សាមិនមែនជាស្នេហ៍ស្មោះទេ តែជាស្នេហ៍គ្រាដំបូង”។ទាំងនេះនេះគឺការលើកឡើងរបស់កក្កដា និស្សិតសាកលវិទ្យាល័យ ភូមិន្ទភ្នំពេញ។កក្កដា និយាយថា “កាលរៀននៅវិទ្យាល័យខ្ញុំក៏ធ្លាប់ចាប់ចិត្តស្រឡាញ់នារីម្នាក់ ដែរ ។ប៉ុន្តែអ្វីៗត្រូវបានបញ្ចប់ព្រោះម្ដាយនាងបានបង្ខំឲ្យយក គ្រួសារ ដោយសារនាងគឺជាកូនស្រីច្បង”។
កក្កដា បានបន្ថែមថា ចាប់តាំងពីពេលនោះមកទំនាក់ទំនង ត្រូវបានបញ្ចប់ ព្រោះនាងបានសម្រេចតាមម្ដាយ។ប៉ុន្តែពេលនេះ រូបនាងនៅតែដក់ជាប់ ក្នុងបេះដូង។
“ស្នេហា ក្នុងវ័យសិក្សាភាគច្រើនយើងធ្វើតាមបេះដូងយើង បើយើងលួចស្រឡាញ់គេ យើងចង់តែសារភាពត្រង់ៗ តែម្ដងឲ្យតែមានឱកាស។ហើយពេលបានគេនិយាយជាមួយរឺព្រមឲ្យឌុប យើងចាត់ទុកថាគេជាសង្សាររបស់យើងតែម្ដង។តែពេលក្រោយមក គឺពេលយើងចេញធ្វើការ អាយុយើងច្រើនជាង មុនយើងមិនងាយហ៊ានញ៉ែស្រីផ្ដេសផ្ដាសទេ។មុនពេលស្រឡាញ់អ្នកណា ម្នាក់ យើងមិនមែនគ្រាន់តែពិនិត្យលើរូបសម្ផស្សគេនោះទេ តែខ្ញុំចាប់ផ្ដើមចេះគិតត្រូវពីស្ថានភាពគ្រួសារគេ បងប្អូនគេ តើគេមានទម្លាប់រស់នៅរបៀបណា?យើងនឹងគេអាចទៅរួចអត់?និយាយពិត ទៅគឺគិតពីអនាគតតែម្តង”។ភស្តាវិរៈ បន្ថែម។
“ក្នុងវ័យសិក្សា ក៏អាចមានស្នេហ៍ស្មោះបានដែរ សំខាន់ការតាំងចិត្តរបស់អ្នកទាំងពីរ ដើម្បីអនាគតរបស់ខ្លួនឲ្យល្អប្រសើរ”។ទាំងនោះគឺ ជាការលើកឡើងរបស់ យុវជន ភារម្យ និស្សិតសាកលវិទ្យាល័យជាតិគ្រប់គ្រង។ភារម្យ និយាយថា ស្នេហ៍ស្មោះរវាងគ្នា គួរប្តូរមកជាការខិតខំតស៊ូ ប្រឹងប្រែងសិក្សា ដើម្បីអនាគតនៅពេលខាងមុខជាប្រការល្អបំផុត។ភារម្យ និយាយថា “ខ្ញុំធ្លាប់ជួបមិត្តភ័ក្ដិម្នាក់ បានតស៊ូស្រឡាញ់គ្នាតាំងពីរៀននៅវិទ្យាល័យម្ល៉េះ រហូតរៀនចប់មហាវិទ្យាល័យ ទើបអ្នកទាំងពីរបានសម្រេចបំណងប្រាថ្នារបស់ខ្លួន”។
ទោះ យ៉ាងណា ភារម្យ បានផ្តាំផ្ញើទៅយុវជនទាំងអស់ថា ការមានស្នេហា ក្នុងវ័យសិក្សាគឺជារឿង មួយ ដែលយុវវ័យជៀសមិនផុត។ប៉ុន្តែសូមយុវវ័យទាំងអស់កុំប្រឡូកជ្រៅពេក ក្នុងរឿងរ៉ាវទាំងអស់នេះ ត្រូវមានការតាំងចិត្តឲ្យបានខ្ពស់ លើការសិក្សា និងគួរជៀសវាងពីការអូសទាញរបស់មិត្តភ័ក្ដិ ដើរទៅរកផ្លូវមិនល្អ៕
តើយុវវ័យយល់យ៉ាងណាដែរ?
ប្រភពពី សប្បាយ
No comments:
Post a Comment