|
មនុស្សជាច្រើនប្រហែលជាមានការអាណិតស្ទើរស្រក់ទឹកភ្នែកចំពោះវិការ
ភាពរបស់ Nick Vujicic
ឬមានការពេញចិត្តចំពោះការថ្លែងដែលប្រកប់ទៅដោយរសជាតិនៃជីវិត
ប៉ុន្ដែ ពួកគេទាំងនោះប្រហែលជាពិបាកក្នុងការទទួលយក Nick Vujicic
ជនជាតិអូស្ត្រាលី ធ្វើជាស្វាមី។ ប៉ុន្ដែ Kanae Miyahara ដែលជាកូនកាត់ មិចស៊ិច ជប៉ុន មានរូបរាងស្រស់ស្អាត មានភាពក្លាហាន ដោយនាងហ៊ានភ្ជាប់ និស័យស្នេហ៍ជាមួយបុរសដែលគ្មានដៃ ជើងម្នាក់នេះ។ ព័ត៌មាន ស្ដីពី Kanae Miyahara មិនត្រូវបានគេស្គាល់ច្រើននោះទេ សូម្បីតែអាយុ និងគ្រួសាររបស់នាង។ គេគ្រាន់តែដឹងថា នាងមានអាយុតិចជាង Nick Vujicic ពី បីឆ្នាំ (Nick Vujicic កើតឆ្នាំ ១៩៨២)។  Nick Vujicic មានសុភមង្គលក្បែរ Kanae Miyahara Kanae Miyahara មិនទាន់មានការថ្លែងអ្វីមួយនៅលើទំព័រកាសែត ឬក្នុងសៀវភៅរបស់ Nick Vujicic បើទោះជារូបភាពនៃការរស់នៅក្បែរគ្នា របស់អ្នកទាំងពីរត្រូវបានគេផ្សព្វផ្សាយពាស់ពេញពិភពលោក។ ប៉ុន្ដែ មានប្រការម្យ៉ាងដែលគេដឹងច្បាស់ នោះគឺ Kanae Miyahara មានសម្រស់ស្រស់ស្អាត ដោយសារតែនាងជាកូនកាត់ មិចស៊ិច និង ជប៉ុន។ ដោយសារតែ ដឹងថា មនុស្សជាច្រើនចង់ Nick បានរៀបរាប់យ៉ាងយកចិត្តទុកដាក់អំពីរឿងស្នេហារបស់ពួកគេនៅក្នុងសៀវ ភៅមួយដែលមានឈ្មោះថា Unstoppable ។ មកដល់ពេលនេះ Unstoppable នៅតែជាសៀវភៅសំខាន់មួយដែលមានផ្ទុកព័ត៌មានស្ដីពី Kanae Miyahara។ Nick បានឈានចូលជីវិតស្នេហាដោយមិនមានភាពជឿជាក់ប៉ុន្មាននោះទេ ថ្វីបើគាត់តែងអំពាវនាវឱ្យមនុស្សទូទៅមានភាព ជឿជាក់។ Nick និង Kanae Miyahara បានជួបគ្នាកាលពីខែ មេសា ឆ្នាំ ២០១០ នៅក្នុងព្រឹត្ដិការណ៍សំដែងមួយរបស់ Nick នៅជាយក្រុង Dallas រដ្ឋ Texas អាមេរិក។ ពេលនោះ Nick បានល្បីឈ្មោះទៅហើយ ចំណែក Kanae Miyahara មានមុខមាត់ស្រស់ស្អាត មកស្ដាប់ការថ្លែងរបស់ Nick ។ បន្ទាប់មក Nick ក៏បានឱ្យអាស័យដ្ឋានអ៊ីមេលទៅនាង។ ប៉ុន្ដែ Kanae មានសង្សាររួចហើយ នាងក៏មិនដែលបានផ្ញើរមេលទៅ Nick ម្ដងណាទេ រហូតដល់ពួកគេបានជួបគ្នាលើកទីពីរ។ តាមពិត Kanae Miyahara ស្មានថា Nick ចូលចិត្តបងស្រីរបស់នាង។ ក្រោយមក ការយល់ខុសនោះក៏ត្រូវបានបក ស្រាយ។  Kanae ក៏មានមនោសញ្ចេតនាជាមួយ Nick ក្រោយមក នាងក៏បានចែកផ្លូវគ្នាពីសង្សារ ហើយក៏មានទំនាក់ទំនងស្នេហាជា មួយ Nick ។ ពុកម្ដាយរបស់ Kanae គិតបែបណា? Nick ថ្លែងថា ៖ “ពួកគាត់មិនមានការបារម្ភចំពោះវិការភាពរបស់ខ្ញុំទេ។ រហូតមកដល់ ថ្ងៃទី ១២ កុម្ភៈ ឆ្នាំ២០១២ Nick និង Kanae បានរៀបការជាមួយគ្នា នៅ California អាមេរិក។ នៅមុនពេល នោះ ក្រុមហ៊ុន Attitude is Altitude របស់ Nick កំពុងជំពាក់បំណុលគេ ៥០,០០០ដុល្លារ។ ប្រការនេះធ្វើឱ្យគាត់ខ្មាសខ្លួនឯង និងខ្មាស Kanae ជាខ្លាំង នៅពេលនិយាយប្រាប់នាង។ ប៉ុន្ដែ Kanae បាននិយាយថា ៖ “ប្រការនេះមិនសំខាន់ទេ។ អូននឹងទៅធ្វើការដើម្បីយើងទាំងពីរ។ បច្ចុប្បន្ន ពួកគេមានកូនប្រុសម្នាក់ ឈ្មោះ Kiyoshi James កើតនៅថ្ងៃទី ១៣កុម្ភៈ ឆ្នាំ ២០១។ Kiyoshi James មានសុខភាពល្អ និងគ្មានវិការភាពនោះទេ។ Vujicic ត្រូវបានគេស្គាល់ច្រើនបន្ទាប់ពីគាត់បានធ្វើបទបង្ហាញនានានៅ ចំពោះមុខក្រុមមនុស្ស នៅសាធារណៈ។ ព្រឹត្តិ ការណ៍របស់ Vujicic ត្រូវបានរៀបចំឡើងរាប់មិនអស់ ហើយនាពេលខាងមុខដ៏ខ្លី Vujicic នឹងមកកាន់ វៀតណាម និងកម្ពុជា។  Nick និងកូនប្រុស Kiyoshi James ចាប់ពី ថ្ងៃទី ២២ ដល់ថ្ងៃទី ២៦ ខែឧសភា ឆ្នាំ ២០១៣ Vujicic នឹងមកដល់ប្រទេសវៀតណាម ដើម្បីជួបជាមួយក្រុមនិស្សិត អ្នកជំនួញ និងជនពិការ។ តាមគម្រោង Vujicic នឹងត្រូវបង្ហាញខ្លួនក្នុងព្រឹត្តិការណ៍ចំនួន ៧ ផ្សេងៗគ្នានៅវៀតណាម ហើយតាមការសន្និដ្ឋាននឹងមានមនុស្សជាង ៥០,០០០នាក់ចូលរួមស្ដាប់ការធ្វើបទបង្ហាញរបស់កំពូលបុរសម្នាក់នេះ។ បន្ទាប់ពី បានបញ្ចប់ព្រឹត្តិការណ៍នៅ វៀតណាម Vujicic នឹងមានវត្តមាននៅ កម្ពុជា ចាប់ពីថ្ងៃទី២៦ ដល់ថ្ងៃទី២៧ ខែឧសភា ឆ្នាំ ២០១៣ ដើម្បីធើ្វបទបង្ហាញក្រោមប្រធានបទ Life without Limit ក្នុងកម្មវិធីតន្ត្រីសប្បុរសធម៌ ដែលនឹងប្រព្រឹត្តទៅនៅសាលមហោស្រពកោះពេជ្រ។ ព្រឹត្ដិការណ៍នេះ ត្រូវបានរៀបចំឡើងដោយអង្គការ Happy Tree Social Service។ |
Friday, September 27, 2013
រឿងស្នេហារបស់បុរសគ្មានដៃ ជើង Nick Vujicic
Subscribe to:
Post Comments (Atom)
No comments:
Post a Comment