តើអ្នកចង់បានប្រាក់ខែប៉ុន្មាន?
នេះជាសំណួរដែលអ្នកធ្វើបទសម្ភាសន៍តែងតែសួរដល់បេក្ខជនពេលសម្ភាសន៍ចូលបម្រើការងារ។តើអ្នកត្រូវឆ្លើយដូចម្ដេច? មានចម្លើយបីប្រភេទដែលជាទួទៅខ្ញុំធ្លាប់ទទួលពីបេក្ខជន។ ទី១ ពួកគេឆ្លើយថា ស្រេចតែក្រុម។ គេថា តាមពិតទៅក្រុមបានកំណត់ហើយថា តំណែងហ្នឹងផ្ដល់ប្រាក់ខែប៉ុន្មាននោះ។ អីចឹងតាមតែក្រុមហ៊ុនឲ្យទៅចុះ តាមការកំណត់ស្រាប់នោះ។ទី២ បេក្ខជន ឆ្លើយថា អាស្រ័យលើក្រុមហ៊ុនពិចារណាតាមសមត្ថភាព និងបទពិសោធន៍ការងាររបស់ខ្ញុំទៅចុះ។ សម្រាប់ខ្ញុំឲ្យប៉ុន្មានក៏បានដែរឲ្យតែក្រុមហ៊ុនគិតថា សមរម្យ…។
ទី៣ គេឆ្លើយថា គេត្រូវការប្រាក់ខែប៉ុណ្ណេះប៉ុណ្ណោះ ទើបអាចមកកាន់តួនាទីនេះបាន។ មានន័យថា គេជាអ្នកកំណត់ឬដាក់លក្ខខណ្ឌចំពោះក្រុមហ៊ុនវិញ មិនមែនសម្រេចលើក្រុមហ៊ុននោះទេ។ ចម្លើយចុងក្រោយនេះទើបធ្វើឲ្យអ្នកសម្ភាសន៍ពេញចិត្តយកយើងជាបុគ្គលិក។ ហេតុអ្នី? ពីព្រោះគេគិតថា អ្នកជាមនុស្សមានសមត្ថភាព មានទំនុកចិត្តលើខ្លួនឯង ហ៊ានសម្រេចចិត្ត ជាមនុស្សឯករាជ្យជាដើម។
តែបើចម្លើយពីខាងលើ គេគិតថា អ្នកគ្រាន់ចង់បានការងារបណ្ដោះអាសន្ន។ អ្នកមិនមានទំនុកចិត្តលើខ្លួនឯង។ គ្មានម្ចាស់ការពិតប្រាកដ ចាំតែមានអ្នកច្រមុះជាដើម។ ជាពិសេស គេថា អ្នកគ្មានសមត្ថភាពនឹងការងារ ៕
រកដំណឹងជ្រើសរើសបុគ្គលិកឯណា?
មិត្តអ្នកសិក្សា មិត្តអ្នកស្វែងរកការងារធ្វើមួយចំនួនពិបាកក្នុងការទទួលព័ត៌មាន ស្ដីពីការជ្រើសរើសបុគ្គលិកណាស់។ តើអាចមានមធ្យោបាយល្អក្នុងការទទួលដំណឹងនេះតាមវិធីណាខ្លះ?តាមការយល់ឃើញ និងបទពសោធន៍ផ្ទាល់របស់ខ្ញុំ មានមធ្យោបាយមួយចំនួន៖
១ កាសែត
២ ទស្សនាវដ្ដី
៣ គេហទំព័រ[Bongthom, Pelprek...]
៤ វិទ្យុ ទូរទស្សន៍
៥ ការបិទប្រកាសតាមទីសាធារណៈ
៦ ការបិទផ្សាយតាមស្ថប័នផ្ទាល់ និងអង្គភាពក្ដាប់រួម[CCC]
៧ សួរព័ត៌មានពីបុគ្គលិកក្នុងអង្គភាពនោះ[មន្ត្រីគ្រប់គ្រងធនធានមនុស្ស]
៨ អាចយកសំណុំឯកសារស្ដីពីការដាក់ពាក្យធ្វើការទៅដាក់ ដោយមិនចាំបាញ់គេរើស
៩ បើអាចទូរស័ព្ទ ឬសរសេរលិខិតទៅកាន់ប្រធានក្រុមហ៊ុន ឬអង្គភាពដែលអ្នកចង់ដាក់ពាក្យ
ទាំងនេះជាសញ្ញាណដែលមិត្តអ្នកស្វែងរកការងារធ្វើអាចពិចារណា និងដើរតាមបានតាមការគួរ៕
វិធីចាប់ផ្តើមស្វែងរកការងារជំរើសនៃការស្វែងរកការងារ
សព្វថ្ងៃមានវិធីជាច្រើនទៀតដើម្បីធ្វើការស្វែងរកការងារច្រើនជាង ពីរបីឆ្នាំកន្លងទៅ។ ការដាក់កំនត់ហេតុក្នុងអ៊ីនធើណិត, ប្រភពបណ្តាញការងារតាមអ៊ីនធឺណិត និងវេទិកាពិភាក្សាគឺជាមធ្យោបាយទាំងឡាយដើម្បីស្វែងយល់បន្ថែមអំពី ក្រុមហ៊ុនមួយ ឬការងារមួយ។ អ្នកនឹងអាចស្វែងរកព័ត៌មានពីអ្នកខាងក្នុងហើយសួរនូវសំនួរមួយ ចំនួន ដូច្នេះអ្នកអាចធ្វើការសំរេចចិត្តចំពោះការងារដោយដឹងជាមុន និងត្រឹមត្រូវ។
កំនត់ហេតុក្រុមហ៊ុនក្នុងអ៊ីនធើណិត
កំនត់ហេតុក្រុមហ៊ុនក្នុងអ៊ីនធើណិតផ្តល់ជាសម្លេងសំរាប់ក្រុមហ៊ុន មួយដែលបង្ហាត់បង្ហាញ និងផ្តល់ដំណឹងផ្សេងៗអោយអ្នកទស្សនាគេហទំព័រ។ មានឧទាហរណ៍ល្អៗមួយចំនួននៃកំនត់ហេតុក្រុមហ៊ុនក្នុងអ៊ីនធើណិត ដូចជាកំនត់ហេតុក្រុមហ៊ុនក្នុងហ្គោកហ្គល(Google blog) ដែលត្រូវបានឧបត្ថមក្រុមហ៊ុននោះ។ ពួកគេប្រាប់នាយោជកបំរុងទាំងអស់អំពីវប្បធម៌របស់ក្រុមហ៊ុន។ ហើយក៏មានកំណត់ហេតុជាច្រើនទៀតផងដែរដែលបានសរសេរ
ដោយនាយោជិក និងអតីតនាយោជិកផងដែរ។ ពួកគេអាចអោយអ្នកយល់កាន់តែស៊ីជំរៅទៅក្នុងបញ្ហាផ្សេងៗថែមទៀតដែល ក្រុមហ៊ុនប្រហែលជាចង់ ឬប្រហែលជាមិនចង់ចែករំលែក។
ប្រភពបណ្តាញការងារតាមអ៊ីនធើណិត
ការស្វែងរកការងារតាមបណ្តាញការងារអ៊ីនធឺណិតគឺមានប្រសិទ្ធភាព។ គេហទំព័របណ្តាញការងារតាមអ៊ីនធឺណិតអាចជួយអោយអ្នកទាក់ទងជាមួយនឹង អ្នកធ្វើបណ្តាញផ្សេងៗនៅក្រុមហ៊ុនធំៗបាន, ជាមួយនឹងអ្នករៀនមហាវិទ្យាល័យរួមគ្នា ឬក្នុងតំបន់តាមភូមិសាស្ត្រជាក់លាក់មួយ។ បន្ថែមលើពីនេះ ប្រសិនបើអ្នកជានិស្សិតបញ្ចប់មហាវិទ្យាល័យ អតីតនិស្សិតជំនាន់របស់អ្នកប្រហែលមានបណ្តាញការងារដែលអ្នកអាចចូល ទៅកាន់បាន។
សមាគមផ្សេងៗដែលមានវិជ្ជាជីវៈ
ប្រសិនបើអ្នកជាសមាជិកនៃសមាគមន៍ដែលមានវិជ្ជាជីវៈ ត្រូវចូលរួមការប្រជុំឬត្រូវត្រួតពិនិត្យមើលគេហទំព័រដើម្បីអោយឃើញ ថាមានបណ្តាញការងារអ្វីដែលនៅទំនេរ។ ប្រសិនបើអ្នកមិនគិតគូរក្នុងការចូលរួមក្នុងសមាគមមួយក្នុង ចំណាប់អារម្មណ៍របស់អ្នកនោះទេ ឬត្រួតពិនិត្យអោយឃើញថាពត៌មានអ្វីដែលពួកគេអាចនឹងមានលទ្ធភាព ចែកជូនអោយអ្នកបាន។
អាន, អាន, អាន
ជាពិសេសប្រសិនបើអ្នកបានចាប់អារម្មណ៍លើការងារដែលនៅជិតផ្ទះ, កាសែតពាណិជ្ជកម្មតាមតំបន់ និងផ្នែកពាណិជ្ជកម្មនៃកាសែតក្នុងតំបន់របស់អ្នកគឺជាវិធីល្អវិសេស មួយដើម្បីតាមដានព័ត៌មានចុងក្រោយបង្អស់។ ព័ត៌មានដែលនៅលើក្រុមហ៊ុនថ្មីៗ និងរកព័ត៌មានថ្មីៗដាក់លើពាណិជ្ជកម្មដែលត្រូវបានបោះពុម្ពក្នុង មូលដ្ឋានទៀងទាត់មួយ។
ទោះបីជាវាអាចនឹងត្រូវចំណាយពេលដើម្បីស្រាវជ្រាវពីក្រុមហ៊ុនមួយ ឬឱកាសការងារមួយក៏ដោយ ក៏វាជាការចំណាយពេលដ៏ល្អដែរ។
កំហុស ១០យ៉ាង ពេលចូលសម្ភាសន៍សុំការងារ
១- ការមកដល់យឺតពេលត្រូវទៅសម្ភាសន៍វាមិនដូចគ្នានឹងការទៅជប់លៀងនោះឡើយ ព្រោះបើទៅយឺតក៏គ្មានអ្នកណាគេថាអីដែរ តែពេលវេលាទៅសម្ភាសន៍វាជារឿងមួយដោយឡែកខុសពីការទៅជប់លៀង និងព្យាយាមទៅឲ្យបានមុនប្រហែលជា ១០ទៅ ១៥នាទី មុនពេលម៉ោងកំណត់ ពេលមកដល់ភ្លាមត្រូវចូលទៅប្រាប់អ្នកទទួលភ្ញៀវ (Receptionist) ភ្លាម។
ការមកដល់បានមុនបន្តិចអាចឲ្យយើងបានស្វែងយល់ពីកន្លែងដែលត្រូវមក សម្ភាសន៍ ព្រោះវាជាទីដែលយើងមិនធ្លាប់បានស្គាល់ ម្យ៉ាងទៀតនោះ វាអាចឲ្យយើងរៀបចំខ្លួន ដើម្បីសម្របតាមបរិស្ថាននៅទីនោះ និងបានត្រៀមខ្លួនសម្រាប់សម្ភាសន៍បានខ្លះ។
បើសំណាងល្អនៅក្នុងបន្ទប់រង់ចាំ អាចមានទស្សនាវដ្តី ឬកាសែតទុកសម្រាប់ឲ្យយើងអាន ដើម្បីសម្រួលអារម្មណ៍ភ័យព្រួយរបស់យើងឲ្យថមថយ និងមានឱកាសបានរៀបរយឥរិយាបថស្រមតាមទីកន្លែងរបស់គេ។
២- ឥរិយាបថរម្យទម
ការធ្វើឫកពាររម្យទម សុភាពរាបសារ នោះគឺជារឿងមួយល្អហើយ តែជួនកាលវាមិនបានជួយយើងឲ្យបានការងារធ្វើនោះទេ ការសម្ភាសន៍ឯណោះទើបជារឿងសំខាន់។ ការរៀបឥរិយាបថឲ្យបានសមរម្យ ធ្វើឫកពារមាំមួន និងរៀបឫកពាយើងឲ្យត្រូវតាមការងារដែលយើងបានដាក់ពាក្យសុំ។
ជួនកាលអ្នកធ្វើសម្ភាសន៍អាចផ្តោតសំនួររបស់គេទៅរឿងអ្វីផ្សេងផង ក៏មាន ជាងនេះទៅទៀតគេអាចយល់ថា យើងសមរម្យល្មមសម្រាប់ការងារទាំងនោះរួចជាស្រេចផងក៏ថាបាន តែមិនត្រូវបង្ហាញឥរិយាបថមួយទន់ភ្លន់ពេកនោះឡើយ ទាំងការនិយាយ និងឫកពា គឺត្រូវតែរឹងប៉ឹង មាំមួន ច្បាស់លាស់ និងនិយាយច្បាស់ៗ។
៣- រន្ថើនក្នុងចិត្ត ចង់ឲ្យការសម្ភាសន៍ចប់ឆាប់
ត្រូវដឹងថា មានតែមួយចំនួនតូចនៃអ្នកដាក់ពាក្យប៉ុណ្ណោះ ដែលបានត្រូវជ្រើសឲ្យចូលមកសម្ភាសន៍ ដូច្នេះយើងគឺជាម្នាក់នៅក្នុងនោះ ដែលត្រូវបានគេជ្រើសរើសឲ្យមកសម្ភាសន៍ ដូចនេះមិនត្រូវធ្វើអាកប្បកិរិយាអន្ទះសារពេលកំពុងសម្ភាសន៍នោះឡើយ។ ព្រោះការសម្ភាសន៍អាចប្រើពេលរហូតដល់មួយម៉ោងក៏មាន ព្យាយាមកុំមើលម៉ោង ឬសួរថា ការសម្ភាសន៍នឹងចប់នៅពេលណា ធ្វើចិត្តឲ្យនឹង ផ្តោតអារម្មណ៍ទៅលើសំនួរ និងព្យាយាមឆ្លើយចំពោះអ្វីដែលគេសួរមិនឲ្យលើស តែក៏មិនឲ្យខ្វះ។
បើយើងធ្វើអាកប្បកិរិយាដូចជាចង់ឲ្យការសម្ភាសន៍នោះចប់ឆាប់ សំណារបស់យើងសម្រាប់ការងារនោះ អាចរលាយរលត់ទៅបានដែរ ព្រោះអ្នកសម្ភាសន៍អាចយល់បានពីអារម្មណ៍របស់យើងនាពេលនោះ។
៤- មិនត្រូវសួរពីការឧបត្ថមនានាពេលសម្ភាសន៍
ដូចគ្នាពេលយើងជួបជាមួយស្រីម្នាក់មិនត្រូវសួរពីអាយុរបស់គេទេ វាជាការពុំគួរគប្បីឡើយ។ វានឹងជារឿងមួយអាក្រក់បំផុត បើយើងហាមាត់សួរពីប្រាក់ខែ ឬការឧបត្ថមនានាពីក្រុមហ៊ុន សំនួរទាំងនេះគួរត្រូវបានទុកសិន រហូតគេប្រាប់យើងថា យើងបានទទួលការងារនោះហើយ ទើបជាពេលវេលាដែលយើងត្រូវសួរសំនួរនេះ។
កាលើកយកសំនយរពីចំនួនប្រាក់ខែ និងការឧបត្ថមរបស់ក្រុមហ៊ុន ចូលមកក្នុងពេលសម្ភាសន៍ ធ្វើឲ្យអ្នកសួរយើង (អ្នកសម្ភាសន៍) គាត់យល់បានថា យើងចាប់អារម្មណ៍ចំពោះការងារនេះតិចតួចប៉ុណ្ណោះ តែមើលឃើញពីប្រយោជន៍របស់ខ្លួនធំជាងការគិតដល់ការងាររបស់ក្រុមហ៊ុន ។
៥- ស្វែងយល់ពីក្រុមហ៊ុន និងម្ចាស់ក្រុមហ៊ុន
មុនពេលដាក់ពាក្យចូលធ្វើការក្នុងក្រុមហ៊ុនណាមួយ យើងគួរស្វែងយល់ពីក្រុមហ៊ុននេះឲ្យបានច្រើនបន្តិចសិន នេះគឺបូករួមទាំងម្ចាស់របស់ក្រុមហ៊ុននោះផងដែរ។ ព្រោះក្រុមហ៊ុនខ្លះអាចមិនសូវល្អ ល្អឈ្មោះខាងក្រៅ តែមិនល្អចំពោះបរិស្ថានការងារ អាចមានអត្រានៃអ្នកចាកចេញពីការងារច្រើន ឬបុគ្គលិកទីនោះធ្វើការមិនបានយូរ ដោយសារហេតុផលណាមួយ។ វាជារឿងមួយដែលគួរតែដឹង ដើម្បីប្រយោជន៍ទាំងអស់គ្នា។
៦- កុំនិយាយច្រើនពេក
បើនិយាយឲ្យត្រង់ទៅ ការសម្ភាសន៍ចូលធ្វើការ គឺមិនមែនស្តីពីយើងនោះទេ តែគឺជាបញ្ហារបស់ក្រុមហ៊ុន ដែលត្រូវការមនុស្សសម្រាប់បំពេញកន្លែងដែលត្រូវការ ដោយការចាកចេញរបស់បុគ្គលិកមុន ឬជាការពង្រីកបន្ថែមចំនួនបុគ្គលិកថ្មី យើងមកសម្ភាសន៍ គឺមកក្នុងគោលបំណងមួយមកដើម្បីសុំធ្វើការ ដូច្នេះលក្ខណៈសម្បត្តិរបស់យើងអាចមានខ្លះរួចទៅហើយ ទើបគេឲ្យយើងមកសម្ភាសន៍។
ព្យាយាមបិទមាត់នៅស្ងៀមរហូតដល់ពេលគេសួរ ចៀសវៀងឆ្លើយកាត់ពេលគេកំពុងសួរត្រូវរង់ចាំរហូតគេបញ្ចប់សំនួរ សម្រាប់សួរយើងសិន បើពុំនោះទេ យើងច្បាស់ជាប្រទាក់សំដីជាមួយអ្នកសួរមិនខាន។ មិនត្រូវឆ្លើយមុនសំនួរត្រូវបានបញ្ចប់ជាដាច់ខាត នៅស្ងៀមរង់ចាំបន្តិចសិន យ៉ាងហោចណាស់ក៏ពីរ បីដង្ហើមដែរ មុនពេលឆ្លើយត្រឡប់ចំពោះសំនួរដែលគេសួរ។
ផ្ទៀងស្តាប់សំនួរឲ្យបានច្បាស់មុនពេលឆ្លើយ មិនត្រូវយករឿងផ្ទាល់ខ្លួនមកបូកជាមួយចម្លើយ ឬបូកបន្ថែមចម្លើយដែលចាកពីសំនួរ តែគួរក្សាភាពច្បាស់លាស់សំរាប់ចម្លើយដែលឆ្លើយតបវិញ។
៧- កុំធ្វើខ្លួនថា ជាមនុស្សគ្រាន់បើពេក
គ្រប់គ្នាទាំងអស់រមែងចង់បង្ហាញឲ្យអ្នកសម្ភាសន៍យល់ថា ខ្លួនមានសមត្ថភាពអាចធ្វើការនោះបាន ឬព្យាយាមធ្វើឲ្យអ្នកសម្ភាសន៍ចាប់អារម្មណ៍ តែវាគួរត្រូវបានធ្វើដោយសមល្មមកុំឲ្យហួរសហេតុពេក។
ត្រូវបង្ហាញការគោរពចំពោះអ្នកសម្ភាសន៍ជានិច្ច ព្រោះអ្នកសម្ភាសន៍អាចជាម្ចាស់ក្រុមហ៊ុន ឬអ្នកតំណាង នឹងយ៉ាងហោចណាស់ក៏ជាមនុស្សម្នាក់សំខាន់នៅក្នុងក្រុមហ៊ុននោះដែរ។
ការសើចក្អាកក្អាយ គួរតែចៀសវៀ តែការផ្ទៀងស្តាប់និងចង់ដឹងពីការងាររបស់ក្រុមហ៊ុន អាចជាចំណុចល្អ។ ព្យាយាមបង្ហាញពីចំណូលចំណង់ចិត្តចំពោះការងារនោះជាជាងរៀបរាប់ ពីអ្វីដែលយើងអាចធ្វើបាន �អំនួត� សូមចៀសវៀងឲ្យបានចំណុចនេះ។
៨- សូមកុំនិយាយអាក្រក់ពីចៅហ្វាយនាយមុន
គ្មានក្រុមហ៊ុនណាមួយមានបំណងជួលមនុស្សមាត់ដាចមកធ្វើការនោះឡើយ។ ហេតុនេះចូរគិតមុនឲ្យហើយសិនថា អ្វីទៅដែលយើងត្រូវឆ្លើយ បើសិនជាត្រូវសួរថា តើចៅហ្វាយនាយរបស់យើងមុនជាមនុស្សរបៀបណា និងមូលហេតុដែលយើងចាកចេញពីក្រុមហ៊ុននោះ។
ការនិយាយអាក្រក់ពីក្រុមហ៊ុនមុន ឬពីចៅហ្វាយនាយមុនមកប្រាប់ក្រុមហ៊ុននេះ ឬចៅហ្វាយថ្មីនេះ ធ្វើឲ្យគេយល់បានថា យើងគឺជាមនុស្សដែលពិបាកធ្វើការជាមួយ ដូច្នេះអ្នករួមការងារជាមួយយើងក៏ពិបាករួមការងារជាមួយយើងដែរ។ អាចថា ការចាកចេញរបស់យើងពីក្រុមហ៊ុនមុន បណ្តាលមកពីយើងមិនចុះសម្រុងជាមួយបុគ្គលិកនៅទីនោះ ឬយើងតែងនិយាយអាក្រក់ពីក្រុមហ៊ុនផងក៏ថាបាន។
ឯករណីមួយទៀតនោះ អាចថា យើងនេះជាបុគ្គលិកត្រូវក្រុមហ៊ុនមុនបញ្ឈប់ពីការងារ ឬយើងមានទំនាស់ជាមួយក្រុមហ៊ុនមុន ទើបបានជាយើងចាកចេញ។ ការនិយាយអាក្រក់ពីចៅហ្វាយមុន ឬក្រុមហ៊ុនមុន យើងនឹងត្រូវគេដកចេញពីការចង់បានរបស់ក្រុមហ៊ុនថ្មីរួចស្រេចទៅហើយ។ ទោះបីយើងមានប្រវត្តិការងារនៅក្នុងក្រុមហ៊ុនមុនយ៉ាងណាក៏ដោយចុះ តែត្រូវយកបញ្ហាផ្ទាល់ខ្លួនមកជំនួសវិញ ឬហេតុផលណាមួយដែលមិនប៉ះពាល់ តែមិនមែនដោយសារឈឺ ឬលែងលះគ្នា ឬចាកចេញពីឪពុកម្តាយនោះឡើយ។
៩- និយាយកុហក
នៅក្នុងសម័យ Digital នាពេលសព្វថ្ងៃ វាជារឿងមួយលំបាកណាស់ សំរាប់ការនិយាយកុហកទាំងក្នុង Resume និងការឆ្លើយដោយផ្ទាល់មាត់។ ព្យាយាមនិយាយដោយត្រង់ៗប្រសើរជាងការនិយាយភូតកុហក ព្រោះគេអាចយល់បានចំពោះចម្លើយដែលយើងឆ្លើយ ឬការកុហកសរសេរដាក់នៅក្នុង Resume។
សូមចាំថា ការនិយាយកុហកពេលសម្ភាសន៍ គឺជាការល្មើសចំពោះខ្លួនឯង និងចំពោះអ្នកដទៃ និងត្រូវបានគេសន្មត់ថា ជាមនុស្សមិនត្រង់។
១០- សម្លៀកបំពាក់នាពេលសម្ភាសន៍
សម្លៀកបំពាក់ពេលទៅសម្ភាសន៍ គឺជារឿងមួយសំខាន់ណាស់ដែរ ទោះបីជាវាមិនមានពិន្ទុខ្ពស់ក៏ដោយ តែវាបានបង្ហាញពីអ្វីដែលជាយើង បង្ហាញនូវសម្លៀកបំពាក់មួយដែលមានភាពថ្លៃថ្នូរ ទោះបីវាមិនមែនជាស្ទីលពិតរបស់យើងក៏ដោយ។
ជួនកាលសម្លៀកបំពាក់ដែលយើងបានស្លៀកទៅសម្ភាសន៍នោះ ត្រូវបានគេចាត់ទុកថា យើងជាមនុស្សមានបុគ្គលិកលក្ខណៈមួយល្អ អាចឲ្យគេទទួលយកបានផងក៏មាន។
ដូច្នេះ ចូរកុំមើលស្រាលចំពោះរឿងនេះឲ្យសោះ ហើយត្រូវគិតថា សម្លៀកបំពាក់គឺជាស្រោមខាងក្រៅរបស់យើង ល្អឬអាក្រក់ក៏គង់អាស្រ័យទៅលើស្រោមខាងក្រៅនេះខ្លះដែរ៕
វិធីស្វែងរកការងារក្នុងក្តីស្រមៃ
ជោ
គជ័យ គឺនៅមិនឆ្ងាយឡើយ
គ្រាន់តែអ្នកស្វែងរកដោយខ្លួនឯង និងរកការងារ
ដែលត្រូវនឹងខ្លួនអ្នក ឱ្យឃើញប៉ុណ្ណោះ.។១.ពិនិត្យ ៖
ស្វះស្វែងរកទិន្នន័យដែលទាក់ ទងនឹងក្រុមហ៊ុន ដែលអ្នកចាប់ចិត្ត រួមទាំងស្ទង់មើលក្តីសង្ឃឹម របស់ខ្លួនឯង។ សំណួរដែលថា “អ្នកត្រូវការអ្វី?” គឺសំខាន់បំផុត និងជាសំណួរដែលពិបាកឆ្លើយបំផុត ព្រោះអ្នកត្រូវគិតដល់អ្វីដែលអ្នកត្រូវការប៉ុណ្ណោះ មិនមែនអ្វីដែលអ្នកមិនត្រូវការឡើយ វាអាចធ្វើឱ្យ អ្នករកឃើញចម្លើយ កាន់តែយឺត ដែលអ្នកខ្លួនឯង ត្រូវដឹងតម្លៃខ្លួនឯងថា មានចំណុចុខ្លាំង និងចំណុចខ្សោយ ក្នុងផ្នែកណាខ្លះ? សាកល្បងគិតដល់ការងារដែលអ្នក ចូលចិត្តនិងចាប់អារម្មណ៍ពិតប្រាកដ ហើយគិតផង ថា អ្នកអាចលះបង់ឱ្យការងារបានច្រើនកម្រិតណា ទើបបានដឹងពីដែនកំណត់របស់ខ្លួនួឯង។
២.គិតដល់ហេតុផល ៖
ដើម្បីដឹងថា អ្នកត្រូវការអ្វី ការងារបែបណា? អ្នកមិនគួរគិតពីរឿងប្រាក់ជាចម្បងឡើយ ហើយត្រូវ ទ្រាំធ្វើអ្វី ដែលអ្នកមិនចូលចិត្តនោះទេ។
៣.ប្រើឱកាសឱ្យពេញទំហឹង ៖
ពេលមានឱកាសបានឈានចូលក្រុម ហ៊ុនមួយ ត្រូវស្វែងយល់ពីក្រុមហ៊ុន និងមិត្តរួមការងារ ដើម្បីឱ្យអ្នក បានស្គាល់ក្រុមហ៊ុនដែលកំពុងជ្រកកោន កាន់តែច្បាស់ ដែលអាចបង្កើនប្រសិទ្ធភាពការងារ តាំងពីដំបូង។ នៅពេលអ្នកមានឱកាសបានប្រមូលផ្តុំបទពិសោធន៍ វាអាចធ្វើឱ្យអ្នកបានសម្រេចចិត្តថា អ្នកចូលចិត្តអ្វី ដែលកំពុងធ្វើឬអត់? ចង់មានជម្រើសផ្សេងៗឬអត់? មុននឹងអ្នកគិតចង់ឈានទៅរកជោគជ័យក្នុងការងារ៕
៤ចំណុចគួរស្វែងយល់ក្នុងការស្វែងរកការងារតាមអ៊ីនធើរណេត
ការស្វែងរកការងារតាមអ៊ីនធើរណេត មានភាពងាយស្រួល ទើបជាទីពេញនិយមក្នុងពេលបច្ចុប្បន្ន ប៉ុន្តែ វាក៏មានការប្រឈមដែរ។ ដូច្នេះ អ្នកអាចចៀសវាងការភ្លាត់ស្នៀត ពីការដាក់ពាក្យសុំធ្វើការតាមអីុនធើរណេត ដោយវិធីដូចតទៅនេះ...។
១-មិនគួរពឹងតែលើវេបសាយស្វែងរកការងារដែលល្បី ៖ ព្រោះការងារល្អៗ ក៏អាចរកបានពីវេបសាយ ទូទៅដូចគ្នា ព្រោះវេបសាយធំៗ ពេលខ្លះអាចយកថ្លៃផ្សាយស្វែងរកការងារខ្ពស់ពេក ធ្វើឱ្យក្រុមហ៊ុនមួយចំនួន មិនដាក់ផ្សាយក្នុងវេបសាយនោះឡើយ។
២-ការបំពេញព័ត៌មានដាក់ពាក្យ និងប្រវត្តិសង្ខេបផ្ទាល់ខ្លួន ៖ មិនគួរបញ្ចូលអីុមែលរបស់អ្នក ដែលជាអីុមែលរបស់ក្រុមហ៊ុនបច្ចុប្បន្ន ដែលអ្នកកំពុងតែធ្វើការឡើយ ទោះបីថ្នាក់លើរបស់អ្នកយល់ព្រមក៏ដោយ ព្រោះវាអាចបង្កបញ្ហានៅពេលក្រោយបាន។
៣-បំពេញព័ត៌មានក្នុងប្រវត្តិរូប យ៉ាងល្អិតល្អន់ ៖ ប្រើពេលមួយចំនួន ដើម្បីពិនិត្យឱ្យច្បាស់លាស់ មិនគួរប្រញាប់បំពេញព័ត៌មានប្រភេទដែលថាចេះតែផ្ញើទៅ ព្រោះការដែលក្រុមហ៊ុនផ្សេងៗ ហៅ អ្នកទៅសម្ភាសន៍ ព័ត៌មានក្នុងប្រវត្តិរូប គឺជាចំណុចដែលបញ្ជាក់អ្វីច្រើនយ៉ាង ពាក់ព័ន្ធនឹងអ្នក។
៤-ការបញ្ចូលព័ត៌មាន ៖ ឬបញ្ចូលប្រវត្តិរូប តាមអ៊ីនធើរណេត គួរដាក់ប្រព័ន្ធសុវត្ថិភាពផ្ទាល់ខ្លួន ជាមួយខាងវេបសាយផង ត្រួតពិនិត្យឱ្យច្បាស់ថា មានអ្នកដទៃអាចមើលព័ត៌មានរបស់អ្នក ចំណុចណាខ្លះបាន ដើម្បីចៀសវាងកុំឱ្យគេយកព័ត៌មានផ្ទាល់ខ្លួនរបស់អ្នក ទៅប្រើក្នុងផ្លូវមិនត្រឹមត្រូវ៕
រកការងារយ៉ាងម៉េចឆាប់បាន?
ការស្វែងរកការងារ ដើម្បីចិញ្ចឹមជីវិត អាចនឹងមិនមែនជារឿងងាយស្រួលឡើយ នាពេលបច្ចុប្បន្ន ព្រោះសព្វថ្ងៃនេះ ចំនួនមនុស្សកើនឡើងកាន់តែច្រើន តម្រូវឱ្យមនុស្សចាំបាច់ប្រឹងប្រែង បញ្ចេញសមត្ថភាព រៀងៗខ្លួន។ ខាងក្រោមនេះ គឺជាតិចនិកខ្លះៗ ដើម្បីជួយអ្នកឱ្យរកការងារធ្វើបានងាយស្រួល ឬឆាប់រកបាន ការងារធ្វើតាមបំណង...។
១.សាកល្បងឱ្យបានច្រើនកន្លែង ៖ អ្នកគួរសាកល្បងដាក់ពាក្យសុំធ្វើការងារ ឬប្រវត្តិរូបសង្ខេប (CV) ឱ្យ បានច្រើន តាមដែលអាចធ្វើបាន ប្រសិនបើអ្នកគិតថា ការងារនោះអ្នកអាចធ្វើបាន ឬអ្នកមានគុណសម្បត្តិប្រហែល ៦០% នៃតម្រូវ ការការងារនោះ។ ប្រសិនបើអ្នករង់ចាំឱ្យគ្រប់គុណសម្បត្តិតែម្តង អ្នកអាចនឹងមិនមានឱកាសនោះឡើយ ព្រោះតែអ្នកដទៃអាចនឹងបំពេញការងារនោះមុនអ្នក។
២.ធ្វើឱ្យខ្លួនឯងលេចធ្លោ ៖ អ្នកគួរចងចាំថា នៅក្នុងទីផ្សារការងារ មានមនុស្ស ជាច្រើនពាន់នាក់ មានលក្ខណៈសម្បត្តិដូចអ្នក និងត្រូវការការងារតែមួយ ដូចអ្នកផងដែរ។ ដូចនេះ អ្នកគួរធ្វើឱ្យខ្លួនឯង “លេចធ្លោ” ពោលគឺ អ្នកអាចផ្លាស់ប្តូរទិសដៅការងារ ឬធ្វើការនៅក្រុមហ៊ុនតូចតាច ឬធ្វើការណាដែលទីផ្សារ តូចចង្អៀតបន្តិច ទើបគុណសម្បត្តិរបស់អ្នក “លេចធ្លោ”។
៣.សុំការណែនាំពីអ្នកជំនាញ ៖ អ្នកគួរសុំការណែនាំពីអ្នកដែលមានបទពិសោធន៍ លើការងារដែលអ្នកចង់បំពេញ ឬសុំជួយណែនាំពីអ្វី ដែលត្រូវសរសេរនៅក្នុងប្រវត្តិរូបសង្ខេប ថា គួរដាក់អ្វី ឬមិនគួរដាក់អ្វី? ព្រោះCV ដែលល្អ គឺគួរមានត្រឹមតែ ២សន្លឹកប៉ុណ្ណោះ៕
វីធីបំបាត់ភាពងោកងុយ ក្នុងពេលធ្វើការ
អ្នកដែលមានអារម្មណ៍ងោកងុយ នៅពេលរសៀល ភាគច្រើនតែងតែពឹងផ្អែកលើ កាហ្វេ។ ប៉ុន្តែ អ្នកដឹងរួចមកហើយថា បើទទួលទានកាហ្វេញឹកញាប់ នឹងមិនល្អចំពោះ សុខភាពទេ។ ដូច្នេះ គួរងាកមកប្រើជម្រើសផ្សេង ដែលមានប្រយោជន៍ជាងនេះ ដូចជា ៖
បន្លែ ផ្លែឈើ ដែលមានវីតាមីន C ៖ ដូចជា ត្របែក ក្រូច ពេលរាងកាយអស់- កម្លាំង ប្រយោជន៍ពីវីតាមីន ជ នឹងជួយប្រឆាំងភាពតានតឹង និងទុក្ខកង្វល់បាន។ ផ្លែឈើដែលមានជាតិក្រូមីញ៉ូម ៖ ដើម្បី ជួយរក្សាកម្រិតជាតិស្ករក្នុងឈាម និងបង្កើន ថាមពលដល់រាងកាយ ដែលអាចជួយបន្ថយ ភាពងោកងុយបានយ៉ាងល្អ ដូចជា ផ្លែប៉ោម ចេក ជាដើម។ ជាពិសេស ផ្លែប៉ោម មានជាតិស្ករម៉ូ- លេគុលទោលច្រើន ជួយជំរុញភាពស្រស់ស្រាយ ដល់រាងកាយ ថែមទាំងងាយស្រួលរំលាយ ទើប រាងកាយអាចទាញយកថាមពលទៅប្រើប្រាស់ បានភ្លាមៗ និងពុំមានគ្រោះថ្នាក់ចំពោះរាងកាយ។ អ្នកអាចទទួលទានផ្លែប៉ោម ជំនួសកាហ្វេ នៅពេលព្រឹក បាន។ ធញ្ញជាតិ ៖ ដូចជា សណ្តែក ល្ង អង្ករសំរូប អាចជួយបំប៉នសរសៃប្រសាទ និង ធ្វើឱ្យស្រស់ថ្លាបាន។ អាហារប្រភេទនេះ សម្បូរដោយប៉ូតាសស្យូម និងម៉ាញេស្យូម។ ក្រៅពីនេះ ក៏ជាប្រភពផ្តល់ជាតិប្រូតេអ៊ីន បង្កើនថាមពលដល់រាងកាយផងដែរ។
អូមេហ្គា-៣ ជាតិខ្លាញ់ពីត្រី ៖ សារធាតុប្រភេទនេះ នឹងជួយឱ្យមានសមាធិប្រសើរ ឡើង និងមានការចងចាំបានល្អ៕
តិចនិករកការងារធ្វើ ឱ្យឆាប់បាន
ការស្វែងរកការងារ ដើម្បីចិញ្ចឹមជីវិត អាចនឹងមិនមែនជារឿងងាយស្រួលឡើយ នាពេលបច្ចុប្បន្ន ព្រោះសព្វថ្ងៃនេះ ចំនួនមនុស្សកើនឡើងកាន់តែច្រើន តម្រូវឱ្យមនុស្សចាំបាច់ប្រឹងប្រែង បញ្ចោញសមត្ថភាព រៀងៗខ្លួន។ ខាងក្រោមនេះ គឺជាតិចនិកខ្លះៗ ដើម្បីជួយអ្នកឱ្យរកការងារធ្វើបានងាយស្រួល ឬឆាប់រកបាន ការងារធ្វើតាមបំណង...។
១.សាកល្បងឱ្យបានច្រើនកន្លែង ៖
អ្នក គួរសាកល្បងដាក់ពាក្យសុំធ្វើការងារ ឬប្រវត្តិរូបសង្ខេប (ជ្វ) ឱ្យបានច្រើន តាមដែលអាចធ្វើ បាន ប្រសិនបើអ្នកគិតថា ការងារនោះអ្នកអាចធ្វើបាន ឬអ្នកមានគុណសម្បត្តិប្រហែល ៦០% នៃតម្រូវ ការការងារនោះ។ ប្រសិនបើអ្នករង់ចាំឱ្យគ្រប់គុណសម្បត្តិតែម្តង អ្នកអាចនឹងមិនមានឱកាសនោះឡើយ ព្រោះតែអ្នកដទៃអាចនឹងបំពេញការងារនោះមុនអ្នក។
២.ធ្វើឱ្យខ្លួនឯងលេចធ្លោ ៖
អ្នកគួរចងចាំថា នៅក្នុងទីផ្សារការងារ មានមនុស្ស ជាច្រើនពាន់នាក់ មានលក្ខណៈសម្បត្តិដូចអ្នក និងត្រូវការ ការងារតែមួយ ដូចអ្នកផងដែរ។ ដូចនេះ អ្នកគួរធ្វើឱ្យខ្លួនឯង “លេចធ្លោ” ពោលគឺ អ្នកអាចផ្លាស់ប្តូរទិសដៅការងារ ឬធ្វើការនៅក្រុមហ៊ុនតូចតាច ឬធ្វើការណាដែលទីផ្សារ តូចចង្អៀតបន្តិច ទើបគុណសម្បត្តិរបស់អ្នក “លេចធ្លោ”។
៣.សុំការណែនាំពីអ្នកជំនាញ ៖
អ្ន កគួរសុំការណែនាំពីអ្នកដែលមានបទពិសោធន៍ លើការងារដែលអ្នកចង់បំពេញ ឬសុំជួយណែនាំពីអ្វី ដែលត្រូវសរសេរនៅក្នុងប្រវត្តិរូបសង្ខេប ថា គួរដាក់អ្វី ឬមិនគួរដាក់អ្វី? ព្រោះ ជ្វ ដែលល្អ គឺគួរមានត្រឹមតែ ២សន្លឹកប៉ុណ្ណោះ ៕
៤ហេតុផល ធ្វើឱ្យអ្នកមិនអាចសន្សំលុយបានច្រើន
១.រវល់តែយកចិត្តទុកដាក់នូវអ្វីដែល អ្នកផ្សេងគិត ៖ បើអ្នកគិតចង់ប្រជែងជាមួយមិត្តភក្តិ ដោយ ដេញតាមសម្ភារនិយម មានន័យថា អ្នកបាត់បង់ប្រាក់ ដែលរកបានដោយការលំបាក ទៅលើរបស់របរដែល គ្រាន់តែ ដើម្បីធ្វើឱ្យរំភើបចិត្ត ក្នុងខណៈដែលប្រាក់ ទាំងនោះ គួរតែសន្សំទុក ដើម្បីក្លាយជាអ្នកមានបាន ច្រើនជាង។
២.ចិត្តក្តៅ ៖
មុ នពេលមានប័ណ្ណឥណទាន ការប្រើប្រាក់សុទ្ធ ច្រើនជាងខ្លួនឯងមាន ស្ទើរតែមិនអាចទៅរួច ប៉ុន្តែ បច្ចុប្បន្ននេះ មិនមែនដូច្នោះឡើយ បើអ្នកមានប័ណ្ណ ឥណទាន គឺដោយសារអ្នកមិនអាចរង់ចាំទិញអ្វីដោយ ប្រាក់សុទ្ធ ព្រមពេលជាមួយគ្នានេះ អ្នកបានធ្វើឱ្យ អ្នកដទៃ មានបាន ដោយសារបំណុលដែលអ្នកដើរ ទិញអីវ៉ាន់។
៣.មានទម្លាប់អាក្រក់ ៖
មិនថាជាការជក់បារី ផឹកស្រា ឬល្បែងភ្នាល់ ទម្លាប់ទាំងនេះ សុទ្ធតែធ្វើឱ្យប្រាក់របស់អ្នក ថយចុះ។ មនុស្សភាគច្រើន មិនសូវគិតដល់ថ្លៃចាយវាយ នាពេលអនាគត ដូចជា បារី អាចធ្វើឱ្យអ្នកខាតបង់ថ្លៃ ព្យាបាល ក្នុងពេលអនាគត និងគ្មានអ្នកណាធានា សុខភាពអ្នកទៀតផង ព្រោះសូម្បីនៅលើកញ្ចប់បារី ក៏មានបម្រាមសុខភាពថា “ជក់បារី នាំឱ្យមានគ្រោះថ្នាក់ ដល់សុខភាព”ដែរ។
៤.មិនបានត្រៀមខ្លួន ៖
រឿងអាក្រក់ៗ អាចកើតឡើងបានគ្រប់ពេល ហើយបើអ្នកមិនបានត្រៀមខ្លួនទុកទេ ទ្រព្យសម្បត្តិ ដែលអាចខំសន្សំមក អាចរលាយក្នុងពេលតែមួយប៉ប្រិចភ្នែកបាន៕
៧ ចំណុចត្រូវបញ្ឈប់ក្នុងការប្រើ Facebook
ហ្វេសប៊ុក (Facebook) បានក្លាយជាប្រព័ន្ធទំនាក់ទំនងដ៏ពេញនិយម សម្រាប់ មនុស្សស្ទើរគ្រប់ស្រទាប់វ័យ ជាពិសេស ក្រុមយុវវ័យ ប៉ុន្តែ មានចំណុចមួយចំនួន ដែលអ្នកត្រូវតែចៀសវាង ពេលប្រើបណ្តាញសង្គមដ៏ទំនើបនេះ...។
១.ប្រើប្រាស់លេខសម្ងាត់ខ្សោយ ៖
ចៀសវាងប្រើឈ្មោះសាមញ្ញ ឬពាក្យពេចន៍ ទាំងឡាយដែលអាចរកបានក្នុងវចនានុក្រម សូម្បីតែ មានលេខភ្ជាប់នៅខាងចុងក៏ដោយ។ ផ្ទុយទៅវិញ អ្នកគួររួមបញ្ចូលអក្សរធំ អក្សរតូច លេខ និង និមិត្តសញ្ញា លាយគ្នា ហើយលេខសម្ងាត់ គួរមាន យ៉ាងហោចណាស់ ៨តួ។ តិចនិកល្អមួយគឺ ត្រូវ បញ្ចូលលេខ ឬនិមិត្តសញ្ញានៅចន្លោះពាក្យ ដូចជា ពាក្យថា housesh027usEs! ជាដើម។
២.ដាក់ថ្ងៃខែឆ្នាំកំណើតពេញ ក្នុង ភរៀថិលេ ៖
ព្រោះវាជាមុខសញ្ញាដ៏ល្អសម្រាប់ចោរ ដែល អាចប្រើវា ដើម្បីដឹងព័ត៌មានអំពីអ្នក រួចកេងយក ប្រយោជន៍ពីគណនីធនាគារ ឬប័ណ្ណឥណទានរបស់ អ្នកបាន។ ប្រសិនបើអ្នកបានដាក់ថ្ងៃខែឆ្នាំកំណើតរួច- ហើយ សូមចូលក្នុងទំព័រ ភ Profile របស់អ្នក រួចចុចលើ “info tab” បន្ទាប់មក “Edit Information” ដើម្បី កែទិន្នន័យទាំងនោះ។ នៅខាងក្រោមផ្នែក “Basic Information” ជ្រើសបង្ហាញតែខែ ឬថ្ងៃ ឬមិនដាក់ ថ្ងៃ ខែ ឆ្នាំ កំណើតតែម្តង។
៣.បង្ហាញព័ត៌មានឯកជន ដែលមានប្រយោជន៍ ៖
សម្រាប់ព័ត៌មានស្ទើរទាំងអស់ នៅក្នុង Profile របស់ Facebook អ្នកអាចកំណត់ឱ្យឃើញតែចំពោះ មិត្តរបស់អ្នក មិត្តរបស់មិត្ត ឬអ្នកខ្លួនឯង។ ត្រូវ កំណត់ការតឹងតែងចំពោះរូបថត ថ្ងៃខែឆ្នាំកំណើត ទស្សនៈសាសនា និងព័ត៌មានរបស់ក្រុមគ្រួសារ ជាងទិន្នន័យផ្សេងៗ។ អ្នកអាចឱ្យចំពោះតែមនុស្ស ឬក្រុមដែលទុកចិត្តមើលឃើញរូបថត ឬអ្វីផ្សេង ទៀត ឬអ្នកអាចបិទបាំងពួកគេទាំងនោះ មិនឱ្យឃើញ ក៏បាន។ គួរពិចារណាលុបចោលនូវព័ត៌មានសម្រាប់ ទំនាក់ទំនង ដូចជា លេខទូរស័ព្ទ និងអាសយដ្ឋាន ព្រោះ អ្នកក៏ប្រហែលជាមិនចង់ឱ្យនរណា មើលឃើញ ទិន្នន័យទាំងនោះដែរ។
៤.ដាក់ឈ្មោះកូនអ្នក ក្នុងចំណងជើង (Cap- tion) ៖
កុំប្រើប្រាស់ឈ្មោះកូន ក្នុងរូបថត ឬចំណងជើង (Caption)។ ប្រសិនបើនរណាម្នាក់ធ្វើដូច្នេះ ត្រូវ លុបវា ដោយចុចលើ Remove Tag ហើយប្រសិន បើកូនរបស់អ្នកមិនមានក្នុង Facebook ហើយមាន នរណាម្នាក់ដាក់ឈ្មោះកូនអ្នកនៅក្នុង Caption ត្រូវសុំឱ្យម្នាក់នោះ លុបឈ្មោះនោះចេញ។
៥.ប្រកាសប្រាប់ថា អ្នកនឹងមិននៅផ្ទះ ៖
ព្រោះវាហាក់ដូចជាដាក់ស្លាក “គ្មានមនុស្ស នៅផ្ទះ” នៅលើទ្វារ ដែលជាឱកាសល្អសម្រាប់ជន- ទុច្ចរិតចូលលួចទ្រព្យបាន។ ដូច្នេះ គួររង់ចាំរហូតមក ដល់ផ្ទះសិន ចាំបង្ហាញឱ្យមិត្តទាំងអស់ដឹងថា វិសម្ស- កាលរបស់អ្នក សប្បាយប៉ុនណា? ហើយគួរកុំប្រាប់ កាលបរិច្ឆេទនៃដំណើរកម្សាន្តណាមួយឱ្យសោះ។
៦.អនុញ្ញាតឱ្យមនុស្សគ្រប់គ្នា ស្វែងរកអ្នកបាន ៖
ដើម្បីជួយការពារមនុស្សចម្លែក ពីការចូលឆែក ព័ត៌មានរបស់អ្នក ត្រូវចូលទៅផ្នែកស្វែងរក (Search) នៃព័ត៌មានឯកជន (Privacy Controls) របស់ Facebook និងជ្រើស “Only Friends for Facebook” ហើយត្រូវប្រាកដក្នុងចិត្តថា ប្រអប់នៃកន្លែងស្រាវជ្រាវ ឯកជន មិនត្រូវបានឆែក។
៧.អនុញ្ញាតឱ្យក្មេងៗប្រើ ធាចបៀកៀ ដោយ គ្មានការគ្រប់គ្រង ៖
Facebook កំណត់សមាជិករបស់ខ្លួនដែល មានអាយុចាប់ពី១៣ឆ្នាំឡើងទៅ ប៉ុន្តែ នៅតែមាន ក្មេងអាយុក្រោមនោះ ប្រើប្រាស់វាដដែល។ ប្រសិនបើ អ្នកមានកូនអាយុតិច លេង Facebook វិធីដ៏ល្អក្នុងការ ឃ្លាំមើល គឺត្រូវធ្វើជាមិត្តនឹងពួកគេ។ ប្រើប្រាស់ អាសយដ្ឋានអ៊ីមែលរបស់អ្នក ជាការទំនាក់ទំនង សម្រាប់គណនីរបស់ពួកគេ។ ដូច្នេះ អ្នកនឹងអាច ទទួលកំណត់សម្គាល់របស់ពួកគេ និងអាចគ្រប់គ្រង សកម្មភាពពួកគេបាន”៕
No comments:
Post a Comment