នេះជារដូវកាលមួយ
ដែលយុវវ័យកំពុងត្រៀមខ្លួនចូលមហាវិទ្យាល័យដើម្បីបន្តក្ដីស្រម៉ៃ
ក្លាយជាបញ្ញវន្ត និងជាធនធានមនុស្សសម្រាប់ប្រទេសជាតិ។ ក្នុងនោះ
ប្រធានបទដែលយុវវ័យកំពុងតែជជែក
ពិភាក្សាពីមាត់មួយទៅមាត់មួយនោះគឺថា
តើពួកគេគួររៀនជំនាញអ្វី។ ដោយសារតែការជ្រើសរើសជំនាញ
គឺជាកត្តាសំខាន់បំផុតក្នុងកំណត់អនាគតរបស់យុវវ័យ លោក សុង សុខសាន្ត
អនុប្រធានការិយាល័យចុះឈ្មោះចូលរៀននៃនាយកដ្ឋានឧត្ដមសិក្សា
ក៏បានចូលរួមចែករំលែកបទពិសោធន៍មួយចំនួនទុកជាទុនថ្លឹងថ្លែងក្នុង
ការចាប់យកជំនាញដ៏ត្រឹមត្រូវមួយ។
Sabay៖ តើលោក សង្កេតឃើញថា
និស្សិតមានការប្រុងប្រយ័ត្នកម្រិតណា
ក្នុងការជ្រើសរើសមុខជំនាញសិក្សាថ្នាក់ឧត្ដមសិក្សានេះចា៎?
លោក សុង សុខសាន្ត៖ បាទ! បើតាមខ្ញុំសង្កេតនោះ ភាគច្រើនពួកគាត់អត់ទាន់ច្បាស់ខ្លួនឯង គឺអត់ទាន់បានកំណត់គោលដៅសម្រាប់ខ្លួនឲ្យបានច្បាស់លាស់នៅឡើយ។ ភាគច្រើន ពួកគាត់ច្រើនតែ សម្លឹងមើលទីផ្សារការងារបច្ចុប្បន្ន ហើយច្រើនបំផុតគឺជ្រើសរើសសាលានិងជំនាញតាមគ្នាតែម្ដង។
Sabay៖ តើមានរូបភាពអ្វីខ្លះទៀត ក្រៅពីការជ្រើសរើសតាមគ្នាហ្នឹងទៅចា៎?
លោក សុង សុខសាន្ត៖មានអ្នកខ្លះ ជ្រើសរើសជំនាញតាមមិត្តភ័ក្ដិរបស់ខ្លួន មានអ្នកខ្លះជ្រើសរើសជំនាញមិនចំអ្វីដែលជាចំណង់ចំណូលចិត្តរបស់ ខ្លួន និងជ្រើសរើសមិនចំសមត្ថភាព ដែលខ្ញុំសំដៅលើចំណេះដឹងជាមូលដ្ឋានរបស់ពួកគាត់។
Sabay៖ លោកអាចបញ្ជាក់ ពីផលប៉ះពាល់នៃការជ្រើសរើសជំនាញខុសនេះ ថាតើ ប៉ះពាល់យ៉ាងដូចម្ដេចខ្លះចំពោះពួកគាត់ទៅចា៎?
លោក សុង សុខសាន្ត៖យើងដឹងហើយ កាលណាគាត់ជ្រើសរើសជំនាញខុស វាអាចឲ្យគាត់ធ្វើការ ឬជ្រើសរើសមុខរបរក៏ខុសទៅតាមនោះដែរ។ យើងអាចវិភាគបែបនេះ ប្រសិនបើគាត់រៀនមុខជំនាញ ដែលមិនត្រូវចំណង់ចំណូលចិត្ត ដល់ពេលទៅធ្វើការ ក៏មិនត្រូវនឹងចំណូលចិត្ត ហើយមាននិស្សិតខ្លះពេលបញ្ចប់មុខជំនាញ “ក” តែដល់ពេលគាត់ស្វែងរកការងារបែរជាទៅធ្វើក្នុងផ្នែកជំនាញ “ខ” ទៅវិញ ដែលនេះ បណ្ដាលមកពីចំណង់ចំណូលចិត្តគាត់គឺជំនាញ “ខ” ឬក៏ដោយសារជំនាញ “ក” នោះមិនមានទីផ្សារការងារ។ ទាក់ទងនឹងការជ្រើសរើសជំនាញ ប្រសិនបើ និស្សិតជ្រើសរើសជំនាញតាមគ្នា ដោយមិនបានគិតហ្មត់ចត់ពីសមត្ថភាពរបស់ខ្លួន នោះក៏គាត់មិនអាចចាប់យកជំនាញនោះបាន១០០%ដែរ។ ខ្ញុំឧទាហរណ៍ បើគាត់ពូកែខាងផ្នែកសង្គម ប្រវត្តិសាស្ត្រជាដើម ហើយគាត់ទៅរៀនពេទ្យ ជាមួយមិត្តភ័ក្ដិ ឬក៏ចង់ក្លាយជាវេជ្ជបណ្ឌិត អាហ្នឹង ក៏អាចឲ្យគាត់មិនជោគជ័យក្នុងការសិក្សាដែរ ដែលកត្តានេះ មាននិស្សិតខ្លះ បោះបង់ចោលការសិក្សា ឬមាននិស្សិតខ្លះរៀនចប់ ក៏មិនមានសមត្ថភាពស្វែងរកការងារធ្វើ។ ខ្ញុំចង់បញ្ជាក់ផងដែរថា ការជ្រើសរើសជំនាញតាមគ្នា មិនច្បាស់លាស់នេះហើយ ដែលធ្វើឲ្យនិស្សិតពិបាករកការងារធ្វើ យើងមើលមានជំនាញមួយចំនួន ចេញមកគរ និស្សិតប្រជែងគ្នាក្នុងទីផ្សារការងារ។
Sabay៖ ចា៎ ឃើញថាការលើកឡើងពាក់ព័ន្ធនឹងផលវិបាកក្នុងការជ្រើសជំនាញខុសនេះ ជារឿងគួរបារម្ភសម្រាប់និស្សិត ហើយខ្ញុំជឿថា មាននិស្សិតមិនតិចទេដែលចង់ដឹងថា ដើម្បីជ្រើសជំនាញមួយឲ្យបានត្រឹមត្រូវ ត្រូវពិចារណាចំណុចគោលអ្វីខ្លះនោះ។ សូមលោក គូសបញ្ជាក់ផង?
លោក សុង សុខសាន្ត៖បាទ! ខ្ញុំចង់ចែករំលែកផងដែរ ត្រង់ចំណុចនេះ។ ពាក្យថា “ជំនាញត្រឹមត្រូវ” មានន័យថាសមស្របមួយ ជាជំនាញដែលអ្នកចូលចិត្ត (ត្រូវនឹងនិស្ស័យរបស់ខ្លួន) ព្រោះមនុស្សម្នាក់មានចំណង់ចំណូលចិត្តមិនដូចគ្នាទាំងអស់ទេ ហើយជំនាញត្រូវជាជំនាញដែលត្រូវនឹងសមត្ថភាព ដែលយើងហៅថាចំណេះដឹងមូលដ្ឋាន ព្រោះកាលណា យើងមានចំណេះដឹងក្នុងផ្នែកនោះច្រើន ធ្វើឲ្យងាយស្រួលក្នុងការចាប់យកបន្ថែម ដែលអាចធ្វើឲ្យការសិក្សារបស់គាត់ល្អប្រសើរ។ ដូចនេះ មុនពេលគាត់ជ្រើសយកជំនាញមួយ ជាដំបូងខ្ញុំចង់ឲ្យនិស្សិតសិក្សាពីខ្លួនឯងឲ្យបានច្បាស់ ថា ខ្លួនមានលទ្ធភាពទេ? ខ្លួនមានអ្វីជាមូលដ្ឋាន? ខ្លួនពូកែខាងអ្វី? ខ្លួនចង់បានអ្វី? ហើយបន្ទាប់មក និស្សិតត្រូវសិក្សាវិភាគទៅលើកត្តាមួយចំនួនទៀត ដូចជា ការរំពឹងទៅលើទីផ្សារការងារនៃមុខជំនាញនោះ តើពេលរៀនចប់អាចមានទីផ្សារល្អទេ? តើស្ថាប័នណាខ្លះដែលត្រូវការមុខជំនាញនេះ? តើយើងចេះអ្វីខ្លះ? អាចធ្វើអ្វីបានខ្លះបន្ទាប់ពីរៀនចប់? តើគ្រឹះស្ថានសិក្សាណាមួយដែលផ្ដល់ការបណ្ដុះបណ្ដាលជំនាញនេះល្អ?
Sabay
៖ នៅតែមាននិស្សិតខ្លះ មិនទាន់ច្បាស់
ថាតើចំណេះដឹងមូលដ្ឋានគាត់អាចត្រូវនឹងជំនាញអ្វីខ្លះ។
តើលោកអាចពន្យល់ និងលើកជាឧទាហរណ៍មកបញ្ជាក់ផងចា៎?
លោក សុង សុខសាន្ត៖ជាការពិតណាស់ ខ្ញុំទទួលស្គាល់ត្រង់ចំណុចនេះ។ កន្លងមកខាងនាយកដ្ឋានឧត្ដមសិក្សា ក៏ដូចជាក្រសួងបានយកចិត្តទុកដាក់ត្រង់ចំណុចនេះណាស់ ដោយបានណែនាំ និងផ្សព្វផ្សាយទៅតាមមន្ទីរអប់រំ សាលារៀន តាមបណ្ដាញផ្សព្វផ្សាយ ធ្វើយ៉ាងណាឲ្យផ្ទេរព័ត៌មាន និងណែនាំឲ្យបានទូលំទូលាយដល់យុវជន ក្នុងការជ្រើសរើសជំនាញនៅពេលពួកគាត់បំពេញពាក្យសុំអាហារូបករណ៍។ លើសពីនោះ យើងមានសៀវភៅមគ្គទេសក៍ មួយ ដែលចេញពីនាយកដ្ឋានឧត្តមសិក្សា ណែនាំពីការជ្រើសរើសគ្រឹះស្ថានសិក្សា និងជំនាញ។ និស្សិតក៏អាចស្វែងរកការប្រឹក្សាបញ្ហានេះ ពីមិត្តភ័ក្ដិ បងប្អូន សិស្សច្បង គ្រួសារ សាស្ត្រាចារ្យ ឬនៅតាមគ្រឹះស្ថានសិក្សានានាក៏បាន។ ជាទូទៅ ចំណេះដឹងដែលយើងមានអាចត្រូវច្រើនជំនាញ ដែលនាំឲ្យគាត់ពិបាកជ្រើសរើសក៏មាន តែទោះជាយ៉ាងណា ដូចខ្ញុំបានបញ្ជាក់ខាងដើមអីចឹង គឺច្បាស់ថាខ្លួនមានគោលដៅអ្វី? ចង់ធ្វើអ្វី? នោះយើងអាចសម្រេចជ្រើសរើសបាន។ ខ្ញុំសូមលើកឧទាហរណ៍ជាក់ស្ដែង បើសិនជា គាត់ពូកែគណិតវិទ្យា និងរូបវិទ្យា គាត់អាចចូលរៀនផ្នែករូបវិទ្យា ឬគណិតវិទ្យា ឬក៏ទៅរៀនផ្នែកសំណង់ស៊ិវិលជាដើម ហើយប្រសិនបើគាត់គ្មានចំណេះដឹងខាងគីមីវិទ្យា និងជីវវិទ្យា គាត់មិនអាចទៅរៀនផ្នែកវេជ្ជសាស្ត្រ ឬពេទ្យបានទេ។ បាទ! អ្វីដែលខ្ញុំបានលើកឡើងទាំងអស់មាននៅក្នុងសៀវភៅដែលខ្ញុំនិយាយ ពីខាងដើម គឺសៀវភៅ មគ្គុទេសក៍សម្រាប់ជ្រើសរើសគ្រឹះស្ថានសិក្សា និងមុខជំនាញ។
Sabay៖ ម្យ៉ាងនៅឆ្នាំនេះ ក្រសួងបានបែងចែកមុខវិជ្ជាពីរសម្រាប់សិស្ស គឺផ្នែកពិត និងសង្គម តើមានផលប៉ះពាល់ឬផ្ដល់ភាពងាយស្រួលបែបណាខ្លះសម្រាប់យុវជន ក្នុងការជ្រើសរើសជំនាញសិក្សាថ្នាក់ឧត្ដមសិក្សានេះ?
លោក សុង សុខសាន្ត៖ការពិត នេះជាគោលដៅរបស់ក្រសួង ដែលចង់សម្រួចយុវជនទៅតាមចំណង់ចំណូលចិត្ត និងទេពកោសល្យរបស់ពួកគាត់ តែកត្តានេះ វាអាចធ្វើឲ្យនិស្សិតមានផលលំបាកខ្លះដែរក្នុងការជ្រើសជំនាញ ជាក់ស្ដែងដូចជាក្នុងករណីជ្រើសជំនាញអាហារូបករណ៍ជាដើម ដែលនិស្សិតខ្លះអាចមានប្រៀបជាងនិស្សិតខ្លះ ព្រោះជួនកាលនិស្សិតផ្នែកសង្គមក៏ចង់ជ្រើសជំនាញណាមួយដែលត្រូវ ការមុខវិជ្ជាពិត នោះគេអាចចាញ់ប្រៀបពិន្ទុនិស្សិតដែលជ្រើសមុខវិជ្ជាពិត។ ម្យ៉ាង ដូចយើងដឹងស្រាប់ហើយ ថាមុខវិជ្ជាពិត ក៏កំពុងពេញនិយម និងត្រូវបានទទួលស្គាល់ថាមានទីផ្សារការងារច្រើនជាង។
Sabay៖ អរគុណលោកច្រើន! តើលោកមានអ្វីបន្ថែម ឬក៏មានអ្វីនិយាយទៅកាន់យុវជនដែលកំពុងជ្រើសរើសជំនាញសិក្សាថ្នាក់ ឧត្ដមសិក្សានេះចា៎?
លោក សុង សុខសាន្ត៖បាទ! គ្មានអ្វីក្រៅពីបញ្ជាក់ដដែលៗថា ជ្រើសរើសជំនាញដែលត្រូវនឹងខ្លួនអ្នក កុំជ្រើសរើសជំនាញតាមគ្នាកុំលឺគេថាល្អក៏ល្អតាមគេ សំខាន់ត្រូវដឹងច្បាស់ថា អ្នកអាចរៀនមុខជំនាញនេះបានទេ? តើជំនាញនេះចេញទៅវិញធ្វើអ្វី? ហើយជំនាញនេះអាចរកការងារធ្វើបានទេ? ត្រូវចាំថា ទីផ្សារការងារគឺអាចផ្លាស់ប្ដូរជារៀងរាល់ថ្ងៃ។ ចំពោះប្អូននិស្សិត ដែលមិនសូវមានលទ្ធភាព គួរតែចេះចាប់ឱកាសការងារសម្រាប់ទ្រទ្រង់ការសិក្សាឲ្យបានចប់ចុង ចប់ដើម និស្សិតមិនត្រូវចំណាយពេលវេលាសិក្សាទៅធ្វើអ្វីគ្មានប្រយោជន៍ ហើយយុវវ័យត្រូវជឿជាក់ មានឆន្ទៈ និងក្ដីសង្ឃឹម ព្យាយាមជានិច្ចទើបអ្នកអាចទទួលជោគជ័យក្នុងការសិក្សាក៏ដូចជា អនាគតរបស់អ្នក។ បាទ សូមអរគុណ!
លោក សុង សុខសាន្ត៖ បាទ! បើតាមខ្ញុំសង្កេតនោះ ភាគច្រើនពួកគាត់អត់ទាន់ច្បាស់ខ្លួនឯង គឺអត់ទាន់បានកំណត់គោលដៅសម្រាប់ខ្លួនឲ្យបានច្បាស់លាស់នៅឡើយ។ ភាគច្រើន ពួកគាត់ច្រើនតែ សម្លឹងមើលទីផ្សារការងារបច្ចុប្បន្ន ហើយច្រើនបំផុតគឺជ្រើសរើសសាលានិងជំនាញតាមគ្នាតែម្ដង។
Sabay៖ តើមានរូបភាពអ្វីខ្លះទៀត ក្រៅពីការជ្រើសរើសតាមគ្នាហ្នឹងទៅចា៎?
លោក សុង សុខសាន្ត៖មានអ្នកខ្លះ ជ្រើសរើសជំនាញតាមមិត្តភ័ក្ដិរបស់ខ្លួន មានអ្នកខ្លះជ្រើសរើសជំនាញមិនចំអ្វីដែលជាចំណង់ចំណូលចិត្តរបស់ ខ្លួន និងជ្រើសរើសមិនចំសមត្ថភាព ដែលខ្ញុំសំដៅលើចំណេះដឹងជាមូលដ្ឋានរបស់ពួកគាត់។
Sabay៖ លោកអាចបញ្ជាក់ ពីផលប៉ះពាល់នៃការជ្រើសរើសជំនាញខុសនេះ ថាតើ ប៉ះពាល់យ៉ាងដូចម្ដេចខ្លះចំពោះពួកគាត់ទៅចា៎?
លោក សុង សុខសាន្ត៖យើងដឹងហើយ កាលណាគាត់ជ្រើសរើសជំនាញខុស វាអាចឲ្យគាត់ធ្វើការ ឬជ្រើសរើសមុខរបរក៏ខុសទៅតាមនោះដែរ។ យើងអាចវិភាគបែបនេះ ប្រសិនបើគាត់រៀនមុខជំនាញ ដែលមិនត្រូវចំណង់ចំណូលចិត្ត ដល់ពេលទៅធ្វើការ ក៏មិនត្រូវនឹងចំណូលចិត្ត ហើយមាននិស្សិតខ្លះពេលបញ្ចប់មុខជំនាញ “ក” តែដល់ពេលគាត់ស្វែងរកការងារបែរជាទៅធ្វើក្នុងផ្នែកជំនាញ “ខ” ទៅវិញ ដែលនេះ បណ្ដាលមកពីចំណង់ចំណូលចិត្តគាត់គឺជំនាញ “ខ” ឬក៏ដោយសារជំនាញ “ក” នោះមិនមានទីផ្សារការងារ។ ទាក់ទងនឹងការជ្រើសរើសជំនាញ ប្រសិនបើ និស្សិតជ្រើសរើសជំនាញតាមគ្នា ដោយមិនបានគិតហ្មត់ចត់ពីសមត្ថភាពរបស់ខ្លួន នោះក៏គាត់មិនអាចចាប់យកជំនាញនោះបាន១០០%ដែរ។ ខ្ញុំឧទាហរណ៍ បើគាត់ពូកែខាងផ្នែកសង្គម ប្រវត្តិសាស្ត្រជាដើម ហើយគាត់ទៅរៀនពេទ្យ ជាមួយមិត្តភ័ក្ដិ ឬក៏ចង់ក្លាយជាវេជ្ជបណ្ឌិត អាហ្នឹង ក៏អាចឲ្យគាត់មិនជោគជ័យក្នុងការសិក្សាដែរ ដែលកត្តានេះ មាននិស្សិតខ្លះ បោះបង់ចោលការសិក្សា ឬមាននិស្សិតខ្លះរៀនចប់ ក៏មិនមានសមត្ថភាពស្វែងរកការងារធ្វើ។ ខ្ញុំចង់បញ្ជាក់ផងដែរថា ការជ្រើសរើសជំនាញតាមគ្នា មិនច្បាស់លាស់នេះហើយ ដែលធ្វើឲ្យនិស្សិតពិបាករកការងារធ្វើ យើងមើលមានជំនាញមួយចំនួន ចេញមកគរ និស្សិតប្រជែងគ្នាក្នុងទីផ្សារការងារ។
Sabay៖ ចា៎ ឃើញថាការលើកឡើងពាក់ព័ន្ធនឹងផលវិបាកក្នុងការជ្រើសជំនាញខុសនេះ ជារឿងគួរបារម្ភសម្រាប់និស្សិត ហើយខ្ញុំជឿថា មាននិស្សិតមិនតិចទេដែលចង់ដឹងថា ដើម្បីជ្រើសជំនាញមួយឲ្យបានត្រឹមត្រូវ ត្រូវពិចារណាចំណុចគោលអ្វីខ្លះនោះ។ សូមលោក គូសបញ្ជាក់ផង?
លោក សុង សុខសាន្ត៖បាទ! ខ្ញុំចង់ចែករំលែកផងដែរ ត្រង់ចំណុចនេះ។ ពាក្យថា “ជំនាញត្រឹមត្រូវ” មានន័យថាសមស្របមួយ ជាជំនាញដែលអ្នកចូលចិត្ត (ត្រូវនឹងនិស្ស័យរបស់ខ្លួន) ព្រោះមនុស្សម្នាក់មានចំណង់ចំណូលចិត្តមិនដូចគ្នាទាំងអស់ទេ ហើយជំនាញត្រូវជាជំនាញដែលត្រូវនឹងសមត្ថភាព ដែលយើងហៅថាចំណេះដឹងមូលដ្ឋាន ព្រោះកាលណា យើងមានចំណេះដឹងក្នុងផ្នែកនោះច្រើន ធ្វើឲ្យងាយស្រួលក្នុងការចាប់យកបន្ថែម ដែលអាចធ្វើឲ្យការសិក្សារបស់គាត់ល្អប្រសើរ។ ដូចនេះ មុនពេលគាត់ជ្រើសយកជំនាញមួយ ជាដំបូងខ្ញុំចង់ឲ្យនិស្សិតសិក្សាពីខ្លួនឯងឲ្យបានច្បាស់ ថា ខ្លួនមានលទ្ធភាពទេ? ខ្លួនមានអ្វីជាមូលដ្ឋាន? ខ្លួនពូកែខាងអ្វី? ខ្លួនចង់បានអ្វី? ហើយបន្ទាប់មក និស្សិតត្រូវសិក្សាវិភាគទៅលើកត្តាមួយចំនួនទៀត ដូចជា ការរំពឹងទៅលើទីផ្សារការងារនៃមុខជំនាញនោះ តើពេលរៀនចប់អាចមានទីផ្សារល្អទេ? តើស្ថាប័នណាខ្លះដែលត្រូវការមុខជំនាញនេះ? តើយើងចេះអ្វីខ្លះ? អាចធ្វើអ្វីបានខ្លះបន្ទាប់ពីរៀនចប់? តើគ្រឹះស្ថានសិក្សាណាមួយដែលផ្ដល់ការបណ្ដុះបណ្ដាលជំនាញនេះល្អ?
Sabay
៖ នៅតែមាននិស្សិតខ្លះ មិនទាន់ច្បាស់
ថាតើចំណេះដឹងមូលដ្ឋានគាត់អាចត្រូវនឹងជំនាញអ្វីខ្លះ។
តើលោកអាចពន្យល់ និងលើកជាឧទាហរណ៍មកបញ្ជាក់ផងចា៎?លោក សុង សុខសាន្ត៖ជាការពិតណាស់ ខ្ញុំទទួលស្គាល់ត្រង់ចំណុចនេះ។ កន្លងមកខាងនាយកដ្ឋានឧត្ដមសិក្សា ក៏ដូចជាក្រសួងបានយកចិត្តទុកដាក់ត្រង់ចំណុចនេះណាស់ ដោយបានណែនាំ និងផ្សព្វផ្សាយទៅតាមមន្ទីរអប់រំ សាលារៀន តាមបណ្ដាញផ្សព្វផ្សាយ ធ្វើយ៉ាងណាឲ្យផ្ទេរព័ត៌មាន និងណែនាំឲ្យបានទូលំទូលាយដល់យុវជន ក្នុងការជ្រើសរើសជំនាញនៅពេលពួកគាត់បំពេញពាក្យសុំអាហារូបករណ៍។ លើសពីនោះ យើងមានសៀវភៅមគ្គទេសក៍ មួយ ដែលចេញពីនាយកដ្ឋានឧត្តមសិក្សា ណែនាំពីការជ្រើសរើសគ្រឹះស្ថានសិក្សា និងជំនាញ។ និស្សិតក៏អាចស្វែងរកការប្រឹក្សាបញ្ហានេះ ពីមិត្តភ័ក្ដិ បងប្អូន សិស្សច្បង គ្រួសារ សាស្ត្រាចារ្យ ឬនៅតាមគ្រឹះស្ថានសិក្សានានាក៏បាន។ ជាទូទៅ ចំណេះដឹងដែលយើងមានអាចត្រូវច្រើនជំនាញ ដែលនាំឲ្យគាត់ពិបាកជ្រើសរើសក៏មាន តែទោះជាយ៉ាងណា ដូចខ្ញុំបានបញ្ជាក់ខាងដើមអីចឹង គឺច្បាស់ថាខ្លួនមានគោលដៅអ្វី? ចង់ធ្វើអ្វី? នោះយើងអាចសម្រេចជ្រើសរើសបាន។ ខ្ញុំសូមលើកឧទាហរណ៍ជាក់ស្ដែង បើសិនជា គាត់ពូកែគណិតវិទ្យា និងរូបវិទ្យា គាត់អាចចូលរៀនផ្នែករូបវិទ្យា ឬគណិតវិទ្យា ឬក៏ទៅរៀនផ្នែកសំណង់ស៊ិវិលជាដើម ហើយប្រសិនបើគាត់គ្មានចំណេះដឹងខាងគីមីវិទ្យា និងជីវវិទ្យា គាត់មិនអាចទៅរៀនផ្នែកវេជ្ជសាស្ត្រ ឬពេទ្យបានទេ។ បាទ! អ្វីដែលខ្ញុំបានលើកឡើងទាំងអស់មាននៅក្នុងសៀវភៅដែលខ្ញុំនិយាយ ពីខាងដើម គឺសៀវភៅ មគ្គុទេសក៍សម្រាប់ជ្រើសរើសគ្រឹះស្ថានសិក្សា និងមុខជំនាញ។
Sabay៖ ម្យ៉ាងនៅឆ្នាំនេះ ក្រសួងបានបែងចែកមុខវិជ្ជាពីរសម្រាប់សិស្ស គឺផ្នែកពិត និងសង្គម តើមានផលប៉ះពាល់ឬផ្ដល់ភាពងាយស្រួលបែបណាខ្លះសម្រាប់យុវជន ក្នុងការជ្រើសរើសជំនាញសិក្សាថ្នាក់ឧត្ដមសិក្សានេះ?
លោក សុង សុខសាន្ត៖ការពិត នេះជាគោលដៅរបស់ក្រសួង ដែលចង់សម្រួចយុវជនទៅតាមចំណង់ចំណូលចិត្ត និងទេពកោសល្យរបស់ពួកគាត់ តែកត្តានេះ វាអាចធ្វើឲ្យនិស្សិតមានផលលំបាកខ្លះដែរក្នុងការជ្រើសជំនាញ ជាក់ស្ដែងដូចជាក្នុងករណីជ្រើសជំនាញអាហារូបករណ៍ជាដើម ដែលនិស្សិតខ្លះអាចមានប្រៀបជាងនិស្សិតខ្លះ ព្រោះជួនកាលនិស្សិតផ្នែកសង្គមក៏ចង់ជ្រើសជំនាញណាមួយដែលត្រូវ ការមុខវិជ្ជាពិត នោះគេអាចចាញ់ប្រៀបពិន្ទុនិស្សិតដែលជ្រើសមុខវិជ្ជាពិត។ ម្យ៉ាង ដូចយើងដឹងស្រាប់ហើយ ថាមុខវិជ្ជាពិត ក៏កំពុងពេញនិយម និងត្រូវបានទទួលស្គាល់ថាមានទីផ្សារការងារច្រើនជាង។
Sabay៖ អរគុណលោកច្រើន! តើលោកមានអ្វីបន្ថែម ឬក៏មានអ្វីនិយាយទៅកាន់យុវជនដែលកំពុងជ្រើសរើសជំនាញសិក្សាថ្នាក់ ឧត្ដមសិក្សានេះចា៎?
លោក សុង សុខសាន្ត៖បាទ! គ្មានអ្វីក្រៅពីបញ្ជាក់ដដែលៗថា ជ្រើសរើសជំនាញដែលត្រូវនឹងខ្លួនអ្នក កុំជ្រើសរើសជំនាញតាមគ្នាកុំលឺគេថាល្អក៏ល្អតាមគេ សំខាន់ត្រូវដឹងច្បាស់ថា អ្នកអាចរៀនមុខជំនាញនេះបានទេ? តើជំនាញនេះចេញទៅវិញធ្វើអ្វី? ហើយជំនាញនេះអាចរកការងារធ្វើបានទេ? ត្រូវចាំថា ទីផ្សារការងារគឺអាចផ្លាស់ប្ដូរជារៀងរាល់ថ្ងៃ។ ចំពោះប្អូននិស្សិត ដែលមិនសូវមានលទ្ធភាព គួរតែចេះចាប់ឱកាសការងារសម្រាប់ទ្រទ្រង់ការសិក្សាឲ្យបានចប់ចុង ចប់ដើម និស្សិតមិនត្រូវចំណាយពេលវេលាសិក្សាទៅធ្វើអ្វីគ្មានប្រយោជន៍ ហើយយុវវ័យត្រូវជឿជាក់ មានឆន្ទៈ និងក្ដីសង្ឃឹម ព្យាយាមជានិច្ចទើបអ្នកអាចទទួលជោគជ័យក្នុងការសិក្សាក៏ដូចជា អនាគតរបស់អ្នក។ បាទ សូមអរគុណ!
No comments:
Post a Comment