| HIV
គឺជាឈ្មោះមេរោគដែលបណ្តាលឱ្យកើតមានជំងឺ AIDS ។
យើងគួរងាកទៅមើលថា តើជំងឺនេះ ចម្លងបានយ៉ាងដូចម្តេច
ហើយនិងវិធីដើម្បីឱ្យដឹងថាតើត្រូវការពារខ្លួនអ្នក និង
មនុស្សដែលអ្នកស្រលាញ់យ៉ាងណា ! HIV គឺជាមេរោគដែលបានប្រើប្រាស់សារធាតុហ្សែនពីកោសិកា CD4 របស់យើង ដើម្បីបង្កើតកោសិកាចម្លង ឱ្យដូចខ្លួនវាផ្ទាល់។ នៅពេលដែលកោសិកា CD4 ខូចខាត កាន់តែច្រើន វាក៏ធ្វើឱ្យប្រព័ន្ធភាពស៊ាំរបស់អ្នកចុះខ្សោយផងដែរ។ នៅពេលដែលប្រព័ន្ធភាពស៊ាំរបស់អ្នកចុះខ្សោយ វាក៏មិន អាចមានលទ្ធភាពការពារអ្នក កុំឱ្យឆ្លងជំងឺផ្សេងៗ ព្រមទាំងរោគឆ្លងជាច្រើនទៀតផងដែរ ដោយហេតុនេះហើយ វានឹងបណ្តាលឱ្យអ្នកធ្លាក់ខ្លួនឈឺក្នុងពេលនោះដែរ។ ជាទូទៅ HIV មិនបណ្តាលឱ្យអ្នកធ្លាក់ខ្លួនឈឺនោះទេ។ ប៉ុន្តែវាធ្វើឱ្យប្រព័ន្ធភាពស៊ាំ របស់អ្នកចុះខ្សោយជាលំដាប់ នៅពេលដែលប្រព័ន្ធភាពស៊ាំរបស់អ្នកចុះខ្សោយវាក៏អនុញ្ញាតឱ្យជំងឺ និង រោគដទៃផ្សេងទៀតឆ្លង ចូលក្នុងខ្លួន ដែលបណ្តាលឱ្យអ្នកធ្លាក់ខ្លួនឈឺបាន។ ការប្រើប្រាស់សារធាតុមួយចំនួន ទាំងអ្នកប្រើប្រាស់ធម្មតា និង អ្នកប្រើប្រាស់ជាប្រចាំ យូរអង្វែងភាគច្រើនមានជាប់ទាក់ទងទៅនឹងការ ឆ្លងមានកម្រិតខ្ពស់ ដែលមានដូចជា ការរួមភេទដោយមិនបានការពារនៅពេលដែលពួកគេស្ថិតនៅក្រោមឥទ្ធិពលគ្រឿង ញៀន ឬក៏ស្រវឹងជាដើម។ ការរត់ចោលផ្ទះ យុវវ័យក្មេងៗដែលគ្មានផ្ទះសម្បែង និង យុវវ័យ ដែលក្លាយជាអ្នកប្រើប្រាស់គ្រឿង ញៀនជាដើមសុទ្ធតែជាអ្នកមានអត្រាឆ្លងមេរោគHIV កម្រិតខ្ពស់ ប្រសិនបើគេស្ម័គ្ររួមភេទដោយប្តូរយកគ្រឿងញៀន លុយ កាក់ និង ជម្រកជាដើម។ កត្តាគ្រោះថ្នាក់ជាច្រើនដែលបណ្តាលមកពីការរួមភេទ ការចាប់ផ្តើមរួមភេទក្នុងពេលមានវ័យក្មេងពេក ការរួមភេទដោយមិនបានការពារ ដៃគូរួមភេទមានវ័យចាស់ជាង ទាំងអស់នេះ គឺជាកត្តាដែលអាចបណ្តាលឱ្យឆ្លងមេរោគ HIV ហើយនឹងរោគឆ្លង STI ផងដែរ។ យុវវ័យជាច្រើនបានចាប់ផ្តើមរួមភេទតាំងពី នៅវ័យក្មេង ហើយក៏មានសេចក្តីរាយការណ៍ជាច្រើនបានឱ្យដឹងថា ពួកយុវវ័យក្មេងៗទាំងនោះមិនបានប្រើស្រោមអនាម័យក្នុងពេលដែលពួកគេ បានរួមភេទជាលើកដំបូងដែរ។ ចំពោះយុវវ័យមួយចំនួនទៀត ដែលមានដៃគូរួមភេទវ័យចាស់ជាង ក៏អាច បណ្តាលឱ្យមានកំណើនគ្រោះថ្នាក់ដោយសារមេរោគ HIV ផងដែរ។ វត្តមាននៃការឆ្លងរោគតាមរយៈការរួមភេទឃើញថា មានការកើនឡើងគួរឱ្យកត់ សម្គាល់នៅក្នុងជីវភាពរស់នៅរបស់មនុស្ស ដែលកំពុងទទួលបាន ឬ កំពុងឆ្លងមេរោគ HIV ។ តាមរយៈតួលេខមួយចំនួនបាន បង្ហាញឱ្យឃើញថា អត្រាឆ្លងមេរោគតាមរយៈការរួមភេទខ្ពស់បំផុតក្នុងប្រទេស គឺស្ថិតនៅក្នុងចំណោមមនុស្សដែលមានវ័យ ក្មេង។ តើត្រូវប្រើស្រោមអនាម័យយ៉ាងដូចម្តេច ? យកស្រោមចេញពីកញ្ចប់។ សូមមានការប្រយ័ត្នប្រយែងដោយមិនត្រូវធ្វើឱ្យវាដាច់រហែកនៅពេល ប៉ះត្រូវក្រចកដោយចៃដន្យ ឬ ក៏វត្ថុមុតស្រួច(ដែលមានដូចជាធ្មេញរបស់អ្នក) នៅពេលហែកវានោះទេ។ សូមប្រយ័ត្ន ដោយមិនត្រូវធ្វើឱ្យស្រោមមានស្នាម រហែកនៅពេលដែលយកវាចេញពីកញ្ចប់នោះទេ។ ប្រសិនបើស្រោម មានទំហំតូចនៅខាងចុង(កន្លែងស្តុកទឹកកាម)នោះ អ្នកគួរតែឈ្លីនៅផ្នែកខាងចុងរបស់ស្រោមឱ្យនៅទទេ ដើម្បីឱ្យទឹកកាមធ្លាក់ទៅដោយស្រួល។ ត្រូវប្រាកដថា បានច្របាច់ចុងស្រោមឱ្យចេញខ្យល់អស់។ ប្រសិនបើមិនមានខ្យល់នៅ ចុងស្រោមទេ អ្នកក៏ត្រូវមានភាពច្បាស់លាស់ដែរថា បានទុកឱ្យមានចន្លោះបន្តិចនៅរវាងពីចុងស្រោម និងលិង្គរបស់អ្នក។ បើពុំធ្វើដូច្នេះទេ ទឹកកាមដែលបាញ់ចេញមក អាចនឹងបណ្តាលឱ្យរហែកស្រោមបាន។ ប្រសិនបើប្រដាប់ភេទរបស់អ្នកមិនបាន កាត់ស្បែកចុងចេញទេនោះ អ្នកគួរតែទាញស្បែកចុងលិង្គមកក្រោយនៅមុនពេលពាក់ស្រោម។ ត្រូវរក្សាលិង្គក្នុងស្រោមជាប់ជានិច្ច រហូតដល់ពេលចប់ការរួមភេទ ឬ ក្រោយពេលចេញទឹកកាមរួច។ ប្រសិនបើអ្នក និង ដៃគូរបស់អ្នក ចង់ប្រើសារធាតុរំអិល គួរប្រើសារធាតុរំអិលជាប្រភេទទឹក ដែលដូចគ្នានឹងទឹករំអិលនៅលើស្រោម។ ទឹករំអិល ជួយកាត់បន្ថយការកកិតខ្លាំង ព្រមទាំងអាចជួយដល់ស្រោមមិនឱ្យបែកធ្លាយផងដែរ។ សារធាតុជែលរំអិលដែលសមស្របសម្រាប់ប្រើជាមួយនឹងស្រោមមានម៉ាកល្បីៗ ជាច្រើន ដែលមានដូចជា KY Jelly និង Astroglide ជាដើម។ សារធាតុរំអិលជាប្រភេទប្រេង ដែលមានដូចជា ក្រេមប្រេងដែលមានសារធាតុរ៉ែ(mineral oil) Vaseline petroleum jelly, baby oil និង ឡេសម្រាប់ម៉ាស្សាខ្លួនជាដើមនោះ អាចមានផលមិនល្អចំពោះស្រោម ហើយក៏អាចបណ្តាលឱ្យមិនមានសេចក្តី សុខផ្លូវភេទផងដែរ។ ប្រសិនបើអ្នកប្រើស្រោមជាប្រភេទប្លាស្ទីក(សូមអានស្លាកសញ្ញា) អ្នកក៏អាចប្រើសារធាតុរំអិលបានដែរ។ ប្រសិនបើបែកស្រោម ឬក៏របូតនៅមុនពេលចេញ ទឹកកាម នោះ អ្នក ត្រូវបញ្ឈប់សកម្មភាពរួមភេទ ហើយពាក់ស្រោមថ្មីមួយ ទៀត។ មិនត្រូវយកស្រោម ដែលរបូតនោះមកប្រើឡើងវិញទៀតទេ ! |
Tuesday, September 3, 2013
ការពារខ្លួនអ្នក និងមនុស្សដែលអ្នកស្រឡាញ់
Subscribe to:
Post Comments (Atom)
No comments:
Post a Comment