ស្នេហ៍អមតៈ: ភាពជោគជ័យបានពីការបង្កើតមិនមែនកើតមកដោយឯកឯងឡើយ

មនុស្សដែលឈានទៅមុខ ទៅដល់កន្លែងដែលគេកំពុងឈរបានដោយសារការអនុវត្តតាមវិធីសាស្ត្រដែល ជាដំណើរការបង្កើតភាពជោគជ័យ។ ពួកគេដឹងពីអ្វីដែលគេត្រូវបោះបង់ដើម្បីឆ្ពោះទៅមុខ។ យើងគ្រប់គ្នាសុទ្ធតែដឹងថាដើម្បីសាងសង់ផ្ទះមួយ យើងត្រូវមានគម្រោង និងធ្វើប្លង់។ ប៉ុន្តែពេលខ្លះយើងភ្លេចថា ដើម្បីកសាងជីវិតដ៏ជោគជ័យ យើងក៏ត្រូវមានគម្រោងនៃជីវិតដូចគ្នាដែរ។
មេចុងភៅ វ៉លធើរ ផូថេនហ្សា (Walter Potenza) ជាម្ចាស់ភោជនីយដ្ឋានអ៊ីតាលី ៣ នៅលើកោះរ៉ូត (Rhode Island)។
គាត់បានសិក្សានិង ហ្វឹកហាត់ដើម្បីធ្វើជាមេចុងភៅ ប៉ុន្តែគាត់មើលឃើញថា សមត្ថភាពរបស់គាត់គឺជាសមិទ្ធផលនៃការសិក្សាមួយជីវិតរបស់គាត់។ គាត់និយាយថា នៅពេលដែលគាត់ទើបនឹងបើកភោជនីយដ្ឋានទីមួយ “ក្នុងពេលមួយពព្រិចភ្នែក ការសិក្សា ចំណោះដឹង និងប្រវត្តិក្រុមគ្រួសាររបស់ខ្ញុំ ការគោរព និងក្រមសីលធម៌ បានចាប់ផ្តើមគឺសុទ្ធតែជាកត្តាក៏សំខាន់។ វាបានធ្វើឱ្យខ្ញុំក្លាយទៅជាអ្នកជំនាញ ជាមនុស្សម្នាក់ដែលបានរុករកក្នុងពាណិជ្ជកម្មអាហារ”។
ការសិក្សាមិនដែលបញ្ឈប់ នោះទេ។ គាត់និយាយថា “ការសំងាត់មួយគឺ វាគឺជាជំនួញមួយដែលអ្នកត្រូវតែឈ្នះ។ មនុស្សយើងមិនមែនកើតមកអាចក្លាយជាមេចុងភៅដោយមិនចាំបាច់រៀននោះទេ” ។ គាត់ពន្យល់ថា ដំណើរការនៃការរៀនបន្តកើតឡើងចំពោះគាត់ជារៀងរាល់ថ្ងៃ។ “ខ្ញុំគឺជាអ្នកអានដែលមានការស្រមើស្រមៃ។ រាល់ពេលដែលអ្នកអានសៀវភៅ អ្នកនឹងមានគំណិត។ បន្ទាប់មកអ្នកយកគំនិតរបស់អ្នកទៅប្រើនៅក្នុងកន្លែងធ្វើការ។ អ្នកនឹងបង្កើតការងារកាន់តែច្រើនសម្រាប់ខ្លួនឯង”។
ហើយភាពជោគជ័យនៅក្នុងជំនួញ អាហារនេះគឺជាអ្វីដែលគាត់បានឱ្យនិយមន័យជាក់លាក់៖ “ភាពជោគជ័យដែលខ្ញុំចង់បានគឺនឹងត្រូវបានគេចងចាំថាជាមនុស្ស ម្នាក់ដែលមានគំនិតច្នៃប្រឌិត ដែលជឿពីភាពត្រឹមត្រូវនិងវប្បធម៌នៃអាហារអ៊ីតាលីក្នុងប្រទេស អាមេរិក។ អាហារគឺជាការភ្ជាប់ទំនាក់ទំនងទៅអតីតកាលនិងគ្រួសារ”។