ក្រុមហ៊ុន BLU Products របស់​អាមេរិក​ថ្មីៗ​នេះ​​បាន​បញ្ចេញ Smartphone រាង​ឡូយ​អស់​ស្ទះ​មិន​ចាញ់ iPhone ប៉ុន្មាន​នោះ​ទេ ដែល​មាន​ឈ្មោះ​ថា Life Pure។ ពិសេស​ទៀត​នោះ គឺ​ថា​ទូរសព្ទ​នេះ​នឹង​លក់​ក្នុង​តម្លៃ​ធូរ​ថ្លៃ​ត្រឹមតែ ៣៥០ដុល្លារ ចំណែក​លក្ខណៈ​​សម្បត្តិ​វិញ​ក៏​មិន​អន់​ដែរ។
អត្ថបទ៖ BLU ចេញ​ Smartphone ស៊ីម​ពីរ​អេក្រង់ Super AMOLED Plus
BLU Life Pure
រូបរាង Life Pure ត្រូវ​បាន​ឌីហ្សាញ​យ៉ាង​ស្រស់​ស្អាត​ទាន់សម័យ​មិន​ចាញ់ Smartphone ល្បីៗ​សព្វ​ថ្ងៃ​ប៉ុន្មាន​ទេ។ សង្កេត​ឃើញ​នៅ​លើ Interface របស់​ទូរសព្ទ​នេះ មាន​លក្ខណៈ ស្រដៀង​នឹង​ការ​ឌីហ្សាញ​លើ iOS 7 ពោល​គឺ​មាន​ភាព​រលោង និង​សំប៉ែត​រាបស្មើ។ លក្ខណៈ​សម្បត្តិ​របស់ Smartphone ថ្មី​នេះ​រួម​មាន៖
- អេក្រង់ ៥អ៊ីញ (1080 x1920px) ប្រភេទ IPS LCD ជា​មួយ​បច្ចេកវិទ្យា OGS និង Full Lamination Scratch Resistant Touch Panel
- កាមេរ៉ា​ក្រោយ​ទំហំ 13MP ជា​មួយ​បច្ចេកវិទ្យា BSI Sensor, autofocus ហើយ​មាន LED Flash ថត​វីដេអូ​បាន 1080p@30fps ហើយ​មាន  កាមេរ៉ា​មុខ​ទំហំ 5MP
- CPU quad-core ARM Cortex-A7 ល្បឿន 1.5GHz របស់ MediaTek
- GPU PowerVR SGX544
- RAM ទំហំ 2GB
- Memory ម៉ាស៊ីន​ទំហំ 32GB
- ប្រព័ន្ធ​ប្រតិបត្តិការ Android 4.2.2 Jelly Bean
- តំណភ្ជាប់៖ 802.11 b/g/n, Wi-Fi, Bluetooth 4.0 និង​មាន GPS
- វិមាត្រ (ប x ទទ x កម្រាស់)៖ (១៤២មម x ៦៩,៤មម x ៧,៧មម)
- ទម្ងន់ ១២៨ក្រាម
- ថ្ម​ប្រភេទ Li-Ion កម្រិត​ថាមពល 2000mAh
- ប្រព័ន្ធ​បណ្ដាញ 2G/3G
BLU Products ត្រូវ​បង្កើត​ឡើង​តាំង​ពី​ឆ្នាំ ២០០៩ ដែល​ជា​ក្រុមហ៊ុន​ទូរសព្ទ​ជំនាញ​ខាង​ឌីហ្សាញ និង​អភិវឌ្ឍន៍ រិះរក​គំនិត​បង្កើត​ថ្មី​ដែល​មាន​ការ​ច្នៃប្រឌិត​គួរ​ឱ្យ​ទាក់ទាញ។ សព្វថ្ងៃ ទូរសព្ទ​របស់ BLU ត្រូវ​បាន​ចែកចាយ​ទៅ​បណ្ដា​ប្រទេស​ជាង ៤០ប្រទេស​ហើយ។ ស្នាក់ការ BLU Products គឺ​ស្ថិត​នៅ​ក្រុង Miami រដ្ឋ Florida។
យល់​យ៉ាង​ណា​ចំពោះ​រូបរាង​របស់​​ Life Pure ខាង​លើ​នេះ?
សូម​ចុច​អាន៖ ដឹង​ថា iPhone 5S លក់​នៅ​ប្រទេស​ណា​ថ្លៃ​ជាង​គេ​ទេ?
ប្រែ​សម្រួល៖ ឈុន ហួរ
ប្រភព & រូបភាព៖ nextpowerup, prnewswire