ពិតជា​គួរឲ្យ​សង្វេគ​ណាស់..! រៀបការរួច ជិះរថយន្តទៅក្រេបទឹកឃ្មុំ ជួបគ្រោះថ្នាក់ចរាចរណ៍ ស្លាប់ទាំងពីរនាក់

Tuesday, 24 December 2013 10:33 ប្រែសម្រួលដោយ:LookingTODAY PostID:065

អាហ្រ្វិក ៖ កូនក្រមុំ និងកូនកំលោះ ត្រូវបានស្លាប់ បន្ទាប់ពីជួបគ្រោះថ្នាក់ចរាចរណ៍មួយ នៅពេលដែលពួកគេទើបតែរៀបការរួច ជិះរថយន្ត ធ្វើដំណើរទៅក្រេបច័ន្ទទឹកឃ្មុំ នៅឯសណ្ឋាគារមួយ។
គូស្នេហ៍ថ្មោងថ្មីនេះ កូនកំលោះឈ្មោះ Ashlee Reddy អាយុ ៣០ឆ្នាំ និងកូនក្រមុំឈ្មោះ Deepika Reddy អាយុ ២៧ឆ្នាំ មកពីទីក្រុង Durban ប្រទេសអាហ្រ្វិកខាងត្បូង បានបែកក្បាលស្លាប់ភ្លាមៗ នៅនឹងកន្លែងកើតហេតុ នៅពេលដែលពួកគេធ្វើដំណើរតាមផ្លូវ ទៅក្រេបទឹកឃ្មុំ នៅសណ្ឋាគារ San Lameer ។
បងថ្លៃប្រុសរបស់កូនកំលោះ បាននិយាយប្រាប់ឲ្យដឹងថា «បន្ទាប់ពីរៀបការរួច បានប៉ុន្មានម៉ោង គូស្នេហ៍មួយនេះ និងក្រុមគ្រួសារ បានរួមគ្នាធ្វើដំណើរទៅកាន់ សណ្ឋាគារ ដើម្បីក្រេបទឹកឃ្មុំ ស្រាប់តែជួបគ្រោះថ្នាក់ចរាចរណ៍ បណ្តាលឲ្យកូនកំលោះ និងកូនក្រមុំ ព្រមទាំងសាច់ញ្ញាត្តិម្នាក់ទៀត មានអាយុ ១៥ឆ្នាំ បានស្លាប់នៅនឹងកន្លែងតែម្តង»៕