កោះសន្តិភាព
នគរបាលក្រសួងមហាផ្ទៃ ឃាត់ខ្លួនគណនេយ្យភោជនីយដ្ឋានដាយមិនផាក បញ្ជូនទៅតុលាការ ពីបទរំលោភទំនុកចិត្ត
រាជធានីភ្នំពេញ ៖
គណនេយ្យភោជនីយដ្ឋានដាកមិនភាក កាលពីវេលារសៀលថ្ងៃទី២៦ ធ្នូ
ត្រូវបានសមត្ថកិច្ចនគរបាលការិយាល័យសួរចម្លើយនៃនាយកដ្ឋាននគរបាល
ព្រហ្មទណ្ឌ ក្រសួងមហាផ្ទៃ បញ្ជូនទៅតុលាការ ដោយជាប់ពាក់ព័ន្ធ
ពីបទរំលោភទំនុកចិត្ត លើទឹកប្រាក់៣០.១៦០ដុល្លារអាមេរិក
របស់ថៅកែភោជនីយដ្ឋាន ។
គណនេយ្យរូបនោះឈ្មោះ ពិន សេដ្ឋវិរៈ ភេទប្រុស
អាយុ៣០ឆ្នាំ មានទីលំនៅផ្ទះលេខ2 C2 ផ្លូវលូ៥ ភូមិដំណាក់ធំ
សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ។ ការណ៍ឃាត់ខ្លួន
គណនេយ្យភោជនីយដ្ឋានម្នាក់នោះបញ្ជូនទៅតុលាការ
ត្រូវបានសមត្ថកិច្ចបានឱ្យដឹងថា គឺជាការធ្វើឡើង តាមពាក្យបណ្តឹង
របស់លោក ឡេង ស៊ាងលី
ម្ចាស់ភោជនីយដ្ឋានដាកមិផាកដែលមានទីតាំងស្ថិតនៅក្នុងសង្កាត់
ទន្លេបាសាក់ ខណ្ឌចំការមន ។
ពាក្យបណ្តឹងម្ចាស់ភោជនីយដ្ឋានបានបញ្ជាក់ថា កាលពីថ្ងៃទី១០ កក្តដា
២០១៣ លោក ឡេង ស៊ាងលី បានអនុញ្ញាតឱ្យឈ្មោះ ពិន សេដ្ឋវិរៈ
ចូលបម្រើការងារនៅភោជនីយដ្ឋានរបស់ខ្លួន និងឱ្យធ្វើជាគណនេយ្យ ។
សមត្ថកិច្ចបានឱ្យដឹងថា ចាប់តាំងបានចូលធ្វើការ
និងបានតួនាទីជាគណនេយ្យ ឈ្មោះ ពិន សេដ្ឋវិរៈ
បានប្រើល្បិចគ្រប់បែបយ៉ាង ចេះកែច្នៃលើវិក័យបត្រ ប្រគល់
និងទទួលប្រាក់ ថ្លៃទំនិញចេញចូលក្នុងភោជនីយដ្ឋាន
គៃបន្លំលួចយកប្រាក់ជាហូរហែ សរុប៣ម៉ឺន១៦០ដុល្លារ
និងបានក្លែងលិខិតឯកជនទៀតផង ៕
No comments:
Post a Comment