ភ្នំពេញៈ នាយកដ្ឋាននគរបាលព្រហ្មទណ្ឌនៃក្រសួង មហាផ្ទៃ
បានចេញលិខិតកោះហៅ លោក ហាក់ សុវណ្ណា អាយុ ៤៥ឆ្នាំ
ដែលជាពាណិជ្ជករម្នាក់ឲ្យចូលខ្លួនមកបំភ្លឺជុំវិញសំណុំរឿងឆបោក
ប្រាក់ ជាង ៨០ ម៉ឺនដុល្លារសហរដ្ឋអាមេរិកនៅព្រឹកថ្ងៃព្រហស្បតិ៍នេះ។
លោក ឧត្តមសេនីយ៍ទោ អ៊ិន បូរ៉ា
ប្រធាននាយកដ្ឋាននគរបាលព្រហ្មទណ្ឌក្រសួង មហាផ្ទៃ
បានឲ្យដឹងកាលពីម្សិលមិញថា៖
«ខ្ញុំបានកោះហៅគាត់ឲ្យចូលខ្លួនមកបំភ្លឺនៅនាយកដ្ឋាន
នគរបាលព្រហ្មទណ្ឌក្រសួង មហាផ្ទៃ ជុំវិញករណីឆបោកប្រាក់ជាង ៨០
ម៉ឺនដុល្លារសហរដ្ឋអាមេរិក ពីជនរងគ្រោះម្នាក់»។
លោកបានបន្ថែមថា៖ «គាត់ត្រូវបានប្តឹងដោយដើមបណ្តឹង ជាវ តុលា ពីបទឆបោក»។
ទោះយ៉ាងណាក្តីលោកឧត្តមសេនីយ៍ទោ អ៊ិន បូរ៉ា ពុំបានផ្តល់ព័ត៌មានលម្អិតអំពីករណីខាងលើនេះឡើយ។
មន្ត្រីនគរបាលជាន់ខ្ពស់ម្នាក់នៃក្រសួង មហាផ្ទៃ
ដែលសុំមិនបញ្ចេញឈ្មោះ បានប្រាប់ ភ្នំពេញ ប៉ុស្តិ៍ ថា
យោងតាមបណ្តឹងរបស់ជនរងគ្រោះនាពេលកន្លងទៅនេះជនរងគ្រោះបានប្រគល់
ប្រាក់ចំនួន ៨០ ម៉ឺនដុល្លារអាមេរិកឲ្យទៅឈ្មោះ ហាក់ សុវណ្ណា
ដើម្បីរត់ការនិងសុំទិញដីសម្បទានមួយកន្លែងនៅខេត្ត កំពត
ក៏ប៉ុន្តែរហូតមកទល់ពេលនេះដីសម្បទាននោះក៏មិនបានចំណែកឯប្រាក់
នោះក៏ខាតបង់។
ដោយឡែកលោក ហាក់ សុវណ្ណា និងមេធាវីរបស់លោកមិនអាចទាក់ទងដើម្បីសុំការបំភ្លឺទាក់ទិននឹងបញ្ហានេះបានទេកាលពីម្សិលមិញ៕
No comments:
Post a Comment