ពេលខ្លះយើងមិនបានដឹងថា
សូម្បីក្រុមហ៊ុន Brand
យក្សដូចជា Coca-cola
ក៏ចាប់ផ្ដើមជំនួញរបស់ខ្លួនពីតូចទៅដែរ។
ក្រុមហ៊ុនដែលរកចំណូលបាន ១៥
លានដុល្លាររៀងរាល់ថ្ងៃ
ក៏ធ្លាប់ជួបនឹងការលំបាកនៅពេលចាប់ផ្ដើមដំបូងដែរ។ ខាងក្រោម ជា គំនិតយល់ដឹង មួយចំនួនដែលអ្នកគួររៀនពី
Coca-cola បាន។
តើចំណុចទាំងនោះមានអ្វីខ្លះទៅ?
ចង់ដឹង
សូមមើលចំណុចនីមួយៗខាងក្រោម៖
 |
រូបភាពការផ្សព្វផ្សាយពាណិជ្ជកម្ម Coca-cola កាលពីអតីតកាល |
១. ចំណូលមិនកើតឡើងភ្លាមៗនោះទេ ខណៈដែលក្រុមហ៊ុនថ្មីមួយបើកដំណើរការ វាតម្រូវឲ្យមានការធ្វើការងារច្រើន និងពេលវេលាគ្រប់គ្រាន់ដើម្បីទទួលបានជោគជ័យ។
ហើយអ្វីដែលពិសេសនោះគឺ
យើងមិនអាចរំពឹងថានឹងទទួលបានផលចំណូលហូរចូលភ្លាមៗនោះទេ។ តួយ៉ាងដូចជាករណី
ស្ថាបនិកCoco-cola
លោក John
Pemberton ចាប់ផ្ដើមលក់ទឹកស៊ីរ៉ូរបស់ខ្លួននៅឆ្នាំដំបូងខាតបង់អស់
២០$ (នៅជំនាន់នោះ)។
បន្ទាប់ពីនោះ លោកមិនបានបោះបង់ឡើយ តែលោកនៅតែបោះទុនជាគ្រឹះសម្រាប់ឆ្នាំបន្ទាប់ៗទៀត។
២. បរាជ័យជាជំហាននាំទៅរកការវិវឌ្ឍន៍ រៀងរាល់ពេលដែលអ្នកដើរខុស មានន័យថា
អ្នកបានស្គាល់ពីកំហុសមួយថ្មី។ កំហុសនេះអាចឲ្យអ្នកសិក្សាពីចំណុចខ្សោយរបស់ខ្លួន ពីការរកវិធីសាស្ត្រដោះស្រាយវា ដែលចុងក្រោយអ្នកនឹងមិនដើរលើផ្លូវដដែលឡើយ។ មិនត្រូវបាត់បង់ជំនឿជាក់ឡើយ។
ផ្ទុយទៅវិញត្រូវសិក្សាពីកំហុស និងកែប្រែ។
៣. មិនត្រូវរួញរានឹងផ្លាស់ប្ដូរឡើយ ក្នុងនាមជាសហគ្រិនមួយរូបមិនត្រូវឲ្យគម្រោងដែលអ្នកសរសេរហើយ និងគិតថាល្អនោះគ្រប់គ្រងអ្នកឡើយ។
អ្នកអាចសម្លឹងមើលលោក Pemberton
ស្រាប់ បើលោកមិនចាប់ផ្ដើមពីដំបូងនោះទេក៏ក្រុមហ៊ុន Coca-cola មិនអាចក្លាយជាក្រុមហ៊ុនភេសជ្ជៈយក្សដែរ។
៤.
ការដាក់ឈ្មោះ Brand
មាននៅគ្រប់សកម្មភាពរបស់អ្នក ជាមួយនឹងរសជាតិ និងរូបភាពមិនផ្លាស់ប្ដូរទីបំផុតឡូហ្គោ
Coca-cola បានក្លាយជា
Brand ធំបំផុតក្នុងលោក។
សកម្មភាពប្រចាំថ្ងៃរបស់អ្នក
ការប្រាស្រ័យទាក់ទងនឹងអតិថិជន និងសកម្មភាពដទៃទៀតដែលអ្នកធ្វើដោយផ្ទាល់ ឬដោយប្រយោលទាក់ទងនឹងអតិថិជនសុទ្ធតែរួមចំណែកក្នុងការធ្វើឲ្យ
Brand របស់អ្នកល្បីឡើងៗ។
 |
| Coca-cola ឆ្នាំ ២០១២ |
៥. កំណត់ចក្ខុវិស័យច្បាស់លាស់ Brand ធំៗដូចជា
Nike, Apple និង Coca-cola សុទ្ធតែកំណត់ចក្ខុវិស័យ
និងគំនិតធំនៅពេលចាប់ផ្ដើម
ហើយពីមួយថ្ងៃទៅមួយថ្ងៃវាបានកែប្រែឲ្យក្រុមហ៊ុនទាំងនោះរីកចម្រើនជាលំដាប់។ ដូច្នេះ
អ្នកគួរចាប់ផ្ដើមអ្វីមួយប្រកបដោយចក្ខុវិស័យខ្ពស់ ធ្វើដូចនេះបើទោះជាអ្នកមិនឈានទៅដល់គោលដៅដែលអ្នកចង់បាន យ៉ាងហោចណាស់ក៏ទទួលបានការរីកចម្រើនពីឥឡូវដែរ។
No comments:
Post a Comment